So Da Alkawari Part 1 Complete Hausa Novel

Ido jajir ta faɗa cikin katafaren falon gidan nasu wanda ya kusa girman wani gidan ihun ta har cikin ɗakin baccin momi wadda ta fito a guje dan masifar sauri zaninta har kunce wa yake yi a gigice ta nufi wajan Yarinyar tata Ƴa ɗaya tamkar da Goma kenan Ƴar gata dangin kitse a barka a inuwa ka daskare a saka ka a rana ka narke, Cikin tattali da Riritawa tamkar tsoka ɗaya a miya ta Rungumeta duk a kiɗime take mata magana.
"Babyn momi waya taɓa min ke kika shigo kina kuka kin san yadda kukan ki yake ɗaga min hankalina wallahi kaina har juya mini yake sabida azabar faɗuwar gaban da kukan ki ya haifa mini"
Shure ƙafafunta take tana ƙara sautin kukan tana janyo hannun Momi zuwa fuskarta Jikin Momi ne ya hau rawa sakamakon shatin yatsun data gani kwance a kunci shalelen tata a zabure tace.
"Kan uba waya miki wannan illar lallai ya tafka ganganci domin zanyi shari'a da kowa ye sannan kuma zan É—aure kaf ahalin su har igiya tayi rata dan uban sa!"
Sangartaccen kuka ta kuma saki lokacin Momi ta zauna ta ɗorata a kan cinyarta In kaga yadda sukai zaman seka yi dariya sabida ita aba ƙatuwa an tashi an ɗora ki a saman cinya ko Kunyar hawa ita kuma bata jiba.

Cikin siririyar muryarta wadda in kaji ta seka rantse bata ta bace domin muryar irin ta ƙananun yara ce, Tace.
"Ba wannan gaulan da Abbah ya turo bane ya mare ni dan cin zali ban masa komai ba"
TunkuÉ—e ta momi tayi ta tashi a zabure tana sintiri a falon Fuskarta fal bala'i wanda ta hau surfashi har seda muryarta ta dashe.
"Dama nasan za'a rina wai an saci zanin mahaukaciya, Mai talaka ya sani akan mace face ya mai da ita baiwar sa wato shi dan ubansa har wuyan sa yayi kaurin da zai mareki an gaya masa bakin rijiya wajan wasan makahone to aikuwa zan tauna tsakuwa don aya taji tsoro sabida wutsiyar raƙumi tayi nesa da ƙasa"
Gaba ɗaya kalamin Momi sun sanyata acikin duhu don waɗannan karin maganar bata sansu ba bata iya suba seta zubawa Momi idanunta da suka kumbura suka ƙara girma sabida kuka.
A sassauce momi ta dawo gareta ta sunkuya gabanta haÉ—i da dafa gwiwowin ta kana tace mata.
"Shalele na kwantar da hankalin ki babu wani ɗan iska faƙirin talakan da za'a aura Miki ni za'a wa tawaye rabu dani da Abban ki yadda Allah ya bani ke ƙwaya ɗaya tal wallahi ba zan yadda rayuwarki ta salwance, a gidan talaka ba, ai se duniya ma tai min dariya ƴaƴan aminaina daga mai auren Ƙusan gwamnati sai mai auren ɗan kasuwa shahararre sannan ni tawa ta auri ɗan jagaliya talakan banza ina sam sai dai in ba ni maryam bace na haife ki"
Kwantar da kanta tayi a cinyar momi tana jan ajiyar zuciya.
kafin tace.
"Momi in kika min haka zan ƙara alfahari dake, wallahi Ina da wanda nake so Habib yana sona ina sonshi Ɗan ajinmu ne tare muke lecture da shi baban shi mai kuɗi ne Tun tuni yake son na bashi dama amman naƙi gashi nan Abbah yayi min shigar sauri kuma ba kowa bane zai zuga Abba se Baban Chiranchi dama kince ba ƙaunarki yake yi ba"
Hura hanci Hajiya Maryam take tana kaɗa ƙafafu ita kaɗai tasan tawayen da zata wa Alhaji Amadu Mijinta in ya dawo Jira kawai take ya shigo gidan ba zata tsaya ayi mata sakiyar da babu ruwa ba.

