Tmw Part 2 Complete Hausa Novel

Ko a waya da ya kira Hasiya Sau d'aya da bai kara kiranta ba ya na da Dalili baya so ya cigaba da kiranta har ta Fahimci ya yi mata karya gwara su tsaya nesa nesa da juna kamar yadda Tahir din yace.
Kuma sannan kunya yake ji in ya ganta ga Tausayinta sannan da kuma jin nauyin kansa da ya zama makaryacin karfi da yaji gabadaya wata Rayuwa ya ke yi ba rayuwa irin ta Abubukar Sulaiman Shinkafi ba.
Yanzu Rayuwa ya ke yi a matsayin Assadiq maraya wanda ba shi da komai kuma wanda yaci Amanar iyayensa da karya sannan wanda ya kasa kula da Hakkin matar da ke kansa.
Cikin wannan satin Tahir ya tafi Daura an kirasa Hajja ba lafiya har ta kai ga asibiti ya so ya bisa su tafi tare sai daga wajen da ya ke bautar kasa suna da wani aiki yasa ya barsa ya tafi shi kadai akan in ya samu Sarari zai biyosa sai su dawo tare.
Duk sai kadaici ya kamashi ya saba komai tare suke da Tahir.
Shekarun nan kusan tare suke sai ko in ya koma gida Hutu.
Kwanan Tahir d'aya da Tafiya ranar dakyar ya yi barci ya na ta faman juye juye.
Sai yaji Tausayin Hasiya ashe haka ta ke fama da kadaici bai sani ba?
Batare da Tunanin komai ba ranar ta biyu daga wajen aiki Gidan Hasiya ya wuce Direct da Niyar zuwa ya Duba lafiyarta har acikin zuciyarsa.
Baisan Allah da na shi nufin ya ke sarrafa namu zuciyoyin ba.
Sannan abunda ke rubuce a zanen kaddaranmu bamu isa mu kauce masa ba.

🌿 Ina manyan mata masu MATSALOLIN rashin Ni'ima Ina sabbabin aure Wanda basu juku yanda Mai gida zai sume ba😂Ina wayanda zasuyi sabbin aure
Nazo muku da magani SAHIHI ingantaccen TSIMIN TABAJE🤌🏽🥰😍 hmm uwar gida, amarya, tsoffin aure kuna Ina ko kuntsaya tsilla tsilla tohm maza kuzo nazo kusiya TSIMIN TABAJE 💃💃😂hajiya ta tunda kukaji na yaba wannan magani toh tabbas yakai inda yakai yanada matukar kyau, Yana saurin saukar da niima baya illa domin andafashine da saiwoyin da kuka San suna maganin dakyau... Hajiya ta 🙈wlh Mai gida zaiyi Santi zakiji dadi Kuma zakuzo ku godemun domin yanasa Gurin yayi dumi ya Kuma ciko miki da gaba Gurin Kuma zaiyi dadi zoyzoyy😂🙈💃Kuma duk afarashi kalilan akwai gorina 1k akwai galan, akwai jarka ga duk meso, hmmm duk Wanda yasha Sai ya Gode mun domin nice na baku tabbaci 💃😂kunsan banida burin daya wuce Inga anasaka Mai gida farinciki 💃😂🥰Toh kuzo kusiya zakuji dadi insha Allah Kuma Sai kun dawo.... muka hada miki maganin TSIMIN TABAJE sha'awa zaki koma kamar marka..game bukatar TSIMIN TABAJE ya kiramu tawa innan numbobin kamar haka
*Location* *Zaria and kaduna* *but nation wide delivery* *for more details 07062349732 or 08143450259* 💃💃💃

*Janafty*
*TMWB2K007*

*TMW is a paid Novel, Pay 500 for regular or VIP N1K, Via 0552179550 Jamila Umar Gt bank, 09069067488*

https://chat.whatsapp.com/BARBh2begGc0KdlLEZDzhk

Ku zo ku yi sayayya tare da Yar Gidan Imam cikin aminci da kwanciyar hankali komai akwai harda kayan gyaran jiki hamshakan mata na supliments kala kala wanda ba su da illa, akwai kuma gagarumin haɗin mu na Arabian sabaya powder wanda babu kamarsa wannan ba irin sabayar da ki ka saba gani bace, kayan kicin dogayen riguna kuwa ba'a magana ke dai ki yi sauri ki shigo domin kwasar roman wadannan kayan.

