So Da Buri Part 3 Complete Hausa Novel

So da Buri
Free Book
55

A hankali yake bud’e idanuwansa..
Hasken da ya gani tarr!! A kansa ne ya sanyashi maida idanun nasa ya rufesu dan lokaci guda yaji kanshi yayi wani mugun sarawa.

Da sauri Mommy ta matso ta kama hannunshi tana murmushi tana goge hawaye tace
“Dad, kaga ya farka,
yanzunnan naga ya bud’e idanunsa.”

Da sauri Dad ya matso ya d’an shafa fuskarshi sannan ya juya da sauri yana cewa “bara in kira Likitan, Alhamdulillah.”

A hankali yad’an damk’i hannun Mommy da yake a cikin nashi, da sauri itama ta d’aura d’ayan hannunta a kai tace
“Aslam, sannu mai kake so? Ya jikin?.”

Sai da ya sauk’e ajiyar zuciya sannan yace
“Hasken yayi min yawa”

Da sauri ta mik’e ta rage hasken d’akin sosai sannan tace
“Na rage”

A hankali yake bud’e idanuwanshi da sukayi mishi nauyi sosai.

Fuskar Mommy ya gani tana kallon shi tana murmushi.

Murmushin shima ya sakar mata sannan ya fara k’ok’arin tashi.

Da sauri tasa hannu ta taimaka mishi, sannan ta saka mishi pillow a bayanshi ya d’an jingina.
Yana gama gyara zaman shi tayi huggin nashi sannan tace
“Congratulations Son”

Shiruuu, yayi chan kuma yasa hannu ya zarota daga jikinshi kafin yace
“Mommy dama ba mafarki na yi ba?”

Murmushi tayi ta kama kumatunshi ta d’an ja
sannan tace
“Ba mafarki bane!
Angon Huda.”

Dai dai nan Dad ya dawo da Likita yana binshi a baya.

Y’an gwaje gwaje Likitan yayi sannan ya tambayeshi “ina ke yi mishi ciwo?
Ya yake ji a jikinshi?”

A hankali yace
“Nothing much..
Kawai kainane yake d’an sarawa kad’an kad’an”

Y’an rubuce rubuce Likitan yayi
daga nan ya basu discharge yace “su yi signing daga nan suna iya wucewa bayan an siya mishi waennan drugs d’in.
Ba wani abun bane yake damunshi
Like he said before
Kawai shock ya shiga, shiyasa ya suma!
But he’s okay now.
Allah ya kare gaba”
Daga haka ya juya ya fita.

A hankali Dad ya nemi guri ya zauna a kan kujerar daf da gadon sannan yace
“Aslam I’m sorry! So sorry.
Ban yi tunanin abun zai b’ata maka rai har ya kaika ga haka ba!
Shiyasa kawai da Abba ya zo mana da wannan shawarar muka amince daga mu har iyayen Mahaifiyarta.
Aure an riga an d’aura!
Ina rok’on k’a da kayi hak’uri ka danne zuciyarka
kar kayi wani abun da zai musguna mata
kaga itama Yarinyar ba so take yi ba!
Wannan zab’in mu ne.
Ku zauna lafiya, in sha Allah wata rana za ku so junanku.
Kar kayi anything da zai saka mu a kunya
ko dan y’an tsofaffin nan Mahaifin Mahaifiyarta
wallahi har ga Allah nayi tunanin idan aka gaya musu sauyin da aka samu da matsalar data taso ta wajen Arshaad ba za su yi farin ciki da kai ba
amman sam ko a fuskarsu bamu ga komaiba
a take suka goya mana baya d’ari bisa d’ari.

Sannan, na san Abba kamar uba yake a wajen ka kaima
amman dan Allah Aslam ka daure
kaga dai yanda ya daure dukda
k’iri k’iri ya kusan jin kunya saboda d’a na
amman bai damuba
haka ya sake yunk’urin ya k’ulla aure tsakanin y’arsa da kai!
Kar ka bani kunya Aslam
dan Allah”.
Dad ya k’arashe maganar yana mai had’e hannuwanshi biyu yana kallon Aslam d’in alamun, roko.

Da sauri Aslam d’in ya matso ya kama hannun Dad d’in ya sauk’ar k’asa:

Shiruuu, d’akin yayi kowa ya kasa cewa komai.
A hankali Dad ya mik’e yace
“Mu je.
Idan mun fita sai Ado ya tsaya a karb’a maganin a pharmacy”
Yana gama fad’in haka
ya juya ya fice.

Gaba d’aya hankalin Aslam baya cikin d’akin har sai da
Mommy ta d’an tab’a fuskar shi tukunna ya juyo yana kallon ta.
Tana shirin yin magana
ya riga ta ta hanyar cewa
“Ina Arshaad?”

Ita kanta Mommy sai da gabanta ya fad’i!
Sam murna da farin cikin da take ciki sun hanata tuna Arshaad d’in ita kam tun d’azu da sukazo asibitin
In ba yanzu da Aslam yayi mata maganar sa ba!
A hankali ta sauk’e ajiyar zuciya kafin tace
“He’ll be okay.
Ka ji?
Kar ka damu.”

A hankali ya lumshe idanuwansa
yana shirin yin magana kiran Dad wanda ya shigo wayar Mommy ya katse su.

Tana d’auka yace
“Akwai damuwa ne?
Naga baku fitoba har yanzu”

Da sauri Mommy ta mik’e tsaye sannan tace
“Babu,
muna tahowa”
Sannan ta ajjiye wayar
ta kama hannun Aslam wanda yake jin gaba d’aya jikinshi yayi sanyi.
A hankali ya mik’e ya bi bayanta suka fita tare.

A hanya aka tsaya drivern ya siya drugs d’in daganan suka wuce…

Har suka isa gida kowa da abunda yake tunani!
Suna shiga ya nufi side d’inshi yana mai cewa Mommy “yana d’an buk’atar ya huta”
“To” kawai tace suka wuce ita da Dad sama.

Yana shiga d’akin shi ya fad’a toilet yayi alwala
ya fito ya hau jero nafilfili……..

Su mommy suna hawa, Dad ya kira Daddy yace mishi ya cewa Auwal Mom da Ummi su taho da drivers da motocin mansion d’in duka a had’u a bakin estate za aje a d’auko Amaryar Aslam.
Ya yiwa Granpa bayani ta watasapp, Granpa d’in ya ce masa ‘okay he’ll get back to him later’
So kawai a kawota estate d’in idan an tashi.”

Cikin mintunan da basu gaza ashirin ba Mommy da Gwaggo Asabe suka shirya tsaf suka fito.
Suna fita a estate d’in suka had’u da su Mom da tawager su don haka suka yi convoy suka nufi gandun albasa…..

12:00pm(earlier)
Tun lokacin da su Dad suka fita
Arshaad ya kasa zaune ya kasa tsaye!
Gashi wani abun takaicin still Mammy ta hanashi fita.
Yana ganin kiran Auwal yak’i d’agawa dan kwata kwata baya buk’atar wata hayaniya..
Tunani kawai yake yi akan me zai yiwa Mammy ta barshi ya fita sannan a tunaninshi ya san Auwal d’in ce mishi zai yi yayi sauri ya san yadda zai yi ya fito kawai..
Duk da dai ya san cewa su Dad ba za su tab’a fasa d’aura auren saboda Mammy ba
amma yana buk’atar zuwa
He needs to be there
dan bai kamata ace
ya zama absent a rana mafi soyuwa a rayuwarshi ba.

Suna a haka yaji wayoyinshi gaba d’aya ukun sun haukace da k’ara!!!
Anfi minti goma amman duk ciki babu wadda ta huta, kiran yana katsewa wani yake kuma shigowa.
A hankali ya k’arasa kan gadon nashi inda ragowar biyun suke zube ya fara dubawa...
Jamil ne da ragowar Abokanayensa suke ta antaya mishi kira
Haka kurum yaji jikinshi ya d’au rawa sannan zuciyarshi ta fara wani kalan mahaukacin gudu!

Da kyar ya iya amsa kiran Jamil, tun kafin ya kaita ga kunnuwanshi ya juyo muryar Jamil d’in yana cewa
“Garin ya haka ta faru Arshaad???”
Da sauri ya kai kunnenshi kafin yace
“Sorry Jamiel,
wani abu important ne ya taso ya hanani zuwa”

“Kamar ya
Wani abu important
shi ya hanaka aurenta?”

Cikin rashin fahimta yace “ban gane ba!
Ba a d’aura auren namu ba
har yanzu?”

Fahimtar da Jamil yayi Arshaad d’in bai san halin da ake ciki bane yasa yace
“Haba!
Biri yayi kama da mutum..
Ni daman na san kamar da wuya ace wai ka hak’ura da Huda!
Anyways aikin gama ya riga ya gama yanzu kam…
An d’aura wa Huda aure yanzunnan nima shaida ne
Amman ba da kai ba
da
Yayanka Aslam...”

Diff!!!
Haka Arshaad ya d’auke wuta!

“Hello helloo helloo”
Haka Jamil yake ta maimaitawa amman shiruu!

Yadda ya k’ame ya k’i motsi sai da hakan ya d’an tsorota Mammy dan haka ta taso ta matso kusa da shi ta tsaya tace
“Kaii lafiyar ka k’alau kuwa??”

Sai a lokacin ya samu damar jan numfashi lokaci d’aya kuma ya saki wayar hannunshi ta fad’i k’asa ta tawarwatse!

Da sauri Mammy ta shiga gabanshi da kyau tayi cupping fuskarshi tace
“Kaii, ba dai hatsari suka yi ba ko?
Ka yi min magana ni duk kabi ka d’aga min hankali”

Wani irin jan numfashi yake yi wanda yayi mugun tsorata ta!
Cikin tsananin b’acin ran da bata tab’a ganin shi a ciki ba yace
“Abunda kike so ai kenan!
Kowa ya mutu kowa ya lalace
kowa ya shiga tashin hankali!
Ko ba shine abunda kike so ba?
Ya k’arashe maganar cikin tsawa!

Cikin b’acin rai Mammy tace
Kai!
Dan ubanka ni uwarka ce!
Kar In sake ji ka d’aga mun murya
idan ba haka b......”
Kafad’unta da ya kama duka biyu da mugun k’arfi ne ya sanyata tayi shiru
Girgiza ta yayi da k’arfin gaske sannan yace
“Uwa! uwa!! uwaaa!!!
Shine kalmar da kika yi amfani da ita kika tarwatsa mini rayuwa
Tarwatsawa ta har abada!
Ki kasheni kawai Mammy na rok’eki da girman Allah ki kasheni in hutu!
Kin riga kin kasheni a bad’ini saura na zahiri.”
Yana gama fad’in haka
ya cika mata kafad’un nata da k’arfi
wanda har sai da tayi baya kamar zata fad’i, ji yake yi kamar ya d’agata sama ya kauce!
Da k’arfi ya fincike hular kanshi
sannan ya cire babbar rigar ya jefar!
Yana juyawa yayi facin mirrow d’in jikin wardrobe d’inshi wanda gaba d’aya k’ofar wardrobe d’in mirron ne
da mugun k’arfi ya dunk’ule hannunshi ya daki mirrow d’in rabi ya tarwatse!
Hakan bai yi mishi ba
ya sake rarumo stool ya buga mirror d’in ya k’arasa tarwatsewa!

Da sauri Mammy wadda abun ya fara bata tsoro ta k’araso ta rike shi ta baya tayi hugging d’inshi..,
Gaba d’aya d’akin ya b’aci da jini kacha kacha dan ba k’aramin rauni ya yiwa kanshi ba daya daki mirrow d’in da hannu ba.
Fincikewa yayi ya fasa mirrow d’in d’akin sannan ya d’aga centre table shima ya fasa shi!

Zuwa yanzu Mammy tayi mugun tsorata da lamarin Arshaad dan haka ta ware murya ta fara kwala kiran Dad da Aaima tana k’ok’arin rik’e shi tana cewa
“Ka nutsu mana Arshaad, ka fara bani tsoro fa!
Akan mace kake wannan haukar?”

Zare ta yayi daga jikin shi cikin tsananin b’acin rai idanuwanshi sun yi mugun jaa suna zubar da hawaye yace
“Mammy kin cuceni!
Ban tab’a tunanin haka daga gareki ba!
Me nayi miki a rayuwa da nayi deserving haka daga gareki???
A iyaka sanina ban tab’a cusguna miki ba!
A kullum k’ok’ari nake yi inga na faranta miki na baki duk wata kariya ta ko wanne fanni…”
Matsowa yayi daff da ita yana kallonta kafin yaci gaba
“Bari kiji in tuna miki..
A ranar da kika jefo Mommy daga sama, na ganki!
Ina ga kina tunanin na manta ko?
Ko kuma ban gane ki ba?
Sarai na ganeki
i was young Mammy very young at that time amma
nayi zurfin tunani da hankalin In rufawa Mahaifiyata asiri
dan a samu ta zauna lafiya
cikin farin ciki da nishad’i!.

A lokacin da na had’u da Hudan
Ina ganin Mahaifiyarta na gane ita wacece dan dama tun farko Ina mamakin kamaninnta da Aslam da Abba da shigen kama da take yi da ni kaina!
A lokacin daman kamar na sani na yanke shawarar neman ki mu fara tattaunawa
amman kamar had’in baki Ina zuwa k’ofar d’akinki aka yi
rashin sa a Mom ta zo wajenki
babu abunda banji ba a ranar
game da yanda kuka yi kuka rabata da gidannan!
Everything
Ba ma iya kar case d’in Huda ba har da na Mommy a ranar duk na sake jin wasu sabbbin abubuwan da kuka aikata!
Har abunda ban tab’a expecting za ku iya aikatawa ba duk sai da na ji!

But do you wat i did??”
Bai jira ta bashi amsa ba yace
“I kept quite!
Na yi shiru ban fad’awa kowa ba kuma ban nuna miki ba ke kanki, ko a fuska!
Ki duba kiga yanda muke ni da Aslam amman i choose to support you Mammy!
Ki dubafa irin halin da yake ciki
amman nayi ignoring komai
saboda rufin asiri da farin cikinki!
Because I love you!
Bani da kamarki a duk duniyarnan!
Zan iya yin komai dan kawai inga you stay safe and happy!.

Ko kin san yaya mutum yake ji idan ya kulle maganganu a cikinshi shi kad’ai ba tare da ya amayar wa kowa ba?

To, haka nake ta fama da nauyin issues d’inki da guilt for almost 20 years......”

Durk’ushewa Mammy tayi a wajen ta fashe da wani irin kuka!
Suna a haka nan Aaima ta shigo, da gudu ta k’arasa inda suke a rikice ta hau tambayar “mai ya faru??”
Sai a lokacin Mammy
ta mik’e ta kama hannuwanta
sannnan tace
“Aaima na yi laifi!
Babban kuskure
Idanuwana sun kulle na kasa gane gaskiya, dan Allah dan annabi ki tayani bawa d’an uwanki hak’uri”

Da k’arfi Arshaad ya runtse idanuwanshi yana jin yadda
zuciyarshi take tafarfasa….

“Ya arshaad mai y....”
Da sauri ya juyo gareta ya d’aga mata hannu!

Shiru tayi maganar ta mak’ale
dan tunda Mammy ta kawota duniya bata tab’a ganin Ya Arshaad d’in nasu a haka ba.

Ba tare da yace uffan ba ya isa jikin wardrobe d’in ya hau had’a takardu da kaya!…

Wani wawan kuka Mammy ta fashe da shi sannan tace
“Arshaad kar kayi mini haka dan Allah kayi hak’uri.
Wallahi na amince kaje ka auri Hudan
Ai na gaya maka na tuba
Idanunane suka rufe amman yanzu sun bud’e!
Son, dan Allah ka tsaya ka saurareni, ka yi hak’uri
ka yiwa mamanka afuwar laifin da na kusan tafkawa
da kaina
nayi maka alk’awarin da kaina
zan je har wajen Maryam In bata hak’uri sannan In bawa kakannin ta da su Abba hak’uri
A d’aura muku aure!
Na san za su yarda.
Beside ai har yanzu a matsayin fiancé d’inka take so kar ka damu ko Abba muka je muka samu ni da kai a yau d’innan za a iya gyara komai!”
Magana take yi tana binshi duk inda yayi tana k’ok’arin rikeshi yayinda shi kuma ko alamar sauraronta ma bashi da niyya,
ta had’a kayanshi kawai yake yi!….

Sai da ya had’a akwati da briefcase sannan ya d’au wayoyin shi ya zura a aljihu ya d’auki makullin motarsa ya nufi k’ofa.

Da sauri Mammy ta shiga gabanshi ta tsaya sannan tace
“Arshaad na baka hak’uri kuma nace na yarda yanzu
ka aureta.
Wallahi tallahi nima sai yanzu nake dana sani. Ban san me ya shiga kaina ba, na kasa duba ka da halin da zaka shiga
amman yanzu idanuna sun bud’e.
Ka tsaya ka jirani anan wallahi
ko k’iyayyar Huda zata kasheni wallahi zan hak’ura inje in bawa iyayenta hak’uri.
I’ll not rest har sai naga ka aureta”

Wata nannauyar ajiyar zuciya ya sauk’e!
Da kyar yana mai jin numfashinsa yana d’aukewa
ya iya fisgo magana yace mata
“Mammy an riga an d’aura auren Huda da Aslam!
So dan Allah dan Annabi ki bani hanya in wuce
kafin in yi abunda zan janyowa kaina bala’i!
Dan na rantse miki da girman Allah ko muryar ki bana k’aunar ji!
Ahalin yanzu ba abunda na fi buk’ata irin in yi nesa da ke,
mugun mugun nesa ma kuwa!!!”

Fashewa tayi da wani sabon kukan ta durk’usa a wajen.
Da sauri ya ja akwatin shi ya fita rik’e da suitcase d’inshi
ganin tana shirin ruk’o shi.

Yana jin Aaima ta biyoshi amman yak’i tsayawa
sai ma k’ara saurin shi da yayi yana d’an had’awa da d’an gudu gudu…Itama Mammyn yanajin muryarta da alamun biyoshi tayi
hakan yasa yayi sauri ya danna key ya bud’e ya zuba kayanshi a baya ya shige ya tada motar ya nufi gate da mugun gudu!
Allah yaso mai gadin yana nan
dan haka ya na hangoshi ya wangale gate d’in, shi kuma ya fice.
Dai dai nan su kuma suka fito compound d’in!
Basu tarar da shi ba sai iskar motarshi......

GANSUN ALBASA
Yinin biki Shuwa ta had’a mai rai da lafiya.
Tun safe mai makeup tazo ta tsantarawa Amarya kwalliyarta
amman kafin ma lokacin d’aurin auren kwalliyar ta goge tas! Saboda tsabar hawayen da take yi tana sharewa.
Zuwa yanzu kam Huda ta cire rai da Arshaad!
Ba abunda yafi d’aure mata kai irin yadda ya yaudareta for almost 4 years bayan ya san ba sonta yake yi ba!
“Don kawai ya ga wannan ranar?”
Ta yiwa kanta tambayar
Wata zuciyar ce tace mata
“Ai daman Mama ta fad’a, Abba ne ya turo shi”
Da sauri tace
“Astaghfirullah!
Inaaaa, Abba ba zai tab’a had’a baki a yi mini haka ba.
Sai dai in Arshaad d’in ne ya nuna mishi yana sona bayan ya san baya sona
shi kuma Abban ya yarda da shi.
Amma ai Abba ba zai tab’a turo shi ba
No matter what......”
Kanta gaba d’aya ya d’aure ta rasa yadda zata yi.

Tana zaune daga ita sai Khadija a d’akin
dan kwata kwata Sakina kwana biyun nan bata yarda su zauna waje d’aya
ko had’a ido Hudan ta lura Sakinar bata so su yi.
Ita kuwa Sakina ta san muddin ta zauna tare da Huda sai tayi kuka itama
shiyasa taga gara tayi nesa da ita kar taje instead of ta dinga k’ara mata kwarin guiwa taje ta b’ige da karyar mata guiwa.

Suna zaune Khadija tanata lallashin ta su Madu suka shigo!
Tunda suka shigo dama ta san ba lafiya ba dan bata tab’a ganin Madu ya shigo d’akin Shuwa direct haka ba, dan haka kawai ta lumshe idanuwanta tana jira taji yace
‘Arshaad ya fasa aurenta’

Murmushi yayi kafin taji yace
“Amarya!
Bud’e idon mana.”

Dumm!! Haka gabanta ya bada, da sauri ta bud’e idon taga yana kallonta shi da Baba bashir murmushi shimfid’e akan fuskokinsu.
Da kyar ta iya gaishesu
daga nan taga Shuwa da Ummu da Mama suka shigo.

Mik’ewa Khadija tayi ta fita bayan ta gaidasu.

Sai da kowa ya zazzauna
tukunna
Baba Bashir yayi gyaran murya yace
“D’azu mun tafi da niyyar d’aura auren Hudan da Muhammad Arshaad
Sai aka samu matsala
Ita Mahaifiyar Arshaad d’in ashe tunda ta dawo ta d’aga musu hankali akan muddin aka yi gangancin d’aura auren d’anta da Huda tou tabbas sai ta tsine mishi! Ashe shiyasa ma bai samu zuwa jiya ba instead sai Yayanshi ya wakilceshi.
To su a tunanin su Yahayan za su iya shawo kan matsalar
shiyasa basu wani damu ba muma basu gaya mana ba.
To dai yau Mahaifiyar tasa ta tabbatar ta sake tabbatarwa
akan ita fa tana nan akan bakarta ba kuma wanda zai iya sakata ta sauk’a.

Su kuma su Abba suka ga bai dace ace Mahaifiyar shi tana ta ik’irarin tsinuwa a kansa haka ba, kuma kinga tabbas dole suna buk’atar albarkar ta!
Shiyasa Abba da yayyunshi maza suka yanke shawarar fasa d’aura auren da Arshaad
Instead
sai aka d’aura da Yayansa Aslam mai sunan Mahaifinta wanda ya wakilci d’an uwan nashi jiya...............

“Innalillahi wa innailaihirrajiun”
Shine abunda Huda take ta faman maimaitawa tana hawaye.

Madu ne yace
“Aslam bashi da wata makusa.
Abunda yayi Arshaad shi yayi Aslam, sannan an an riga an tara mutane. Kuma tunda Mahaifiyar Arshaad ta furta bata k’aunar Huda to ko an dawo ance ta hak’ura aka d’aura tabbas Huda ba zata zauna lafiya da ita ba!
Sannan Mahaifin Huda shi ne ya kawo wannan shawarar ya zab’a mata Aslam
It’s like kamar ma yafi farin ciki sannan hankalin shi yafi kwanciya da Aslam d’in
dan bakiga irin farin cikin da yake yi ba a lokacin da aka goya mishi baya aka kuma d’aura auren. To who are we to reject?
Besides
Ni a ganina ma it’s for the best
In sha Allah
Tunda kullum zab’in Ubangiji muke nema
shi ya shirya hakan.
Dan haka sai mu runguma mu kuma gode mishi mu bita da fatan alkhairi.

Banaso inji wata magana ta taso! Ku saka a ranku kawai Arshaad ba shine Allah ya tsara zai zama Mijin Huda ba
Aslam ne!.
Sai kuyi mata nasiha
ku shiryata,
Yahaya yace min k’arfe biyar na yamma za su zo su tafi da ita in sha Allah..
Allah yayi muku albarka gaba d’ayanku.”
Yana gama fad’in haka ya mike suka fita shi da Baba Bashir.

A hankali sautin kukan Mama ya fara tsananta a cikin d’akin....
Ganin Huda ta mik’e ta nufo inda take tana kuka ne
ya sanya Maman ta mik’e da sauri ta fice daga d’akin tana kuka.

A tsakar d’akin Huda ta zame ta zauna ta fashe da wani kuka mai ban tausayi

Shuwa ce ta umarci Ummu da “ta je ta d’auko mata laffayar da za a nad’a mata
Sannan ta taho da turarukan wuta da kasko”

Ummu na fita Shuwan
ta k’arasa inda Huda take zaune itama ta zauna sannan ta kamo hannunta duka biyu….
Nasiha mai ratsa jiki tayi mata
wanda ko Maman iyakar abunda zata gaya mata kenan!
Duk wani abunda ya dace sai da Shuwa ta fahimtar da ita dalla dalla.

A haka Ummu ta shigo ta samesu
dan haka itama ta nemi waje ta zauna ta d’ora mata da nata darussan…,
Ita dai Huda zuwa yanzu muryarta ta disashe,
hawayene kawai yake fita daga idanuwanta, sai
faman sauk’e ajiyar zuciya take yi, a ranta
tana tunanin
‘Tayaya zata fara zama da mutumin da ba ya sonta bata sonshi?
Mutumin da ta lura ko inda take baya son zama...’

Umartarta suka yi da ‘ta mik’e’
Tana mik’ewa suka hau shiryata..
Suna mata ruwan turarurruka
Khumra da na wuta...............

A gigice Anty Zainab ta k’arasa gidan Baba.
Tana shiga ko sallama bata yi ba ta fad’a d’akin Umma.
A kan gado ta sameta ta bararraje tana shan lemo da bredi da gyada
Ya Ja’afar kuma yana gefe a kwance yana bacci.

D’auke bredin tayi ta jefar
Umma na shirin yin magana Anty Zainab ta katseta ta hanyar cewa
“Jiya! Sai da nace miki kar ki k’arawa mutumin nan kud’i
yaudarar mu zai kuma yi amma da yake kunnen k’ashi gareki kika d’auki mak’udan kud’ad’e kika bashi saboda kinji Jalila duk ta rikice tana kuka ko?
To albishirinki kice mini goro!
Ga Huda chan ana shirya ta
In sha Allah nan da k’arfe biyar za azo a tafi da ita gidan Arshaad!
Aure kam ya d’auru, ba d’an borin da yayi nasarar lalatawa.”

Kwarewa Umma tayi da d’an ragowar bredin bakinta wanda bata gama had’iyewa ba.
Da kyar ta dawo dai dai
Cikin tsananin tashin hankali tace
“Innalillahi wa innailaihirrajiun!
Wacce iriyar masiface ni kam ta fad’amin?
Ni sadiya ina zan saka kaina?
Yanzu mutumin nan ya kyauta min kenan?
Tsofai tsofai da shi amman ya karkace yayi ta faman gilla mini k’arya?
Kin san tun yaushe muka sanshi kuwa? An dad’efa ana tare.
Haba dan Allah
Allah ya isa kud’ina da lafiyata.
Kiga fa jiya cikin dare muna barin asibiti haka muka je wajen shi.
Har da cewa ko dan halin da nake ciki zai yi mini aiki mai zafi!
Shege ashe yaudarata ya kuma yi ya saka min rai
Allah sai ya saka min wallahi”
Ta k’arashe maganar tana fashewa da kuka..

Duk sai tausayinta ya lullub’e Anty Zainab,
a hankali tazo ta zauna a gefenta kafin tace
“Yanzu menene abun yi?
Kuka ba zai kawo mana solution ba.”

Hawayenta ta goge sannan ta mik’e tace “komawa za muyi!
Ai ta inda aka bi aka hau tanan ake sauk’a.
Wallah ko dai ya lalata auren kafin ta tare ko kuma ya biya ni kud’ina”
Ta fad’a haka tana mai yafa mayafinta wanda ta d’auka yanzun.

Da sauri Anty Zainab ta mik’e ta tsaya a gabanta sannan tace
“Sadiya ki nutsu dan Allah.
Na tabbata kafin mu k’arasa wajen nan mai uban nisa Huda ta riga ta shak’i iskar gidan Arshaad.
Yanzu ni dai indai zan baki shawara ki d’auka to ki hak’ura da raba auren nan!
Kinga fa yadda muka yi ta k’ok’arin rabawarnan yak’i rabuwa to maybe wani babban rabo ne a tsakaninsu
Allah ne ma yake son mu shiyasa ya barmu da ranmu,
kar muje mu sake yin wani yunk’urin, muje garin neman gira mu rasa idanuwanu.”