Tashi tayi daga jikin Momi ta nufi bedroom É—inta Yadda ta bincike Wardrobe É—inta É—azu haka tazo ta tarar da ita bayan kafin ta fita seda ta cewa Maimuna Mai aikinta wadda aikinta agidan shine gyara mata É—akinta da kuma bata abinci da kai mata ruwan wanka ta gyara mata kayan kafin ta dawo amman shine bata gyara ba, Sabida haka Rigar jikinta ta cire ta janyo zani ta É—aura ta fito falo tana kwaÉ—awa maimuna kira Lokacin Momi bata falon ta shige room É—inta.

Cikin tsumar Jiki maimuna ta ƙaraso gabanta ta zube tana cewa.
"Ai mini afuwa uwar É—akina banji kiran bane se yanzu"
Tsaki taja mai ƙarfi tana zabgawa maimuna harara kafin tace mata.
"Ai ba zaki ji kirana ba, Munafuka kina can kina kallo kamar wadda ta warke a makanta dan Ubanki ni zan gyara Miki É—akin?"
Nan da nan jikin maimuna ya hau rawa abin tausayi ta soma bata haƙuri, Tsaki taja ta wuce saman seater ta ɗora ƙafa ɗaya akan ɗaya.
"Na baki Minti Biyar kije ki gyara Mini É—akina sakarai"
Da sauri maimuna ta wuce bedroom ɗin nata, Ita kuma zama tayi a falon tana karkaɗa ƙafa tana Ayyana Zafin shigar marin daya mata ɗazu Tsintar bakinta tayi da furta Allah Ya Isa!
Muryar maimuna ce ta dawo da ita daga tunanin data faÉ—a.
"Uwar É—akina na kammala Allah ya huci zuciyarki"
Bata ko kalli Maimunan ba ta miƙe ta shiga ɗakin kwanciya tayi akan gado tana janyo wayarta dake gefenta tarin Kira daga Saurayin ta Habib harda ɗan guntun saƙon shi Ƙorafi ne akan Yana ta kira bata ɗauka ba.

Mayar da wayar tayi ta aje sam ita soyayya bata gabanta, duk da tana da masu sonta samari da masu aure masu kuÉ—in gaske kawai bata sauraron sune ta É—an fi kula Habib shima tsananin nacin sa gare ta ne yasa take É—an kula shi a waya da kuma in sun haÉ—u a school.

Kiran nashi ne ya katse mata tunaninta.
A hankali ta É—auka kamar bata so.
"Amincin Allah ya tabbata a gareki sabihata hasken idanuna my madarata"
HaÉ—e ranta tayi sam kalamin bai wani ratsata ba meye wani madara dan iskanci itafa bata son irin haka ta lura yawanci maza jikinta suka fi so ba ita ba, dama Allah baya haÉ—a maka duka duk yadda takai da halinta ita É—in ba mutuniyar banza bace tana da taka tsantsan wajan kare mutuncinta ta wannan fagen za'a iya bata lambar yabo ta É—aya.

"Sweet ina maki magana kin min shuru haba mana"
Tashi tayi zaune tare da cewa.
"Look Habibu nifa bana son wannan kashe murya da kake yi min ni ban maka shagwaɓa ba sai kai zaka yi min goɗai goɗai dakai haba mana"
Daga ɓarin shi yaɗan zare ido Gabanshi ya faɗi, shifa wani bin har shakkar yarinyar yake ita ko ɗan feeling ɗinnan bata ji kamar wata dutse, Amman ba ze sare ba zai cigaba da lallaɓata har haƙon shi ya cimma ruwa dan shi kam ya kwaɗaitu da Yarinyar daga ganinta zatai ɗanɗano a matsayin sa na shahararran ɗan Duniya wanda yasan mace ciki da bai sabida yana da kuɗi mahaifinsa na sakar masa kuma yana da ɗaurin gindi wajan tsohon nasa shiyasa yake facakar sa yake hurɗa da duk maccen daya ke so.
Ita kaÉ—ai ce tai masa zarra duk wannan kwanton da yake mata Kansa yake wa tanadi amman yasha gwadata ta hanyoyi da dama ya gano zafin kai kawai gareta amman bata biyar mazan banza.
Cikin ƙwarewa da harkar bariki yace.
"To yi mini naji please zumana"
Yadda ya fitar da sautin seda ya rikita ta matse Jiki tayi kamar mai jin sanyi kasancewarta mace mai tsananin buƙata wannan dalilin yasa take nesanta kanta da maza domin ta gano ba son ta suke ba Jikinta suke maitar so shiyasa take ƙaurace wa masu sonta domin ta kare martabarta.