Zakaran Da Allah Ya Nufa Da Cara Part 2 Complete Hausa Novel
Reading file: ZAKARAN DA ALLAH YA NUFA DA CARA cmpl-2.txt
Chapter 2 of 85
da sauri ta zura takalmin ta wari da wari ta sidado tabar gidan Dama unguwar baki daya Allah ya sota ta faki idon mutane Babu Wanda ya lura da ficewar ta.
Barinta unguwar keda wuya Dr. Omar ya sanyo hancin motar sa cikin unguwar, daga bangaren gidansu yyi parking sbd yasan motar bazata karasa jikin kofar gidansu ba dalilin Kwata data biyo ta wajen, cikin sassafar ya bude kofar tasu Yana me yin sallama cikin nutsuwa.
Shiru gidan ba kowa be wani damu ba Dan ya Saba da hakan shi da mahaifin sa mafi akasari sune suke jire gidan Yana takaicin Wannan Aikatau din da mahaifiyar su takeyi babban Abinda ke jefashi cikin kunci da damuwa kenan uwa uba idan ya tuna yadda ta tsane shi kamar Arne da kafiri sai yaji gaba daya duniyar tayi masa zafi, idan ya hango yadda ta maida mahaifin su tamkar wani sakarai duk ta shanye shi sai yaji kamar beyi sa'ar zuwa duniya ba gefe guda kanwar sa Data maida ta tamkar wata jari abin na ci masa tuwo a kwarya, Ya rasa inda xaisa ransa yaji Sanyi damuwa da tunani sunyi masa yawa ainun ya rasa Kama asalin bakin zaren.....
Tunda yaji shiru yasan da alama ko Abba Yana lazimi ne gyangyadi ya dauke shi tunda 11am yanzu da alama ya shiga yin walaha ne, a nutse ya yaye labulen Yana me sawo kansa cikin dakin Abban nasu,
kyammm..... Dr. Omar ya kame bakin kofa bakinsa a hangame sallamar dayayi niyyar Yi ta makale a makoshin sa, jikinsa ne ya fara kyarma labban sa na motsi saidai ya kasa furta komai, dakyar da sidin goshi ya samu hada kalmomin da zasu bada sauti cikin rudani ya furta A...a...a..b..bbb..A...bba...! Dr. Omar ya furta hankalin sa a matukar tashe ya Isa gaban Abban nasa dake kwance cikin jini male-male.
*ZAKARAN DA ALLAH YA NUFA DA CARA....ðŸÂ“*
( _ko Ana Muzuru Ana Shaho Sai yayi_)
Na
*Nuceeyluv😘*
2...
Acan bangaren Saratu kuwa koda tabar unguwar direct wani lungu ta fada Bayan wata bishiya jikinta na kyarma ta zaro wayarta Tecno tana me latsa Kira, bugu daya aka dauka cikin sauri Saratu tace,
"mun shiga uku Nas(Nurse)"
daga dayan bangaren akace
"nifa dadina dake Sara kin cika rudu Wlh ni ki gayamin meye? Dama dazu muna waya naji kin kashe ba sallama na Kira wayarki daga baya a kashe"
"Hmmm..."
Saratu ta ja numfashi me nauyi hankalin ta a mugun tashe tace,
"Nas muna cikin tashin hankali Wlh Asirin mu da muka binne shekaru masu yawa Yana dab da tonuwa"
A Razane Nas ta Mike daga kishingiden da take tace,
"Me kike nufi Saratu?"
Wata wawiyar ajiyar zuciya Saratu ta sake saki tana me Dan waiwayawa Bayan ta Dan kar taje akwai me jinta a hankali tace,
"Wayar da mukayi dazu dake Ashe mlm sale Yana tsaye a bayana yaji dukkan Abinda muka tattauna musamman ma dake wayar a bolum(volume) take"
"Bantan uban nan kayyasa...."
Nas ta furta bakinta na Bari tace,
"Wlh duk inda kike kizo ki sameni Dan baki Isa ki ballo min ruwa Ina zaman zamana ba Wannan mgnr Sam Bata waya bace"
Saratu jikinta na rawa tace,
"yanzu haka ma gidanki na nufo"
"da yafi miki"
Nas ta furta tana datse wayar cikin tsantsan takaici. Gumi ne sharkaf ya jiqe Saratu dukda sanyi2 da akeyi a garin sbd Albarkar Ruwa da aka samu a ranar, Nan taci gaba da tafiya tana me kokarin tare Dan napep Bayan ta gama fitowa daga lungunan unguwar su kadan ya rage Bata afka Kwata ba sbd sauri, cikin sa'a kuwa ta samu Wanda ya tsaya cike da azama tahau direct ya wuce da ita inda tayi masa kwatance hade da kashe wayarta gaba1 sbd tsaro.