Yau Danwake na yi da yaji mai manja, Ummi ba ta nan ta na makaranta karfe biyu ake tashi na rana kafin ta kariso gida uku ta yi wani lokacin kuma gida ta kan biya sai bayan la'asar ta ke dawowa.
Yaji na cika ma danwaken nawa da yasa bayan na ci na kasa ta shi sai faman shi! Shi! Na ke yi saboda harshena da bakina ya nad'e da yaji har cikin kaina.
Ta ko'ina zufa ke ketomin gabadaya rigar material d'in da ke jikina ya jike da zufa idanuwana sun yi jajir harta Fuskata ta nuna alamun na sha wuya.
Zaune na ke kasan tayels din falona filet din da naci danwaken na gabana na kasa Daukewa harta ledan da na sha ruwa nan na watsar da shi ga Roban yaji da yar roban da na zubo manjan bayan na soya.
Saboda kwazzaba danwake bai wuce guda ashirin na jefa ba, sha'awansa naji ina yi shiyasa na yi kad'an saboda ba na so ya kai min dare.
Kamar daga sama naji ana kwankwasamin kofa agogon wayata na Duba dake gefe na, naga biyu da wani abu na rana sai a raina nace kila Umma ce ta dawo tunda in dai ta dawo sai ta fara bugamin kofa na leko mun gaisa kafin ta bude dakinta ta shiga.
Shiyasa batare da tunanin komai ba na mike ina faman shan yaji Saboda Rud'ewa ko dankwali ban saka ba Kitson Shukun da ke kaina tun wanda Adda Fati ta min ne ranar da suka zo da na saka Habiba ta tsifemin na biki.
Shi ma wannan din ya tsufa ballatana Sumana na da Santsi kitso ba ya Dadewa sai ya fara warware kanshi.
Kai tsaye batare da tunanin komai ba na bude kofar lokaci daya ina fad'in"Ummi yau kin..."
Sauran kalamai na sun makale ne samakon ganin abunda ban taba zata ba.
Yana tsaye a kofar dakin sanye da riga da wando baki da fari da jaket a saman kayansa sai kafarsa sanye da Rufaffen takalmi na bakin fata mai kyau
Sannan bayansa goye da jaka kamar ta yan makaranta.
Hannayensa sanye acikin Aljihunsa kyam ya na kallona, sai naji na tsargu na kasa magana sai na fara sosa kai da Hannu guda d'aya mai kyau.
Wanda ya yi dama dama da manjan sai na maida shi baya.
Kunyar duniya duk tabi ta lullubeni cikin sanyin jiki da na murya nace"Sannu da zuwa."
Daga sama har kasa ya karemin kallo kafin ya dan saki fuska kad'an
Cikin maganarsa yace"Yauwa in shigo?
Sai na gyad'a masa kai ammh bansan cewa na tsaya kyam na bake kofar shigowa ba.
Sai da ya kara kallona sannan yace"To ba ni hanya ko Hasiya?
Sai da ya fad'i haka sannan na yi gefe da Sauri ina kif kifta ido kamar mara gaskiya
Sai da ya shigo sannan na kulle kofar na bi bayansa Lokaci d'aya ya na fad'in"ke haka ki ke bude kofa batare da kinsan wa ke miki knooking ba?
Ya fad'a daidai muna karisowa Tsakiyar falon.
Na kasa mgana ganin ya na bin inda na tashi da kallo cikin mamaki ya juyo ya na kallona bai yi mgana ba sai ma ya samu d'aya daga cikin kujerun falon ya zauna lokaci d'aya ya na sauke Jakar hannunsa.
Ajiyar zuciya ya sauke na alamun gajiya ni kuma ganinsa da jaka sai na yi tunanin kila daga tafiyar da suka yi yake.
