Aindo Part One Complete Hausa Novel

*Page -45-46*

Husseina zaune ita da A'indo,wayar A'indo ce tayi kara alamun sako ya shigo, d'auka tayi ta duba tayi murmushi, Message ne na soyaya,wanda kusan kulum sai an aiko mata shi anma kuma ta rasa wanda yake turo mata zazafan wanan message na love a kullum,kafin ta tashi daga barci message din take fara karo dashi ,sanan a kowane lokaci idan lokacin sallah yayi shi ke mata message akan taje tayi sallah,tun bata kulawa har ta fara kulawa,domin kuwa a yanzu har damuwa take idan bata ga sakon sa ba.

"Wai ni Lafiya? Kwana biyun nan nake ganin ki kullum cik'in nishadi kodai ko dai😉."

Husseina ta fada tare da kashe ma A'indo ido daya.

"Hum bari kedai my sis nima wallahi haka kawai nake jin kaina cik'in nishadi,anma kuma wata killa hakan ya danganta da wanan mai yawan turo min sakon,a kullum sai ya turo min sako,yau shekara biyu kenan,abun mamakin har yanzu ban taba ganin sa ba,tun bana biye masa har na fara biye masa,har takai yanzu idan ban ga sakon sa ba bana jin dadi,kusan kullum sai munyi message a wathapp ,anma ban taba ganin ko hoton sa ba, bare kuma naji muryar sa,ko na kira dan naji muryar sa baya d'auka,saide yace min duk ranar da na amince yazo inda nake zan gansa,kuma zanji muryar sa,a yanzu kusan kullum sai ya min magana akan yana son zuwa ya ganni,anma naki basa dama,saboda ina tsoron maza nikam yanzu."

"Haba A'indo sai yaushe ne zaki daina jin tsoro kiyi rayuwar ki kamar yanda kowane dan Adam keyi,shi wanda kike tsoron ma yana can yana sheke ayar sa da matar sa,ki duba irin dubunan samari yaran masu kudi,yaran sarakuna, haka suke cewa suna son ki anma ke sai kinyi yanda kikayi kika kora su,anya A'indo kodai har yanzu kina son Alhassan ne wai"?

Tuf A'INDO ta tofar da yawu ranta a bace,sanan tace"wallahi ko maza zasu Kare bazan kuma ganganci da nayi a baya ba,me zanyi da wani Alhassan, wallahi fadar sunan sa ma yanzu da nayi karki so kiji yanda nake jin haushin kaina,wallahi bana fatan ma ko a Lahira na hadu da wanan mugun ."

Murmushi Husseina tayi tace"Hi my sis calm down,maida wukak'en ba ni nakar zomon ba,bare a bani rataya,to idan har kinaso na yarda cewar baki son Alhassan kiyi ma wanan mutumin message cewar yau yazo ku hadu."
. "Angama."
. Cewar A'indo waya ta d'auka ta masa message cewar yau ta basa damar yazo."

Maido mata Alamun jin dadi yayi,tare da gode mata.

Husseina da kanta taje ta fada ma Hajiya cewar yau A'indo zatayi bako."

Murmushi Hajiya tayi tare da yin murna tace "Kai Masha Allah ,yata Allah sa suriki na ne."

Idrissa ne ransa ya bace,fauuuu ya tashi yabar wurin,Husseina da hajiya suka bisa da kallon mamaki."

Murmushi Hajiya tayi dan tasan ma'anar hakan,kawai yana taya dan uwansa ne kishi,yau to me A'indo zatayi da Alhassan yanzu,ai ko ita taji A'indo zata koma ma Alhassan ta hana,bare kuma bazata ce ba,ai ita wanan abu ya mata dadi,Allah sa bakon Alherie ne.

Da misalin k'arfe takwas A'indo taci adonta cik'in atamfa,riga da zani dinkin yayi bala'in yi mata kyau. kasancewar tana son kwaliya ,har Makarantar koyon make up ta shiga,kuma ta iya ta kware,ita ke ma kawayen ta idan zasuyi aure ba tare da ta bukaci dalar su ba,dan haka tayi k'waliyar ta simple,tayi bala'in kyau,kamar wata ba'indiya,hijabi ta d'auka mai hannu tasa,sanan tasa turare mai bala'in kamshi da dadi,wayar ta ce tayi kara,ta d'auka,wata zazakar murya taji a wayar tare da ce mata ya karaso, murmushi tayi sannan ta kashe,Husseina ta kalla ,"waw my twins sis kinganki kuwa?
Wallahi kinyi bala'in yin kyau,kamar ba A'indon kauye ba🙊."

zumburo baki A'indo tayi,sannan ta kaima Husseina dukan wasa,tace"ke yarinyar nan kin raina ni ko ina yayarki kike tsokana ta."

"😏nifa ce gaba dake ba ke ba malama."
Cewar Husseina.