Cikin tsananin b’acin rai Umma tace
“To matsoraciya!
Kin san Allah wallahi sai dai duk abinda zai faru ya faru
amman aure kam na raba shi na gama billahilazim!
Ai In na barsu ma
To
Maryam taci riba kenan!
Idan zaki ci gaba da taimaka min to na gode, idan kuma ba za ki ci gaba ba
to kina iya yin tafiyarki
dan ni nan kin ganni wallahi sai inda k’arfina ya k’are!
Na tabbatar inda ace Khadija ce take cikin halin da Jalila take ciki da kema sai inda k’arfin ki ya k’are!”.

Anty Zainab taji zafin maganar
amman kawai sai ta basar
duba da halin da Umman take ciki kwana biyu..Jafar a haukace! Junaidu ya b’ata!! Baba ya gudu!!! Jalila kuma gata chan itama sai a hankali,
sannan duk fad’in duniyar nan ita kad’ai Umman ta gayawa Jalilan cikine da ita
amman har Laraba bata sani ba Umman tace ‘In ta fad’a mata tana iya gayawa su Hansai, daga nan su kuma
su yayata ayi ta munafurci a cikin unguwa da dangi’
Waennan dalilan su suka sanya itama Anty Zainab d’in tayi sticking by her side take taimaka mata sannan
tana tsananin jin tausayin k’awartata, shiyasa yanzu ma
Mta kaawar da haushin da taji tace
“Sadiya yadda na d’auki Jalila haka na d’auki su Khadija.
Ki kwantar da hankalinki ki nutsu kar muje muyi ba daidaiba cikin rashin sani.”

Da sauri Umma tace
“Hankali na ba zai tab’a kwanciya ba Zainab!
Ina cikin tsananin tashin hankali..
Jiya da Jalila ta kira ni gaya miki ne ban yi ba dan kaina ya d’au chaji ba kad’an ba!
Cikin jikinta ya zube, garin
haukarta taje ta fad’o daga matattakala.
Kinga yanzu shi Yaron Auwal babu maganar karb’ar kud’i a hannunshi
kuma na tabbatar nan da kwana kad’an uwar nan tashi mara mutunci itama tsayayyiyar kanta
zata auno Jalila gidan nan!
Ni na ma yi mamakin da ta barta har yanzu dan
kwata kwata ba shiri suke yi ba!
Gashi ke kin san yadda Jalila take matuk’ar k’aunar Arshaad
sannan a haka kike tunanin zan bar Huda taje ta zauna tare da Arshaad a gaban idon Jalila?
Tana ji tana gani?
Da wanne Yarinyar nan za taji saboda Allah?
Sannan ni kaina
me nayi ne haka a rayuwa da mugayen abubuwa suketa fad’o mini haka?”
Ta k’arashe tana mai fashewa da mugun kuka.

Rungumeta Anty Zainab tayi ta shiga lallashinta
Sai da taji tayi shiru tukunna tace
“Sadiya ki nutsu ki bani hankalinki dan Allah mu yi magana”

Kamar wata k’aramar Yarinya haka Umma ta hau share hawayenta tana d’aga kai
duk ta rikice, ta manta rabon da ta shiga kwatankwacin tashin hankali irin wannan.

Sai da ta nutsu sannan Anty Zainab tace
“Anjima idan na dawo daga raka Huda zan zo mu koma wajen mutumin nan,
akwai wani ma shima za muje wajenshi.
I’m sorry to say amma raba auren Huda da Arshaad ba zai yiu ba Sadiya tunda an riga an d’aura.
Yanzu mu bar Huda
mu ji da Jalila
duk bala’i idan za muyi yawo tsirara mu san yanda za ayi a sati mai kamawa a aurawa Arshaad Jalila.
Ke kin san wacece Jalila da kuma yadda take son Arshaad
da taimakonta da taimakonmu
na tabbatar Huda ba zata yi wata biyu a gidan Arshaad ba.
Na tabbatar hakan sai yafi yiwa Maryam zafi akan yanzu a fasa kai Huda gidanta kai tsaye!.
Yanzu ki cewa Jalila ta daure ta jure ta kauda kanta, za mu yi
nasara in shaa Allah.”

BULAMA ✍️

So da Buri
Free Book
56

Sakina ce ta yi knocking aka bata izinin shiga, tana
shiga tace musu
“Masu d’aukar Amarya sun zo, suna k’asa.”

Dumm!!
Haka k’irjinsa ya buga hatta Shuwa.
Cikin dauriya Ummu ta cewa Sakinan “ta je, ga su nan zuwa”
Kallon ta Hudan tayi da idanuwanta da suka k’ank’ance suna zubar hawaye, da sauri ta juya ta fita
tana share tata kwallar..

Shuwa na hannun damanta Ummu kuma ta ruk’ota ta gefen hannun hagu,
a haka suka sakata a tsakiya suka sauk’o parlourn da ita fuskarta a lullub’e.

Kauda kai Mommy ta yi
ta share kwallar farin cikin data zubo mata!
A hankali ta mik’e
ta k’arasa wajensu ta kamo hannun Huda ta kawota kan kujerar da take akai gefenta ta zaunar da ita sannan itama ta samu waje ta zauna kusa da ita.

Ummi ce ta mik’e itama ta isa 3 seater da suke zaune su biyu ta zauna a kusa da Huda ta kamo hannunta tana murmushi (ya zamana sun sakata a tsakiya ita da Mommy )

Tsakin da Mom ta yi sai da ya d’an fito fili ba tare da ita kanta ta san zai fito d’inba!
Da sauri ta wayance ta sake yin wani sound kamar wadda abu ya mak’alewa a hak’ori
sannan ta shiga gaida su Shuwa tana mai
k’arewa gidan kallo!
Dukda cewa gidan yana da girma gashi mai bene amman hakan bai hana Mom yiwa gidan kallon k’ask’anci ba.

Gaggaisawa aka shiga yi cikin barkwanci da mutunta juna,
daga nan aka damk’awa su Mommy amanar Huda
suka amsa hannu bibbiyu suna masu farin ciki…

Mik’ewa aka fara yi da niyyar tafiya amman Amarya furr! Ta k’i mik’ewa..
Da kyar Ummi tasa hannu ta d’agota sannan ta jawo ta jikinta ta rungume ta shiga lallashinta tana cewa “muje mana dota.
Yi hak’uri kinji, kowa da haka ya fara.”

Cikin kuka, da muryarta wadda ta dad’e da dishashewa ta cewa Ummin
“Ban yi sallama da Mama ba.
Dan Allah ku kaini wajenta.
Zan biku amman sai na fara yiwa Mama sallama.”

Lumshe ido Ummi tayi tana jin yadda k’irjinta ya fara bugawa da sauri da sauri…
A hankali ta juya ta sanarwa su Mommy abunda Hudan tace

Murmushi Shuwa tayi
kafin ta cewa Ummu “ta tashi ta kamata su kaita mota.
Za suyi sallamar a waya.”

Sai da suka yi da gaske kuwa tukunna suka iya janyeta.
Tana kuka tana komai haka suka fitar da ita aka sanyata a mota Ummu da Ummi suka sakata a tsakiya
Ummi sai faman lallashinta take yi.....

Inda Mama take Mommy ta tambaya bayan fitar su.
Sakina ce ta kaita har d’akin sannan ta juya ta fita dan itama tana so ta raka Amarya.
Mota guda suka yi ita da k’awayensu su hud’u waenda suka zo rakiyar Amarya.

A zaune Mommy ta sami Mama a bakin gado
tana ta sharar hawaye..
Sai da ta k’arasa inda take ta dafa kafad’arta tukunna ma Maman ta san mutum ya shigo!
Murmushi Mommyn tayi ta zauna a gefenta sannan
tace
“Ai gara da Hajiya tace a tafi da ita ba sai kun yi sallama ba
dan na san daa ta shigo ta ganki a haka to da sake tab’arb’arewa al’amarin zai yi”

Kukan Mama ne ya tsananta a hankali ta juyo ta kama hannunta tana sheshshek’a tace
“Mommy, ga amanar Huda!
Dan Allah ki kular min da ita.
Ina tausayawa Huda dan
ban san ya zaman nasu zai kasance ba saboda na san duk su biyun basa k’aunar juna
amman kuma idan na tuna ke ce surukar ta sai hankalina ya d’an kwanta na san at least
ko da ace bata samu soyayyar Miji ba na san zata samu ta Mahaifiyarshi
Hakan zai d’an rage mata rad’ad’i da damuwa.

Naso ace Huda ta auri mai k’aunarta amman kuma k’addara ta riga fata.”
Ta k’arashe maganar tana mai fashewa da kuka.

Murmushi Mommy tayi kafin tace
“Share hawayenki, ki d’ago ki bani hankalinki.”

Da kyar Mama ta iya tsayar da kukan nata sannan ta d’ago tana mai kallon Mommy da idanuwanta da suka k’ank’ance sukai jaa.

Ajiyar zuciya Mommy ta sauk’e kafin tace
“Ki daina cewa Aslam ba ya k’aunar Huda!
Dan zan iya rantse miki ko shi kanshi Arshaad d’in ba ya yi mata kwatankwacin son da Aslam yake mata.”

D’an zaro ido Mama tayi tana kallonta da alamun mamaki.

“Kwarai kuwa”
Shine abunda Mommy tace
sannan ta d’aura da cewa
“Tunda na warke, although ban zauna da Aslam ba
ban kuma san yanayin shi sosai ba amman tashi d’aya na fahimci yana cikin matsananciyar damuwa!
Kullum yana fama da zazzab’i da hawan jini, anyi anyi da shi akan ya fad’i damuwar shi amma yak’i fad’awa kowa.
Sai da yaga yana shirin mutuwa tukunna ya zo ya samemu ni da Dad
yace mana ‘yana neman alfarmar mu barshi ya tafi uk
ya d’an yi y’an kwanaki’
Mu kuma ganin rashin dacewar hakan ne ya sanya muka hanashi tafiya.
Bayan Dad ya fita ne
na lallab’ashi akan ya fad’amin damuwarshi..
Da kyar ya iya gaya min
dan shi har ga Allah kunya yake ji…
‘He knows he’s selfish ta ko wanne b’angare
amma ya rasa yadda zai yi ya yakice soyayyar Huda a cikin zuciyarshi.’
Yace min ‘tun ranar da ya fara ganinta tun ba yanzu ba
Allah ya d’aura masa matsannciyar soyayyarta!
Kuma dede da rana d’aya k’aunarta bata tab’a raguwa a zuciyarsa ba
instead k’aruwa ma take yi.
Baya iya bacci baya iya yin komai cikin nutsuwa idan
ba hotonta ya saka a gaba ba yayi ta kalla.’
A ranar yace min
‘Muddin muka barshi aka d’aura auren Huda da Arshaad a gabanshi tou tabbas zai iya rasa ranshi!
Dan haka shiyasa yana ganin gara yayi nesa sosai kuma yana rok’ona ko da an d’aura auren to kar In fad’a mishi,
ko ya tambayeni kawai ince mishi nima ban sani ba’.

Naji matuk’ar tausayin Aslam a wannan lokacin tabbas, ba na so ya zama coward shiyasa na hana shi tafiya
na rok’esa Allah da Annabi ya zauna..idan yayi facing ya tabbatar da ta sub’uce mishi forever hakan will make him stronger and zai cire hope yayi moving on.

Ya yarda zai zauna bayan ya tabbatar min idan bai mutu a ranar ba to zai iya samun heart attack!
Ni kuma na duk’ufa gayawa Ubangiji
Ya saka mishi sassauci da dangana sanann ya zab’awa
Hudan Arshaad da Aslam dukkan nin abunda yake alkhairi ne a rayuwarsu.

Tun jiya na hango silver lining.
Shiyasa yau na tilasta mishi yaje d’aurin auren!
Idan an d’aura auren Huda da Arshaad a gabanshi na san hakan zai taimaka mishi
akan ace ya gudu daga reality da nauyin hope!
Idan kuma an d’aura da shi to falillahil hamdu.”
Ajiyar zuciya ta sauk’e kafin ta ci gaba
“Tunda har Aslam ya iya kawar da komai ya cire kunya ya furta mini cewa yana son Huda to tabbas na san ba k’aramin so yake yi mata ba!

Ki duba kiga yadda suke shi da Arshaad da kuma kawaici irin nashi amman ya kasa hak’ura!

Na san Aslam tun yana Yaro k’arya ba abunda ya iya baneba besides why will he even lie?
All that I’m trying to point out miki anan shine
Hudan ta tafi gidan wanda yake k’aunarta matuk’a!
Ki kwantar da hankalinki ki bisu da fatan alkhairi.........”

Direct MT estate aka wuce da ita...
Already Mommy ta saka masu aiki sun share sun goge side d’in Aslam sai tashin k’amshin turaren wuta yake yi.
Ba abunda babu na fannin furnitures, duk ragowar d’akuna ukun akwai gadaje masu kyau!
Parlourn ma yana d’auke da duk wani abun buk’ata.

Motocin suna gama yin parking aka fara firfitowa.

Tun a gate na estate d’in Anty Zainab taji inama bata zo ba!
Gashi mata y’an Maiduguri da suka shigo mota d’aya tare da su sai faman zuzutawa suke yi suna
“Ma shaa Allah! Huda kam Allah ya bata duniya” ita kuma tanajin kamar ranta zai fita!
Sannan kanta ya d’an juye
dan cewa aka yi gidanta ita kad’ai ce yanzu kuma taga an kawota nan!.
A haka dai tana ji kamar zuciyarta zata fashe ta biyewa jamaa akai ta washe baki da ita, ta bari akan In sun koma zata bugi cikin Khadija ta ji komai dan ta san idan ba bugar cikin nata tayi ba to ba zata tab’a gaya mata ba!
Sun sha yin fad’a da ita Khadijar ba sau d’aya ba akan su Hudan.

Ummi da Ummu ne suka ruk’ota, suna zuwa main door na shiga gidan suka umarceta da ta shiga da bismillah da k’afar dama, haka ma k’ofar side d’in Aslam da tazo shiga!
Yadda suka ce hakan take yi da fuskarta a rufe cikin laffaya tanata kuka.

Sai da suka kaita bakin gadonta sannan suka ajjiye ta da bismillah.

Bayan an d’an ragu a d’akin
Ummu ta k’ara mata da nitsatsiyar nasiha!
Basu wani dad’e ba suka fara shirin tafiya hatta gifts da abincin da Dad ya shirya musu ma mota kawai aka kai
dan suna idar da sallar Magrib suka fara zuwa suna yi mata sallama suna ficewa……
Jama’a da friends d’insu in banda santin estate d’in da side d’inta ba abunda suke yi,
a haka kowa ya watse.
Aka barta ita da su Sakina da Khadija da friends d’insu guda biyu da suka zauna dan ragowar cewa suka yi ‘za su wuce saboda basa so su yi dare’…..
Da kyar da sid’in goshi Huda ta d’an tsayar da kukan nata, bayan dogon lallashi daga su Sakina ta yi shiru
ta bud’e fuskarta.
Tana jinsu suna ta hira ana shewa amman ta kasa tanka musu
Istigfari kawai take tayi
saboda sam! Tunanin Arshaad yak’i fita daga ranta.

Daga masallaci direct gida Aslam da Dad suka wuce side d’in Mommy.
Suna zaune ita da Gwaggo Asabe da alamun magana suke mai muhimmanci su Dad d’in suka shigo.
Mik’ewa Gwaggo Asabe tayi zata fita Dad yayi saurin cewa “ta dawo ta zauna
Nasiha za su yiwa Ango!”….
Sun kusan 1 hour suna yi masa Nasihar
daga nan Dad ya mik’e yayi musu sai da safe.

Kana ganin Mommy da Gwaggo Asabe ka san suna cikin farin ciki.

Mommy ce tace
“To ka tashi ka je kuyi siyan bakin mana.
K’awayenta fa kai suke jira su tafi”

Kamar zai yi kuka yace
“Mommy siyan baki kuma?
Kin san fa a yanda auren nan yazo. Ki barshi kawai su yi tafiyarsu,
Ina son ganin Arshaad
first.”
Ya fad’a yana mai mik’ewa zai fita.

“Baya nan”
Yaji muryar Mommy.

Da mamaki ya juyo kafin yace
“Ina ya je?”

“No body knows”
Mommy ta fad’a tana mai mik’ewa ta k’araso inda yake.
“Baka farin cikine?
Yau?”

D’an Satar kallon Gwaggo Asabe yayi yaga hankalinta sam baya kansu…. A hankali ya sauk’e ajiyar zuciya kafin yace
“Mommy ba wanda ya kaini farin ciki a kaff fad’in duniyar nan a yau!
Amman no matter how i tried sam! Na kasa ignoring some facts ne, If I were in Arshaad shoes I would have die by now.
Gara ka san abu ba naka bane ba tun farko akan ka saka rai kuma azo baka samuba daga k’arshe.”

Ajiyar zuciya Mommy ta sauk’e
kafin ta shafa fuskarshi
ta d’anyi murmushi
a ranta ta raya
‘Inama ace kowa irin zuciyar Aslam d’inta gareshi, da
duniya ta zauna lafiya’….
Muryarsa ce ta katseta
jin yana cewa
“Bara inje In fara nemansa”

“Ka fara zuwa ko kai da Auwal ne ya rakaka ko?
Karka janyo mata abun magana mana a wajen k’awayenta”

Sunkuyar da kai yayi
chaan! Ya d’ago yace “okay”
Sarai Mommy ta san ba iya kiran Auwal d’in zai yi ba
shiyasa ta yanke shawarar ta kirashi da kanta.

Yana d’aki.
Shi kad’ai…
Ya gwada kiran Arshaad yafi sau nawa amma baya d’auka!
K’arshema kashe wayoyinshi yayi dan in ya kira sai dai yaji ance switchoff!
Babban abubda yafi damunshi shine rashin sanin inda Arshaad d’in yake…
Suna dawowa gidansu ya nufa
Aaima ce take fad’a mishi yadda suka yi d’azun dan haka hankalinshi a tashe ya fita nemanshi
amman ba inda bai dubaba ya nemeshi ya rasa!
Yana a haka kiran Mommy ya shigo wayarsa. Bayan sun gaisa ne
tace
“Yazo ya raka Aslam wajen
Amarya, k’awayenta suna jiransu ba su tafi ba sannan
ya d’an taho da snacks da kaji”
Da “to” ya amsa ta
daga nan suka yi sallama.

Ko da suka gama wayar sai da ya kusan minti biyar yana tunani tukunna ya mik’e
ya fita….

Kamar Mommy ta sani Aslam yana fita d’akin shi ya nufa ya zauna shi kad’ai yanata tunani..
Chan kuma ya zaro waya ya fara gwada kiran Arshaad amman sai yaji a kashe!
Har ga Allah yana son Huda
fiye da tunani dan
inda ace bai sameta ba
to da bai san ya zata kasance da shi ba
amman kuma
yana matuk’ar jin tausayin Arshaad! Bai san me yake going through ba!
A fili yace
“Wannan wacce irin k’addara ce?
Ya Allah Astaghfirullah.”

Ya jima tukun yaji knocking.
Izinin shigowa ya bada ba tare da ya san wanene ba.
Kallon kallo suka tsaya yi wa juna shi da Auwal bayan ya shigo, chaan kuma Auwal d’in ya k’araso yazo ya zauna kusa da shi.
Ko gaisawa ba suyi ba ya fara magana
“Yanzu ya za mu yi?
Su Abba sun k’ulla abunda zai iya janyo babbar matsala
su Mommy su kuma naga kamar they are okay with it!
Ko ka san yanzun nan ta kirani wai In taho da kajin Amarya muje in rakaka a yi siyan baki
As if ba abunda ya faru.
Aslam na san kaima baka son auren nan amma idan kace za kayi shiru ko kuma kace bara ka yiwa su Abba biyayya dan kar su ji ba dad’i to akwai matsala fa!
I can’t even begin to tell you yadda Arshaad yake son Huda.
You have to speak tun kafin a lalata muku future ku duka ukun.
Dubafa yadda kayi fainting
amman bayin Allah n nan ba wanda a cikinsu yayi yunk’urin yace a raba auren!
Duba kaga Arshaad is no where to be found
amma ba wanda ya damu!
Ita kanta Huda na san ba zata ganu ba yanzu, Iya event d’insu da bai je ba jiya sai da ta shiga tashin hankali!
Ku yi ending abun nan tun kafin ya janyo matsala Aslam
kar ka yi shiru ka cuci kanka.”

Tun da Auwal ya fara magana Aslam ya kafeshi da idanuwa,
sai da ya kai aya sannan ya d’auke idanunsa daga kansa ya mik’e tsaye kafin yace
“Like Mommy said!
Mu je ayi siyan bakin, a samu
a mayar da friends d’inta gida.”
Yana gama fad’in haka ya wuce yayi gaba.

Jiki a sanyaye haka Auwal ya mik’e ya d’auki ledar da ya shigo da ita ya bi bayanshi yana mamakin firgici, b’acin rai da tsananin tashin hankalin da ya hango a kwayar idanun Aslam d’in.

Auwal ne ya kira Sakina…
Kamar ba zata d’auka ba
sai kuma ta d’aga.
Tana d’auka bai jira jin tsiwarta ba yace
“Muna parlour, ku fito”

Tana ajjiye wayar, ta fad’a musu dan haka suka mik’e suka fita.

Yadda al’ada take ake siyan baki haka aka yi..
500 thousand suka yi demanding Auwal kuma ya basu
1M!

Kud’in k’in shiga account d’aya yayi tashi d’aya sai da
suka bada account wajen uku
tukunna ya juye musu.....

K’awayensu kasa hak’uri suka yi sai da d’ayar ta d’an matso k’asa k’asa ta tambayi Sakina “ya akai aka samu chanjen Ango ne?”

“Haka al’adar mu take!
Muna yin Angon bogi a wasu events d’in”
Haka kawai tace musu daga nan ta kauda kai.

Tabbas bata gamsu da ita ba
amman ganin yadda ta turb’une fuska kuma ta san halinta hakan ya sa kawai ta hak’ura ta koma gefe ta ja bakinta ta yi shiru.

Ita kuwa Sakina ba wani abun bane ya sake tunzurata
sai d’ayar k’awar tasu wadda ta lura da ita tun da aka fara siyan bakin! In banda
rawar kai da shishshigewa Auwal ba abunda ta saka a gaba.
Duk da ta lura da yadda yake d’an basar da ita.....

Har aka yi siyan bakin aka gama in banda gaisuwa ba abunda ya shiga tsakanin su da Aslam.

Ana gamawa
ba tare da b’ata lokaci ba dan dare yayi Auwal yace
“su taso a maidasu gida”
Dan dauriya kawai yake yi amman baya jin dad’i, kamar shi ne Arshaad haka yake jinshi gaba d’aya jikinshi yayi sanyi, kana ganinshi ka san baya jin dad’i duk yayi wani iri
gashi kanshi sai faman ciwo yake yi.
Ganin ba zai iya kaisu shi kad’ai ba yasa bayan sun fita ya nemi layin drivers d’in estate d’in mutum biyu yace “su zo akwai ragowar mutane su taya shi maida su”
Cikin minti k’alilan suka shigo da motocin compound d’in gidan su Aslam
su biyu.
Tun kafin su gama parking ya bud’e gaban motar shi ya juyo yana kallon Sakina, suna
had’a ido yace mata “bismillah”
D’auke kai tayi ta kama hannnun Khadija ta fara ja tana cewa
“Zo mu je mu shiga wachchar..”

Da sauri wannan k’awar tasu tazo ta wuce ta gaban Sakina ta shige gaban motar Auwal d’in inda ya bud’ewa Sakina ta zauna kafin ta juyo tana wani shu’umin murmushi tace mishi “thankyou”

Sakina bata san ya aka yi ba kawai ganinta tayi a bakin motar a tsaye!
Batare da ta kalleshiba ta bud’e baya ta shiga ta zauna
Khadijah ma ganin ta cikata ta nufi motar ya sanya ta biyota itama ta shiga ta zauna ta rufe matar dan tafiyarsu d’aya.

Ragowar y’an mata biyun kuma suka shiga motocin drivers d’in.

K’amewa Auwal yayi a wajen ya kasa motsi,
mamaki fal a ranshi,
da kyar bayan ragowar motocin sun fita ya samu ya ja k’afafuwansa ya shiga ya tada motar……

Da gangan ya saita madubin gaban motar daidai fuskarta
aikuwa ya ga ta had’e rai kamar an aiko mata da sak’on mutuwa!
A take ya ji
dariya ta taso masa, anya
kuwa abunda yake tunani shi d’in ne?
Sakina fa!?
Kenan daman ta san tana sonshi amma take ta faman wahalar da shi haka?
Woow!!
Allah yasa to hakan ne
dan in dai kuwa hakan ne da gaske to tabbas sai ya fi ko wanne d’an Adam farin ciki a fad’in duniya…..
Haka nan shi kad’ai yana ta sak’e sak’e a ransa sai faman murmushi yake yi shi kad’ai yana driving
wanda hakan kuma ba k’aramin tafiya da imanin k’awar tasu wadda ta shigo ta zauna a gaba gefen shi yayi ba.

Sakina tana ganinta har wani
juyawa tayi tana facing Auwal d’in tana murmushi itama,
ji tayi kamar ta shak’o ta! In banda tafarfasa babu abunda zuciyarta take yi tun lokacin da k’awar tasu ta shige motar ta zauna har kawo yanzu..
Numfashinta har wani d’ad’d’aukewa yake yi!
Itafa daman tun a school ta tsani Yarinyar nan dan ko ishashshen shiri ma basa yi
gata da k’aryar kud’i
tun suna school
dan duk waya idan ta fito a hannunta ake fara gani
(ta yi sneaking ta shigo da ita)
Gata da shegen rawar kai
da son a sani
shiyasa kwata kwata ita Yarinyar bata yi mata ba!
Ko inviting d’inta basu yi ba daga ita har Huda amma ba event d’in da bata zo ba!
Kalleta ba dangin Iya bare na Baba amman itace har kusan 11 a waje! Ta taho kawo Amaryar da ba wani shiri suke yi ba...
Kamar idanuwanta za su fad’o haka ta tak’ark’are take zabgawa Yarinyar harara….

Sarai Auwal yana sane da ita don yana kallonta!
Wani farin ciki yake ji kamar ya zuba ruwa a k’asa ya sha.
Wai da gaske Sakina kishinsa take yi har haka?
Tayay to zai tabbatar?
Ya yiwa kansa tanbayar.
Wani malalacin murmushi ya saki ta gefen bakinshi…
A hankali ya juyo ya kalli k’awar tasu wadda ita ma shi d’in take kallo, tun
ranar cocktail ya tafi da imaninta, jiya har mafarkinshi ta yi!
Yau kuwa ba zata bari ya sub’uce mata ba in sha Allah…

Murmushi ya sakar mata
ganin itama shi d’in take kallo,
a hankali but yadda ya san Sakina za ta ji yace
“Hey dear beautiful, where to?”

Da sauri ta koma baya ta jingina da jikin kujera jin zuciyarta zata faso waje.
Wani sanyi Auwal yake ji yana ratsa shi dan yana kallonta duk ta cikin glass,
he won’t lie
this is the best day of his life!.

Sai da budurwar gefen nashi ta sake cewa “Lamido crescent”
Cikin rangwad’a da kashe murya tukunna ya jiyo ta
dan gaba d’aya hankalinshi yana kan Sakina.
“Okay”
Kawai yace
yana mai karya kan motar dan har sun fara gocewa daga hanyar da za ta kaisu Lamido Crescent d’in.

Da mamaki Sakina ta mik’e ta zauna da kyau tana kallon yadda ya juya akalar motar ya d’au hanyar Lamido Crescent.
Bata gama shan mamaki ba sai da taji budurwa tana cewa
“Ko za ka saka min digits d’inka!
Sai mu dinga gaisawa”

Murmushi mai had’e da dariya yayi yana mai kallon fuskar Sakina wadda tashi d’aya idanuwanta suka cicciko da hawaye kamar zata fashe da kuka!
Har ga Allah yad’an ji tausayinta amma yana so yayi comfirming a yau d’innan
sannan idan ma bata saniba
to yana so yau ta san tana son shi. Dan haka ya juya yana kallon Yarinyar gefen nashi cikin wani kalar voice yace
“Yes sure, kamar kin shiga zuciyata dan nima i was just about to ask for your number”

Tana shirin yin magana
suka ji Sakina tace
“Um, idan ka sha kwana za mu sauk’a”
Da saura Khadija ta juyo tace mata
“Ke da wa??”