A gaggauce na duka ina kwashe kayan gabansa cikin jin kunya da nauyi.
Da akwai sauran danwake a Filet din yaji ya yi min yawa yasa ban karisa cinyewa ba.
Filet din yabi da kallo sanda na ke mikewa cikin yanayin mganarsa yace"Danwake ki ka yi?
Kai na gyad'a masa ban yi mgana ba kai tsaye yace"Zan ci. Ammh bari na dan watsa ruwa tukunna."
Ina so nace masa babu ya kare ammh na kasa mgana.
Ya mike ya na fad'in"Akwai ruwa a cikin Tiolet din?
Da rawan baki nace"Eh ammh ba ruwan zafi bari na saka maka."
Bai jiyo ba ya na nufar hanyar Bedroom din yace"Zafi na ke ji ruwan sanyi is ok a wajena."
Daga haka ya wuce ciki sai a lokacin na samu damar Sauke numfashi.
Kitchen na Rumtuma kwanukan wanke wanke tun jiya ban wanke su ba su na fara wankewa sannan na Sake dora masa ruwan danwaken.
Sai alokacin na taba kaina naji ashe ban da dankwali a kaina da gudu na sake dawowa falon na Dauki Dankwali na Daura, sai alokacin naga ashe manja duk ya zuba a saman tayels din ga shi da haske ya bayyana.
Da gudu na koma kitchen na jika Tsumma da ruwa na dan barbard'a omo na goge wajen.
Sannan na dawo na kwaba garin Danwaken na jefa masa cikin mintina sai ga shi na gama komai har na kara gyara kitchen d'in.
Nasan ya na san manja ammh ban yi gaban kaina ba nace bari naji Ra'ayinsa.
Ammh har alokacin yaji bai bar auna min Rad'adi a saman harshena ba.
Sai ga shi mura ta kamani ina ta faman jan majina saboda azaban yaji.
Ina fitowa na gansa a falo zaune da waata na'ura akan cinyarsa ya na Dubawa.
Daga nesa da shi na Tsaya ina fad'in"Manja zan saka maka ko Mangyad'a?
Kansa ya dago ya na kallona kafin yace"Kinsan Ra'ayina ko? Sakamin manja"
Sai na juya na koma a karamar kula na saka masa Danwaken sai na dauko masa Filet da cokali da ruwa.
Manjan ma dabam na sako masa sai Roban yajin duk na jera a gabansa.
Ina durkushen nace"yaji kada ka cika ya na da fad'a"
Batare da ya kalleni ba yace"I see. Ko daga yadda kika jigata nasan ya na da fad'a."
Sai da ya fad'an na kara bin kaina da kallo sai na kara yarda ma kaina a jigace nake.
Sad'af Sad'af kamar barauniya na mike na shige bedroom da sauri.
Ba Kasafai na ke kara yin wanka bayan na yi da Safe ba ammh yau ta kamani dole sai na kara.
Nima kamar shi da ruwan sanyi na yi wanka naji dadi har raina da naga da Soson wanka na ya yi amfani.
Da na fito daga wankan ban ko shafa mai ba na bude wardrope na Dauko Atamfa riga da zani na saka na Daura Dankwali.
Sai na kasa fita falo Saboda kunya na yi zamana aciki.
Zanina da na ke wanka da shi na gani an shayamin saman kofar Tiolet na tashi na taba sai naji da Danshin Ruwa.
Sai nasan da shi ya yi amfani kila ya goge jikinsa tunda nikam ban tsaya Daura wani zani ba na fad'a wanka.
Gajiya na yi da zaman cikin na fito salau salau kamar kazar da kwai ya fashe mata acikin cikinta.
Hankalinsa na kan Na'urar gabansa da ya ke ta dannata sai nima yaja Hankalina.
Kasa na zauna a kujeran da ke fuskartsa ina kallonsa hannunsa baya gajiya Tab! Tab! Kana jin karan abunda ya ke dannawa.
Sai naji ya Burgeni abu kamar aljani bansan ya juyo ya na kallona ba, saboda shagala da kallonsa ina mirmishi sai ji na yi kamar daga sama yace"Kwashe kaya nan na gama tun daz'u."
