Lu'u Lu'u Part 1 Complete Hausa Novel
Reading file: LUU LUU BOOK 1 COMPLETE BY HUGUMA.txt
Chapter 52 of 79
PAGE 58
A hankali taja ana janye lullubin jikinta,wanda yayi kusan yi mata daidai da lullubin mayafin da tayi cikin filin sukuwar dawakan,abinda ya sanyata riqe mayafin da kyau,tayi wani juyi daya tilastata bude idanunta da sauri ba tare data shirya ba.
Saman fuskar aisa suka sauka,aisar dake tsaye a kanta tana duban fuskarta cike da mamakin kalar wannan abun da takeyi cikin baccinta,wanda ta tabbatar da cewa ba komai bane mafarki ne.
Maida idanunta tayi yana lumshesu,gabanta yana wani irin dokawa,zuciyarta na wani irin gudu tamkar yadda taji a sadda komai ya faru a zahiri.
Wani matsanancin bacin rai ne taji yana saukar mata,haushin aisa da haushin kanta da kanta yana cikata. Don me yasa aisa zata tasheta a sanda take dab da ganin fuskarsa?,me yasa ita din bata kai hannunta ta yaye lullubin da hanzari ba kafin aisa takai ga tashinta?.......me yasa aisa zata mata haka?,fuskar data jima tanaso ta gani ko hakan zai taimaka mata wajen gane wayeshi?.
"Ki tashi hakanan da wannan mafarkin naki........ko ba'a fadi ba wannan mafarkin ne daya zame miki jiki.......awa guda kacal ta rage baqonki ya qaraso inji mammina......ki tashi birra na jiranki". Blue eyes dinta ta bude a nutse,tana kuma watsasu saman fuskar aisa din.
Muhimmancin mafarkin.......da kuma muhimmancin da ganin fuskarsa yake a wajenta yafi muhimmancin baqon da aisa din ke magana akai,inda aisa tasan muhimmancin abun a gurinta da bata soma tadata ba akan wani mutum can da tuni ta gama yi masa nasa kalar matsayin. A yanzu duk duniya bata jin tana da buri na biyun sanin wayeshi?......waye wannan daya bata dukkan wani record na rayuwarta,ya bata mata kyakkyawan tarihin da take dashi na tabbatuwar NASARA cikin kowanne taku motsi da gasa. Alwashi taci......sai kuma ta cikashi,ko waye shi sai ta bincikashi,sai ta yaye duvet din a hankali tana jan jikinta zuwa bakin gadon ta sauke qafafunta.
"Kada ki dinga wani abu kamar kin damu dani......kamar kuma kin damu da halin da nake ciki" Akhnan ta fadi cikin nuna halin ko in kula,tana kuma qin duban koda sashen da aisa take ne.
Idanu kadan aisa ta zuba mata,ta fahimci a birkice take,a kuma wannan yanayin da take ciki bata buqatar suyi rigima ko kadan. Ta karanci wani abu,duk sanda zai ziyarci mafarkinta,da dukkan zuciya da kuma feelings dinta takejin komai da zai faru a mafarkin kaman a gaske ne.
Bata fiya daukan FADUWA ba.......amma kuma zuciyarta bata da riqo irin wannan. Kafiya da taurin kai tabbas wannan cikin halayenta ne,amma riqo kam idan ta sakashi a cikin dabi'unta tasan da gaske ta mata qazafi.
"Biftu" Aisa ta kira sunanta,sai tayi kamar bata jita ba,ta qarasa gaban masaqalin da lausasan towel dinta ke a jere ta dauki dan madaidaicin ciki tana wucewa toilet.
*HAISAM*
Cikin nutsuwa ya zube dukka idanunsa saman system din gabansa,wadda a qalla kusan awa biyu ya kwashe a zaune din.
Sun gama tattaunawa dasu beena,wanda kowannensu yake wani sashe na daban cikin niger din don baza komarsu yadda ya dace. A yanzu da hussam yake waya,wanda kusan duka tattaunawar akan kamfanin turarensa ne da a yanzun suka samu labarin fitar wani qamshi dake shige da nasu a kasuwa.
Numfashi yaja yana lumshe kyawawan idanunsa masu yawan eye lashes,ya sakeyin relaxing yana ci gaba da duban hussam.
Ya fara gajiya da wannan tarin complain din da tun dazun yaketa abu daya,baisan me yakeso ba kuma.
"Hussam" Ya kirashi da wannan coolness din nasa.
"Obbo.....Allah obbo ka..."
"Ya isa.....,magananka yayi tsaho da yawa haka,da nazari nakeyi zuwa yanzu na karanta fuula(pages) masu yawa......maimakon hakan ka bata duka wannan lokacin mana wajen binciken sabon scent mana?" Ya qarasa maganar da sigar tambaya wanda kai tsaye hussam yasan umarni ne.
Kai hussam din ya jinjina,yana nufin cewa wani abu sallamarta da muryarta ya sauka a kunnensa.
Chapter Navigation
Use this section to move to any chapter without going back to the top.