Cikin fushi Sakina tace
“Ni da ke!
Idan kuma ba zaki sauk’a ba to ni zan sauka!
Kina gani fa sai ya kaita tukunna zai dawo ya kaimu
saboda ga gantalallu.”

Ya so dannewa amman sai da dariya tayi nasarar sub’uce mishi, hakan kuwa ba k’aramin sake tunzura Sakina yayi ba
dan haka a zuciye ta sa hannu zata bud’e k’ofar motar a hakan ta tana tafiya ba tare da ta jira an tsaya d’in ba.

Shi kuma Auwal yayi maza ya danna lock!

Murmushi Yarinyar gaban motar tayi
kafin tace
“Kaga dear mu je ka fara ajjiye su, in yaso sai ka dawo ka kaini daga baya”

“Alright”
Auwal d’in yace
daga nan taga ya saka signal yana shirin juya kan motar, a cikin ranta sai kuma ta raya
‘Kuma fa idan ya sauk’e su
tare daga shi sai ita zasu dawo a motar, a hanya su yi ta hira!’
Dan haka da sauri sai tace
“Da yake ke gantalalliyarce ba?
Kin gwammaci a kaimu sannan a dawo da ke?”

Yarinyar taji zafin maganar ba kad’an ba amman gudun kar ta zubar da girmanta a gaban sabon saurayinta yasa taja bakinta tayi shiru
ta kawar da kai!.

Rai a d’an b’ace Auwal d’in ya juyo yace
“Sakina saboda ku fa tazo bikin nan!
Wanne irin attitude ne haka?”

Cikin fushi da bala’i tace
“Ban sani ba!”
Tana mai kauda kai.

Gani tayi ya juya kawai yana shirin d’aukar hanyar gandun albasa dan haka tace
“Wallahi baku isa ba!
Ka fara kaita ka ajjiye ta tukunna ka kaimu.”

Shiru ne ya biyo baya a motar
kafin Auwal ya juya ya nufi hanyar Lamido Cresent zuciyarshi fess…

Ganin yadda suka bawa iska ajiyarta suka shiga hirarasu kamar irin sun shekara da sanin juna d’innan ne
ya sake tunzura Sakina
tun ba ma da Yarinyar tazo sauk’a ba Auwal d’in
har da wani ce mata
“yana isa gida zai kirata in sha Allah”

Ita dai Sakina da kyar take iya jan numfashi, wani irin tuk’uk’i take ji zuciyarta tana yi mata,
bata tab’a jin b’acin rai da haushin mutun irin na yau ba!
Ji take kamar ta rufesu da duka daga shi har ita.....
Da k’arfi taji
gabanta yayi wani mummunan fad’uwa..tabbas abunda take ji
kishi ne!
Kishin Auwal take yi, kenan
sonshi take yi?
Innalillahi wa innailaihirrajiun
How?
Taya ta bari haka ta faru da ita?
A take sai kuma ta fara jin haushin kanta…tayaya
ma zata nuna ta ji haushi k’iri k’iri har haka
Allah dai yasa shima Auwal d’in bai fahimci abunda ta fahimta ba….

Ba tare da yace wata ta dawo gaba ba
Ya ja motarshi yayi gaba yana waving wannan Yarinyar da suka sauk’e..
Yana d’aukar hanya
yayi deleting number d’in nata da ya karb’a
sannan ya danna mata block!

Sai da suka yi tafiya mai d’an nisa sannan ya d’an juyo kad’an ya kalli Khadija yace
“Y’ar uwar, dan Allah ki zama alk’alin mu”
Ya fad’i hakan yana maida hankalin shi akan driving d’in da yake yi.

Murmushi Khadija tayi kafin tace “ok Ina jin ka”

Sai da yad’an juya ya kalli Sakina yaga yanda ta kumbura kafin yayi dariya yace
“2 months kenan yanzu, Ina bin Sakina da proposal amman tak’i accepting.
Inaso ki gaya min me kika fahimta a attitude d’inta na yanzu a game da ni?
Please.”

Murmushi Khadija tayi
zuciyarta d’aya,
a abinda ta fahimta
tace “Kishi!”
Dai dai nan yayi parking a k’ofar gidan Madu.

Da sauri ta bud’e ta fito!
Shima shi da Khadija suka fito suna yi mata dariya.

Ganin tana k’ok’arin wucewa ne yasa yayi saurin rik’o vail d’inta
Khadija kuma tayi masa ‘sai da safe’ ta wuce
Ya amsa yana dariya
dan still dariyar bata gama sakinsa ba saboda ba k’aramin nishad’i yake ji ba….
Cikin tsananin farin ciki
ya dawo ta gabanta ya tsaya yace
“Okay, no more pretends, kawai ki yarda.....”
Maganarsace ta mak’ale sakamokon had’a ido da suka yi, da sauri ya matso kusa da ita yana cewa
“Subahanallah Sakina daga wasa?
Yi hak’uri, goge hawayen dan Allah na daina”
Ya fada yana shirin sa hannu ya share mata hawayen nata
duk ya rud’e.

Da sauri ta buge mishi hannun
sai kuma wani sabon kukan ya taho mata wannan karon har da sauti! Cikin kukan tace
“Cika mini mayafi”

Da sauri ya cika yana
“Sorry Sakina, wasa ne fa.
Naji to ba kya kishina…”

Wucewa kawai yaga tayi
ba tare da ta waiwayeshi ba ta fad’a cikin gidan ta rufo k’ofar gate d’in da sauri....

A hanyar shiga parlourn taga Khadija tana jiranta su shiga tare amman kawai ta wuceta
ta shige, ko kallon inda take bata sake yi ba.

Bata yarda sun had’a ido da su Ummu da ragowar mutanen parlourn da suke zaune suna hira kamar rana ba! Haka nan
ta wuce su da sauri bayan tace musu “Ina wuni”
Bata damu da jiran amsar su ba, ta haye sama abunta.

D’akin da suke kwana ita da Khadija da Hudan ta shiga,
tana shiga ta ajjiye vail da jakarta ta fad’a toilet da sauri ta saka sakata
Sai a lokacin ta samu damar sakin kukan da ya mak’ale mata…..

Kuka take tun k’arfinta kamar ranta zai fita, tabbas son auwal take yi
wanda ita kanta bata san ya akayi soyayarshi tayi mata mugun kamu har haka ba!
Gashi bata tashi farga ba sai yau kuma babban abun takaicin shine shima ya fahimta, Infact ko waye ma yaga yadda ta dinga acting ai dole ya fahimta tunda
gashi ita kanta ta dalilin hakan ne ma yasa ta gane tana k’aunarsa.
Ba abunda yafi k’ular da ita irin yadda ta zubar da girmanta
ta fito k’arara ba tare da ta sakaya ba, kuma wani abun mamakin shine
har yanzu
zuciyarta tak’i yin sanyi
haushi da zafin budurwar nan k’awar su take ji..ji take yi kamar ta hau watsapp yanzunnan ta gaggaya mata magana..
“Damn it!
Tabbas Ina son Auwal”
Ta furta a fili tana mai fashewa da kuka.

Ko Auwal ne kad’ai d’a Namiji a duniyar nan ta riga ta yiwa kanta alk’awarin ba zata tab’a auren sa ba!
Tun ranar farko da ya furta mata yana sonta
Infact
ta san ma ba aurene ya kawoshi wajenta ba, idan
ma aurenne ita kam ba zata
tab’a iyawa ba!
Tayaya zata yarda ta zama surukar Granpa da wannan Mom d’in tasa da suka b’oye Huda!
Har gobe tana tuno wasu abubuwan da taji a bakin su Baaba Talatu waenda Granpa d’in ya yiwa Mama tun farkon auren su da Abba
besides ita tun kafin ta kai haka take adduar Ubangiji ya tsareta daga auren womanizer!
Auwal kuwa ta san yaci uwar womanizer ma tunda gashi har d’a Jalila take shirin ajjiye mishi….

Tana kuka ta yanke shawarar abunda zata yi, duk da
kuwa ta san zata sha wahala
amman its the right thing to do.

Da kyar ta iya cire kayanta
ta yi wanka, ta na fitowa ko goge jikinta bata yi ba ta d’au waya ta kira Ashraff….
Tun lokacin da suka fara dating yake cewa yana so ya turo
bare ma da yaji zancen bikin Huda, ya so ace an had’a da nasu
Ita tak’i yarda..

Bayan sun gaisa ba tare da b’ata lokaci ba tace masa
“Anytime from now yana iya yiwa Mahaifinsa magana sai a fara maganar auren nasu”

Ba k’aramin murna Ashraff yayi ba, tana jin yadda
yake ta faman zumud’i da rawar kai a cikin wayar
Ita dai sai murmushi kawai take yi, k’arshema kasa hak’ura yayi yace mata
“Bara yaje ya duba idan Daddyn nasu bai kwantaba sai yayi mishi maganar yanzun”
Da kyar da sid’in goshi ta lallab’ashi dan 12 ma ta kusa
tace yayi hak’uri ya bari gobe ya sameshi da safe ayi maganar.

Ba dan yaso ba ya hak’ura…
Ya yi ta janta da hira,
ganin kamar a gajiye take dan daga ‘um’ sai ‘um’um’
take iya amsashi da su
ya sanya kawai yace mata “ta huta” dan shi tunaninshi bashi yayi gajiyar biki ce take d’awainiya da ita.

Tana ajjiye wayar Khadija na shigowa, nan ta tusa ta gaba da zancen Auwal…
“Ta soshi mana, yana da hankali daga gani, ga
kyau, gashi zata zauna kusa da Huda…
Waye waye”

Ita dai Sakina k’arshe juya mata baya tayi, tayi mata banza kamar tayi bacci, ganin
haka yasa Khadijah kashe fitila, abunku da mai k’aramin ciki tuni tana kwanciya bacci yayi awon gaba da ita!
Sakina kuwa yadda taga rana haka taga dare
Wani abun mamakin shine
duk wani labari da plans da Ashraff ya gama gaya mata na bayan aurensu yanzun
she can’t help it but to picture it ita da Auwal!
K’ok’ari take yi ta danna k’iyayyar shi a cikin zuciyarta
sai dai abunda bata saniba
ta riga ta makara dan
already zazzafar soyayyarshi ta riga ta rinjayi y’ar guntuwar k’iyayyar da take k’ok’arin dannawa zuciyarta ta k’arfi da yaji.....

BULAMA ✍️

So da Buri
Free Book
57

Da kyar Aslam ya iya mik’ewa bayan fitar su Auwal.
A hankali yana jin yadda zuciyarshi take bugawa da mugun k’arfi ya isa bakin k’ofar d’akin da ya ga su Sakina sun fito daga ciki.
Da kyar ya iya d’aga hannunshi ya fara knocking….

A hankali kamar mai kuka yaji tace
“Sakina shigo mana”
Dan ita har ga Allah ta yarda da Sakina wadda tace mata ‘bara su je su yi siyan baki ta dawo
Ai ita a nan ma zata kwana yau’.

A hankali ya lumshe idanuwasa ya bud’e
kafin ya murza handle d’in ya tura k’ofar ya shiga da sallama.

Da sauri ta d’ago jin muryar Namiji!…
Duk da su Sakina sun ja mata mayafinta kafin su fita amman tana iya hangoshi!
Har yanzun shadda ce a jikinshi abunda bata tab’a ganiba kenan. Sai taga yayi mata mugun kyau!
Tsayi kamala surar jikinshi ta cikakkaen lafiyayyen Namiji ta fito sosai…
A take zuciyarta ta hau bugawa da sauri da sauri.....

Takowa yake yi izuwa bakin gadon wanda hakan da yake yi ji take kamar a kan zuciyarta
yake yin tafiyar..
Duk taku d’aya sai taji tamkar numfashinta zai d’auke ne!
Hakan yasa ta fara ja da baya..
Yana matsowa ita kuma tana ja baya.
Aslam shi bai ma lura da yadda take ja da bayan ba
har sai da yaga sun kai edge d’in gado tana neman mik’ewa,
dan shi har ga Allah
ba abunda idanuwanshi suke gane mishi sai ita, ruhinta!
shiyasa sam bai lura da movement d’inta ba…
Yana isowa dab da ita, ya jaa ya tsaya a bakin gadon.

Ita kuma sai k’ok’ari take ta mik’e amman k’afarsa da side drawer sun tokare ta gashi
har ta kai jikin fuskar gadon
so ba daman ci gaba da matsawa…

A hankali taga yana d’an sukuyowa….ji take yi kamar ta bud’e murya ta kurma ihu!
Ko kuma ta tashi ta yi tsalle ta fad’a tsakiyar gadon daga nan ta samu ta sauk’a ta d’ayan side d’in…
Ita har ga Allah tun farkon had’uwar ta da shi, sam! Bata k’aunar zama a kusa da shi (Aslam) Saboda muddin suna tare no matter how she tries kwata kwata zuciyarta bata barin wannan mahaukacin gudun data rasa dalilinsa!
Gashi bata san dalilin da ya sa yaketa matsowa kusa da ita ba..
Ita fa yanzu abunda ya kamace su shine
su nutsu su yi tunanin ya za suyi da rayuwarsu da wannan auren da aka k’ulla musu
shiyasa duk a rud’e
sannan a rikice take kuma gashi yanzu ya zo ya sake rikitata……

Tana cikin wannan tunanin
ta ji fuskarsa daff da tata!
A hankali taji yasa hannu ya yaye lullub’in laffayar fuskarta..
Had’a idanu suka yi!
Da k’arfi zuciyoyinmu suka buga a tare!

Sai da ya lumshe idanunsa ya bud’e kafin ya sak’ale kwayar idanuwanshi da tata sannan yace
“Assalam alaiki, Maryama.”

Da mugun k’arfi ta runtse idanuwanta sannan
dai dai nan hawayen da bata san dalilinsu ba suka b’alle mata a take.

A hankali ya hau yi mata kallon k’urilla….
Cikakkiyar minti d’aya ya d’auka yana kallon fuskarta
kafin da kyar ya samu ya iya kokawa da zuciyarshi ya d’auke idanunsa yana mai lumshe su..

Wata zazzafar ajiyar zuciya ya sauk’e wadda itama bata san lokacin da ta sauk’e tata siririyar ajiyar zuciyar ba
sakamokon numfashinsa mai d’umi da dad’in shak’a da ya ziyarci hancinta wanda
har zuciyarta sai da ta amsa!
Hakan ne kuma ya haifar mata da sauk’e ajiyar zuciyar da bata shirya wa ba…

A hankali ta ji sauk’ar wani lallausar tafin hannu kamar na jarirai mai mugun taushi
a kan kumatunta!
A mugun zabure ta bud’e idanuwanta da suka k’ank’ance suka yi jaa ta zuba masa su..
Bai damu da kallon da take yi masa ba! Kallonta kawai yake yi yana goge mata hawayen nata…
Idanuwansa da ya zuba mata ya kafeta da su ne ya sanya ta runtse nata idanuwan jikinta na wani mugun rawa!.

Wata ajiyar zuciyar kawai ya sake sauk’ewa...yana gama goge hawayen ya mik’e da sauri dan ba k’aramin kokawa yake yi da zuciyarsa ba tun lokacin da ya shigo!

Sai da ya lumshe ido na some seconds tukunna ya bud’e yace
“Ki taso mu je kici abinci”
Kafin ya rufe bakinsa tace
“N na na k’oshi”
Tana mai jan numfashi
har yanzu jikinta bai daina rawa ba.

Be ce mata komai ba, ya sa kai ya fice a d’akin.
Minti kad’an ya dawo
da ledojin da Auwal ya shigo da su..
Gefenta ya nema waje ya zauna a bakin gadon!
A hankali ya bud’e ledojin ya d’aura akan stool
kafin yace
“Oya, gashi ki ci.
Akwai wani abun da kike buk’ata?”

Da sauri ta girgiza kai alamar ‘a’a’.

A hankali ya mik’e
yace
“Sai da safe”

Tun kafin ya rufe bakinshi tace
“Allah ya kaimu”
Don so take ya fita.

Shima
lura da hakan da yayi ne dama ya sanya kawai ya mik’e d’in.
Ajiyar zuciya ya sauk’e kamar zai ce wani abun sai kuma kawai yace
“Allah ya tashe mu lafiya”
Yana mai juyawa ya fita daga
d’akin gaba d’aya”

Yana fita ta sauk’e wata wawiyar ajiyar zuciya…
Har ta d’an zauna sai kuma ta mik’e da sauri ta isa bakin k’ofar ta murza key ta zare ta taho da shi ta ajjiye a kan side drawer tana ta tunani….
Ta dad’e bata sha mamaki irin na yau ba!
Yadda yake yin abu kan sa tsaye sannan kamar bashi da wata damuwa abun yayi mugun d’aure mata kai!
Dubafa yadda ya wani zauna a kusa da ita sannan har da wani share mata hawaye..
Ita tana tunanin sai ta yi kusan kwanaki ma bata ganshiba
daga nan ya bata takarda yace taje ta auri Arshaad d’inta
Amman kalli abunda yayi tun yau..
Ba abunda yafi d’aure mata kai irin siyan bakin da aka yi
sai kace waenda suka yi auren soyayya…

Harga Allah yunwa take ji
sosai ma kuwa
amman d’aurewar da kanta yayi ne ya sanya ta mayar da kajin cikin ledarsu ta had’a da ledar drinks d’in ta saka a d’an k’aramin fridge d’in data gani a d’akin.

Da kyar ta lallab’a ta yaye laffayar jikin ta ta ninke,
ta shiga toilet ta d’auro alwala tazo ta nemi waje ta zauna
dan
already sun yi sallolinsu Magrib da Isha ita da su Sakina.

A ranta ta gama ayyanawa
tabbas idan aka yi d’an kwana biyu taji Aslam bai yi mata wata magana ba
to ita kam zata tareshi da zancen ya saketa!
Idan ma Mahaifiyar Ya Arshaad ta hana aurensu
to zata hak’ura ta rungumi k’addara tayi facing karatunta
idan Allah ya fito mata da wani ta yi aurenta
amman ita kam ba zata iya zama da wannan murd’ad’d’en mutumin da bashi da alk’ibla ba!
Infact tayaya ma zata zauna da mutumin da kullum in dai suna tare sai taji zuciyarta tana barazanar fashewa
haka kurum salon yaje ya fasa mata zuciya a banza ya yiwa Mama da Abba da su Sakina asara,
Inaa ba zai yiu ba!

Da wannan tunanin ta kwanta akan lallausan gadon tana mai lumshe ido…
Nan kuma ta fad’a tunanin Arshaad!
Tana yi tana istighfari amma sam ta kasa dainawa.
Tabbas sai ka rasa abu kake gane yawan son
da kake yi mishi!
A lokacin da take tare da Arshaad bata san tana sonshi haka ba sai yanxu da ta san In ba da kyar ba to ta rasa shi kenan har abada!
Dan muddin Mahaifiyarsa bata basu go ahead ba to ita kuma tayi alk’awarin ko sonshi zai kasheta ba zata tab’a aurensa ba tare da albarkar ta ba!
Besides sai ma ta fara nemo mafita akan wannan auren!
She has to do something fast
saboda taga take taken Aslam kamar shi zai iya hak’ura ya zauna da ita don ya faranta ran su Abba
Kuma ta tabbata idan hakan ta faru to haka za su k’are rayuwarsu
ba soyayya
tunda ita dai zuciya d’aya Allah ya bata kuma ta riga ta damk’awa Ya Arshaad
shima kuma Aslam d’in ta tabbata bai ya k’aunarta
sai dai ya kawai ya zauna da ita saboda ba yadda ya iya
To Ina riba?
Garama shi Namiji ne
anytime idan ya had’u da wadda yake so zai aura
Ita fa?
An cuceta an cuci Ya Arshaad d’inta..how she wish she can see him now..tana so
taga halin da yake a
ciki, bawan Allah d’azu ba kalar zargin da batayi mishi ba
ashe fin k’arfinsa aka yi….
Bata san lokacin da wani mugun kuka ya kufce mata da k’arfi ba.……

Tunani da kuka basu barta ta rintsaba sai around 2:00am
tukunna
bacci ya kwasheta
wanda bata yishi cikin dad’in rai ba.
Kafin asuba ta farka
sakamokon mugun ciwon kan da ya rufar mata,
da zazzafan zazzab’i
ko idanuwanta bata iya bud’ewa sosai in banda rawar sanyi ba abunda take yi.....

Tanaji ana kiran sallah
k’ok’ari take yi ta samu ta tashi amma sam ta gagara....

A b’angaren Aslam shima bai samu yayi ishashshen bacci ba
kusan kwana yayi yana nafila..
A nan kan daddumar ya samu bacci ya saceshi.
Kiran sallar farko da aka maka a masallacin cikin estate d’in ne ya farkar da shi, dan
haka ya mik’e ya shige bathroom…
Sai da yayi wanka ya d’auro alwala sannan ya fito ya d’an
kimtsa ya zura jallabiya ya gabatar da fajr nafl, ya zauna karatu.

Yana idarwa ana tada sallah
dan haka a gurguje ya fice ya nufi mosque..
Ya so ya duba Huda
amman gudun kar ya makara yasa ya fita da niyyar ana idarwa zai dawo ya duba ta.

Azkar kawai yayi daga nan ya fito daga masallacin.
A k’ofa suka had’u da Dad
dan haka suka jera yana d’an yi mishi nasiha har suka iso gidan..
Jan hankalinshi yake sake yi akan ya rik’e amana dan Allah kar ya wulak’anta matar da suka zab’a masa, ya
taushi zuciyarshi ya bata dukkan hakkin ta da kulawa
wata rana zai k’aunaceta in sha Alla…

Shi dai Aslam da ‘to’ ‘in sha Allah’ kawai yake ta binshi
dan ya rasa dalilin da yasa zuciyarshi taketa faman azalzalarshi akan yaje ya dubata..
Sam ya kasa sukuni ballantana ya samu ya bawa Dad d’in hankalinshi..

Da kyar ya samu Dad ya barshi ya wuce side d’inshi,
bayan yace mishi “ya tabbatar sun je sun samu Granpa”…
..saboda ta watsapp yaji yace mishi zai nemeshi tun jiya amman har yau shiru,
kar aje ko fushi yayi
shi kuma har ga Allah baya so ya je ya sameshi gudun rigimarshi yake kuma bai san a wanna mataki ya saka maganar auren Aslam d’in ba
gara idan Aslam d’in yaje da kanshi maybe abun yazo da sauk’i…

Da ‘to’ Aslam ya amsashi
sannan suka yi sallama
ya wuce side d’inshi
yana dariya da mamakin Dad d’in
k’iri k’iri ya hango tsoro a tartare da shi..wato sun yi abu amman kuma suna tsoro
shine bara su tura shi..
Da wanna tunanin ya Isa bakin k’ofar d’akin da Huda take ciki ya d’anyi knocking sannan ya murza handle d’in da niyyar turawa amman k’ofar sai ta k’i motsi, a hankali yad’an sake yin knocking amman still yaji shiru…
Yayi mata knocking yafi sau biyar amma yaji shiru
dan haka ya d’an sassauta murya ya matsar da fuskarshi jikin k’ofar ya fara kiran sunanta…

A take gabanshi ya yanke ya fad’i! Dan in dai kunnuwanshi sun ji mishi dede to
kamar sheshshek’a da jan numfashi yake jiyowa yana tashi daga d’akin!

Da mugun sauri ya koma d’akinsa ya d’auko spare key
sannan yazo ya zura ya murza ya tura da sauri ya shiga

A k’udundune ya hangota a kwance tana rawar sanyi
Da sauri ya k’arasa ya d’agota ya zaunar sannan ya fara shafa goshinta wanda ya ji ya d’auki zafi ba na wasa ba.
A firgice yake kallonta,
gaba d’aya ta jik’e da gumi kamar an watsa mata ruwa,
pillow ya jawo ya kwantar da ita sannan ya mik’e ya nufi toilet ya jik’o towel ya fito..

Hannuwanta da tafin k’afarta sai saman goshinta ya shiga shafawa towel d’in amman kamar k’ara mata zazzab’in ma yake yi dan haka kawai ya
mik’e ya je d’akinsa ya d’au waya ya kira Doctor tukunna ya dawo ya ci gaba da goga mata… ji yake kamar yayi kuka gani yake yi duk laifinshine dan inda a d’aki d’aya suke da tun farkon zazzab’in nata zai yi noticing ya san abun yi…..

A hankali ya ga tana bud’e idonta, da sauri ya matso yace
“sannu ya jikin?”

A hankali ta shiga motsa bakinta a lamun magana take son yi..

Hannunshi yasa a a gefen kumatunta yana kallonta kafin yace
“me kikeso? Tell me.
Yanzu Doctor zai zoo kin ji, sannu” ya k’arashe maganar
a hankali yana kallon bakinta da take k’ok’arin yin magana..

Murmushi ya ga ta fara
kafin yaji tace
“Ya Arshaad!
yaushe ka zo?
Ina ka tafi ka bar ni?”
Tana mai kallon cikin idanunsa.

Da sauri sannan da mugun k’arfi Aslam ya runtse idanuwanshi.....

Magana take yi amman ba ya fahimta, babu abunda yake iya ji sai
‘Ya Arshaad’ d’in da take ta ambata a duk k’arshe ko farkon maganarta!…..

Ya so ya zauna ya cigaba da shafa mata jik’akk’en towel d’in a samu fever d’inta ya sauk’a amman sai ya kasa!
A hankali ya mik’e tsaye daga kan gadon yana ganin dishi dishi…,

Ji yayi kawai ta fashe da kuka
sannan ta fara k’ok’arin ruk’o hannunshi, cikin kukan tace
“Dan Allah kar ka tafi,
mu zauna a cikin mafarkin nan da nake yi
ni da kai har abada,
kar ka tafi ka barni
bana so in farka
idan kuma zan farka to sai ka yi min alk’awarin zaka dawo gar....”

Wucewa yayi da sauri ya fice a d’akin ya barta nan tana ta faman surutai..

Da kyar ya iya kai kanshi d’aki
yana zuwa ya dafa bango da d’ayan hannunsa d’ayan kuma ya dafa goshinsa yana jin
yadda zuciyarshi take harbawa da tafarfasa tamkar zata fashe!
Sunayen Allah ya hau karantowa sannan ya fara k’ok’arin controlling kanshi…
Tabbas ya san zafin zazzab’i ne ya sanya ta take
hallucinating amman hakan bai hanashi jin kamar zai mutu ba!
Da kyar ya samu ya zaro waya ya kira Mommy yace mata “ta zo Hudan bata da lafiya”
Daga nan ya lallab’a ya koma bakin gado ya zauna ya jingina bayanshi a fuskar gadon ya lumshe idanuwanshi.....

Kamar yadda su Umma suka tsara!
Yau da sassafe k’arfe 7:00 na safe Anty Zainab ta biyo mata suka kama hanya…
Tafiyar awa uku ce ta kaisu d’an k’aramin k’auyen da za su je wanda tsaf In ka tsaya zaka iya k’irga gidajen wajen kaff d’insu.
Wani gida isolated a chan nesa suka nufa, a dai dai hanyar gidan akwai wata y’ar majalisar wasu matasa a k’asan wata k’atotuwar bishiyar mangoro dai dai suna zuwa za su wuce wani a cikinsu yace
“Ga wasu b’atattun yau ma sun zo”
Sarai sun ji sa
ba wannan ne a gabansu ba dan haka suka wuce suka yi cikin gidan….

Sai da suka d’an jirashi ya karya sannan ya samu damar ganinsu. Suna shiga suka nemi waje suka zauna.

Da kyar Umma ta iya ce mishi “Ina kwana”
Bata jira amsawar shi ba
ta hau zuba…
Har da cewa da ya san ba zai yi aikin ba tun jiya da bai ce ta k’ara mishi kud’i ba!
Sai da Anty Zainab ta d’an zungureta tukunna aka samu ta yi shiru.

Gyaran murya Anty Zainab d’in tayi sannan tace
“Ni a ganina yanzu aikin gama ya riga ya gama,
tunda har ta tare.
Yanzu abunda muke so shine a tabbatar da auren Jalila da shi Arshaad d’in
sannan a san yadda za a yi a taimakawa Jalila ta fitar da Huda daga gidan!”