Sai na yi kamar na Firgita kafin na shiga Raba ido ina Fad'in"Eh."
Bai kara kallona ba yana cigaba da abunda ya ke yi yace"Eh nace ki kwashe su ki kai kitchen.".
Da sauri na mike na fara Tattarawa na mike na zuwa kitchen sai da nashiga sannan na duba naga yaci Danwaken da yawa kadan ya rage.
Sai na ijiye masa sauran ina Tunanin kila anjuma zai bukace shi.
Abunda ya bata na ke wankewa naji bude get da Shigowar mutum.
Sai chan naji muryan Ummi kamar ta na mgana a waya ne.
Ban jira ta bugamin kofa ba ina gama wanke abunda ya bata na kifesu a kwando na fito zuwa kofar dakina.
Sai alokacin ya bi ni da kallo tun ba ma Siraran kafafuna ba.
Ya na mamakin yadda na ke da karfi da Kuzari ashe abun ba daganan take ba.
Ina bude kofar na ci karo da Ummi ta na saka wayarta a jaka.
Cikin washe baki muka tarbi juna na yi mata sannu da hanya muka gaisa sannan ta karisa dakinta ta bude ta shiga ni kuma na maida kofata na kulle na dawo cikin Falon.
Diri diri na yi tunda ni dai ban saba da shi ba, sai na yi tunanin na koma ciki na kwanta zuwa la'asar kafin ya tafi.
Na kama hanya kenan naji ya na fad'in"Kin yi kawa ne?
Sai na juyo ina kallonsa kafin nace'"Amaryan da ta tare ni kwanakin baya Sunanta Ummi."
Jinjina min kai kawai ya yi batare da ya kara mgana ba ni kuma sai na yi wuf na fad'a ciki.
Ban cika barcin rana ba saboda ban saba ba.
Gwara ma kwanaki kafin na samu waya na kan kwanta na rasa na yi na yi ta tunanin rayuwa har barci ya kwasheni bansani ba.
To yau ma hakane ya faru kwanciyata ba Dadewa barci mai nauyi ya kwasheni.
Barcin da har akayi la'asar bansani ba shi kuma ba ma'abocin yin salla agida ba ne fita ya yi ya nemi masallaci ya yi sallansa ya dawo ya cigaba da aikin da ya ke wani aiki ne aka ba su daga wajen aikin su.
Baisan barci na ke yi ba ya dauka na yi salla ban fito ba ne saboda zamansa a falon shi kuma sai ya samu kansa da Sakewa sanin ina cikin Dakin.
In da yana chan dakin ne bazai iya wannan aikin ba kadaici da kewa duk zata addabeshi ya kasa yin komai.
Sai da yaji ana ta bugamin kofa ne kuma yaga ban fito ba sannan ya tashi ya leka cikin Bedroom din yaga ina ta barci hankalina kwance.
Bai tasheni a lokacin ba jin ana ta buga kofar yasa ya juya ya fita yaje da kansa ya Bude.
Ummi ce ta kawo min abinci ta na ganinsa duk da bata taba ganin mijina ba amnh tasan ba wanda zai shigar min daki a wannan Lokacin in ba Mijina ba.
Da sauri ta gaisheshi ya amsa da Lafiya lau bai kuma saki fuska ba.
Cikin sauri Ummi tace"Hasiya fa?
Kai tsaye yace"Ta na barci."
Ummi sai ta mika masa kulan Hannunta ganin yadda ya wani Daure Fuska ta na fad'in"Ok ga shi na ta ne."
Ba musu ya saka hannu ya karb'a Lokaci daya ya na fadin"An gode."
Daga haka bai jira cewarta ba ya maida kofar ya Rufe a saman Fuskar Ummi da ta rike baki ta na bin kofar da kallo.
A ranta tace Mijin Hasiya ba shi da Fara'a daga haka ta wuce ta koma Dakinta itama ta maido kofarta Ta rufe.