~~~~
A bangaren Dr. Omar kuwa batare da tunanin komai ba ya kinkimo Abban nasa Yana jijjiga shi hankalin sa a mugun tashe, ganin yadda jini ke malala yasa shi Dan janye Abba gefe guda, cikin azama ya fito daga dakin tunowa da yyi da 'yar karamar First Aid box dinsa daya ajiye a daki, time to time Dama Yana siyan mgni ya ajiye sbd halin Babu kada rashin lpy ya Kama mutum azo a rasa kudin mgni Abinda befi a kashe 200 ba shiyasa daya samu kudi yake aje Abinda yafi zama emergency a gida,
Cikin sassarfa ya jawo box din sannan ya juyo zuwa dakin Abba, batare da Bata lkci ba ya shiga hada kayan aiki Dan tsaida jinin da yake zuba Dan idan yace zai Kai Abba a haka zaiyi asarar jini sosai kafin su Isa hsptl din musamman Matsalar goslow da ake fama dashi a garin, Kafin wani lkci harya gyara masa inda yake zubar jinin Nan Bayan keyar sa, jikinsa ne yahau tsuma dayaga mugun ciwon dake keyar Abba, kallon inda ya jawo shi yyi Yana nazarin wajen Tabbas Babu ko tantama Abba zamewa yyi a nasa tunanin kenan.
Da sauri ya fito kofar gida ko zaiga Makocin su mlm Shamsu ya taimaka masa su fito da Abba daga gidan, cikin sa'a kuwa Yana fitowa mlm Shamsu na kokarin Sanya mashin dinsa cikin gidansa da alama dawowar sa kenan, saurinsa ya Kara yacin masa Yana me Mika masa hannu, Mlm Shamsu da fara'a yace,
"Umara kaine Ina Abban naku?"
Omar ya shafa sumar kansa data zame masa tamkar Al'ada Kai tsaye yace,
"Dan Allah taimaka min zakayi na fito da Abba"
"Yah Subhanallahi!"
Mlm Shamsu ya furta Yana jirkice mashin din nasa gefe guda yace,
"meya samu mlm din?"
Yyi mgnr Yana bin Bayan Omar daya kusa shigewa gida, a haka suka karasa cikin dakin mlm Shamsu nata sallallami, Shidai Omar bece komai ba har suka fito anan wasu tsirarai dake unguwar suka fara taruwa da Al'ajabin Abinda ya samu mlm Sale, Shidai Omar bece komai ba tunda a takaice ya fadawa mlm Shamsu zamewa yyi ya bugi kansa da karfe shine sanadin suman sa, hakan yasa shi mlm shamsun shike Basu bayanin Abinda ya faru,
a gurguje yazo ya kulle kofar gidan nasu sannan ya shige motar cikin azama, wani irin juyi da yyi da kan motar Kai kace wasan tseran mota zaije, kafin wani lkci harya bacewa mutanen unguwar da suka taru yanzu fiye da dazu sai maida zance ake Ana jajantawa hade da Allah wadai da matar mlm Sale wacce neman kudinta shine tafi darajawa fiye da auren ta.
Yana hanya Sadeeq ya Kira shi, da sauri kuwa ya dauka Dan Yana bukatar hakan,
"yauwa pls a shirya gadon daukar marasa lpy kafin na iso pleaseeee.."
Ya katse hanzarin Sadeeq din tamkar shine yyi Kiran, hankali a matukar tashe Sadeeq yace,
"Waye baida lpy?"
"Abba ne."
Omar ya fada a takaice kafin ya datse Kiran Yana me aje wayar gefe, Sadeeq dake daya bangaren be takura masa ba shima ya shiga matukar damuwa da sauri ya tashi Dan samun Wanda zasu riko gadon.
*
Cikin Rahamar ubangiji sai gasu a hsptl din, kamar yadda yace hakan ce ta faru Dan Already har an fito da gadon ma shi ake jira, cikin sassarfa aka fito da Abba daga motar zuwa kan gadon marasa lpy, a gurguje kuwa aka wuce dashi emergency room, tuni Dr. Sadeeq ya fito musu da labcoat da kayan aikin da xa'a bukata kafin wani lkci sun dukufa kan Abba Dama sauran wasu Doctors din Ana bashi taimakon gaggawa sbd dogon suman daya tafi.
Chapter Navigation
Use this section to move to any chapter without going back to the top.