Shiruuu, mutumin ya d’ab yi ya lumshe idanuwanshi..
Chaan! Ya bud’e, ya kalleta yace
“Na riga fa na yi abunda zan yi!
Kun tabbatar anyi auren ita Huda da shi Arshaad d’in kuwa?
Dan ni gaskiya bincikena bai nuna min an yi ba.”
Da sauri Umma tace
“Shirme kenan!
To bari kaji..
Jiya ma a gidanshi ta kwana k’arshen magana kenan.
Kuma na tabbatar idan aka bincika ma yanzu haka ciki gareta!
In dai binciken tsakani da Allah za a yi”.

Murmushi kawai yayi
kafin yace “shikenan.
Ku d’an jira ni”
Daga nan ya mik’e ya
fita.
Kamar minti biyar haka
ya dawo…

Wata bak’ar laya kawai
ya mik’o musu bayan ya zauna
Anty Zainab ce tasa hannu ta karb’a dan ita Umma in banda tura baki da kumbure kumbure ba abunda take yi.
Sai da ta karb’a sannan yace
“Ku nutsu! Ku bani dukkan hankalinku!
Dan kunga wannan abun da na baku shine kankat!
Amman muddin kuka yi ganganci aka samu matsala
to abun zai dawo kanku ne!
Kun amince?”

“Eh”
Suka had’a baki duk su biyun.

Ajiyar zuciya ya sauk’e kafin ya sake cewa
“Shawara itace..
Ku sake bincikawa
ku tabbatar an yi auren
dan in dai basa tare kuma
akayi wannan aikin mai zafi to
idan ya tafi bai samesu ba kan ku zai dawo! Bi ma’ana
Auren d’aya daga cikinku ne zai mutu.”

Murmushin takaici Umma tayi
kafin tace
“Mallan”
Yace “Na’am” tace “fad’a mana yadda za ayi amfani da ita kawai!
Maganar tare kam
Huda da arshaad suna tare.”

“To shikenan.
Aikin ba mai wani wahala bane ba, ita wannan abar dana baku
cikin dare za a tashi a k’ona ta k’urmus! Shikenan
Ko wanne irin kalar aure aka k’ulla musu
sai sun rabu!
Rabuwa ta har abada, idan har kinga sun dawo sun zauna
to sai dai in za a iya maida layarnan ta koma dede yadda take kafin a k’onata!.
Sannan shi kuma wannan” yayi maganar yana basu wani turare
kafin yace
“Ita Jalilar za ki bawa ta shafa a jikinta, ta tabbatar shi Yaron ya shak’a da Mahaifiyarsa da Mahaifinsa da duk wani wanda zai iya shige mishi gaba wajen auren, in sha Allah ba za ayi awa 24 ba za a d’aura musu aure.”

Sai a sannan Umma tayi murmushi tace
“sun gode”
Daga nan
suka d’anyi wasu maganganun ragowar matsalolinsu….

Sun d’an jima tukun suka mik’e suka fara shirin tafiya..
Har suka fita Malamin nan yana ta nanata musu “su tabbatar sun yi conforming auren Huda da Arshaad kafin su yi amfani da layar na”.

Zuciyoyinmu fess haka suka fito
Umma ta karb’a kayan ta danna a jaka
suka wuce.....

A gigice Mommy ta shiga d’akin Huda!
Hakan yayi dai dai da k’arasowar Doc shima.
Aslam bai bari Mommy ta gansa ba, suna zuwa k’ofar d’akin shi da Doc d’in ya fara jiyo muryarta a rikice tana yiwa Huda magana dan
haka yana nunawa Doc d’akin ya juya ya koma d’akinsa.

Sai da ta sha allurai sannan aka jona mata drip tukunna ta fara gane waye a kanta.

Mommy kuwa da ta samu Huda ta d’an farfad’o
sai ta hau fushi da Aslam.
Bawan Allah shi kam bai ma san tana yi ba yana
d’aki yana fama.

Ita da Gwaggo Asabe ne suka yi jinya, kafin dare ta d’an warware amman ba sosai ba
Sai a sannan ta samu ta kira su Mama….Lokacin ita d’aya ce a d’akin
Gwaggo Asabe ta tafi kitchen
Ita kuma Mommy taje shiryawa Dad table….
Ba yadda bata yi dasu ba akan su turo mata Sakina bata jin dad’in zaman ita d’aya
amman sam suka k’i
suka ce “in ita bata da hankali to su suna da shi” K’arshema fad’a suka rufeta da shi
Mama tayi ta gama ta bawa Ummu itama ta yi nata ta mik’awa Shuwa!
Haka nan ta hak’ura ba yadda ta iya.
Bata ce musu bata da lafiya ba dan karsu d’aga hankalinsu.

Mommy a d’akin suka kwana tare da
Ita da Gwaggo Asabe.
Ita Huda har mamakin tattali da k’aunar da Mommy da Gwaggo Asabe suke nuna mata take yi, ko tari tayi nan
da nan hankalinsu zai tashi,
ba abunda yafi d’aure mata kai irin yadda Mommy take cika bathtub da ruwan d’umi tace ta shiga, a ranar sai da tayi mata sitbath yafi sau biyar!.
Ita dai abun mamaki yake bata har ga Allah, gashi duk da ba wai son Aslam take yi ba
amma sai ta tsinci kanta da mugun kunyar Mommy da Gwaggo Asaben,
sam ta kasa sakewa a d’akin.
Da kyar ta d’an samu bacci kad’an, daga nan ta farka idonta ya bushe, sam ta kasa komawa dan haka ta mik’e tayi alwallah ta fito ta d’au hijabi a cikin akwatin kayanta da tazo dashi ta tada sallah.

Shima Aslam bai samu wani isheshshen bacci ba, so
yake yaje yaga jikin nata
amma d’azu k’iri k’iri Mommy ta hanashi shiga d’akin da suka had’u a k’ofa!
Kuma tak’i kulashi. Kafin ya kwanta ya kirata yafi sau nawa amman tak’i d’auka, dan
haka shima da yaga ya kasa baccin sai ya mik’e ya fara jero nafilfili…..
A Daren ranar ne kuma Umma ta k’ona layarta!
Bayan ta yiwa Jalila waya tayi mata kwatancen mansion d’in da suke ita kuma tayi
mata alk’awarin ‘gobe da safe zata zo mata ta sak’on da zai saka ta auri Arshaad’ Sannan tace mata “ta kwantar da hankalinta zata fitar da Huda a gidan in shaa Allah”
Sai a sannan Jalila ta d’an nutsu dan tun jiya da taji a wajen Umman an kai Huda gidan Arshaad shikenan ta birkice ta susuce ko bacci bata yi ba sai kuka take
ta yi duk ta fita hayyacinta.
Ba k’aramin dad’i taji a rantaba kuwa.
Haka ta kwanta zuciyarta fess
tana kwanciya bacci mai mugun dad’i yayi awon gaba da ita!
Wanda ta dad’e bata yi ba.

Washegari da sassafe y’ay’an Gwaggwo Asabe su biyu suka iso, da y’an yaransu k’anana.
Yadda Gwaggo Asabe take da kirki haka suna y’ay’anta.
Sai a sannan Huda ta d’an sake ta d’anji sauk’i dan
a cikin wuni d’aya suka saba
ta sake sosai da su, hakan
kuwa ba k’aramin dad’i ya yiwa su Mommy ba.

Da yamma jikin nata da d’an kwari dan haka Mommy tace “ta shirya ta fito main parlour kar zaman d’akin ya gundureta.

Suna zaune da yamman
Huda na gefen Mommy akan kujera 3 seater a zaune ana hira a main parlour Aslam ya fito!
Mommy tana ganinshi ta kauda kai gefe ta had’e rai.

Dariya Gwaggo Asabe tayi
tana tuna yadda d’azu ma yazo tayi hakan, ba
yadda basu yi da ita ba amman tak’i kulashi
k’arshe sai hak’ura yayi ya tafi kamar zai yi kuka..
Ita kam Huda rabon ta da shi tun ranar da aka kawota shekaran jiya
da yayi mata sai da safe ya fita bayan ya kawo mata kaji.

Gefen Mommy yazo ya zauna ya kamo hannunta ya b’ata rai kamar zai yi kuka.
Bata kula shi ba bata kuma kwace hannunta ba
amman ko kallon inda yake bata yi ba.

Yaran Gwaggo Asabe
Karima da Laurat ne
Suka hau tsokanarshi
dama sun saba.
Daganan kuma aka hau gaggaisawa
Karimar Yaranta uku maza itace Babba
sai Laurat tana da twins y’an biyu mace da Namiji..
Aslam yana mugun son Yara dan haka ya sake yayi ta wasa da Yaran sunata yi mishi surutunsu na shirme.

Da ido Gwaggo Asabe tayiwa Huda sign bayan sun had’a ido.
Duk sai taji kunya ta rufeta,
ita tama manta ashe basu gaisa ba!
A hankali ta d’an kalleshi kafin tace
“Ina wuni”
Sai da ya ajjiye k’aramin Yaron Karima akan kafet
sannan ya juyo yana kallonta yace
“Alhamdulillah,
ya jikin?”
Sunkuyar da kanta tayi kafin tace
“Alhamdulillah”

Hannun Mommy da yake a cikin nashi yad’an damk’e kafin yace
“Mommy bara mujewa Granpa”

Bata kula shi ba.
Hakan yasa ya mik’e tsaye yana mai sakin hannun nata yana murmushi kafin ya cewa Huda
“D’auko hijabin ki mu je”

Juyawa tayi ta d’an kalli Mommy.

Muryar Gwaggo Asabe ce ta katseta jin tana cewa “ku je mana.
Yi maza ki d’auko hijabin.”

Ko da ta fito parlourn bata same shi ba, Gwaggo Asabe ce tace mata “yana compound”
“To” tace sannan tacewa Mommy “yace za mu fita”
Sai a sannann
Mommyn tace
“A dawo lafiya”
Tanaji gabanta yana fad’uwa!
Dan bata san ya had’uwar Huda da Granpa zata kasance ba.

Su Karima ta juya ta cewa “sai ta dawo” da Gwaggo Asabe
sannan ta sa kai ta fita.

A tsaye ta hango shi chan bakin gate dan haka ta k’arasa..
Tunda ta taho ta lura da irin kallon da yake yi mata
har ta k’araso inda yake ta tsaya.

Sai da suka yi kusan 1 minute ba wanda ya motsa a cikin su
kafin yace
“Jikin da sauk’i sosai ko?”

“Um”
Kawai tace mishi
dan ita haushima ya bata
meye nashi na wani nanata tambayar!
Bayan already ya riga ya tambayeta tun a ciki.

Yanaso ya tambayeta ko akwai abun da take buk’ata
amman ya lura kamar bata son yawan maganr tasu
dan haka ya rabu da ita kawai,
yace “muje” yana mai juyawa.

A jere suke tafiya
gwanin burgewa… Har suka k’arasa gate d’in gidan Granpa.
Cikin girmamawa mai gadin ya bud’e musu gate d’in suka wuce bayan ya gaidasu.

A k’asa Aslam suka tsaya ya kira Granpa ya bashi izinin hawa tukunna suka hau!
Gaban Huda na dukan uku uku..

A chan sama suka sameshi,
Parlournsa!
Yana zaune a kan kujera ya baza takardu yana dubawa…

Tunda suka shigo ya d’ago ya kafe Huda da ido!
Hudan kasa k’arasowa tayi sakamokon yadda fad’uwar gabanta ya tsananta
saboda yadda taga Granpa ya kafeta da ido…
Har Aslam ya kusan k’arasawa inda yake sai
kuma yaji kamar bata tare da shi dan haka ya juya.
A chan farkon parlourn ya ganta tsaye ta sunkuyar da kanta.

Granpa ya kalla sanan ya juya ya kalleta, d’an
lumshe idanunsa yayi ya bud’e
tukunna ya koma ya je
inda take a tsaye, bata yi
auni ba kawai taji ya kamo hannunta!

Da sauri ta d’ago zata yi magana taga ya tsareta da kyawawan idanuwanshi,
a hankali taji yace
“Muje mana” still yana kallonta
sannan da kyar ya samu ya iya zare idanuwanshi a nata ya juya ya fara tafiya…

Tsintar k’afafuwanta kawai tayi suna takawa suna binshi.
Sai da suka k’arasa gaban Granpa sannan yace mata “ta zauna”
Shima ya ja ya zauna a kan kafet.

A hankali yace
“Granpa Good afternoon.”

Ajiyar zuciya Granpa ya sauk’e kafin yace
“Ya aiki?
Ya sabon company?”

A hankali Aslam d’in yace mishi
“Alhamdulillah,
komai Alhamdulillah.”

Juyawa Granpa yayi ya kalli Huda kafin yace
mata
“You can leave now!
Na riga na san an yi aurenku
da Aslam ba tare da consent d’ina ba!
So kije kawai ki jira sakamokon ki.”

Da sauri Aslam ya d’ago idanuwanshi ya zuba mishi,
zai yi magana Granpa ya d’aga mishi hannu, cikin d’an karaji ya cewa Huda
“Leave!
Kar In sake ganin ki a nan.”

Jikinta na wani irin mahaukacin rawa ta mik’e, da sauri Aslam shima ya mik’e ya kamo hannunta sannan
ya juyo yace
“Granpa matata fa na kawo maka..”

Cikin katseshi yace
“Aslam ba zan tab’a yarda da wannan auren ba!
Tun jiya nake expecting d’inka,
i have a lot to discuss with you.

Despite da fact that an yi auren ba tare da consent d’ina ba
I can’t believe Yahaya da Aisha suna da guts d’in kwasota ita da y’an kawota su kawo mini cikin estate!
Ranar inaji har wajen 12am ana yi min shige da fice a estate.

You are very naive Aslam
baka san halin mata ba…
Ni na san Maryam itace zata k’ullawa Yakubu shi kuma yayi taking advantage d’in innocence d’inka ya mak’ala maka useless daughter d’insa….”

Da k’arfi Aslam yace
“Grandpa!!!!”

K’ura masa ido Granpa yayi na kusan 1 minute
haka shima Aslam d’in!
Shi kanshi Granpa yayi mugun mamakin b’acin ran da ya hango a cikin idanuwan Aslam d’in…
Ajiyar zuciya ya sauk’e
kafin ya janyo sandarshi ya dogara ya mik’e tsaye ya tako gaban Aslam wanda yake rik’e da hannun Huda yace
“Allah ya isa tsakanina da Maryam!”

Wani mugun kuka Huda ta fashe dashi ta fara k’ok’arin zare hannunta a cikin na Aslam amman gam! Ya rik’eta
as if his life depends on her hands…

Sam Granpa bai damuda
kukan nata ba yaci gaba da magana
“I loose Yakubu because of her
and now I think I’m going to loose you
duk a ta dalilinta!
In banda tsabar rainin hankali
tayaya za a d’aura maka aure da y’arta tashi d’aya babu shirin babu sanarwa a cikin rana d’aya?
Ya akai aka fasa d’aurawa da Muhammad?
Anyways
bani da intrest d’in sauraron bayanin kowa, zab’i ne kaima
zan baka kamar yadda
na bawa Yakubu…
Mun riga mun gama magana ni da Maryam
30 years ago akan
babu ita babu family d’ina!
So ba zan tab’a chanja decision d’ina ba ni
matter who gets in the way
Idan zan zama ni kad’ai a duniyar nan to zan
rayu muddin kuka ce bayan maryam za ku bi ba zan damu ba
I can survive alone.

Yusuf da Yakubu sun zab’a abunda suke so, yanzu
kai ya rage!
Duk da kuwa Ina matuk’ar jin ciwo da zafi saboda
Aslam kaine backbone d’in family d’ina kai ne na fi ji
da a kaf cikin zuri’ata!
Na san ka san da hakan
amman hakan ba zai hanani ce maka
‘Ba zan tab’a accepting matarka a estate d’innan ba!
Sannan within 4 hours ka fitar min da ita tun kafiin bad luck d’in Maryam ya shafi zuriata’ ba.”

Nannauyar ajiyar zuciya Aslam ya sauk’e kafin yace
“Granpa!
Gaskiya d’aci ne da ita..
Abunda kake yi is not right.
No matter how yo try fa
wallahi ko ta ina aka bi aka zagayo sai an samu jininka a jikin Huda!
Da ita kanta Anty maryam d’in
you can never change that.”

Da k’arfi Granpa yace
“Shut up!!”

Bai yi shiru ba yaci gaba
“Idan kace babu ruwan ka da Anty Maryam ba zaka tab’a cewa ba ruwan ka da Huda ba tunda jikar ka ce
y’ar gidan Abba!
Ba yadda zaka yi
dole fa tana cikin zuriarka itama.”

Cikin b’acin rai yace
“Aslam I’m warning you,
keep quite!!!”

Still bai yi shirun ba
ya ci gaba
“You need to wake up!
Ka cire hatred a cikin ranka,
Anty Maryam ta rigada ta shigo cikin rayuwarka cikin zuriarka cikin family d’inka ta yi
dumu dumu babu yadda za kayi idan har kuwa kace zaka tsameta to tabbas zaka yiwa wannan family d’in babban gi’bi!
The sooner you accept that the bett..….”

Tassss!!!!!
K’arar marin da Granpa ya d’auke Aslam da shi
ya karad’e ilahirin makeken parlourn….

Tsit!! Haka parlourn yayi shiruuu, hatta kukan Huda d’aukewa yayi.

Shafa wajen da aka mareshi yayi kafin ya d’ago da jajayen idanuwanshi yace “kar ka damu
Nan da 4 hour zan fitar da matata daga eatate d’inka in sha Allah Granpa.”
Yana gama fad’in haka ya juya ya ja hannun Huda suka nufi k’ofa…..
A bakin k’ofar suka ci karo da Gramma da wasu books a hannunta..
Kallon ta kawai Aslam yayi,
ba tare da yace komai ba ya kauce ya ja Hudan wadda take ta faman kuka suka fice
dan sam ya kasa ma yin magana kuma ga dukkan alamu Gramma ta ji komai.

Basu tarar da kowa a main parlour ba dan Magariba har tayi, sai da ya kaita d’akin da aka ajjiye ta tukunna ya cika mata hannu yace
“D’auki abunda kike buk’ata mu tafi”
Cikin kuka tace
“Ina?”
Kallonta yayi ya d’auke kai yace
“Ki d’au abunda kike buk’ata nace!”
Still tana kuka tace
“Ya Aslam ba inda zan bika fa!
Infact kawai ni ka maidani wajen Mama!
Kar kaje kaima ka samu matsala da Granpa.”
Ba tare da ya kalleta ba yace
“Hudan for the last time!
Ki d’au abunda kike da buk’ata
If not zan jaki mu tafi empty handed.”
Ya k’arashe maganar yana mai juyowa ya kalleta..
Kallon shi tayi still shima itan yake kallon cikin muryar kuka tace
“Babufa inda zan je da kai!
Ka maidani gidan Mama in yi rayuwata a chan”

Cikin b’acin rai ya k’araso inda take kamar zai maketa yace
“Baki da hankaline?
Da auren nawa akan ki zan maidake gidan Maman da suka kawoki nan shekaran jiya jiya?!”

Cikin kuka tace
“Ai ba auren gaskiya bane ba!
Besides daman ni inaso ince maka ka sakeni!
Ya Aslam baka sona nima bana sonka! Ba zan iya wannan zaman ba.
Su kansu su Abba a wannan karon basu k’ulla abunda zai yiu ba!
So kawai mu nemawa kanmu mafita kayi hanyar ka in yi tawa, ka samu ka zauna lafiya da Granpa.”

Aslam bai san lokacin da ya kamo kafad’unta ya manna ta da bango ba
cikin tsananin b’acin rai yace
“Ni kike cewa in sakeki!
Eh?”
Ya k’arashe tambayar cikin tsawa.
Dai dai nan Mommy da Dad suka shigo.
Da sauri Mommy ta k’arasa ta kwace Hudan wadda ta fara galabaita daga ruk’on da yayi mata tana jera mata sannu.
Cikin tsananin b’acin rai
ta d’ago bata yi wata wata ba ta d’auke shi da wani gigitaccen mari.
Dai dai nan Abba da Daddy suma suka k’araso, har da
Auwal wanda ya tuk’o su.

Da sauri Abba ya k’araso yana cewa
“Haba Mommy,
me yayi haka?”
Daddy ma k’arasowa yayi yana tambayar “me yake faruwa?”

Bata amsa kowa daga cikin su ba ta wuce ta fita daga d’akin.

Ganin Aslam d’in yak’i kulasu ya sa Abba ya k’arasa wajen Huda da take ta faman kuka ya janyota ya rungume ya shiga lallashinta…
Da kyar aka samu tayi shiru.

Tukunna Dad yace
“Gramma ce ta kira ku kuma?”

“Eh” kawai Abba yace
still yana rik’e da Huda.

Daddy ne ya dubi Dad kafin yace
“Bara mu tafi da su kawai
Za mu san abun yi daga nan”

Da sauri Aslam yace
“A’a Dad.
Ina da gida a nan.
Za mu tafi kawai kar ku damu.”
Dafa shi Abba yayi, sai da ya juyo ya kalleshi
tukunna yace mishi
“Muje ko Aslam,
kar ka yi gardama.........”

BULAMA ✍️

So da Buri
Free Book
58

Lumshe idanuwansa yayi kawai ya bud’e daganan ya juya ya fita ba tare da yace musu komai ba.
Direct sama d’akin Mommy ya wuce..

A tsaye ya sameta tana ta faman safa da marwa.
Tana juyowa suka had’a ido, ckin b’acin rai tace
“Juya ka fita Aslam, ba na son ganinka!
Juya ka fita na ce.
Anya Aslam kana son Yarinyar nan kamar yadda ka fad’a kuwa?”

Bai fitan ba, ya k’araso inda take kawai yayi hugging d’inta.

Sai da ta tsorata da jin yadda jikinsa yake rawa…
Da sauri ta sa hannu ta d’ago sa, suna had’a ido yace
“Mommy cewa fa tayi in saketa!!”

Kallonsa tayi na some minutes kafin tace
“Shiyasa kake neman illatata?
Are you okay kuwa?.

Na san Huda matarka ce but dukda haka duba da abunda ka yi mata shekaran jiya ana kawota sannan kasa kai ka fita ba tare da ka bata kulawar da ta kamata ba! Sannan d’azu kalli fa yadda ka buga ta da bango kuma kana ganin yadda ruk’on da kayi mata yake neman cutar da ita but baka damu ba!
A gaskiya
Aslam hakan ya sanya na fara kokwanto fa, dan inda ace son gaskiya kake yi mata ai at least ka iya jira ku d’an saba tukunna kafin komai
amman ga wahalar biki da ta zuciya sannan kai kum...”
Da sauri yace “Haba Mommy”
Sai kuma ya sunkuyar da kanshi k’asa yana ji kamar k’asa ta tsage ya shiga..
Kamar zai yi kuka yace
“Wallahi ba abunda nayi mata.
Bama a d’akin na kwana ba ranar..”
Kasa ci gaba da tsayawa a gabanta yayi dan haka kawai ya juya yace
“Mun tafi”
daga nan yayi sauri ya fita.

A hankali Mommy ta fara smiling..a take ta ji zuciyarta ta yi sanyi. Tabbas soyayyar shi ga Huda da ta dasawa aya gaskiya ce!
Dan haka ta bisu da fatan alkhairi, amma duk da
haka zata kora mishi warning akan kar ya sake attempting abunda ta ga yayi mata d’azun….

A mota ya tarar da su Dad dan haka shima ya wuce tasa ya shiga suka nufi gate
Gwaggo Asabe da su Karima suna d’aga musu hannu har suka fice…
Kamar su jawo Huda su hanata tafiya haka suke ji amma
duba da yadda su Dad d’in suke kamar a d’an firgice yasa suka bari akan za su tambayi Mommy idan ta sauk’o.

Ba yadda Aslam bai yi ba akan su bari Huda ta zauna a side d’in Daddy ba amman furr suka k’i amincewa…
Gashi daga k’arshema Dad d’in cewa yayi shima sai dai ya koma gidan da zama dan ba zai barta ita kad’ai ba..
Kamar yayi kuka, saboda duk
sun bi sun d’aureshi da jijiyoyin jikinshi ta ko’ina, haka nan
ya hak’ura kawai akan zai zauna a nan d’in ba dan yana so ba sai dan babu yadda ya iya.

Jalila, tana garden lokacin da suka shigo. Ganin motoci
ya sanya tayi sauri ta shige kitchen ta lab’e a jikin window tana hangen su tana jin su…
Allah kuwa ya taimake ta suka yi parking a kusan windown side d’in kitchen d’in Daddy,
dan yana kusa da main k’ofar shiga side d’in Abba.

Tabbas! Idan har kunnuwanta sun jiye mata dede tou kuwa Huda da Aslam mata da miji ne! To amma tayaya hakan ta faru? How??… Gaba d’aya kanta ya kulle.
Tana cikin wannan taradd’ad’in ta ji Auwal ya shigo suna magana shi da Mom, da sauri ta koma jikin k’ofar ta lab’e……….

“Wai nan suka dawo?”
Taji muryar Mom.

“Yeah, Granpa ya sake yin what he is really good at!”
Taji Auwal d’in ya bata amsa.

Da sauri Mom tace
“To kuma ai Daddy ya ce min shekaran jiya da safe sai da suka tura mishi sak’o bayan d’aurin auren Huda da Aslam d’in, ya ce musu ‘okay’
Mai ya faru yanzu kuma?”

Ajiyar zuciya Auwal ya sauk’e kafin yace
Mom ce musu fa kawai yayi ‘okay’
Dama ni na san akwai case a k’asa!.
Mammy ita ta lalata komai wallahi, da ace ta bar Arshaad ya auri Hudan cikin sauk’i da duk haka bata faru ba. An yi miki magana kema akan ki ganar da ita amman da yake ba k’aunar Huda kike yi ba
shiyasa kik’ak’i ki ce komai!
Kuma still gashi dai Hudan surukarku ce kuma y’arku!
Dan abunda yayi Abba shi yayi su Dad
Kuma abunda yayi Arshaad shi yayi Aslam dan haka kinga babu riba kenan sai dai sake tarwatsa family ma da kuka yi
dan yadda Granpa ya rufe ido ya gurzawa Aslam to wallahi kowa ya kuka da kanshi.”
Yana gama fad’in haka ya wuce ya nufi side d’insa….

Tunda Mom take a estate d’in nan bata tab’a jin farin ciki irin na wannan ranar ba!
Dan har goshinta ta saka a k’asa tayi sujjada bayan wucewar Auwal… Arshaad ya gudu Aslam kuma sun yi fad’a shi da Granpa in sha Allah
she‘ll make sure it stays like this har izuwa lokacin da za a mallakawa Auwal d’inta MT!..

A b’angaren Jalila kuwa

ba k’aramin k’ok’ari tayi ba wajen hana kanta kurma Ihun murna! Bayan ta doka wani uban tsalle, sannan ta fara juyi tana tik’ar rawa.
Sai da ta lek’a taga Mom bata parlourn tukunna ta fito tab
wuce d’akinta a ranta tana
“Wato idan kana da uwa a duniyar nan ba wanda ya kaika gata!”.
Tana shiga d’akin bata yi wata wata ba ta d’auki wayarta ta fara kiran Umma……

Tana d’aki a zaune tana goge wa Ya Ja’afar jiki kiran Jalila ya shigo…
D’auka tayi ta saka a speaker ta ajjiye a gefe, za ta
cigaba da abunda take yi.
Ko gaisuwa babu Jalila tace
“Ummana albishirinki”

Da sauri ta ajjiye towel d’in hannunta ta d’au wayar jiki na rawa tace
“Goro”
…Nan Jalila ta shiga zayyano mata kaff abunda taji ta gani yanzunnan…..
Shiruuu, Umma tayi, tana shirin yin magana ta yi an shigo ana kuka.

Kamar an hankad’o Anty Zainab haka ta shiga d’akin a hargitse kamar mahaukaciya!
A gigice Umma take kallon ta,
sai da ta bari ta nemi waje ta zauna tukunna tace
“Zainab lafiya kuwa??”
Cikin kuka tace

“Ba lafiya ba! Sadiya
na shiga uku!!”

Da sauri Umman tace
“subahanallah mai ya faru?”
Ta yi mata tambayar tana me d’aukar wayar ta kashe ta ajjiye a gefe.