Kitchen din ya shiga da kansa ya ijiye mata kulan, sai kuma ya tsaya ya na Dube Dube sai ya fahimci ta na bukatar cefane tunda ga yan kayan miyan nan ma duk sun bushe da ta shanya a kasa kuma ma ba su da yawa sosai.
Fitowa ya yi daga kitchen din ya na wani nazari hakkin sa ne cafane da komai da komai ammh kuma shi bai san yadda tsarin zai tafi daidai ba.
Wasu abubuwan bai san su ba tunda shi bako ne a harkan.
Har sai da ya zauna sannan ya tuna da cewa Bai tasheni ba.
Sannan ya kara mikewa ya koma Bedroom din daga bakin kofar ya tsaya bai shiga ba ya na kiran sunana a Hankali.
A cikin barci naji kamar ana kiran sunana ban tashi ba domin na Dauka ina cikin mafarki ne.
Sai na juya har ina gyara kwanciya sai naji an ja kafata lokaci daya ana fad'in"Bazaki tashi ba?
Sai alokacin na tabbatar da cewa ba mafarki ba ne.
A sannu sannu na bude idanuwana sai ga shi fes a kansa ya na tsaye ya harde hannayensa saman kirjinsa ya na kallona, kara lumshe idanuwana na yi saboda har Lokacin barci ne acikin idanuwana.
Ganin haka yasa ya kara ja min yatsan kafata ya na fadin"Tashi ki yi sallah mana."
Kasa ta shi nayi sai naji gabadaya gabbaina sun saki sai na kara juyawa ina Umh.!
Ammh na kasa ta shi batare da Tunanin komai ya saka hannunshi Guda d'aya ya Dago kaina sai gani zaune kan Duwawuna a saman gado ina raba ido cikin tsoro da mamaki.
Kai tsaye ya kalleni ya na fadin"Kin yi sallah ne?
Kai na girgiza masa ina sosa idanuwana alamun a'a.
Bai kara mgana ba sai da ya juya zai fice sannan yace"Ki tashi ki yi salla"
Kai tsaye kuma ya fice na bi shi da kallo na dad'e ina zaune kasala ta Rufeni kafin na rarrafa na sauko daga kan gado na fad'a Tiolet na dauro alwala sannan na zo na yi sallah.
Bayan na idar sai na fara gyangyad'i saman Darduma har da jin jigina da jikin gado.
Sai naji kamar Danwaken da naci ne duk ya bi ya kashemin jiki na kasa jin karfin jikina.
Sai kuma wani barcin ya kara kwasheni bai dadi cike da mafarkin wai gani da Amma muna ta Hira.
Shi kuma ya na falo aikin da ya ke ya Daukesa lokaci mai Tsawo kafin ya gama.
Ya lekani ya ganni saman Darduma ina barci sai kawai ya yi mirmishi abunda yasa bai kara tadani ba ganina saman Darduma yasa yasan na yi sallah kuma shi a tunaninsa tsoro da kadaici baya barina barci shiyasa yau na ke ta yin na rana.
Shiyasa bai tadani ba har aka kira sallar mangariba.
Lokacin ya gama amfani da Laptop dinsa ya maidata jaka agogon Fatan dake hannunsa ya duba ya na auna Lokaci gwara yazo ya tafi kada dare ya yi masa ammh gobe zai Dawo Saboda ya yi min cefane abunda ba ni da shi.
A toilet d'in dakina ya shiga ya Dauro alwala sai da ya fito sannan ya yi amfani da Ruwan hannunsa ya yarfamin a fuska da yasa Dole na mike zaune ina faman mutsakan ido.
Cikin yanayin maganarsa yace"Kinga an kira sallar mangariba"
Da sauri na waro ido cikin Muryan barci nace"Mangariba kuma?
Na fad'a da Sigan tambaya.
Mirmishi ya yi min yana maida agogon hannunsa Lokaci d'aya ya na fadin"Eh ki ta shi hakanan ki yi sallah kada ki koma barci ki bari sai kin yi sallar isha'i sai ki koma ki kwanta."
Ban samu zarafin mgana ba naji yace"In na fita daga chan zan wuce sai gobe zan dawo"
Har ya juya zai fice sai kuma ya juyo ya na fadin"Na manta ki rubuta abubuwan da ki ke so na cefane gobe zan zo kin ji ko?