Dariya A'indo tayi tace" to naji su manya,na baki girman,jeki shigo min da bako na nidai ki kaisa Falon baki."

"Tab so kike mijina yayi ball dani, dama yana Jin haushi na dan nace ma hajiya zakiyi bako wai kishin dan uwansa yake."

"Dan Allah share sa,shi bai san abinda dan uwan sa yayi min ba,dan Allah sis ki taimaka."cewar A'INDO.

"Naji anace bara naje."

Yauwa my lovely sister I Love you."

"Me too my twins"
Cewar A'indo."

Fita Husseina tayi,a harabar gidan,galeliyar mota ta gani latsetsiya ,wada kyanta kadai ya isa ya shagaltar dakai,bayan sa ya juya,sanye yake da bakaken kaya,dogo ne anma ba can ba,daga baya kayan sunyi bala'in yi masa kyau, "assalamu Aleykum",husseina tayi salama.tun a nesa take jin dadaden kamshin turaren sa wanda ita kanta ta yaba .

Wa'aleykum salam sis twins din mu ya fada tare da juyowa,yana murmushi.

Waw Husseina ta furta a zuciyar ta,saurayi ne mai cik'e da Kamala,k'yakyawa ajin farko,ita kyansa ma saida ya bata tsoro,kamar Aljani. fuskar sa ta kalla d'auke da mamaki a fuskar ta,wanda shi kuma dimple dinsa suka lotsa dukan su,yanada kewayayar face,ga dogon hanci,yanada idanu,shanyayu,wanda idan yana magana kamar mai jin barci,bakin sa ma karami ne kewayaye mai kyau,daga ganin sa kaga kakarfan namiji."

Murmushi ya kuma yi yace"kinyi mamaki ko hussy."

" A to dole ai nayi mamaki,domin kuwa ba kowa ke gane mu ba,anma kai da ko ganina ma bakayi ba kasan ko wacece,wanda ko murayar ba kowa ke ganewa ba"

"Karki damu son da nake ma yar uwarki ne yasa nasan komai nata,da kowa nata.

Bismillah kazo,muje tana zuwa tace na shigo da kai."

Ok yace,shi ya shiga gaba,dan bazai soba yaga komai na jikin ta ba,saboda Allah bai halasta masa ba,yayi koyi da Annabin mu.

Can ya dan tsaya yace"anma daddy yana nan kuwa?zan so na fara ganin sa kafin yar uwar ki."

"Eh inajin yana nan,muje na kaika gun sa,har b'angaren su hajiya sukaje,suna zaune ko Hajiya da Daddy,harda idrissa,Husseina ce ta shigo falon,tayi salama,suka amsa ,Hajiya tace"a'a dota na kece."
"Eh Hajiya dama bakon ne na wajen A'indo yace yana son ya fara ganin ku keda daddy kafin ya karasa gurin ta."

"Ayya to shigo dashi."
Cewar daddy.

Dan dama Hajiya ta masa zancan .
Da salama ya shigo ,Masha Allah Hajiya tace a ranta,ganin farko dukan su sukaji yaron ya shiga ransu,gashi daga gani dan gidan manya ne,ga kwarjini,da kamala,,gami daya ya shiga ransu,gaida su yayi suka amsa,sanan yace"Daddy ni sunana Bashir d'a a gun tsohon Minister Al'mansoor kadafi,Allah yayi ma iyaye na rasuwa,ta hatsarin jirgin sama,yau shekara goma kenan, Mahaifiya ta Indira,yar K'asar Mumbai ce,a can indiya, ba'indiya ce,mahaifi na kuma bafulace ne,sun mutu sun barni ni kadai ba uwa ba uba ,na tashi ne a hannun kawuna kanen mahaifi na,dan dukiyar mahaifana ma shi ya kulla da ita,har lokacin da na malaki hankalin kaina, na fara son Aisha wato A'indo ne tun lokacin da tazo wanan gida da sunan aikatau,ban zo nan ba saida na nemi amincewar ta,nasan komai nata,harda auren ta na farko,nace a kawo ni wurin ku ne,kamar yanda Addinin musulmci ya nuna mana da mu fara neman izini ga mahaifi kafin muje ga Yar."
Shine nazo gurin ka daddy dan neman izinin fara zance gun Yar ka."

" Masha Allah yaro naji bayanin ka,kuma Ina maka ta'aziyar mahaifan ka,kwarai nasan Minister,domin kuwa kowa yasan mutunci Kamala,da amana irin nasa,tabas idan kayi halin sa ka dace,dan mutumin kwarai ne,na yaba da halin ka da kuma tarbiyar ka,ni Alhaji Sanmani nace kaje ka nemi soyayar ya ta A'indo matsawar tana son ka to na baka izinin ka turo manyan ka,da zaran kun daidaita."
Godiya Bashir yayi,sanan ya tashi yabar falon cik'e da farin ciki.
Idrissa ransa a bace yace"haba daddy kuda ya kamata ku gyara auren ta da Yaya,anma kuka ba wani izini,."