Da kyar Anty Zainab ta d’an tsayar da kukanta tace
“saboda Allah
tsofai tsofai da ni
amman wai ni Baban Khadija ya rufe ido ya dank’ara wa saki har uku!
Saboda tsabar idonshi sun rufe
ya ma manta da biyun da ya tab’a yi mini”.

Da mugun k’arfi gaban Umma ya yanke ya fad’i! Saboda lokaci d’aya kwakwalwarta ta d’auki chaji
Tabbas ita ce ta tafka kuskure abun kuma ya koma kan Anty Zainab! Wadda daga rakiya gashi yanzu ta janyo mata…..
Tana cikin wannan tunanin Anty Zainab d’in ta sauk’o ta matso kusa da ita kafin tace
“Yi maza Sadiya d’au waya ki kirawo Jalila mu ji…Anya kuwa an yi auren nan?
Ko dai zurma mu su Maryam suka yi?
Dan wallahi masifarnan tana fad’omin maganar Malamin nan na jiya na tuna.
Yi sauri Sadiya ki kirata
mu ji, ta bincika mana sosai..
In dai maganarshi gaskiya ce to mu samu mu koma mishi
a san abun yi tun da wuri! Kin ji Sadiya! Dan Allah kirawo ta mu ji……”

Cikin In Ina Umma tace
“Tt ta tam!
Amman d’azun nan ma mun yi waya da ita kuma ta tabbatar min da cewa an yi auren.”

Hannu biyu Anty Zainab ta d’aura a kai kafin tace
“Innalillahi wa innailaihirrajiun
Me ya faru da ni tou???”

Ajiyar zuciya Umma ta sauk’e jikinta na rawa tace “To wai ke me ya had’a ku ne?”

Cikin kuka Anty Zainab tace
“Aure wai mutumin nan zai yi!
Yarinya k’arama dan tsabar cin fuska shine bai gaya min ba, sai d’azu tukunna Baaba Talatu ta kirani take gaya min, ashe wai ita sun
sani ita da Shuwa shine
suka b’oye min wai dan kar in d’aga hankalina inzo inyi wani shirmen..
Sadiya abunda zai baki mamaki wallahi tallahi kawai zuwa nayi nace mishi
‘Ya zai yi min haka?
Me yasa ya b’oye min?
Ai da ya gaya min tun da wuri’

Kar ki k’ara kar ki rage daga
haka kawai sai ya hau masifa,
k’arshe yace
In tattara in tafi ya sauk’e igiyoyinsa na aure kaff ukun da suke a kaina!
Wai ya san in dai amaryar tasa tazo ba zan barta ta zauna ba.
Ko kayana bai barni na kwasa ba da magariba dan bala’i ko kwana bai bari nayi ba ya kad’oni har da rufe gidansa.

Ita kuma Baaba da na je mata daga jin magana bata tsaya taji ba’asi ba kawai
ta hau fad’a! Wai ai laifi na ne, daman shiyasa suka k’i gaya min, ai ba a kaina Miji ya fara k’are aure ba, ai yanzu gashi na janyowa su Sadik haka
yanzu zai dawo daga boarding ya tarar ba Maman shi a gidan
K’iri k’iri Yaro ko secondary school bai gamaba amma ina
k’ok’arin maidashi maraya, har su Khadija ma da suke gidan Miji sai ta shafesu…
Ta inda take shiga ba ta nan take fita ba, k’arshe ma
ko zama bata barni nayi ba itama ta koreni!”
Da sauri Umma tace
“Yanzu kenan a nan za ki zauna?”
Cikin share hawaye Anty Zainab tace “To ya zan yi?
Ina zan je?
Port harcourt ko Ina?”

Ajiyar zuciya Umma ta sauk’e kafin tace “Ki kwantar da hankalinki, zai mayar da ke, kin ji ko, In sha Allah.”

Cikin kuka Anty Zainab tace
“Baban Khadija fa babban d’an ka’ida ne ke kin sani ba zai tab’a bari mu zauna da saki ukun nan ba”

Cikin yin k’asa da murya Umma tace “Ki kwantar da hankalinki, za mu nemi mafita
In sha Allah.
Sannan ko hauka muke ba zamu bar auren nan ba yasin sai dai in me taurin ruhi ce kamar Maryam wadda ta
nace sai da kyar! Tukunna aka samu ta bar gidan nan,
to kinga idan irinta ce
ba yanda muka iya
dole mu barta amman shima sai mun ci ubanta wallahi.

Maza basa kyautawa wallahi sam! Saboda Allah Ina ma lefin ya d’auko miki mai d’an shekaru. Fisabilillahi Ina Baban Khadija Ina sa’ar su Khadija?Tsofai tsofai da shi.”

Da sauri Anty Zainab tace
“Kuma budurwa!”

Cikin karb’e zancen Umma tace “Ba zai ma yiu ba fa Wallahi! Dole mu san abun yi.
Ki kwantar da hankalin kar ki saka damuwa a ranki, zamu nemi mafita.
Bai isa ba wallahi, kin ji.
Su Shuwan nan suna bani mamaki, daga an yi magana suce wani wai kar mutum yayi shirme in za ai mishi kishiya waye waye…
Bayan su basu san zafinta ba!
Tunda duk cikinsu babu wadda Mijinta ya tab’a yin koda budurwa ne a waje, sun
kafa sun tsare nasu mazajen amman sun iya tak’ark’arewa suna yiwa mutum nasiha akan kishiya tsabar renin wayo!
Su bar waenda suka san zafin kishiya su yi magana mana ba wai su tsayayyun matan da suka kafe mazajensu ba…”

Ita dai Anty Zainab mik’ewa tayi ta isa kan gado ta kwanta ta juyawa Umma baya, dan
taga abun nata kamar ya fara zama cin fuska kuma.
Tana jinta tana ta bambami daga k’arshe ta yi shiru ta
gyarawa Ya Ja’afar wanda yayi bacci kwanciyar sa ta lullub’e sa tazo ta nemi waje gefen Anty Zainab itama ta kwanta….. Ta gama rayawa a ranta gobe zata koma wajen mutumin nan tayi masa
maganar Anty Zainab asan abun yi dan gaskiya tayi mugun tausaya mata. Amman kuma abunda yasa tayi shiru bata gaya mata gaskiyar lamarin yanzu ba shine
ta lura aikin mutumin kamar yakan iya juyewa kuma
waiwaye! Tunda gashi na Huda ya koma kan Anty Zainab d’in , dukda ya fad’a musu dama amma still kamata
yayi ace aurenta da Aslam ne ya mutu ba wai na Anty Zainab ba tunda de Hudan aka yiwa abun so it doesn’t matter ko waye Mijin nata ita ya kamata a sako….
Kanta ya kulle dole ta koma wajenshi amman ba zata bari suje da Anty Zainab ba dan yadda take a rikicen nan haka kurum taje ta tunzura mutumin yayi mata nata aikin aje garin gyara nata a tab’o na Jalila da bai gama had’uwa ba.
Ko da ace zata gaya mata Hudan ba Arshaad ta auraba to sai ta tabbatar Mutumin ya gama yi musu aiki mai kyau! An d’aura auren Jalila da Arshaad ta kamashi sosai ta samu fada a wajenshi tukunna, saboda kar aje aiki ya had’a masa biyu yak’i concentrating akan na Jalila sosai, ko kuma
kuma yaje ya gyara na Anty Zainab wani abun ya samu na Jalila….

A ranar dai haka suka yi bacci duk su biyun rabi da rabi.

Su Hudan suna shiga a parlourn suka tarar da Ummi da su Shuraim sunata shirya dining tare da masu aiki.

Ummi tana ganinsu ta k’arasa inda suke tayi hugging Hudan tana mata sannu da zuwa.
Cikin girmamawa suka gaisheta ita da Aslam, ta amsa musu da kulawa, daga nan
suka gaisa da su Sudais,
murna kuwa a wajen su kamar suyi me tunba ma da suka ganta har da akwati ba’
Su suka ja mata suka kai mata har d’aki
Abba yaso su zauna a sama amman Aslam yace “a barsu a d’akin bak’i” shi da
cewa ma yayi ita akai mata nata kayan sama shi a barshi zai zauna a d’akin bak’i, shiyasa kawai Abban yace “a kai mata akwatin ta nan d’akin bak’in”.

Ita dai Huda so take tace ‘a barta ta tafi d’akinta’ amman bata san ta ina zata fara ba!
Ta san a idon duniya da su Abba Aslam mijinta ne
amman taya ake expecting tayi sharing d’aki da shi bayan ga d’akuna birjik kala kala a gidan.

Su kuwa su Daddy dama tun kafin su fita daga gidan bayan Gramma ta kirasu suka
gama deciding akan zasu san yadda za suyi su taho nan gidan ita da Aslam d’in
daga nan kuma su ajjiyesu shi da Hudan a waje d’aya, dan
sun lura tabbas sai sun d’an taka rawa a relationship d’in nasu tukunna za a samu su ma fara magana mai tsayi da hira a tsakaninsu.

Abba ne ya umarcesu da su je su yi alwala ayi sallah kafin ayi dinner.

Hudan so take su had’a ido da shi amman bata samu wannan damar ba. Abba kuwa sarai ya ganta shiyasa ya maida hankalinshi gaba d’aya kan Dad suka shiga hira….

Ganin ta a tsaya ne ya sanya Ummi ta k’araso inda take ta rik’e mata hannu tana murmushi kafin tace
“Muje to nan d’inma in rakaki.
Naga kin tsaya.
Aslam muje In taka ma Amaryar taka, kunyar
mu take ji naga alama”

Juyawa kawai yayi ya fara tafiya. Ita kuma Ummi ta ja hannun Huda suka nufi d’akin..

A bakin k’ofar bayan taga shigewar Aslam ta ja ta tirje
sannan ta kalli Ummi kamar za tayi kuka tace
“Ummi wai nima a nan d’akin zamu zauna kuma ni da shi?”

Dariya sosai ta bawa Ummin amman sai ta dake ta d’an b’ata rai kafin tace
“Eh mana!
So kike ya zauna shi kad’ai?
Wa zai dinga gyara d’akin yana wanke band’aki?
Ko so kike a dinga tura mishi su Linder suna shigar masa anyhow?”

Da sauri tace
“Ummi zan dinga zuwa kullum da safe ina mishi Allah”

B’ata rai sosai Ummin tayi this time around kafin tace
“Zamu b’ata da ke fa!
Dole anan zaki zauna Huda.
So kike idan yana buk’atar wani abu urgent sai ya nemoki kenan?
Kinga, gara ki shirya fa dan hatta girki ma sai kin dinga yi masa nashi special
ko da kala d’aya ne
Breakfast Lunch da Dinner Kullum!
Ko kin d’auka auren wasa ne?”

Tabbas ta san da waennan abubuwan dan sai da Shuwa ta tsara mata komai amman ita dai a tunanin ta su Ummi da Abba zasu d’aga mata k’afa tunda ai ba shi takeso ba kuma sun sani…… Wani k’ululun takaicine ya tokare mata mak’oshi!
Tayaya ma za ace saboda zata dinga yi mishi aikace aikace da abubuwa har wani kuma sai ta zauna da shi a d’aki d’aya dole!
Sai kace wani baby..

Ji tayi Ummi ta ja hannunta sun shige d’akin sannann ta mayar a k’ofar ta rufe.
Sai da ta kaita kan gado tukunna tace
“Ki yi sallah ku fito dinner”
Tana gama fad’in haka ta juya ta fice daga d’akin........

BULAMA ✍️

So da Buri
Free Book
59

Sai da Ummi ta fita tukunna Huda ta fahimci Aslam baya d’akin…har ta fara murna
sai kuma ta ji k’arar ruwa a toilet. Kamar mara gaskiya haka ta zauna ta k’ame a guri d’aya har ya fito.

Kallonta kawai yayi ya d’auke kai, ya fita.
Sai a sannan ta sauk’e k’akk’arfar ajiyar zuciya sannan ta zabgawa k’ofar da ya bi ya fice harara kafin
itama ta mik’e ta shiga toilet d’in tayi alwallah ta fito ta tayar da sallah..
Ta jima tana adduar Allah ya dawo da Ya Arshaad, watak’il
idan su Abba suka ga idonshi su raba wannan auren, ta
samu ta auri wanda take so itama yake sonta. Bayan ta shafa ta mik’e ta fita zuwa dining.

Ummi da su Shuraim ne kawai akai, da alamun su Abba basu dawo daga mosque ba, Ummi tana ganinta tace
“Ai yanzu nake shirin mik’ewa in lek’o ki, na ji shiru”

Murmushi tayi ta k’arasa wajen, har ga Allah Ummi tana burge ta Ubangiji yana son bayin sa masu tuba bayan sun fahimci sun yi kuskure.
Tana zuwa ta ja kujerar gefenta ta zauna suka
fara hira ita da su Shuraim waenda suke a opposite d’insu ita da Ummi.

Ko 5 minutes bata yi da zama ba su Abba suka shigo..
Opposite d’insu Abba ya zauna , ga mamakin Huda sai taga Aslam ya ja kujerar gefenta shima ya zauna!
Hakan kuwa ba k’aramin dad’i ya yiwa Abba ba dan
har kasa b’oye farin cikin sa yayi ya fara zuba murmushi…

Ummi itama murmushin tayi
kafin ta mik’e ta zagayo inda suke ta fara serving nasu..
Har ta gama Hudan tana zaune kyam! Sai da Ummin ta dawo tukunna k’asa k’asa tace mata “Ta tashi ta zubawa Aslam mana”

A hankali ta mik’e dan ita har ga Allah wani abun ma kunyar Abba take ji.. Jiki ba kwari ta hau serving nashi, tana gamawa ta tura masa komai gabansa itama ta zubawa kanta abinci kala d’aya kawai d’an kad’an.

Baka jin k’arar komai sai cokula..
Although ba Hudan bace ta dafa abincin amma yadda
tayi serving nashi da yanda
take zaune kusa da shi tabbas zai iya cewa this is the best dinner da ya tab’a having a rayuwarsa! Lokaci lokaci yake lumshe ido yana sauk’e ajiyar zuciya ba tare da kowa ya lura da shi ba.

Abba ne ya fara jan tissue ya goge bakinsa ya sha ruwa yace “Alhamdulillah” daga nan ya mik’e ya juya ya nufi hanyar fita.

Yadda ta san zai ji xeji, Ummi tace “Abba fita zaka yi ne?”.
Bai juyo ba, be kuma kalleta ba kawai yasa kai ya fice.
Ajjiye spoon d’insa Shuraim yayi ya mik’e ya bar wajen gaba d’aya ba tare da ya k’arasa cin abincin nasa ba.

Jikin Ummi ba k’aramin sanyi yayi ba, ta san cewa tunda ta dawo Abba baya kulata
amma tayi tunanin tunda a gaban su hudan ne zai kulata yau, ta samu ta d’an ji sanyi a ranta. A b’angaren Huda kuwa, ba k’aramin kunya taji ba shiyasa itama kwata kwata ta kasa ci gaba da zama a wajen dan bata so su had’a ido da Ummin, ta lura da yadda Shuraim ya had’a rai ya mik’e ya bar wajen, dan haka tana mik’ewa ta nufi sama side d’insu..
Tana shiga ta tarar da shi yana kuka! Da sauri ta k’arasa inda yake zaune akan gadon ta zauna ta kamo hannunsa, k’ok’arin mik’ewa ya fara yi dan haka da sauri tace
“Shuraim wait, let’s talk mana.
Ka daina kuka ka fad’amin me yake damunka, ka ji?”

Ajiyar zuciya ya sauk’e ya share hawayenshi kafin yace mata “ba komai” kawai.

B’ata rai tayi sanann tace
“To shikenan!
Bara kaga in tashi in tafi kuma ina sauk’a zan d’auki akwatina in bar gidan nan gaba d’aya in dai baka gaya min ba.
Sannan sai na gayawa Abba da Ummi kana d’aki kanata kuka”

Sai da ya gyara zamanshi ya fuskanceta sannan yace “Abba ne! Ya tsani Ummi.
Tun lokacin data dawo daga tafiya baya kulata baya yi mata magana kwata kwata.
Idan ita ta kula shima sai dai yayi mata banza ya wuce kamar yadda yayi yanzun.
Kullum sai naga Ummi tana kuka not once sometimes a rana sai tayi kuka sau wajen biyar shi kuma he don’t care!
Ban san meyasa Abba ya tsani Ummi ba, dama chan baya sonta yanzu kuma ya sake tsanarta!”

Da sauri Huda tasa hannunta ta toshe masa baki, sannan tace “kar ka ce haka Shuraim, kar in sake jin irin haka a bakinka.
Abba bai tsani Ummi ba, ka ji ko?
Kawai maybe su d’anyi fad’a ne kad’an amman na san za su shirya soon, ka ji?
Ka daina sakawa a ranka
zasu shirya ya zama kamar basu tab’a yin fad’aba in sha Allah soon kuma, ka ji ko?”

Still kuka yake yi, dan haka Huda tayi ta lallashinshi har sai da ta samu yayi shiru ta tilasta masa ya k’ara cin cookie a d’akin dan bai wani ci abinci sosai a k’asan ba tukunna ta mik’e ta d’auko mishi tooth brush d’inshi da bathrobe ta bashi tace yaje yayi wanka yazo ya kwanta idan ma game yake son yi sai su yi tare.

Shuraim a zuciyarshi ya ji ya sake jin k’aunar Hudan, yadda ta tsaya take k’ok’arin taga yayi farin ciki hakan ba k’aramin dad’i yayi masa ba.

Karb’a yayi ya fad’a toilet d’in
ita kuma ta jona ps ta fara yi musu settings…
Sai a lokacin Ummi ta bar bakin d’akin tana rik’e kukan da ya taho mata...
Tana shiga d’akinta ta saki kukan, tabbas tayi kuskuren da ita kanta ba zata tab’a yafewa kanta ba!
Kalla fa yadda Hudan take da hankali take k’aunar jininta
amman haka nan tayi depriving d’inta childhood mai dad’i! Ta rabata da Mahaifinta! Ta sanyata ita da uwarta a k’unci basu ji ba basu gani ba duk saboda So da Burin mallakar Mijin da
a yanzu ta riga ta hak’ura dan ta san ba zai tab’a accepting d’inta ba….
Ummi ta yi kuka ranar kamar ranta zai fita, tabbas zata samu lokaci ta ware ta rok’i Abba ya barta ta je taga Mama ta nemi yafiyarta sannan zata ta nemi yafiyar Hudan itama dan kwata kwata ta kasa sukuni tana jin
zafi da dana sanin abunda ta aikata a baya
Inama ana dawo da hannun agogo baya.......

Abba Yana fita direct side d’in Daddy ya nufa, yana shiga ya tarar da su suma suna dinner su uku abunsu.
………Yanzu Mom ta samu sauk’in Jalila biyayya take yi mata kamar zatai mata sujjada!
Duk abinda tace shi take yi sannan ta maida kanta k’asa kamar wata y’ar aiki, yau ma
ana gama abinci ta d’iba ta wuce d’akinta har da cewa
Mom d’in ‘ko akwai aikin da take so ayi mata?’
Murmushi kawai Mom d’in tayi mata sannan tace ‘ba komai’
already a ranta ta riga ta gama shiryawa akan gobe gobe za tayi mata korar kare!
In sha Allah…….

Kujera Abba ya ja ya zauna kusa da Daddy.
Duk da ya k’oshi amma sai da Daddy ya saka shi yad’an tab’a wani abun.

Auwal ne ya fara mik’ewa saboda yana da tulin aikin da yake son yi and yanaso yau ma ya sake gwada sa’ar shi ko Allah zai sa Sakina ta amsa wayarshi.
Dan haka yayi musu ‘sai da safe’ ya wuce sama.

Daga nan itama Mom ta mik’e suka fara tattare dining d’in ita da mai aikinta..
Tana shigewa Abba ya dubi Daddy yace
“Daddy magana na zo mu yi akan Maryam!”

Juyowa Daddy yayi ya bashi dukkannin attention d’insa kafin yace
“Ina sauraronka, what about her?”

Soundin so worried and disturbed Abba yace
“Har yanzu bata d’aukar waya ta! Bata replying messages d’ina..
I think kawai mu je mu samu su Abba Madun maybe shi zai iya bata shawara ta d’auka”

Ajiyar zuciya Daddy ya sauk’e kafin yace “Abba,
I know what you are going through amma sai nake ganin kamar Maryam tana buk’atar more time kafin komai. Ka duba kaga irin abunda Mijinta yayi mata sannan na san ta san Granpa ya sallame mu daga estate saboda Huda
kuma na san yanzun ma Huda zata iya gaya mata ya sake korarta!
Gaskiya bana jin su kansu su Abba Madun za su goya mana baya ko da ace mun je mun same su da wannan maganar.
Let’s assume ma sun goya mana bayan ni na san
Maryam ba zata tab’a yarda ba a yanzu, kuma kaga idan suka bata shawara itama ta basu nata uzuri dole fa in aka auna aka duba za a ga ta fimu gaskiya ne.
Sannan Granpa!
Allah kad’ai ya san irin yawan y’an kallon da zamu kwasa da shi idan Maryam ta dawo gidan nan a yanzu!.

Bawai zan yi backing out bane in daina goya maka baya ba
not at all Abba, all I’m saying shine
Ka kwantar da hankalinka
mu d’an jira kad’an tukunna, na san dole Granpa zai sauk’o kwanan nan tunda yanzu case d’in ya shafi har Aslam, kaga daga nan sai mu san abun yi”.

Ajiyar zuciya Abba ya sauk’e kafin yace
“Na ji kuma na fahimceka.
Amman nima inaso ka fahimceni…
Daddy, Idan akwai abinda na sani wanda yake dahir! To shine
ko da ace Granpa ya huce mun koma yayi accepting d’inmu da Huda to fa ba zai tab’a accepting Maryam ba
kuma idan aka taso da zancen
wani sabon case d’inne zai kuma b’ullowa, kaga
kenan an koma square 1!
So ni a gani na this is the right time da ya kamata muje ayi magana a gyara komai,
In yaso idan ma ya hak’ura kaga already Maryam tana nan so babu yadda zai yi.
And another thing is
wannan Usman d’in!
Na san yanzu baya nan saboda iyayensa sun ce ko k’afar gidan da Maryam take kar ya taka amma fa su suka haife shi, shekarun baya Maryam d’in ta tab’a bani labarin yadda Mahaifiyarsa ta murzawa idanuwanta toka ta fifita farin cikin d’anta akan na kowa, so yanzu idan ya dawo ya nuna musu bai hak’ura ba na tabbata hak’uri kawai za a bayar kuma na san Maryam ba zata iya ce musu a’a ba..

Waennan dalilai Daddy su saka sanya kaga hankalina duk ya tashi!
I don’t want to loose her again.”
Ya k’arashe maganar kamar zai yi kuka.

Gaba d’aya sai tausayinsa ya rufe Daddy dan haka yace
“Ba komai,
In sha Allah ba zaka rasata ba.
Za muje d’in,
in Allah ya kaimu ko gobe da yamma ne idan na tashi a aiki zan biyo company d’in naku sai mu wuce.”

Sai a sannan Abba yayi murmushi yace
“Thank you Daddy”

Murmushi shima Daddy yayi
daga nan suka shiga tattaunawa…….

Tunda suka fara magana Mom ta lab’e a kitchen, babu
abunda bata ji ba, gaba d’aya
ta hada gumi kamar ita akace za a k’arowa kishiya.
Sai da su Daddy suka bar dining d’in tukunna ta samu ta fito ta haye sama da niyyar d’aukar mayafinta ta nufi wajen Ummi amma sai
aka yi rashin sa’a Daddy ya rik’e ta, ta so ya d’an
fita ko ita ya barta taje ko parlour ne tayi waya
amman k’iri k’iri ya kafa ya tsare yayi kane kane!
Ba yadda ta iya haka ta hak’ura ta bari akan gobe suna fita office zata je ta samu Ummin….

Sai da Sudais yayi bacci tukunna suka yi sallama da Shuraim wanda zuwa yanzun ya ware kamar ba shi ne yake ta kuka d’azu ba!
Haka nan ta fito ta barshi yana game d’in.
Ta so ta wuce d’akinta kawai
amman sai akai rashin sa’a suka had’u da Abba tana fitowa daga parlourn nasu.

Ajiyar zuciya ta sauk’e
dan daman tana son ganinshi, duk da bata san ta Ina zata fara ba but they need to talk.

Kallonta yayi ya kalla inda yaga ta nufa, da sauri
ta fara kame kame
“Um daman zz n”

Cikin katseta yace “It’s late,
bara in je In kwanta.
Good night.”
Har ya wuce yaji tace
“Abba”
Juyowa yayi yana kallonta
fuskarsa ba yabo ba fallasa.

K’arasawa tayi inda yake a tsaye tana wasa da fingers d’inta.

Ajiyar zuciya ya sauk’e kafin yace “Talk mana, Um?”
Yana mai bata full attention d’insa.

Da kyar ta iya ce masa
“Abba daman it’s about Ummi”

B’ata rai yayi sosai kamar bai tab’a dariya ba!

Kamar ta sani dama tak’i yarda ta kalleshi taci gaba da magana
“Abba dan Allah ka daina yi mata abunda kake yi, ka dinga
kulata please Abba kar..”

Cikin katseta yace
“Ita Ummin tace miki bana kula ta?”

Da sauri ta d’ago ta hau girgiza kai kafin kanta tsaye
tace “Shuraim ne, d’azu
ko abinci bai k’arasa ci ba ya bar dining d’in.
Ina hawowa na ganshi yana ta kuka, da kyar na lallab’ashi..
Abba if this continues
zamu iya samun matsala da brothers d’ina a gaba musamman ma idan suka k’ara wayo suka fahimci duk ata dalilina ne kake yi mata hakan.
Dan Allah Abba ka daina
Ubangiji ma ana yi mishi laifi ya yafe Ummi ta gane kuskurenta..kalla yadda
take yi min, Abba please
ko dan neman zaman lafiyarmu ni da su Shuraim ka dai na yi mata haka, no
matter yanda muke ni da su
uwa uwa ce!
Ko ni idan naga ana yiwa Mama haka akansu ba zan ji dad’i ba.
Please Abba dan Allah”
Ta fad’i hakan tana me matsowa ta kama hannunshi a nata ta rik’e.

Ajiyar zuciya kawai ya sauk’e
...Tabbas abunda Huda ta fad’a gaskiya ne, shi kansa saboda su Shuraim d’inne ma yasa yake sassauta mata abubuwan da ya shirya zai yi mata tunda ta nace sai ta zauna da shi!
Ummi tayi masa abubuwan da baya jin zai iya yafe mata, yana so ya yafe amman ya kasa, but
kamar yadda Hudan ta fad’a
kar aje a samu matsala ya raba kan y’any’ansa da kanshi dan haka dole zai dinga danne zuciyarsa……
A hankali yaji Hudan ta sake cewa “please Abba”
Kamar zata yi kuka.
Murmushi yayi ya zare hannunsa a nata ya shafa kumatunta
kafin ya sauk’e ajiyar zuciya..
Baya jin akwai uban da yake yi wa y’arsa irin son da yake yiwa Huda, she’s just like her Mom
everything hatta halayyersu iri d’aya ce! Kalla yadda take yiwa kishiyar Mamanta campaign dan kawai kar ayi hurting kowa.

A hankali yana kallonta yace
“Naji na daina I promise”

Murmushi ta fara mai had’a da dariya kafin tace
“Thank you Abba”

Jingina kai yayi shima yana murmushin yace
“Ai kin iya campaign dole in hak’ura, amma inaso nima kiyi min campaign a wajen Mamanki!”

Da sauri ta sunkuyar da kanta dan ita kunya ya bata.

Dariya yayi kafin yayi kalar tausayi yace
“Please princess
Tak’i d’aukar wayana.
Ko bakya so ta dawo nan ku zauna tare?
Kin fi so koma gidan Usman?”.
Da sauri ta girgiza kai.
A hankali yace
“Then you have to do something Huda ina
buk’atar taimakonki, kin san
Mamanki da kafiya dan haka dole sai mun taru akan ta tukunna za muyi nasara saboda ba zan iya shawo kanta ni kad’ai ba.
I need your help”.

A hankali ta d’aga kai,
ckin tsananin jin tausayin Mahaifin nata tace
“In sha Allah Abba,
I’ll try my best”

Murmushi yayi yace “to shikenan, na gode.”