Kamar wata gaula haka na gyad'a masa kai.
Sai ya fita daga dakin inaga yaji ni shuru ban biyosa ba me yasa ya kara lekowa ya ganni na zaune na kasa ta shi.
Cikin mamaki yace"Ki zo ki rufe kofa zan tafi ne."
Sai a lokacin na yunkura na mike jikina duk ya mutu, na bi bayansa salau salau.
Har zuwa bakin kofa ya na rataye da Jakarsa ya fita sannan ya juyo ya na kallona inaga ya fahimci har lokacin barci bai sakeni ba ne yasa yace"kada fa ki koma ki kwanta baki yi sallah ba."
Nace Toh ina Hamma, kai ya kad'a kafin yace"Sai da Safe."
Nima cikin muryan barci nace"Sai da Safe."
Sai da ya wuce sannan na maida kofata na kulle na dawo falo na zauna kan kujera ina faman lumshe ido.
Sai da na bata lokaci a zaune kamar bazan ta shi ba sannan na tashi naje na Dauro alwala na zo na yi sallah.
Kiran wayata ya fito da ni daga Daki zuwa Falo ina Dauko wayar naga shi ne ke kirana.
Da Sauri na Dauka haka kurum sai naji gabana na fad'i.
Kafin ma nayi mgana naji muryansa ya na fadin"Ina fatan kin yi salla ba barci ki ka koma ba?
Sai da na amsa masa da kai sannan na Tuna baya gabana sai da na yi saurin cewa"Eh na yi."
Shuru ya biyo baya kafin yace"Ki Rubuta duk abunda ki ke so kin ji ko?
Sai na amsa masa da Toh.
Yace sai da safe nima nace sai da Safe.
To wayarce ta sa na watsartsake daga barci na fara game.
Yau ko Amma ba mu yi mgana da ita ba, naa kira da Safe network bai sa na sameta ba.
Bansan Ummi ta aikomin da abinci ba sai da na shiga kitchen na gani sai na samu tabbacin sanda ina barci ta kawomin shi kuma ya karb'a
Dambun shinkafa ne da Zogale shi naci na sha ruwa na kwanta.
Da safe da muka hadu a bakin Famfo bayan mun gaisa na mata godiyan abinci.
Sai ta yi mirmishi kafin tace"Ashe megidanki ya dawo jiya?
Da Eh kawai na amsa mata daganan sai na Datse maganar.
Bani da takarda da Biro wajen Ummi na ara kafin ta fita na Rubuta masa abubuwan da na ke so na Cefane.
Kayam miya me sai kayan lambu sai mangyad'a da ya kusa karewa sai kayan maggi su kenan na Rubuta masa. Sai flower saboda ina so na rika Dan sululu da wainar Fulawa.
Ina da tabbacin zai zo tunda yace shiyasa ko kafin yazo na yi wanka na har da kwalliya na yi na saka Jan baki da Hoda da Kwalli.
Sannan na Fesa Turare yau ma kamar jiya daga wajen aiki ya biyo ta nan ya iske na Dafa Shinkafa da wake da mai da yaji ammh shi sai na soya masa manja saboda yace min da shi ya ke so yaci.
Ammh bai fara ci ba sai da ya yi wanka sannan ya zauna ya ci saboda Rana ta Daga yasa yace sai la'asar zai fita ina gani ya kwashe wayarsa ita kuma Na'urar yau na cikin Jaka bai Fito da ita ba
A gajiye ya ke yasa a kan kujeran da ya ke zaune barci ya kwashe shi. Abun mamaki ana fara kiran sallar La'asar ya tashi.
Takardan ya karb'a ya duba baice komai ba ya saka a aljihu ya fita zuwa masallaci.
Bai gayamin dagachan zai wuce cefanen ba shiyasa da naji shuru sai nayi tunanin ko ya tafi ne?
Ammh ya tafi kuma ya bar jakarsa a nan?
Ashe cefane yaje ya yo sai ga shi da ledoji niki niki kuma kamar na sani ban rufe kofata ba.