Murmushi Hajiya tayi tace"hum idrissa baka san abinda dan uwanka yayi ba,da kaida kanka bazaka goyi bayan a maida auren su ba,anma yau dai bara na fada ma abinda dan uwanka yayi, gaba-daya Hajiya ta fada masa,shi kansa idrissa saida yaji wata irin kumyar A'indo ta shige sa ,duk da ba gaban ta yake ba.

.

Har Falon baki Husseina takai sa,ta cika gaban sa da kayan ciye-ciye.
"Kinga malama ni ba wanan nake so ba plz kije ki kira min matata,ita nake bukatar gani,kina wani ja min aji."

Ya fada cik'in tsokana,dariya Husseina tayi" tace to masu mata naji."
shima ya fada cik'in raha tare dayin murmushi dimple dinsa suka lotsa."

Tafiya Husseina tayi tana dariya tace"idan naga dama sai na hana ganin ta."
"Oh yi hakuri kanwata,idan Kika hanani ganin masoyiya ta Allah zaku iya rasani. .
"Ah bama za'aje nan ba bara na turo maka ita."

"Yauwa koke fa "☺

Da gudu ta karasa gun A'indo ta rukunkune ta ,tana dariya tace "wallahi yar uwata na tayaki murna,wallahi kinyo baban kamu,ke kin gansa kuwa,wallahi kamar ba'indiye,koda yake ya hada jini dasu,kinsan Allah yafi Alhassan kyau mugun kyau ma,kai wallahi Anty A'indo kinyi baban kamu."

" Iyee to santin ya isa haka,harda kirana da Anty yau ,hum lalai bara naje naga Wanda kike zuzutawa hakan."

" Za ko ki gani ."cewar Husseina.

Fita A'indo tayi har falon ta shigo tayi salama cik'in zazakar muryar ta ."

Yanzu ma tsaye yake,hannuwan sa cik'in aljihun sa,ya juya mata baya,bayan sa kawai ta gani.

Kamshin ta ya bugo hancinsa,yace"ayimin afuwa my wife,idan da hali ki taimaka ki canza kaya,sanan karki sa turare,hakan bai halasta ba,ki bari har muyi aure , please kimin wanan Alfarmar,yana magana ne har yanzu bataga face dinsa ba,bayan sa kawai take gani."

Sakaka tayi da baki.ta tsaya,tare da zumburo baki,shi kuma da salon da yazo dashi kenan,meye haka kuma."

Kamar yasan abinda ta take sakawa a ranta, yace "muyi kokari muyi aiki da Addinin mu,haramun ne ko budurwa tasa turaren da zai tada hankalin wani da namiji,kuma ba muharamin ta ba,ni zan iya sawa,anma dan Allah ki taimaka kiyi abinda nace.

Juyawa A'INDO tayi tabar falon,ranta yadan baci,ta shigo d'akin su,ta fida hijabi tayi kwancin ta,husseina tace"a'a ya na ganki haka kuma."
"Mtsss dan Allah bar dan rainin hankalin nan,yanzu ina wani turaren da nasa da zai tadi hankalin namiji, je kice masa idan ya gama tsayuwar ya iya tafiya ni bazan fita ba.mtsss

Aci gaba da gashi🍇
Maimou love😘
[19/10 à 22:26] MAIMOUNA MATAR ABDOULAYE: https://mobile.facebook.com/Anatarewritersassocian/
✨✨✨✨✨✨✨✨✨✨
*A'INDO*
_(Tantagariyar Yar Aiki_)
✨✨✨✨✨✨✨
✨✨✨✨✨✨
✨✨✨✨✨
✨✨✨✨
✨✨✨
✨✨
✨

*NA*
*MAIMOUNA MATAR ABDOULAYE AM*💋

*🤝🏻ANA TARE WRITERS ASSOCIATION🤝🏻*
_(We are the best Writers Among All writers_)📚

*DAGA AKALAMIN MARUBUCIYAR*

👇
*YA MACE KOWACE DA IRIN NI'IMAR TA*,
*LABARIN MAIMOUNATOU*,
*KAICONA*,
*HASSADA GA MAI RABO*,
*YAN MATAN ZAMANI*,
*INA MATSALAR TAKE MAZAN KO MATAN*,
*MAKIRCI*,
*LATIFA*,
*CANJIN RUHI*,
*WACECE NI KAMRINA*,
*SO NE SILAR FARUWAN HAKAN*,
_and Now_👇
*LATIFA SABON SALO*,
*A'INDO (Tantagariyar Yar Aiki)*

_DEDICATED TO SADJIDA & UMMY ONTOP_