Ajiyar zuciya ta sauk’e a ranta tana tunanin ‘tabbas idan fa akai sake Mama fa zata iya komawa gidan Baba anytime from now, dan tana da labarin yadda Shuwa tayi kawaici a farko ta bi bayan Baba akan Abba. Sannan itama Mama a yadda suke yanzu da Baaba Talatu tsaf zata iya yin kawaici ta koma masa, ko lokacin bikinta sai da taji Baaba Talatu suna magana da Anty Zainab wai tunda Baba ya tafi port harcourt bashi da lafiya!
Bara a gama biki zata samu Kaka da Abba Madu da maganar!
Kar fa ace tayi hak’uri ta koma zai shiryu tunda gashi har rashin lafiya yake yi which definately ta san akan Maman ne!
Komai yana kanta daram! Na yadda Mama ta sha azaba a gidan nan, ba zata tsaya ta zuba ido a sake maida Mahaifiyarta cikin uk’uba ba
besides ita dama ta dad’e tana da burin taga an maida auren iyayenta! Tana son ganinsu tare……’
“Good night, ko?”
Muryar Abba ta dawo da ita daga duniyar tunanin da ta tafi.

D’agowa tayi tace “Good night Abba”
So take ya wuce tayi d’akinta amman sai taga ya tsaya..
Dakewa kawai tayi ta juya ta nufi side d’inta.
Murmushi ya yi mai had’e da y’ar dariya kafin yace “A fatherly advice…kema ki
daina gudun Aslam!”

Runtse idamuwanta tayi da mugun k’arfi! Wata kunya ta lullub’eta…sai da tayi dana sanin nufar d’akin nata da tayi.

Tafi minti biyar a tsaye, k’arshe
tayi kalmar shahada ta juyo!
Kamar yadda tayi zato bata ga Abba a wajen ba.

Kamar wadda akace mata zai fito haka ta zo ta wuce da sauri ta nufi hanyar k’asa ko
globes d’in bata tsaya kashewa ba....

BULAMA ✍️

So da Buri
Free Book
60

Tana sauk’a k’asan ta ga shiru ba kowa. Da alama ma har masu aikin sun tafi side d’insu dan har an rufe main door
sannan an kashe globes.
Hasken fitilun barander waje da suka ratso ta windunan parlourn ne suka taimaka mata ta k’arasa bakin k’ofar d’akin nasu.

A hankali ta d’anyi knocking, ita bama ta yi tunanin za aji ba amma sai taji yace
“Come in”

Wata nannauyar ajiyar zuciya ta sauk’e sannan ta sa kai ta shiga…

A zaune kan sofa ta sameshi, da alamun wanka yayi
dan ya chanja kaya zuwa wata jallabiya ruwan zuma mai dogon hannu da hula, bai
sanya hular ba ya barta ta fad’a baya…ba k’aramin kyau yayi ba.
Yana a zaune yana latsa computer ga tea a gefe kan d’an stoll d’in da ya d’aura computer.
Gaba daya hankalinsa yana kan aikin da yake yi
shiyasa ta yi mamakin ta yadda ya ji d’an mitsitsin knocking d’in da tayi, kuma
kamar ma ba shi ya amsa ta ba dan tunda ta shigo be ko kalli inda take ba! Haushi abun ya bata yadda ko d’agowa bai yi ya kalletaba kamar ba d’an Adam ne ya shigo d’akin ba
dan haka itama ta d’auke kai bayan ta d’an hararesa ta shige tayi wucewarta….
Inda ta ajjiye akwatinta ta nufa
cikin closet, ga mamakinta sai taga wani akwatin wanda
ta tabbatar nasa ne!
B’ata rai tayi kawai ta hau zabgawa akwatin harara wanda ita kanta bata san dalili ba..
Sai da tayi me isarta tukunna ta d’auki inner wears, toothbrush, tooth paste, hijab da sleeping dress ta shiga toilet d’in…
Wanka tayi ta d’auro alwallah, a nan cikin toilet d’in ta chanja kayanta..sai kuma ta fara tunanin a ina zata shanya bra da pant d’inta (waenda ta wanke yanzun) inda ba zai gani ba.

Babu inda bata duba ba amman ta rasa mab’oya, k’arshe dai shanyawa kawai tayi a wajen shanya
sannan ta d’aura hijabinta akan rigar barcin jikinta ta fito.

Still yana zaune a yadda yake har yanzun..
Tsayawa tayi dan so take ya tashi ta kwanta!
Tafi minti biyar a tsaye
chaan! Ta tsinkayo muryarsa
“Kina buk’atar wani abun ne?”
Yayi mata tambayar ba tare da ya kalleta ba…

‘Itafa gaskiya ya fara k’ular da ita! Ta tsani ayi mata magana ba tare da an kalleta ba, wato ba ma ta kai ya kalletan ba kenan ko me?’
Huda ta aiyyana hakan a ranta.
Gani tayi kawai ya d’ago kyawawan idanuwansa ya zuba mata su!
Da sauri ta sunkuyar da kanta a ranta tace
“Ko dai a fili na yi maganar??”

Shi kuma Aslam
shirun da tayi ne yasa ya d’ago ya kalleta, ganin ta sunkuyar da kanta ne still bata ce komai ba ya sanya shi kiran sunanta,
a hankali taji yace “Huda”

Da mugun k’arfi k’irjinta ya buga! Saboda yanayin da ya kira sunan nata da muryarsa mai mugun dad’in sauraro
sannan very calm kamar baya son maganar ta fito.
‘Ita kam, tunda take anya akwai wanda ya tab’a kiran sunanta da dad’i kamar haka kuwa?’
Ta aiyyana hakan a ranta.

Ajiyar zuciya Aslam ya sauk’e
kafin ya rufe computer ya mik’e
ya nufi inda take tsaye….

Tunda ya mik’e ta d’ago ta fara kallonsa, ganin ya nufota gadan gadan yasa ta rikice tashi d’aya, da sauri tace
“sofa, sofa! Sofar nake buk’ata zan yi bacci”
Kafin ta rufe bakinta ma already ya riga ya k’araso inda take!
Da kyar ya iya danne dariyarsa, yana kallonta yana mamakin yadda duk ta duburce kamar ba ita ta gama zuba masa harara yanzunnan ba.
Hannunsa yasa ya kamo nata!
Da sauri ta d’ago ta na kallonsa, shima itan yake kallo
ido cikin ido!

K’asa tayi da kanta tana jin
yadda zuciyarta take bugawa!
Haka kurum taji hawaye sun tarun mata a ido….Tunda take da Ya Arshaad ko da wasa bai tab’a kama mata hannu ba
4 years! Amman shi wannan she just knew him amma
bashi da aikin da ya wuce ya shafa mata kumatu ko kuma ya kama mata hannu..
Tabbas! Ta san akwai difference tunda shi
wannan Mijinta ne
amman kuma duba da yanda basu wani saba ba sannan kuma basa k’aunar juna
ai bai kamata ace yana saurin tab’ata haka ba!
Ko da yake ai ance daman a uk ya girma…ta tabbata inda Ya Arshaad ne aka yi musu irin wannan auren had’in da shi da ba zai tab’a yunk’urin rik’e mata hannu ba har sai ya
bari sun d’an saba tukunna…..
A take case d’in Jalila ya fad’o kanta, ta tuna yadda ta d’aura masa laifin da ba nasa ba
bawan Allah har da AlQurani ya zo zai rantse mata
gaskiya Ya Arshaad yana sonta ba kadan ba!……
Tana cikin wannan tunanin bata yi auni ba kawai taji kuka ya kufce mata!.

Ajiyar zuciya taji Aslam yana ta faman sauk’ewa akai akai
kamar shine yake kukan!
Be hanata yin kukan ta ba, sai da ta gaji dan kanta tayi shiru….

K’afafuwanta har sun fara zafi saboda tsayuwa.
Har tayi shiru bata ji ya daina sauk’e ajiyar zuciyar ba, chaan, taji yace
“Ki tabbatar duk lokacin da tunanin Arshaad yazo miki, kika yi, kin yi istighfari!”
Yana gama fad’in haka ya ja hannunta ya kaita har kan gadon sannan ya ajjiye ta yace “sleep”
daga nan ya juya.

Huda gaba d’aya tsoron sa ne ya rufeta!
A ranta tace “Anya wannan ba alhaji bane ba kuwa?”

Har ya d’anyi gaba sai kuma ya juyo, ganinta yayi still a zaune
bata da niyyar kwanciyar..
Yunk’urowa yayi zai yi mata magana kawai yaga da mugun sauri ta juya ta d’aura k’afafuwanta akan gadon ta kwanta ta lumshe ido…
Tabbas ya san me ta tuna
dan haka kawai ya girgiza kai ya juya ya koma yaci gaba da aikin shi…
Itama Hudan a tunaninta kwantar da ita zai yi k’arfi da yaji kamar yadda ya durk’usa zai kinkimeta ranar a asibiti
shiyasa ta shafawa kanta ruwa ta kwanta tun kafin ya sake matsowa kusa da ita zuciyarta ta tarwatse! Dan har yanzu bata bar uban bugun da takeyi ba.

Bata san lokacin da yayi bacci ba dan ita kam tana kwanciya bacci ya kwasheta.

Ta riga sa tashi dan tun kafin assalatu ta farka ita…
D’akin da duhu ba kamar yadda tayi bacci ta bari da haske ba. Jinta ta yi a lullub’e cikin lallausan bargon da ta gani a gefe kan gadon.
A hankali ta karanto addua kafin ta mik’e ta zauna sakamokon kiran sallar farko data fara ji, dan ita da a tunaninta ma farkawar tsakar dare ta yi.
Sai da baccin yad’an ragu a idonta sannan ta yaye bargon ta mik’e bayan ta d’auki wayarta.

Flash ta kunna sannna ta nufi hanyar bathroom..idanuwanta ne suka sauk’a kan Aslam wanda yake kwance akan sofa!
Dogo ne shi d’in sosai shiyasa sofar tayi masa kad’an, saboda kujerar ba wata mai girma bace ba dan
da kyar In tafi 3 seater.
Ya tankwashe k’afafuwansa akan sofar duk dan ta ishesa
amman duk da haka a takure yake da alama kuma sanyi yake ji, gashi taga kamar blanket d’aya ne a d’akin kuma ya rufa mata Pillow kawai ya d’auka ya kwanta a kai
ya turo k’ananan throw pillows d’in sofar k’asa…….

Hasken fitilar ta ne ya farkar da shi….ya farka amman bai bud’e ido ba.

Tsintar kanta tayi da komawa gadon, a nan ta ajjiye wayarta still bata kashe flash d’inba (dan ta ga haske) ta d’auko blanket d’in ta dawo wajen da yake kwance.
A hankali gudun kar ya farka
ta d’an sunkuyo ta lullub’a masa blanket d’in tun
daga k’afafuwansa har zuwa wajen wuyansa…
Ajiyar zuciya taji ya sauk’e dan haka ta yi saurin kallon fuskarsa a tunaninta ko ya
farka ne amma sai taga baccinsa yake yi peacefully..
Gaba d’aya sai taji tausayinshi ya rufe ta…ta tabbata d’umin ne ya sanya shi jin dad’i har cikin baccinsa yana sauk’e ajiyar zuciya…ya san yana jin sanyi amman ya hak’ura ya lullub’a mata shi ya kwanta a haka…
A hankali take nazarin tana kallon kyakkyawar fuskarsa.
Durk’usawa tayi sosai a gabansa kamar mai zaman
tahiyya.
A hankali ta shiga kallon fuskar tasa tun daga kan sumar kanshi zuwa straight girarsa..duk da idanunsa a rufe suke amman hakan bai hana ta ganin kyawun da idanun suka k’arawa fuskar tasa ba, ga wasu kyawawan zara zaran lashes, dogon hancinsa ta kalla tana mamaki da girmama kyawun halittar Ubangiji……….
Ta dad’e tana kwad’ayin son ta yiwa fuskarshi nutsatstsan kallo saboda ita har ga Allah
tunda take a rayuwarta bata
tab’a ganin kyakkyawan Namiji kamar Ya Aslam ba! Komai nasa mai kyau ne, ga
muryarshi idan yana magana kamar kar ya daina……….
Kallonsa kawai take yi sosai tana nazarin, dan har
d’an matsawa ta yi kusa da shi sosai ba tare da ita kanta ta sani ba!
So take ta gane me yafi kyau a fuskarsa! Hancinsa ne ko kuma idon ko cikakkaiyar straight brows d’insa, amma ta kasa, taso ace idanunsa
biyu ta samu ta yiwa idanuwan nutsatstsen kallo kamar haka.

So take ta d’auke kai ammman kwata kwata ta kasa…
A hankali take bin skin d’insa da kallo, fuskarsa tass
babu alamar k’urji ko zanzana ko wani tabo! K’ayataccen sajensa ne kawai ya bambanta fuskartasa da ta babies.

Ahankali idanuwanta suka kai kan d’an mitsitsin pink lips d’insa wanda yake a zagaye da lallausan siririn saje!
Ta jima tana kallo chan ya ji
tace “Astaghfirullah!!”
kafin tayi saurin runtse idanunta sai kuma ta mik’e da sauri ta juya ta fad’a toilet ko wayar tata bata d’auka ba!
Tana shiga ta banko k’ofar!.

Sai a lokacin Aslam ya bud’e idanunsa, yana wani sassanyan murmushi mai had’e da dariya…

Ta jima a toilet d’in kafin ta fito.
A zaune ta sameshi this time around da waya a hannunsa, a
ranta tace “sai kaje garin daddanna na’ura ka lalata idon”
Wucewa tayi ta d’au hijabinta ta zura ta fara k’ok’arin gabatar da nafila shi kuma ya mik’e ya nufi band’akin
da gudu ta k’arasa ta shige toilet d’in kafin shi ya shiga ta rufo k’ofar! Chaan, ta bud’e ta fito ta wuce ba tare da ta kallesa ba..
Bayanta ya bi da kallo kafin ya girgiza kai kawai yana murmushi ya shige toilet d’in,
kamar ance ya d’aga kai, yana
kallon wajen dariya ta kufce masa, abunda bata sani ba shine
jiya already ya rigada ya gani
dan kafin ya kwanta sai da ya shigo yayi alwala..
Yana dariya yana murmushi shi kad’ai haka yayi wanka cikin farin ciki da annashuwa dan shi kam Hudan already made his day yau before
it even begins.

Da towel ya fito d’aure a k’ugunsa lokacin
ita kuma juya baya tana sallah.
Cikin nutsuwa ya hau shiryawa, tana cikin sallar hancinta ya fara jiyo mata wannan azababben k’amshin turaren nasa yana k’aruwa akan wanda already ya riga kama d’akin.
Tana idarwa tayi addua ta shafa, ta gyara zamanta a nan gaban gadon kan kafet ta na jira a kira sallah.
Takun sa ta ji a hankali yana k’arasowa inda take..
Lumshe idanuwanta kawai tayi tana shak’ar k’amshinsa tana kuma sauraron yadda bugun zuciyarta yake k’aruwa dede da takun nasa.
A hankali taji yace
“Gyara in yi nafila”.
D’agowa tayi suka had’a ido..
Sanye yake cikin jallabiya bak’a mai shek’i amman
ta k’asan jallabiyar tana iya hango dogon wando bak’i
kamar na suite saboda
jallabiyar bata ida rufe duk k’aurinsa ba.

Da sauri ta mayar da kanta k’asa ta mik’e ta koma kan gado.

Yana idar da nafila ana tadaa iqama a masallaci dan
haka ya mik’e ya nufi k’ofa..
Har ya kama handle zai murd’a
sai kuma ya juyo ya kalleta, yace
“Zan fita yau da wuri.
Ina da bak’i tun jiya cikin dare suka zo kuma yau da safe suke son komawa..
Get me something simple to eat, please. Kafin in dawo a masallaci.”
Bai jira jin me zata ce ba ya murza handle d’in ya fice.

Shiruu, tayi na y’an mintuna
chan kuma ta mik’e ta tada sallah.

A nutse ta gabatar da sallarta.
Sai da ta idar ta yi azkar
tukunna ta mik’e ta d’au wayarta ta fita a d’akin.

Tana shiga kitchen d’in ta nemi globe ta kunna, ta
fara k’arewa kitchen d’in kallo
dan ita bama ta san ta ina za ta fara ba.
Ganin babu lokaci yasa kawai
ta soya omelet ta
had’a salad ta d’auko bread da kifin gwangwani ta had’a masa sandwich da tea.

Tray ta d’auko ta jera akai ta d’aura cup da tea flask d’in da su madara da sugar da teaspoon ta ajjiye dik a kai sannan ta d’au tray d’in ta fita.

Tana fita ta gansu akan dining shi da Abba duk sun shirya,
da wasu takardu suna dubawa.

A hankali ta k’araso ta ajjiye tray d’in sannan ta d’an rissina tukun tace
“Abba Ina kwana”
Tunda ta fito Abban yake kallonta yana murmushi, ba k’aramin dad’i yaji ba
“Lafiya Alhamdulillah”
Yace da ita yana murmushi yana kallonta.

A hankali ta d’an kalli Aslam tace
“Ina kwana”.
Sai da ya d’ago ya d’an kalleta tukunna yace
“Lafiya”
Sai kuma ya mayar da kanshi kan tray d’in yace
“Thank you”
Daga nan ya maida kallonshi ga takardun….

Abba ne yace
“Princess yau abun son kai ne?
Ina nawa cup d’in?
Da alama ma breakfast d’in baku yi da ni ba”

Gaba d’aya kunya sai ta rufeta
cikin shagwab’e fuska tace
“Abba ai ban san kaima zaka fita da wuri ba”
Tana gama fad’in haka
ta koma kitchen ta d’auko cup ta kawo da tea spoon.
Har zata sake komawa sai yayi sauri yace
“No wannan zai ishemu, wasa
nake miki”

Murmushi tayi daga nan ta juya ta wuce d’akin nasu.

Tana cikin karatu taji fitarsu, sai da ta ida tukunna ta tashi dukda cewar d’akin bai yi wani datti ba amman sai da ta goge ta share ta wanke toilet, ita kad’ai tana ta
mitar Aslam bashi da kunya wai k’ato da shi amman ya wani shanye mata boxes tazo ta gani ma shi bai damu ba kenan!……….

Sai wajen 9:00am sannan ta fito, lokacin gidan ba kowa daga ita sai Ummi.

A cikin parlourn ta hango ta
amman da alama ma bata san ta fito ba! Ta rafka tagumi tana kallon gefen tv d’in da take ta faman aiki ita kad’ai…
Sai da Hudan ta zo inda take ta ce “Ummi ina kwana”
Tukunna tayi firgigit ta juyo, suna had’a ido ta fara murmushi, kafin tace
“Lafiya, Alhamdulillah daughter. Ya kika kwana?”

“Alhamdulillah” itama Hudan tace tana me zama a kujerar gefenta 1 seater.

“Ki yi breakfast mana”
Cewar Ummi.

“Ok” kawai Huda tace

sannan ta mik’e taje tayi, har
ta gama ta dawo ta zauna
Ummin tana wajen bata ko chanja yana yin zama ba.

A hankali ta zauna kafin tace
“Ummi tunanin me kike yi?”

Kallonta Ummin tayi kafin ta sauk’e wata nannauyar ajiyar zuciya tace
“Huda, gaba d’aya har yanzu na kasa yafe wa kaina.
Sannan guilt yak’i barina In samu peace of mind!
Ki taimaka ki yafe min sannan
inaso ki rakani wajen Mamanki In nemi yafiyar ta na san
na zalunceku”

Da sauri Huda tace
“Ummi dan Allah ki daina.
Ni kam wallahi na yafe miki duniya da lahira
Mama itama na san ta yafe miki.
Ki kwantar da hankalinki
ki daina yawan tunani, please.”

Ajiyar zuciya ta sauk’e kafin tace “Huda dukda cewa na san kina da kyakkyawar zuciya ba lalle ki aikata irin abunda na aikata ba, amman still ina me baki shawarar ki rok’i Ubangiji ya tsareki daga aikata aikin dana sani’
Guilt d’in bashi da dad’i kwata kwata na rasa sukuni, nan san
tayaya zan yafewa kaina ba.”

Ajiyar zuciya Hudan ta sauk’e kafin tace “Ummi, ki saka
a ranki da ni da Mama mun yafe miki har abada!
Sannan bamu rik’e ki a zuciyoyinmu ba ko kad’an!
Mun yafe miki har gaban abada kuma ganin ki ne kamar
komai bai tab’a faruwa ba!
Ta hakan ne zaki iya yafewa kanki.

Wallahi Ummi kinji dai na rantse miki
har k’asan zuciyata na yafe miki kuma ban rik’e ki a zuciyata ba kwata kwata”.

D’an guntun murmushi Ummi tayi tana jin k’aunar Hudan na sake shigarta, a hankali tace
“Na gode Huda but
some facts will never change, Ina jin kunyar Abba sosai
Ina jin kunyar sa…”

Hudan ta bud’e baki zata yi magana kenan! Suka fara jiyo kuka a waje…
Da sauri suka kalli juna sai kuma suka mik’e suka yi wajen….

Kaya suka gani a zuzzube
gefe guda kuma ga Jalila tanata kurma kuka tana tattare kayan nata.
Tana ganin Hudan tayi saurin k’arasawa inda take ta rik’e mata hannu tana cewa
“Huda dan Allah ku taya ni bata hak’uri, ni gani nake ma kamar ba ita bace ba ko
kuma aljanuntane suka tashi!
Lokaci d’aya kawai tace wai In fitar mata a gida!
Dan Allah Huda kar ku bari ta kore ni…”

Dede nan Mom ta fito
ba tare da ta kalle su ba ta k’arasa ta finciko hannun Jalila ta wulla ta gefe sannan tace “oya! Tattare ki fice kafin In kwace kud’in motar da na baki”

Da sauri ta mik’e tsaye ta share hawayenta ta k’araso inda Mom d’in take tsaye tace
“Mom dan Allah kiyi hak’uri,
wallahi ko wanke wanke da shara kika ce zan yi please Mom, dan Allah ki ara min kwana 7
Na yi miki alk’awarin nan da sati d’aya zan tafi wallahi.”

Cikin b’acin rai Mom tace
“Nan da kwana bakwai na san me zaki yi???
Na san kalar asirin da zaki k’ulla?
Na san akircin da zaki shirya?
Eh Jalila?”
Ta yi mata tambayar tana kallonta. Bata jira jin amsarta ba taci gaba “Kinga, wallahi tallahi tun muna sheda juna ni da ke! Ki fice mini a gida”
Da sauri Jalila ta rik’o hannunta tace
“Momina dan Allah dan annabi...”
Tass!! Mom ta d’auke ta da wani gigitaccen mari, cikin fushi tace “idan kika sake ce min Momin ki sai na datse miki harshe billahillazi. Ki kwashe tsummokaranki ki kama gabanki tun kafin raina ya ida b’aci!”
Mom d’in ta k’arashe maganr cikin fushi da tsawa.

Tun da ta kifa mata mari ta dafe wajen tana kallon k’asa, bata motsa ba! Sai da
ta bari ta kai aya tukunna ta d’ago manyan idanuwanta da suka yi jaaa tana kallon ta!
Cikin dakiya ta b’acin rai tace
“Babu inda zan fita inje Adama.”
Dariya Mom ta kwashe ta ita
kafin tace
“Perfect!” tana me gwadawa da hannunta sannan ta ci gaba
“Wannan Jalilar dama nake so ta fito ba wachchar ba!.
Yanzu zaki ga yadda ake hauka da rashin mutunci a cikin gidan nan!”
Tana gama fad’in haka ta nufi gate….
Wani christian mai gyaran fulawa ta nemo da wani soja
ta had’o su su biyu ta dawo.

Tana zuwa ta kalli Jalila tace
“Jalila ba da ni za kiyi wanann rashin kunyar taki ba da waennan za kiyi”
Tayi mata nuni da k’artin bayanta, sannan cikin bada order ta juya ta kallesu tace
“Mai aikinta ce tayi mata sata,
so ta sallameta ta koreta amman tak’i tafiya dan haka su fitar mata da ita idan
tayi turjiya su yi mata dukan mutuwa!”

Jalila ba wani turancin kirki ta iya ba amma ta fahimci me Mom d’in tace.
Ganin sojan ya tunkarota ba alamun annuri a fuskarsa yasa ta durk’usa da sauri ta fashe da kuka, tace
“Wallahi tallahi kika saka aka fitar dani sai naje na tona muku asiri ke da d’anki a wajen Granpa.”

Dakatar da sojan Mom tayi kafin a hankali ta k’arasa inda take durk’ushe. Durk’usawa itama tayi sannan ta saka yatsa ta d’ago fuskar Jalilan..
B’ata rai tayi ta yamushe fuska kalar tausayi kamar wadda zata fashe da kuka kafin a hankali yadda ta tabbatar babu mai ji tace
“Ayyah Jalila!
Wajen Granpa zaki je?
Bismillah to ki je. Amman inaso ki san
ko da ace kin je wajensa baki da wata shedar da zaki iya nunawa against ni ko Auwal!
Mai yasa kike tunanin na barki kwana uku?”
Bata jira jin me Jalilan zata ce ta bata amsar tambayar da tayi mata da kanta tace
“To get rid of all the evidence!
Sannan ta ci gaba da cewa
“Sannan tun farkon zuwanki
ranar cewa nayi
Inna tayi min message
tace min wata zata zo ta tayani y’an aikace aikace saboda an saka ranarta so tana buk’atar kud’in kayan d’aki, kinga yanzu In aka kira Inna tunda ba ita ta turo ki ba zata ce bata sanki ba ba kuma
ta san da zancen ba!
Nima kuma daman kinga Innar nace ta had’ani da ke…
Questions d’in da zasu fad’owa y’an estate d’innan a karon farko shine
“Wacece ke?
Mai yasa kikayi outsmarting d’inmu?
Tayaya kika iya hacking wayar Innaa?
Sannan me kikeso me ya kawoki?
Waye kuma ya turoki gidan nan?.
Jalila bincike In yayi bincike believe you me har sharrin y’ar boko haram sai na d’aura miki wallahi!

Family d’innan is a well known family so dole muna da mahassada da masu son cutar da mu so kinga kema a wannan sahun za a jefaki
ta yiu ke kika zo da kan ki ko kuma wanine ya saka ki kizo
gidan nan kiyi aiki ko bincike ko wani abun wanda Allah kad’ai ya san na menene!

Granpa kuwa kinga dole ya tashi tsaye yayi bincike in ta kama a hukuntaki hukunci mai mugun tsanani
Idan anyi miki mai sauk’i shine
a kaiki cell ayi ta laftarki ace sai kin fad’i waye ya turoki...
Shawara ta gareki shine
Ki guji mutumin da kika ga Auwal yana mugun jin tsoronsa!
Ki duba kiga fa
surukan gidan nan ne mu
amman da muka yi laifi ya aka yi da mu?.

Sanann maganar ciki
Already tun a ranar na biyasu
y’an asibitin sun goge history d’inki! So kinga ko kince aje chan kina da evidence
to nan d’in ma sai dai ki sake k’ulle kanki infact duk inda kikaje ma Jalila kud’i kawai zan bayar amaida lefin kanki.
Sannan hatta chat da number Auwal duk na goge wani evidence a wayarki d’azu d’azun nan da nace miki ki ara min wayarki already kuma na san pin d’inki ba tare da kin farga ba shiyasa komai ya zo mini da sauk’i…baki da wayo Jalila sannan baki iya takun ki ba dan haka baki ta evidence ko
wani abu da zaki nuna against me…
So be a good girl!
Ki kwashe tsummokaranki
ki yi gaba tun kafin waennan k’artin su miki illar da na san ko kud’in magani ma ba lalle ki samu ba!”
Tana gama fad’in haka ta cika mata hab’arta ta mik’e ta
bar gurin tana karkad’e hannunta.

Still sojan ne ya sake nufarta yace “Stand up and leave!”

Banza tayi da shi tana wani kalar kuka mai cin rai.

K’afarsa ya d’aga yayi wani mahaukacin ball da ita
wanda sai da ta hantsila sau biyu!

Da gudu Ummi da Huda suka k’arasa wurin suka dakatar da shi dan har ya sake nufar ta.