Dakyar ya bani Leda Biyu yace wai bani da karfi bazan iya ba.
Ni ya na bani mamaki wai bazan iya ba?
Kayam miya ne da kayan lambu sai abubuwan da nace.
Sai kifi da Nama da ya siyo sai dankalin Turawa da na Hausa sai mangd'aya king na karamar Roba.
Shi ya tayani muka jera komai a muhallimsa kifin da Naman yace na soyasu kada su lalace tunda bani da Fridge.
Bansan bayason karnin kifi ba sai da naga bayan na wanke na fara Soyashi ya bar Falon ya koma bedroom dina har ya na Turo kofa.
Sai da na shigo ya fara Toshe hanci ya na cemin na rufe kofar baya son karnin Kifi amai ya ke saka shi.
Cikin mamaki nace"To kasan baka so meyasa ka siyo?
Kai tsaye yace saboda ni baisan ko ina so ba.
Sai naji raina ya yi wani haske jin haka yasa ina gama soya kifin daman naman na fara Soyawa na dake na goge kitchen din da omo har Falon ma na share na goge na kunna Turaren wuta na tsinke da na Rushi da Adda Rukkaya ta kawomin.
Sannan Ummi ma ta dibar min nata yau bata dawo da wuri ba kila gida ta Biya.
Ina so na yi wanka ammh ya na Dakin kuma in na shiga zai ji karni Saboda kayana da ni kaina ina karnin kifin ne.
Sai kawai na fara greetin din kayan miya na Dora girki Shinkafa da Miya na Dora sai kuma na fara yanka kabeji da zan yi salat da tun tuni na iya shi a gidan Adda Fati.
Ina kitchen din ya fito yace zai je masallaci.
Ina jin haka na fito da Sauri sai dai ban zo kusa da shi ba daga kofar Kitchen din na Tsaya ina fadin"Ammh ba dagachan zaka wuce ba ko?
Kai tsaye yace"Dagachan zan wuce me ya faru ne?
Sai na samu kaina da marairacewa ina fadin"Don Allah ka dawo kaci abinci."
Shuru ya yi kamar mai nazari ganin haka yasa na kara sauke murya ina fadin"Kaji ASSADIQ. Don Allah na ce in ka ci sai ka tafi."
Kallona ya yi cikin ido kafin yace"Bazaki dauki Lokaci ba ko?
Da Sauri nace masa In sha Allahu.
Kad'a kai ya yi kafin yace"Ok."
Sai da na tabbatar da ya fita sannan na Daka Tsalle.
Sauri sauri na tsane shinkafar sannan na had'a miyar naje na yi wanka.
Ina cikin salla ya dawo sai da na Idar sannan na saka kaya ko mai ban Tsaya shafawa ba.
Ina fitowa daga ciki yace"ke nake jira kada dare ya yi na rasa abun hawa. Sannan garin kamar da Hadari."
Ni kuma kai tsaye nace masa"Da wuya fa ayi ruwa kasan farkon damina."
Bai ce min komai ba na shiga kitchen daman bayan na fito wanka na zo na Duba miyan naga ta yi sai na kashe gas din
Daman tuni na wanke salat dina had'a masa na yi miyan daman nama na saka masa saboda yace baya son kifi ni kuma bazan saka masa abunda baya so ba.
Ban dauka ba zai ci abincin da yawa ba sai naga kuma yaci ba laifi da ya tambayani ni bai ga na zubo nawa ba? Sai na ce masa ba yanzu zan ciba sai anjima.
Ruwan gora na Dauko masa Tunda ya siyomin da lemun Fanta kanta d'aya kowanne.
Kamar wasa sai iskan Hadari ya taso yana jin haka ya mike yace zai tafi sai me? Ba sai ga Ruwa ma su karfi ba dole ya dakata da Tafiya tun ya na zaton ruwa zai Dauke har ya Sare.
Sallar isha'i ma shi ya jamu jam'i Saboda Ruwa bai samu fita ba.
Kamar ranar da farko ni yace na kwana aciki shi kuma zai kwanta afalo.