Azaad Part 1 Complete Hausa Novel

page 41

Parking yayi duk suka fito da mamaki Alesha ke kallon motocin shima haka Azaad yana tunanin to waye haka, motar da ke ƙarshe aka buɗe ƙofa wasu zaratan sojoji suka fito suka nufi motar da ke gabansu ɗaya daga cikin su ya buɗe murfin motar, wani attajirin dattijo mai ji da naira ne ya fito yana sanye cikin manyan kaya fuskarsa ɗauke da murmushi sojojin suka basa hanya

Alesha ta kama hannun Noor ta kalli Azaad tace "Zamu shiga ciki" ya gyad'a mata kai ta juya kenan har tayi tako biyu dattijon yace " Wait Please " ta tsaya tare da juyowa ta kallesa sai taga kamar tasan fuskarsa amman ta kasa tuno inda tasan fuskar takowa yayi har wajen su ya miƙa ma Azaad hannu suka gaisa yace " Sunana Alhaji Aminu balarabe" Alhaji Aminu balarabe?" Azaad ya faɗa cike da tsantsan mamaki domin kuwa Alhaji Aminu balarabe ba ƙara min mutum ba ne a ƙasar nan koda baka san sa ba ka san sunansa duk da ba a ƙasar yake zaune ba,

ya kalli Alesha yace "Alesha ko?" Ya faɗa tare da nunata ta gyad'a masa kai yace "Kin gane ni kuwa?" Kai ta girgiza tare da faɗin "Aah"Yayi murmushi yace "Daman nasan da wuya ki gane ni kai ne mijinta?" Ya tambayi Azaad yace "Eh"Idan ba matsala don Allah ko zamu iya shiga ciki"Okay bisimillah " ya faɗa tare da nuna masa hanya suka yi ciki sojojin suka tsaya waje, suna shiga Alesha ta wuce d'aki ta cire mayafin jikinta ta saka hijab ta fito ta shiga kitchen ta kawo masa lemo mai sanyi ta buɗe zata zuba masa yace "No barshi kawai zan zuba da kai na" Ya faɗa tare da ɗaukar lemon ya zuba ya ɗauka ya sha yayi hamdala ya gyara zaman sa ya kalli Alesha yace "Zaki iya tuna wani aminin mahaifinki wanda baban ki ya ɗauki dukiyarsa ya basa"Alesha tayi shuru can tace "Eh na tuna wanda Daddy yayi ta nemansa amman bai samesa ba" Alhaji Aminu yayi murmushi yace "To ni ne wannan aminin nasa"Kai ne?" Eh ni ne "ya faɗa tare da miƙewa ya mayar da hannayensa a baya yace"A lokacin da na bar ƙasar nan lokacin na rasa wayata a cikin mota wanda hakan yasa na rasa number mahaifin ki,

tun daga lokacin sai na fara kawai kasuwancin da ya kai ni ina sayen motoci da golagolai daga can ina ba suwa ana kawo wa nan gida ana siyarwa da kaɗan kaɗan Allah ya sama kasuwancin albarka cikin shekara ɗaya sai ga riba ta ru'banya sosai har ta fi jarin da muka zuba hakan yasa na fara process ɗin buɗe kamfanin shinkafa a nan ƙasar bayan komai ya kankama shi ne na shirya zan je ma mahaifinki da daddad'an labari mummunan labarin da na tarar ya girgiza ni shi ne mahaifinki baya tare da mu Allah ya karb'i abunsa washe gari da na koma unguwar ku ta tambayi ko ansan inda ki ke aka ce k'anen mahaifinki ya ɗauke ki amman ba wanda yasan in da yake zaune nayi ta yawo a gari ko Allah zai sa na ganki tsawon wata biyu amman ko mai kama da ke ban gani ba dole na hak'ura da neman ki na mayar da hankali akan kasuwancin mu, mun buɗe gidan mai a ƙasar nan wanda a ƙallah zasu kai goma mun buɗe kamfanin hamdala na fulawa flower shagunan da aka buɗe kuwa suna da yawa sosai akwai na kayan abinci akwai na clothes tufafi akwai na Jewellery ado shagunan nada yawa mun gina masallatai da makarantunne sadaka

Jiya na shigo ƙasar nan na fito kamar a mafarki zamu wuce naga kun shiga wata plaza har mun wuce nace su dawo baya ina ta roƙon Allah yasa ke ce na gani don na sauke nauyin da ke kai na sai gashi kun fito duk da kin canza amman bazan taɓa mance kamannin ki ba hakan yasa motar ku na tashi muka biku a baya " ya ƙarashe faɗa tare da juyowa ya kalleta yace"Alesha duk wannan matsayin nawa da girma da dukiya duk na mahaifin ki ne wanda a yanzu mallakin ki ne ke keda mallakin komai wallahi cikin dukiyar nan banada ko sisi domin kuwa dukiyar da mahaifin ki ya bani ita ce ake ta juyawa har yanzu Allah ya sa mata albarka duk cikin arzikin sa ne muke ci mu ci mu sha mu yi sutura har muba wasu muyi sadaka nagode Allah da ya haɗa ni da ke a wannan lokacin yanzu zan hallanta komai a gare ki" ya koma ya zauna, yace idan Allah ya kai su gobe su shirya zai zo suje ya nuna musu duk wuraren da suke mallakin su ya ɗan jima a gidan sannan suka yi sallama ya wuce bayan sun yi musayan numbobin waya Azaad ya jinjina masa matuƙa saboda a wannan lokacin abu ne mai wuya a samu mai ƙarfin imanin da riƙon amana wanda zai iya yin abunda Alhaji Aminu balarabe yayi

Alesha ta kira Mamma ta sanar mata duk abunda yake faru ita kuma ta kira Daddy ta sanar masa Daddy yayi mamaki sosai su har sun manta shi saboda sun yi zaton yaudarar mahaifin Alesha ne kawai yayi ya gudu da dukiyarsa ashe ba haka ba ne

Washe gari tun da safe Alhaji Aminu balarabe yazo domin su je ya nuna musu ko ina Alesha tace ita ba sai taje ba Azaad kawai yaje don haka aka je da Daddy da Azaad suka je,

Basu dawo ba sai bayan sallahr la'asar gidan Daddy suka tsaya Alhaji Aminu balarabe ya wuce Azaad ya shiga ciki, koda suka shigo Ummie na kwance a falo ta murmuje ba ƙarya ta rame gaskiya kamar a mafarki taji muryar Azaad tayi sallama da sauri ta ɗago kanta ganin tabbas shi ne bata san lokacin da ta miƙe daga kwance ba ta zauna cike da farin cikin ganinsa ta miƙe tsaye ta gaida su....................

🌸🌸 AZAAD 🌸🌸

Mallakar
Zainab Dodo ✍️( Sarauniyar Taskira 👑👑👑)

*TASKIRA WRITER'S ASSOCIATION*
{T.W.A}
*https://www.facebook.com/profile.php?id=61565498797531&mibextid=ZbWKwL*
_Marubuta masu aiki da zallar fasaha da hikima rubutu baiwa ce ga wanda allah ya bawa ita da hikimar mu muke Alfahari._
*Alƙalaminmu ƴancinmu💪*

Maison magana dani zata iya tuntub'ana ta Wannan number 👇👇👇
09046495943
Chart only 👂

*Bismillahi Rahmanin Rahim*