Ummi tana duba ta taga gefen kanta ya fashe saboda yadda ta kifa a kan interlock d’in. Cikin tsananin b’acin rai ta d’ago ta cewa Mom
“Haba Adama!
Meye haka?
Kin san fa ba ita kad’ai bace ba. Yanzu na tabbatar ko mik’ewa ma bazata iya yi ba
balle ta fitar miki a gidan da kike ta faman ik’irari!”

Tab’e baki Mom tayi
sannan ta kalleshi cikin harshen turanci tace
“Jata ka fitar idan ba zata iya tashi ba.”

Ummi tana rik’e da hannunta amman mutumin nan bai damu ba haka ya kamo d’ayan hannunta ya fara janta kamar ba mutumba….
Sai da suka yi kusan rabin gidan tukunna Ummi ta hak’ura ta daina binsu rik’e da hannun Jalilan tana masa magana dan har ta fara haki.

Haka nan ya jaata ya fitar da ita kamar kayan wanki ya jefar a bakin gate!

Mai gyaran flowers kuma ya watso mata kayanta waje suka ja k’aramar k’ofar gate d’in suka rufe gidan......

BULAMA ✍️

So da Buri
Free Book
61

Mikiya Writers Association.
Rai a b’ace Ummi ta koma inda Mom take ta rufeta da fad’a.
Ita babu abunda ya fi d’aga mata hankali irin yadda aka jaa Jalila a k’asa despite the fact that she’s pregnant, ai ko ba komai de d’an Auwal ne k’unshe a cikinta!.

Mom bata ce wa Ummi k’ala ba
har tayi ta gama ta wuce ciki.

Tana wucewa ta bi bayanta
suka bar Hudan a nan tsaye tana mamakin rashin mutunci da rashin tausayin irin na Mom
tabbas a wajenta Auwal ya kwaso duk wasu bad habits nasa daga gani kuma
ita ta b’ata shi tun farko
dan wannan uwar ba zata tab’a iya yin tarbiyyar da ta kamata a Yaro ba.
Kamar ta bi bayan Jalila
haka taji, to kuma kar Jalilan ta ganta tace zata zauna a wajenta taje sabon case ya b’ullo tsakaninta da Mom
sannan Mama ta ja mata kunne akan ta fita harkar case d’in Jalila da cikin jikinta da duk wani abun daya shafeta..
Shiyasa kawai ta share hawayenta ta wuce ciki
tausayi da k’aunar Arshaad suna sake shigar mata zuciya dan maganganun Jalila Mom da Ummi sun sake tabbatar da
ciki dai na Auwal ne.

Sai da Ummi ta kusan kaiwa d’akinta tukunna ta lura da Mom na bayanta.
Juyowa tayi tana kallonta kafin tace
“Adama baki da bakin yi min magana yanzu, ba zan
saurareki ba dan haka
kawai ki juya ki tafi.
In wulak’anci abun yi ne
ki je kiyi.
Kuma kin san Allah ki guji had’uwar ki da Auwal
saboda duk tsiya dai
cikinsa ne a jikinta kika yi mata wannan rashin mutuncin….”

Matsowa Mom tayi tana mai sauk’e ajiyar zuciya
tukunna tace
“FYI Cikin ya zube.
Ta fad’o daga bene ya zube 3 days ago”

Shiruu Ummi tayi tana kallonta
ta jima tana kallon kwayar idanun ta itama Mon d’in haka, chaan ta lumshe idanuwanta ta bud’e ta furzar da iska tana mai girgiza kai duk a lokaci d’aya kafin tace
“Adama ki ji tsoron Allah, ki bar
ganin cikin shege ne kika zubar
wallahi kina da hukuncin kisa a hannunki”

Murmushi Mom tayi kafin tace
“Gaskiya ya kamata magidanta suzo su d’auki course a wajen Abba!
Duk wadda matarsa ta botsare kawai ya mik’ata cell
zata dawo dai dai”

Cikin b’acin rai Ummi ta juya kawai da niyyar shiga d’akinta, da sauri Mom ta sha gabanta
tana cewa
“O’o’o’o’!
Tsaya mana, ai akwai abunda ya kawoni wajen ki
dear new Ummi, may be na san maganar da zan gaya miki yanzun zata dawo dake hankalinki ki koma Ummin da na sani ba wannan ba..”
..Dalla dalla! Haka Mom
ta zayyano mata duk wani abunda taji jiya Abba da Daddy suna tattaunawa
sannan ta k’ara da cewa
“Zab’i ya rage naki..
Kina gani dai abunda yake yi miki tun kafin ta dawo d’in, wallahi na tabbatar idan Maryam ta dawo gidan nan wallahi Ummi kin ji na rantse miki sai masu gadi da drebobin gidan nan sun fiki daraja a idanun Abba!
Ballantana yanzu ga y’ar ta
dan ni ban san ranar barinsu gidan nan ba tunda
kikaga sun zaunar da su anan
to ba yanzu za su sallamesu su ba! Tunda dai na san Aslam yanada gidaje balle ace wajen zama suka rasa…
Kinaji kina gani haka zaku zama y’an kallo ke da y’ay’anki
bar ganin kin haifi maza..ki dai duba ki gani yanzu haka yaya Abba yake gwada so
tsakanin Hudan da su Shuraim?”

A hankali Ummi ta runtsei danuwanta da suka kad’a suka yi jaaa! Kafin ta bud’e su ta zubasu a kan Mom.

Tausayinta ne ya shigi Mom a take dan haka ta matso kusa da ita ta dafa ta
kafin tace
“Ki yi tunani ki yi shawara da zuciyarki.
Inada plan d’in da na shirya
wannan karon kwab d’aya kawai za muyi mata.
Ummi ke y’ar uwata ce
bani da kamarki duk duniyar nan daga Inna sai ke nake
gani a matsayin nawa inji dad’i, ba zan tab’a bari a cutar da ke ba!
Ki nutsu, zuwa anjima ko gobe
ki zo ki sameni ni na san
me zamu yi mata.”

A hankali Ummi ta sauk’e ajiyar zuciya sannan tace
“Nagode Adama.
Bara in shiga in kwanta
kaina yana min ciwo”

“Okay sai anjima,
bara in wuce.”
Mom d’in tace
daga nan ta juya
direct ta sauk’a ta fice daga gidan ta nufi side d’insu
ranta fess!.

Sai yamma chan daff da Magrib Aslam ya dawo
Abba kuwa da Daddy basu dawo ba sai bayan sallar isha.
Sarai Ummi ta san inda suka je
shiyasa tunda taga Aslam ya dawo shi kad’ai hankalinta yayi mugun tashi! Ta dinga ji kamar zuciyarta zata fashe.
Da kyar! Da mugun kyar ta iya danne zuciyarta ta dinga karanto adduoi tana tasbihi
tukunna ta samu ta d’an dawo hankalinta....

EARLIER…
Da kyar Jalila ta iya taimakawa kanta ta mik’e a
hankali ta zauna

Wani sabon kuka ne ya kufce mata, tana yi ta shiga tattare kayayyakinta ta na d’urasu a cikin ghana most go d’in da Mom ta had’o da kayanta ta dinga watsowa….
Ganin bakkon duk biyun sun cika ya sanya ta ware d’ankwalinta ta d’aure ragowar kayan a ciki bayan ta nemi mayafi ta rufawa jikinta.

Cikin ikon Allah tana cikin rufa mayafinta ta hango mai napep ya taho. Goge hawayenta tayi ta samu ta mik’e tsaye da kyar Ta taka da d’an sauri
ta isa kusan titin ta tsaidashi
dan kar ya sub’uce mata.

Har bakin gate d’in gidan ya k’araso ya tayata saka kayanta a napep d’in.
Ko ciniki bata tsaya yi ba tace masa “gandun albasa!”.

A k’ofar gidan Baba ya direta ta shiga sauk’e kayanta tana jin yadda jikinta ke yi mata masifar ciwo,
kallon unguwar da layin da gidan take yi….
A hankali ta lumshe idanuwanta wasu zafafan hawaye suka shiga tsilalo mata..
Ganin kamar mutane sunata kallonta ya sanya ta jaa kayanta one by one ta kai soro
ta dawo ta sallami me napep d’in tayi cikin gida.

A nan soron ta bar kayan dan bata jin tanad da energy d’in d’aukar kaya.

Su Umma suna zaune ita da Anty Zainab
Ya Ja’afar yana gefe kamar kullum su kuma suna tattauna ta yanda za su magance matsalolin da suka sakosu gaba a yanzu Jalila ta shigo.
A mugun zabure suka mik’e tsaye duk su biyun
suna kallonta dagaje dagaje!
Kamar jira take yi a take ta fashe da kukan da take ta k’ok’arin dannewa.

A rikice suka k’arasa suka rufar mata da tambayoyi….
Bata b’oye musu komai ba ta zayyano musu abunda ya faru tsakaninta da Mom.

A zuciye Umma ta rarumi mayafinta ta rufa ta fara k’ok’arin fita tana cewa
“Wallahi yau ko ni ko wannan Adamar!
Sai dai mu tashi da juna ni da ita.”

Da sauri Anty Zainab ta sha gabanta ta tsaya ta rik’eta tace
“Sadiya nutsu!!”
Da d’an k’arfi
sannan ta d’ora da cewa
“B’ata lokacinki kawai za kiyi,
dan na tabbatar ko ganinta ba zaki samu damar yi ba.
Kinaji dai ance miki masu gadi har da sojoji ake gadin gidan
In ba so kike ta saka ayi miki shegen duka a kulleki ba to ki koma ki zauna mu nemi mafita dan fad’a da hayaniya da ita bata taso ba saboda ba iyawa za muyi ba!
Ki bari mubi ta ruwan sanyi
sai mu nemo mafita…”
Da kyar ta jaa Umma ta zaunar da ita a bakin gado tanata huci.

A hankali Jalila ta share hawayenta tace
“Bara in yi wanka da ruwan zafi tukunna. Jikina duk ciwo yake yi.”

Cike da tausayin ta Anty Zainab tace
“Maza je ki yi, akwai
ruwan da na d’aura za muyi d’an wake cike da tukunya, idan kin juye sai ki mayar da wani”

Purse d’in wayarta kawai ta ajjiye ta fice ta nufi hanyar band’akin…
Da ikon Allah kawai sai ta tsinci kanta da
shiga tsananin tashin hankali sakamokon kyankyamin bakin rijiyar ta su da k’ofar band’akin da ya shigeta lokaci d’aya!
Tabbas daman ta san ba zata iya rayuwa a gidan nan ba yanzu!
Amman ita a nata tunanin abinci ne da wajen kwana zai fi damunta.

Da kyar! Tsigar jikinta tana tashi ta samu ta d’auki bokitin da ta gani ta wuce cikin kithchen d’in
ta juye ruwan.

Hankalinta bai gama tashi ba
sai da ta shiga cikin band’akin!
Yayi mugun yin datti yayi dama dama gashi dama yana fama da nashi yanayin na tsufa da rashin had’uwa, yanzu kuma yazo ya had’a da rashin kula..
Har wani gansa kuka yake yi
ga wani ruwa bak’i k’irin a kwance mai uban yawa da wari da alamar makwarar rufewa tayi!
A ranta tace “tabbas Mama bata gidan nan.”

A hankali ta shiga ta ajjiye bokitin ta hau zame kayan jikinta…
Ta sak’ale a jikin k’aure.

Kasa wanka da soson wanka nasu tayi dan shi kanshi abun kyankyami ne!
Sabulun kawai ta iya d’auka shima saida ta wanke shi sau uku tukunna ta iya murzawa a jikinta…
Sai da tazo kwara ruwa tukunna taji inama batayi wankan ba! Dan duk zubawa idan tayi sai na k’asan nan mai uban wari wanda ta tarar ya taru ya fallatso mata jiki…
Kamar ta fashe da kuka haka take ji….a hankali ta hau zuba ruwan a hanakali..
Ta ci sa a kuwa ya daina fallatso mata d’in amman yadda ruwan kumfan jikinta yaje ya had’e da ruwan dattin nan ba k’aramin kyankyami ya k’ara mata ba!
Ganin ba zata iya jurar gani ba ya sanya ta runtse idanuwanta ta fara laluben kayanta
Cikin rashin sa’a ta bi takan d’an guntun sabulun da ya b’antare ya fad’i wanda ta gama wanka da shi yanzun!
Aikuwa santsi ya d’ebeta…
Sai da k’afafuwanta gaba d’aya suka bar k’asa tukunna ta dawo ta fad’o gaba d’ayanta a cikin ruwan da take jin kyankyamin kalla!.
Wata razananniyar k’ara ta saka!!!
Da gudu Umma da Anty Zainab waenda suka juyo ta suka fito suka nufi band’akin.

A cikin ruwan suka tarar da ita ta runtse idanuwanta da k’arfi ta k’ame waje d’aya tanata kurma uban ihu!
Su kansu sai da suka ji kyankyami da suka d’agata.
Da kyar suka iya kamata suka mik’ar tanata faman ihu mai had’e da kuka sannan tak’i ta bud’e idanunta…
Anty Zainab ce ta d’au botikin ta fice taje ta janyo ruwa a rijiya sannan ta koma ta d’auko silifas d’inta ta dawo band’akin suka shiga
shek’a mata ruwa!
Sai da suka juye mata ruwan botikin sannan suka rufa mata zani suka fito da ita tana wani irin kukan tashin hankali.

Da kyar aka samu ta bud’e idanuwanta, nan da nan zazzab’i ya rufar mata
dan haka ta k’udundune cikin bargon da shi kanshi kyamarshi take yi ta hau rawar sanyi............

NASARAWA gra.
Tunda ya dawo bai ganta a d’akin ba. Tana d’akin su Shuraim dan ita ba gwanar yin chatting ko danna waya bace ba shiyasa in dai su Shuraim d’in sunanan take zuwa wajensu..ko suyi ta hira ko kuma su yi game.

Yauma suna lunch ita da Ummi suka shigo, shiyasa suna gamawa suka d’unguma suka yi d’akinsu.

Har ya fito zai je sallar isha bai ganta ba, sai Ummi kad’ai ya gani tana shirya dining
dan haka kawai yace
“Ummi ina Huda?”
Kamar an fisgi maganar a bakinsa.

Ita kanta Ummi sai a lokacin taga rashin kyautawar ta
dan ya kamata ace ta tura ta wajensa, amman ya dawo wajen awa nawa har yanzu bai sanyata a idanunsa ba!.
Gaba d’aya abubuwa ne suka yi mata yawa shiyasa hankalinta bai je nanba.

Sai da ta d’anyi murmushi sannan tace
“Sorry Aslam.
Tana kitchen.
Wani abun ne ya shamin kai shiyasa kaga ban turo maka ita ba.”

Murmushi kawai yayi yana kallonta, kamar zai ce mata wani abun sai kuma kawai ya sa kai ya fita....

BAYAN KWANA BIYU.
Kamar kullum yau ma bayan isha suka gabatar da dinner d’insu, cikin nutsuwa da farin ciki.
Daga haka aka fara watsewa
Dining d’in ya rage daga Abba sai Huda da Ummi.
Huda tana mik’ewa shima
ya fara k’ok’arin tashi,
da sauri Ummi tace
“Am, Abba dan Allah ina son zan je wajen Mama gobe Huda ta rakani”

Bata yi tunanin zai kula ta ba,
ga mamakinta sai taji yace
“Yin me?”

A hankali tace
“Akwai wata y’ar magana da nake so mu yi.
Ni da ita”.

“Wa ta shafa?”

Kame kame ta fara chan tace
“Dan Allah Abba.
Hak’uri nake so in bata
akan abunda na yi mata”.

Tab’e baki yayi
sannan kawai yasa kai ya wuce ba tare da yace komai ba.

Huda na shiga d’aki ta tarar da shi as usual yana aiki.
Waje ta samu ta zauna a gefen gadon ta d’auko waya suka hau chatting ita da Sakina.

“Baki iya gaisuwa ba”
Taji muryarsa.

Turo baki tayi kafin tace
“Ina wuni”
Dan Sakina labari take bata za a kawo kud’in aurenta
so bataso ya katseta.

Be ce mata komai ba, ya kyaleta.
Sai da ya kai inda yake son zuwa sannan ya kashe computer yace mata
“Zo”

D’agowa tayi tana kallon shi irin ‘ni?’.

Gira d’aya ya d’aga mata alamun ‘eh’.

A hankali ta mik’e ta ajjiye wayar sannan ta k’arasa inda yake.

Gefensa ta kalla kan kujerar
sai kuma ta kalla k’asa kan kafet d’in gaban kujerar ta fara k’ok’arin zama..

Ji tayi kawai ya kamo hannunta ya jaata ya ajjiye ta a gefen sa..

B’ata rai tayi sosai..ita kam wallahi zata maka masa warning! Dan me yasa ba zai mata ta zauna a gefenshi ba instead zai wani janyota?
Hala bakinsa yana ciwo ne..

Muryarshice ta katseta
jin yana cewa
“D’azu Ummi tace za ki rakata wajen Mama”
Da sauri ta d’ago ta kalle shi
sai kuma ta fara murmushi…bata san zancen ba amman kawai sai ta hau d’aga masa kai.

Ajiyar zuciya ya sauk’e kafin ya juyo ya bata dukkannin attention d’insa sannan yace
“Ina jinki”

Cikin rashin fahimta tace mishi
“Me?”

“Okay, baki san me ya kamata ki yi ba?”
Yayi mata tambayar still yana kafeta da idanuwanshi.

Shiruuu tayi ita harga Allah bata san me yake so ta yin ba!
A hankali tace
“Me zan yi ni?”

Kallonta yayi na some seconds sannan yace
“Tashi ki je,
goben kawai kya bata sak’on gaisuwa ta kaiwa Maman
besides saboda Ummi ne ma shiyasa zan barki daman kije
dan ai bai kamata ace kinje gida tun yanzu ba.”

Sarai zuwa yanzu ta gano so yake yi ta tambayesa, a ranta tace
“Wannan wanne irin mutum ne mai son jan magana?
Ba Ummi ta tambayar min ba!”

Ganin da tayi tambayr da yake son tayi shine mafi sauk’inta
ya sanya kawai ta kauda kai tace
“Ya Aslam zan raka Ummi wajen Mama gobe”

Kafin ta rufe bakinta taji yace
“Order kike bani?
Ko kuma gaya min kike yi?
Ko kuma tambayata da neman izinina kike yi?”
Ya mata tambayar a hankali cikin class da nutsuwarshi.

B’ata rai tayi sosai kamar zata fashe da kuka.
A ranta ta aiyyana
‘Ga zuwa wajen Mama ga kuma wasu shegun renin hankali da Aslam yake yi mata, wanne zata d’auka?’
A ranta tace
‘Ya na iya?
Haka zan hak’ura in yi tolerating d’insa.”

Muryarsa taji yana cewa “had’o min coffee.
Shikenan tunda ba kya son zuwa”
Yana fad’in haka shima ya juya yana kallon wani wajen kamar yadda tayi mishi.

A hankali yaji tace
“Ya Aslam nafa tambayeka.
Me zan ce?”

Juyowa yayi yana kallonta
itan ma shi take kallo
Sai dai suna had’a ido tayi saurin d’auke kai.
A hankali ya lumshe idanuwansa kamar mai yin bacci…..
Sun fi minti biyar kafin yaji tace
“Dan Allah Ya Aslam zan raka Ummi wajen Mama gobe”

Wayarsa kawai taga ya mik’o mata yace “ki hau ki yi searching ya ake tambayar Miji fita!
Ko kuma ki d’auko wayarki and ask Sakina, na san maybe ita zata iya sanin me ya kamata ki ce”.

Wani takaici ne yazo mata bata san lokacin da ta fara hawaye ba. Karb’ar wayar kuwa tayi ta hau google ta typer, wasu abubuwa daban aka sako mata…
Shiruu, tayi tana share hawayen da suka k’i tsayamata, a ranta tace
“Wanne irin mutum ne wannan wai shi?
Kalla yadda kanshi tsaye yake wani cewa Mijinta!”.

Sun d’an jima a haka
chan! Kamar wadda ta tuna wani abun yaji tace
“Dan Allah Ya Aslam Ina neman izinin ka zan raka Ummi wajen Mama”

Wani sassanyan murmushi yayi kafin a hankali ya fara bud’e idanuwanshi yace
“That’s more like it ....”
Muryarshi ce ta sark’e sakamokon ganin fuskarta dagaje dagaje da hawaye.

A hankali ya matso kusa da ita
yace
“Mai ya faru?”

Kamar jira take yi kuwa
ta saki kukan nata
dan ji tayi ya taho mata da mugun k’arfi….

Kuka take yi tun k’arfin ta tak’i ma ta saurareshi, sai faman tambayarta yake yi amman tayi mishi banza!
Bata yi auni ba taji ya janyota jikinsa bai yi wata wata ba ya rungume ta gabad’ayanta!

Ba ita kad’ai ba hatta shi sai da ya tsorata da yadda zuciyarshi take bugawa!
A lokaci guda kuma wata nutsuwa ta lullub’esa…jin shi kawai yake yi a saman gajimare.

A b’angaren Huda itama kusan hakan ne dan d’iff haka kukan nata ya d’auke lokaci guda
in banda ajiyar zuciya babu abunda take ta faman sauk’ewa….
Ita dai ba zata ce ga yanayin da take ciki ba
saboda lokaci guda
firgici mamaki nutsawa da fargaba suka rufar mata.

Da kyar ya iya d’aga hannunsa ya d’aura a kan gadon bayanta ya fara shafawa a hankali, dede setin kunnenta yace
“Shii, yi hak’uri. Wasa nake miki fa. Naga d’akin kullum boring ne shiyasa nake d’an jan magana da ke amma
sorry tunda bakya so
ba zan k’ara ba.”

Zuwa yanzu
ita kam ba ma jin sa take yi sosai ba!
Mamakin kanta kawai take yi
yadda ta kasa turesa daga jikinta Infact ita ji tayi ma bataso ya barta!
Abu d’aya ne bataso shine
bugun zuciyarta da yake yi da k’arfi! Amma apart from that
bata k’aunar duk wani abunda zai rabata da duk wani part of yanayin da taje ciki a yanzu.

A hankali take shak’ar k’amshin jikinsa da na turarensa tana jin wata nutsuwa da nishad’i suna sauk’ar mata…
Bata san lokacin da ta fara lumshe ido tana bud’ewa ba.
Wata kasala ce ta rufar mata dan haka ta d’an fara sakin jikinta tana lumshe ido tana sauraron bugun zuciyarshi da yake yi da k’arfi da sauri har ma yafi nata....

A hankali yake jin nauyin jikinta yana k’aruwa a nashi…
Sun fi 10 minutes a haka, chaan! Ya ji ta sauk’e wata nannauyar ajiyar zuciya
sai kuma ya fara jin sauk’ar numfashinta a kan k’irjinsa a hankali a hankali…

Ajiyar zuciyar shima ya sauk’e
kafin yace
“Huda”
a hankali.

Shirun da yaji tayi ne yasa ya fahimci ta yi barci.
A hankali kamar wanda rayuwarshi yayi depending akan barcin nata ya janyo trow pillow ya fara k’ok’arin kwanciya da ita a jikinshi.
Mik’ewa yayi sosai akan kujerar kwanciyar rigingine.
Kusan dukkan nin sangalalin k’afafuwansa sun kere kujerar gashi kuma akan d’an tudun edge d’in kujerar ya d’aura su,
tabbas ya san k’afar zata yi mishi tsami amman
he can’t even think of ruining wannan best moment d’in, ba.
A hankali ya kwantar da ita akan hak’ark’arinsa..
Daga shi d’in har ita ba wani k’iba garesu ba
shiyasa faffad’ar kujerar ta ishesu ciff ciff.
Mayafin kanta yayi dabara ya ware ya lullab’a mata…

Yau ma yana jin sanyin
amman yana gudun kar ya motsa ta farka
dan haka kawai sai ya hak’ura ya bar bargon…
Bai yi cikakken minti biyar ba wani bacci mai mugun dad’in da ya manta rabon da yayi kwatan kwacin irinsa, ya kwashesa...

Yau ma, kamar yadda ta farka jiya haka ta rigashi tashi.
K’amshin turarensa ta shak’a!
A hankali ta fara k’ok’arin motsawa amman sai ta jita ta kasa. Addua tayi ta bud’e idanunta sosai tana kallon d’akin……

A chaan ta hango gadon a gefe ba kowa a kai!

A d’an zabure ta sake yunk’urin tashi had’e da kallon kusa da ita….

Tsayawa tayi kawai tana kallonshi yana baccinsa peacefull, sannan ya zura hannunsa d’aya ta k’asan ta gefen cikinta, ya kuma d’aura d’ayan a gefen cikinta ta sama
ya had’a hannayen nasa guri guda.

Gabantane taji ya yanke ya fad’i! Sai kuma ta tuna yadda suka yi jiya!
‘Kenan bacci tayi ta kwana a jikinshi?’
Ta aiyyana tambayar a cikin ranta.

Wani takaici da haushin kanta ne suka rufeta a take.

Hannunta ta saka ta fara k’ok’arin raba hannayen nasa da suka kanainayeta.

Sai a lokacin ya bud’e idanunsa ya zuba mata.
Itan ma shi take kallo dan haka idanuwansu suka sark’e ana juna……

Tun tana k’ok’arin kwance hannuwan nasa a jikinta da sauri har tazo ta fara yi a hankali daga baya ma sai ya zamana hannuwantane kawai akan nasa ko motsasu bata yi…..

A hankali take jin fad’uwar gaba da kuma wani sanyi da nutsuwa a yayin da take kallon cikin idanunsa…ta fad’a a yau kuma ta sake tabbatar wa
‘babu wanda ta tab’a gani mai kyawun idanuwa kwatan kwacin na Ya Aslam’
A ranta tace
“tubarkallah ma sha Allah”

Cikin muryar bacci taji yace
“Good morning wifey!”

A hankali ta lumshe idanuwanta a ranta take tunanin
‘Anya wannan ba aljani bane ba kuwa?
Kallafa yanzunnan ya tashi a barci amman idanuwansa basu yi ja ba
sai ma wani kyalli da taga sunayi sannan bakinsa kamar
ma sweet ya sha dan in dai
taji da kyau tou k’amshin mint taji……….’

D’umin numfashinsa ne taji yana k’ara bak’untar fuskarta!

A hankali take sauk’e ajiyar zuciya tana sake rik’e hannunwansa…..

Chan! Kamar wadda ta tuna wani abun, tayi saurin bud’e idanuwanta tarr!! A d’an zabure….dai dai shi kuma ya samu nasarar d’aura lips d’insa a kan nata........

A mugun firgice ta sanya dukkannin k’arfinta ta turesa
amman ko gezau! Bai yi ba.

Wani rikitaccen kuka ta saka masa!
Dan haka yayi saurin sakinta ya d’an jaa baya yana kallonta.

Tana jin ya saketa, ya bata iska ta bi ta kansa da wani irin sauri ta sauk’a daga kan kujerar!
Mayafinta da yake lullub’e a jikinta wanda ya fad’i yanzun kawai ta samu damar d’auka
daga nan ta nufi k’ofa………

Tana jinsa yana kiran sunanta
amman tayi banza da shi ta fice da mugun sauri....

BULAMA ✍️

So da Buri
Free Book
62

Mikiya Writers Association.
Chan sama ta nufa.
tana tafe tana adduar
‘Allah yasa side d’inta a bud’e yake’.
Tana isa ta tura, cikin sa a ta tarar a bud’e dan haka ta shige ta saka key!
Tana zuwa ta zauna a kan kujerar parlourn tana haki kamar wadda tayi gudun famfalak’i…
Ta dad’e a nan zaune, jin
an shiga masallaci ya sanya ta mik’e tana tunanin komawa d’akin dan ta samu ta d’au hijabi ta yi sallah.

Kamar aslam d’in ya biyota
haka ta d’an bud’e k’ofar kad’an ta lek’a!
Ganin babu kowa a dogon corridorn ya sanya ta sauk’e ajiyar zuciya ta fito tana sand’a…..
Sai da ta kai tsakiyar parlourn taji muryar Ummi a bayanta
“Hudan”
Runtse idanunta tayi a hankali kafin ta bud’e sannan ta juyo, ta shiga k’ok’arin k’ak’alo murmushi…

Kallonta Ummin tayi from head to toe sannan ta nufota, tana zuwa “me ya kawoki nan?”

Kame kame ta fara…chan! Da kyar tace
“Daman zuwa nayi In karb’i Qur’ani a wajen Shuraim
kuma d’akin nasu ma a kulle ne “

Had’e fuska Ummi tayi kafin tace
“Yaushe kika koyi k’arya?
Ina d’aki fa Ina karatu naji an hawo
Ina lek’owa naga wucewarki d’akinki tun d’azu!
Mai ya faru??”
Tayi maganar tana tsareta da idanuwa.

A hankali ta sunkuyar da kanta
batai auni ba kawai taji hawaye sun zubo mata.

Sarai daman Ummi ta so ta fahimci wani abun…murmushi
kawai tayi a ranta
tana mamakin Aslam!
Kafin ta jawo Hudan zuwa jikinta cin son sake fahimtar lamarin tace
“Yi shiru, shikenan.
Bara in d’auko miki Qur’anin a d’akina sai ki wuce kije ko?
Kar Aslam d’in yaga kin dad’e, yau ma na san da wurwuri za su fita.
Kiyi sauri kije ki tayashi shiryawa, ko?”

Kuka kawai taji Hudan ta kece dashi kamar wadda akace za a yankata! Cikin kukan tace
“Ummi dan Allah karki bari in koma, Allah ba zan iya had’a ido da shi ba, baki san meh....”
Kamar kuma wadda aka datse harshenta sai ta
tsaya da maganar chak! Tana mai ci gaba da kukanta.

Murmushi Ummin tayi
ranta fess. Tace mata “to shikenan
jeki ki yi alwala ki yi sallah
ki daina kuka haka.
Anjima sai muyi magana ko?
Muje d’akina.
Tayi maganar tana jan hannunta.....

Bayan, Ummi ta gabatar da sallar Asubah, ta yi azkar,
ta zauna ta hau nazari…
Wani sanyi da dad’i take ji a ranta..ta san Huda Arshaad take so amman tabbas kamar yanda su Dad sukace
‘Ko bayan auren Mammy bazata barta ta zauna lafiya ba’
Aslam shine wanda take gani zai bata cikakkaiyar kula da soyayyar da take buk’ata,
bayan haka
sun yi mugun dacewa
sannan ita daman ta d’an fahimci kamar Aslam d’in yanas son Huda!
In dai kuwa hakanne
Allah Ubangiji ya barsu tare ya k’ara musu k’aunar juna
ya sanyasu farin cikin da basu yi tun tasowarsu ba……

A zaune taga Huda ta fara gyangyad’i dan haka tace mata “ta tashi ta kwanta a kan gado”

Da sauri kuwa Hudan ta mik’e
saboda daman addua take tayi kar Ummi tace mata taje ta had’awa Aslam breakfast.
Tana kwanciya bata dad’e ba bacci ya kwasheta
Ummi kuma ta mik’e ta fita dan had’a musu breakfast d’in..

Tana cikin bacci taji muryar Abba yana kiran sunanta,
a hankali ta bud’e idanuwanta.

Zaune ta ganshi a gefenta yana mata murmushi
dan haka itama ta d’anyi murmushin sannnan ta mik’e ta zauna tace
“Abba Ina kwana”

“Lafiya, Alhamdulillah.
Kin tashi lafiya?”

“Alhamdulillah”
Tace

Mik’ewa taga yayi tsaye kafin yace
“Zamu wuce UK ni da Daddy.
Urgent tafiya ya taso,
akwai abunda kike buk’ata?”

Murmushi kawai tayi tace
“Ba komai.
Allah ya kiyaye ya tsare hanya ya dawo daku lafiya”

A hankali ya d’an matso ya shafa kanta yace
“Ameen princess,
take care.
Sai mun dawo ko”
Yana gama fad’in haka ya juya ya nufi hanyar fita, har ya kama handle d’in sai kuma yaga rashin kyautawarshi
dan haka ya juyo ya kalli Ummi dake gefe a tsaye yace
“Na tafi.
Zan saka miki kud’i ta account ko akwai abun buk’ata.
In akwai wani abun you can call me”

Wani kalan murmushin farin ciki ne ya baiyyana a kan fuskarta, tana murmushin tace
“Nagode.
Sai kun dawo”

Murmushin daya mayar mata ne ya bata kwarin guiwar binsa a baya domin tayi mishi rakiya.

Hudan ma taso ta rakasa
amman ganin sun fita da Ummin ya sanya ta bari kawai,
dan ta barsu su samu alone time su biyu.

Kallon agogo tayi taga har 10 ya d’an gota. Ta san by now Aslam ya fita dan haka ta sauk’e ajiyar zuciya ta zuro k’afafunta k’asa tana
tunani da mamakin guts! Kalar na Ya Aslam….mai yasa yayi mata hakan? Ya san ba sonta yake yi ba mai yasa zai dinga yi mata wasu abubuwan kamar waenda sukayi auren soyayya!?
She definitely has to stay very far away from him
har sai ta gano inda relationship d’insu ya dosa da ita kanta dan
gaba d’aya Aslam ya juya mata lissafi kwana biyun nan kanta duk ya d’aure
It’s like bama ta san me take so ba! Tabbas ta san tana son Ya Arshaad sannan tana son rabuwa da Ya Aslam
Amman kuma when ever she’s with him
she feels complete and safe!
Da farko bata fahimci hakan ba sai a jiya da yayi hugging d’inta ta kasa kwace kanta daga k’arshema bacci ya kwasheta………..’
Ajiyar zuciya ta sauk’e, a chan k’asan ranta tace
“A complicated marriage is enough!
I can’t deal with complicated and confused relationship.”

Tun d’azu idan ta tuna da moments d’insu na tsakanin jiya da yau da safe sai taji tana feeling somehow…bata k’aunar wannan feeling d’in at all
bata son abunda zai na janta garesa shiyasa gara tun
kafin ta gama zama confuse tabbas ya kamata ta d’au mataki….

A haka Ummi ta shigo ta sameta.
“Tunanin me kike yi?”
Taji muryar Ummin.

A hankali ta d’ago ta kalleta
sai kuma ta maida kanta k’asa tace
“Ina kwana”
Murmushi kawai Ummin tayi tace
“Lafiya” sannan tace
“Oya tashi ki shirya mu yi sauri mu tafi ko?”

Ai tun kafin Ummi ta ida rufe bakinta Hudan ta sauk’a ta fita daga d’akin cike da d’oki.

Murmushi kawai Ummin tayi itama ta hau nata shirin…

Sai pass 11 sannan suka shirya suka fito
Hudan bata wani yi kwalliya sosai ba, Abaya ce a jikinta nude colour mai kyau sosai, tayi rolling ta d’an saka lipstick, sai zobe da bracelet a hannunta.

Ummi kuma lace ne mai kyau da tsada a jikinta peach da farin mayafi da jaka da takalmi.

Suna baya suna d’an tab’a hira driver yana jansu, haka suka kama hanya…
A wani babban mall Ummi ta cewa drivern “yad’an tsaya”

Dai da suka fita tukunna ta bawa Hudan kud’i, tace
“D’azu Aslam yace abata ta yi siyayyan tsaraba ta kai gida”

“Angode” kawai ta iya cewa
daga nan suka shiga sukayi y’ar siyayayr tsarabar suka fito
Ummi tana lura da yadda mood d’in Hudan ya chanza tun daga lokacin data ambato sunan ‘Aslam’
So take ta fassara yanayin nata amman ta kasa
a haka driver yayi parking a kofar gidan Madu....
Fita suka yi,
Driver ya tayasu kai kayan har bakin k’ofar parlour
daga nan suka sallameshi
bayan sun yi da shi akan 3:00pm zai dawo ya d’auke su.

A parlourn k’asa suka tarar da Mama tana zaune tana kallo.
Sallamar su ce ta sanya ta maida hankalinta bakin k’ofar, kamar a mafarkin haka taji
nan take wani farin ciki ya lullub’eta.
Cikin farin ciki Huda ta ajjiye ledojin hannunta a farkon parlourn ta k’arasa da gudu ta fad’a jikinta ta yi hugging d’inta.

Tabbas Mama tayi farin cikin ganin d’iyar tata
amman sai ta maze ta zarota daga jikinta ta fara yi mata fad’an ‘mai yasa ta fito?
Dududu yaushe ma aka kaita?”

Ummi ce ta k’araso inda suke tace “Ayi hak’uri Mama ni nace sai ta rakoni”
Murmushi Maman tayi
dan ita ta ma manta Hudan tare take da bak’uwa hakan
yasa ta d’anji kunyar barinta da sukayi a tsaye ita kad’ai.
Cikin fara a tace
“Bismillah ki zauna.
Yi hak’uri wannan ta gudo ta barki bama ta tsaya kun k’araso tare ba”

Murmushi Ummi tayi
sanann ta k’arasa ta ajjiye ledar hannunta a gefe tukun ta zauna a kan d’aya daga cikin setin kujerun da Maman tayi mata nuni da.

Tana zama Mama tayi kitchen..
Sai da ta cika mata gabanta da kayan kwalama da su lemuka tukunna ta nemi waje ta zauna tana raba d’ayan biyu
‘Ko dai babar Auwal ko kuma matar Abba!
Amman anya kuwa matar Abba zata yarda tazo kuma tana mata fara’a haka sosai?’

“Ina su Hajiya? Na ji gidan shiru”
Muryar Huda ta katse mata tunani.

Sai da ta d’anyi jimm!
Tukunna tace
“Tana gidan Baaba Talatu,
Baba ne aka dawo da shi
wai bashi da lafiya sosai”

“Allah ya bashi lafiya”
Shine abunda Huda tace kawai
dan jiya ma sai da suka yi maganar ita da Sakina
A yanayin take taken Baaba Talatu so take ta fake da rashin lafiyar Baba a maida Mama gidanshi.....

“Kafin ku tafi ya kamata ki shiga ki dubo shi”
Hudan taji muryar Mama.
“Tam”
Kawai tace kafin tace mata
“Sakina fa?
Jiya tace min tana nan”

Cikin sigar zolaya Maman tace
“Amarya dai zaki ce!
Ta tafi. Gobe suka ce za suje gidan dangin Babanta
da shi da Yayansa
Babansu yayi tafiya.
Nan da sati biyu kuma in sha Allah za su koma har da su kawunnansa da Mahaifin nasa a saka rana”

Murmushi suka yi daga Huda har Ummi, a tare suka ce “Allah ya tabbatar mana da alkhairi”
Kafin Ummi ta d’an nisa tace
“Dota d’an bamu guri, ko?”

A hankali Hudan ta mik’e ta wuce sama ta bar su su kad’ai a zaune.

Gyaran murya Ummi tayi suka d’an sake gaisawa kafin tace
“Maryam ni ban ma san ta Ina zan fara ba!
Abu biyu
ne yake tafe dani
wanda duk biyun alfarma ce nazo nema daga gareki
amman inaga gara in fara dana farkon dan shi yafi hanani sukuni a rayuwata.”

Tabbas tun lokacin da taji ta kira ‘Huda’ da ‘dota’ ta fahimci Zainab ce!
A hankali Mama ta gyara zama ta fuskanceta da kyau kafin tace “Ina saurarenki,
Allah yasa zan iya taimokonki”

“Za ki iya
In sha Allah”
Shine abunda Ummi tace
kafin ta cigaba da cewa
“Sunana Zainab, na san
kin sanni a bad’ini a zahiri kuma yau gani a gabanki.
Da farko ina mai neman alfarmarki
Maryam dan dan Annabi
ki samu ki yi creating space a zuciyarki ki yafe min laifin da nayi miki shekarun baya
sannan ki yafe min laifin da nayi ta maimaitawa Ina nanatawa duk akan Abba kar ya dawo gareki!
Ba dan ni ba, tare da taimokon su Adama to da tuni tun a karon farko lokacin da kika tura mishi da sak’o na san
da kun koma kun ci gaba da zaman ku cikin kwanciyar hankali da k’aunar juna, amma
biyewa zuciya da son kai
suka kaini ga aikata makircin da wallahi ni kaina idan na tuna kunyar kaina nake ji!…,
Na san I’m asking for a lot,
na san da wuya ki yafe min, na san ko da ace kin yafe min to ba lalle ki daina ganina da abun ba….”
A hankali Ummi ta share hawayen da suka zubo mata sannan ta d’an zamo daga kan kujerar ta durk’usa….

Da sauri Mama itama ta sauk’a akan kujerar tace
“Dan Allah kar ki yi haka!
Already ni kam na dad’e da yafe miki besides ba kece kika saka Abba ya sakeni a wannan ranar ba kawai dai kun had’amu fad’a ne wanda yanzu ya riga da ya wuce,
komai ya wuce!
Dan haka
na yafe miki
Ubangiji ma ake masa lefi anemi gafara kuma ya yafe mana
ballantana ni?
Ki manta da komai
ki saki ranki
In dai dan ta ni ne inaso kisa a ranki kamar komai bai faru ba!
Dan Allah. Sannan
ki daina d’aura laifin da ba naki ba a kan ki ke kad’ai dan Allah.”

Ummi bata san lokacin da ta fashe da kuka ba!

A hankali Mama ta rungumeta
Itama tana nata hawayen da bata san dalilin sa ba.
A hankali ta share hawayen nata sannan ta cika Ummi ta gyara zaman ta ta hau lallashinta…..
Da kyar Mama ta iya lallashinta
aka samu ta yi shiru.
A hankali
Ummin ta kamo hannuwanta duka biyu a cikin nata tace
“Na gode kwarai!
Sai alfarma ta biyu….
Ina rok’on ki
ki daure! Na ji kuma na san yadda Abba yake ta faman biko amman kin k’i amincewa!
Na san kina da gaskiya ta wani b’angaren amman kuma duk inda akaje aka dawo Abba ya fiki gaskiya.
Ki yi hak’uri ki daure
ki koma gidanki na farko
na tabbatar har yanzu kina son Abba kuma a cikin shekaru goma sha taran nan da nayi da shi a matsayin Miji na fahimci zuciyarsa ba tawa bace ba taki ce!
Ba zan tab’a mallakar abunda ba nawa ba
kuma indai bakya tare da shi to ba zai samu nutsuwar da ni kaina zan samu koda ace 1/10 d’in kulawar da ya kamata ya bani ba.
Ki daure, kar ki cuci kanki ki cuce ku. Ki dawo kusa da y’arki
kusa da masoyinki
ku k’arashe rayuwar ku just like it was soppose to be…
Kar ki damu da kowa
ke dai kawai ki yi abunda zai sanyaki farin ciki,
dan Allah.”

Da sauri Mama tace
“A’a zainab
gaskiya wann.....”

Cikin katseta Ummi tace
“Na san alfarma nace Ina nema a wajen ki
amman In kikai duba zakiga kamar a cakud’e take da shawara! Shawarar da duk wani masoyinki na gaskiya zai baki.
Sanann idan kikai haka za ki sanya mutane da yawa farin ciki..
Kinga na farko ‘Abba’
Ta biyu ‘Huda’
Sannan ta uku ‘Ni’.”

Da mamaki Mama take kallonta.

Murmushi Ummi tayi sannan tace “tabbas!
Dan ni gani nake yi ma ko Abba ba zai kaini farin ciki ba saboda kinga na farko
Zan ganshi cikin farin ciki Sannan zai daina blaming d’ina akan na rabaku
sannan idan ba gani nayi na gyara abunda na b’ata ba to
wallahi har abada har In koma ga mahaliccina ba zan iya samun nutsuwa ba!
Ganin ku tare a yanzu
living together happily
zan iya ce miki shine abunda nake da kwad’ayin gani a yanzu fiye da komai a rayuwata”

Zuwa yanzu Mama kam tama rasa bakin magana…

A hankali Ummin tace
“Ki yi tunani mai kyau.
Dan Allah Maryam”

A hankali Mama ta sauk’e wata nannauyar ajiyar zuciya
tana kallonta kawai..

Sai a lokacin Shuwa wadda shigo tun d’azu tayi musu sallama.

D’agowa sukai suna kallonta, itanma su take kallo har ta k’araso tsakiyar parlourn inda suke, jikinta duk a sanyaye.

Cikin mutuntawa Ummi ta shiga gaisheta, Itama ta amsa mata cikin karramawa da kulawa kafin ta k’araso ta nemi waje ta zauna
tana tambayarta “ya mutan gidan?”

Sun d’an jima kafin Huda ta sauk’o.
Shuwa na setin staircase dan haka da ita ta fara tozali!
Salatin da ta rafka sai da ya firgita su Mama dan
haka suka juya suna kallon inda sukaga tana kallo
Ita kanta Huda sai da ta tsorata.

Tun kafin ta k’araso ta rufeta da fad’a!
“Dan mai yasa za ta fito? Aslam d’in ne ya bata izini saboda shima sakare ne irinta!
Ko dai satar hanya tayi ta fito?”

Da kyar ta iya tsayawa ta amsa gaisuwarta daga nan tace “su kama hanya maza maza su koma gida!
Wannan shirmen ba da itaba..
Ita tunda uwarta ta kawota duniya bata tab’a ganin amaryar da ta fito bata yi sati biyu ba!”

Da kyar ta yarda suka d’an jira driver bayan sun kirashi
amman da cewa tayi ‘bara ta yiwa Abban Ya Jamilu magana ya maidasu
Ai bai dad’e ta kawo Baba ba akwai mota shima a hannunshi.’

Ba a wani dad’e ba
Drivern nasu ya k’araso:

Ba yadda Hudan ta iya ta fara k’ok’arin tafiya ba dan taso ba
haka nan ta yi wa Shuwa sallama ta basu tsarabar da Aslam ya bata kud’i suka tsaya suka siya daga nan
ta cewa Mama za suyi waya anjima dan da akwai maganar da itama ta shirya za suyi da Maman.

Har mota Maman ta rakasu,
haka nan ta tafi tanata kumbure kumbure..

Sai da Shuwa taga fitarsu tukunna hankalinta ya kwanta,
yadda tabi ta d’aga hankalinta zaka ce Huda wani gagarimin laifi tayi…

Mama tana dawowa daga rakasu ta zo ta nemi waje ta zauna a gefenta kan 3 seater tace
“Kiyi hak’uri Hajiya nima sai da nayi mata fad’a wallahi.
Wai Ummi ta rako ne shiya sanya. Kin san su family d’in nasu boko ta ratsa su da yawa basu wani damu da al’ada ba
amman duk da haka na san inda ace a waje d’aya suke da Mommy da ba zata barta ta fito ba.”
Ta k’arashe maganar tana d’agowa ta kalli Hajiya Shuwa wadda tunda ta fara magana ta tsareta da idanu.

A hankali taji ta sauk’e ajiyar zuciya kafin tace
“Maryam”

“Naam” Maman ta amsa a hankali.

Wata ajiyar zuciyar Hajiyan ta sake sauk’ewa sannnan tace
“Naji duk abunda Ummin tace miki yanzu shigowa ta”

Wani yawu Mama ta had’iye kafin tace
“Hajiya na gama deciding tun tuni
Ba zan koma wa Abba ba!
Ba kuma zan komawa Baba ba!
A barni kawai, itama Ummin
dan tak’i yarda ta saurareni ne
da abunda na shirya gaya mata kenan tun da hakan ne ra’ayi na, bana jin kuma
zai chanja ko da nan da shekaru nawa ne”

A hankali Shuwa tace
“Mai yasa?”

Da tsananin mamaki Mama ta d’ago tana kallonta kafin ta sake yin k’asa da kanta tace
“Hajiya dan girman Allah kar ki biyewa Baaba Talatu wannan karon…har yanzu wasu lokutan ina jin rad’ad’i a k’afata idan abun ya motsa, bayan k’afata har a cikin zuciyata ina jin tsananin rad’ad’in azabar da na sha a hannun Ya Usman.
Dan Allah Hajiya kar kice In koma gidansa”
Ta k’arashe maganar
tana me d’ago kanta ta kalli Shuwan da idanuwanta da suka fara zubar da hawaye.

Ahankali Shuwa tayi wani sassanyan murmushi
sannan ta kamo hannunta duka biyu a cikin nata
ta bata dukkannin attention d’inta tukunna tace
“Gidan Abba fa?”

A zabure Mama take kallonta
saboda bata tab’a yin tunanin jin wannan maganar daga gareta ba.
Kasa magana tayi bakinta ya hau rawa da alamun akwai abunda take son cewa amman ta kasa.

A hankali Shuwa tace
“Maryam, ko ni na kawo taurin zuciya duniya ba zan tab’a bari ki koma gidan Usman ba indai inada rai a doron k’asa”

Wani kuka ne ya tahowa Mama lokaci d’aya ta sakeshi! Tana sauraron Shuwa tana cigaba da magana
“A baya na yi kuskure, idanuwana sun rufe da takaici da kuma bak’in cikin ganin kina y’ata amman kin kasa yi mini biyayya! Wanda hakan ya kaini ga jefa rayuwarki cikin taskun da na kasa taimokonki kuma na kasa ganin hakan
har sai ranar da aka kawo min ke a karye.

Ban san da wannne baki zan baki hak’uri ba Maryam
ban san ta yaya sannan ta ina zan fara baki hak’uri ba dan laifukan da nayi miki sunada yawa…
Ina jin takaicin yadda na kasa fahimta da ganin laifi da badaidan da na ke ta faman aikatawa da wuri ba.
Ki yi hak’uri ki yafewa mahaifiyarki Maryam
dan Allah”

Da sauri Mama ta d’ago tasa hannu ta toshewa Shuwa baki tana kuka bilhakk’i da gaskiya.
Cikin kukan ta hau girgiza mata kai alamun ta daina rok’on ta.
Da kyar ta iya cewa
“Hajiya dan Allah ki daina rok’ona, ke fa Mahaifiyata ce,
tayaya za kiyi ta rok’ona haka.
Laifin in dai kece kikayi min
to na riga na saka a raina na yafe miki tun kafin ma ki aikata laifin.”

Kuka itama Shuwa ta fashe da shi, a hankali tasa hannu ta janyo Mama ta rungume ta suna kuka duk su biyun
gwanin burgewa gwanin ban tausayi.

Muryar Abba Madu wanda basu san da shigowarsa ba suka ji yace
“Ni fa? Za a iya yafe min nima?”

D’agowa suka yi duk su biyun suna kallonsa.
Murmushi yayi ya k’araso inda suke zaune ya zauna akan kujerar shima
A gefen Mama (ya zamana sun sakata a tsakiya shi da Shuwa)
A hankali yasa hannu ya dafa kafad’arta yace
“Za a iya yafewa Abba Madu shima?”

Da sauri ta fad’a jikinsa tana kuka at the same time tana d’aga masa kai alamun ‘eh’.

A hankali ya sauk’e ajiyar zuciya, wani hawaye mai cike da tarin k’aunar y’arsa da dana sani ya samu nasarar zubo masa ta ido d’aya!
Hannu yasa ya janyo Shuwa wadda itama take nata kukan ya had’asu guri d’aya da Maryam d’in ya rungume…….

Mama, ta manta rabon da taji kwatankwacin wannan farin cikin a rayuwarta
a ranta ta shiga aiyyana..
‘ashe zata ga wannan rana?
Ashe zata sake samun wannan opportunity d’in a rayuwarta?
Allahu akbar!
Ubangiji mai zamani
duniya juyi juyi
mahak’urci mawadaci
Tabbas komai in yayi zafi maganinsa Allah
sannan duk nisa jifa k’asa zai dawo!……’
Kuka take yi tana godewa Ubangiji tana sake godiya…..

A hankali Madu ya shiga lallashinsu yana cewa
“Su yi shiru”
Da kyar ya samu Shuwa tayi shiru saannan ta tayashi lallashin Mama
tukunna itama aka samu tayi shirun.

A hankali tasa hannayenta ta kamo nasu sanann tace
“Abba Hajiya
Dan Allah nima kuyi hak’uri akan yadda na gudu na bi Abba, ku yafe min dan...”

Da sauri Abba Madu ya d’aura yatsanshi akan bakinta yace
“Ba komai Maryam, komai ya wuce, Allah yayi miki albarka.”

Juyawa tayi ta kalli Shuwa,
a hankali tana murmushi
Itama ta d’aga mata kai tace “ya wuce!
Allah yayi miki albarka.
Sannan ina neman alfarma nima a wajen ki, kamar
yadda Ummi ta fad’a
nima In ba gani nayi kin koma gidan Abba ba
to ba zan samu peace of mind ba, Ina so in gyara abunda muka taru ni da dangisa da su Usman muka lalata.
In dai kin yafe min da gaske to inaso ki yi hak’uri ki koma gidan Abba, hakan shine abunda zai sanyani farin ciki
shine abunda nake so da burin gani a rayuwata”

Cikin sheshshek’ar sabon kukan da ya tahowa Maman tace
“Amman Hajiya..”

Da sauri Hajiya Shuwa
tace
“Ba zan miki dole ba, ba zan
tilastaki ba amman inaso ki sani
Hakan shine zai sanyani farin ciki
hakan shine abunda nake so
hakanne zai tabbatar min
na gyara abunda na b’ata
ya kuma taimakamin wajen sanyani in yafewa kaina.
Ki daure, ni Shuwa Ina rok’on ki
ki koma gidan Abba,
na san har yanzu kina k’aunar sa.”

Sunkuyar da kai Mama tayi tana wani gunjin kuka mai d’aci...

A hankali Shuwa ta share hawayenta sannan ta sa hannu ta shafa kumatun Mama kafin ta mik’e ta bar wajen da sauri.

Muryar Madu Maman taji yana cewa
“Kiyi hak’uri ki bi shawarar da duk wani masoyinki yake baki
Abba har yanzu yana k’aunarki
kema kuma na san kina sonshi.
Ki duba kiga
ko kwana biyun nan da suka wuce sai da suka zo nan shi da d’an uwansa akan maganarki
Maryama
a zamanin nan
ba lalle a samu mutumin da zai yiwa wata kwatan kwacin k’aunar da Abba yake yi miki ba.
Kamar yadda Mahaifiyarki tace to haka nima
ba zan yi miki dole ba
amman zan baki shawarar
ki bari ki yarda ki amince a maida aurenku da Abba,
hakan zai bashi nutsuwa da farin ciki na har abada
dan a yadda na ganshi ranar da suka zo na san ba abunda yake so da buri sama da a maida aurenku, nima kuma hakan nake so
Mahaifiyarki itama hakan takeso
Y’arki ma hakan take so
above all
na san kema hakan kikeso
achan k’asan ranki
kawai dai obstacles ne suke son tsaidake ga isa inda zuciyarki take so.”
A hankali ya shafa kanta yace
“Ki yi tunani mai kyau
amman ina so decision d’inki ya kasance abunda kike so ne kuma ki tabbatar zai sanyaki farin ciki har k’arshen rayuwarki.”
Yana gama fad’in haka ya mik’e ya fice dan lokacin sallah ya gabato….

A hankali Mama take sauk’e ajiyar zuciya, ta dad’e a zaune
sai da ta fara jin kiran sallah tukunna ta mik’e ta wuce d’akinta zuciyarta fal sak’e sak’e…..
Ta san cewa yanzu Abba baya tare da Granpa amman fa duk inda aka je aka dawo uba uba ne, ba a chanjawa tuwo suna kamar yadda take da tabbacin k’iyayyarta a zuciyar Granpa ba zata tab’a chanjuwa ba.....

Haka nan, har
dare Mama jikinta duk yayi sanyi kamar wata mara lafiya
Shuwa da Abba Madu basu sake yi mata maganarba
dan basa so suyi ta pressurizing d’inta..
haka nan suka yi dinner atare cike da da so da k’aunar juna suna hira gwanin ban sha’awa

Wani kalar farin ciki kawai Maama take ji wanda ta dad’e bata yi ba, yana ratsa zuciyarta.
A hankali from time to time take d’an fakar idonsu ta juya ta d’auke kwallar farin cikin da ta k’i daina taruwa a idanunta.

Da daddare tana shirin kwanciya Huda ta kirata,
kamar had’in baki itama maganar Abba ce take so suyi,
bayan sun gaisa ta gama y’an kame kamen ta kafin ta rok’eta
Allah da Annabi ta dawo gidan Mahaifinta.

Cikin son kawar da zancen Mama ta sako wata hirar
ganin da Hudan tayi kamar bata son zancen ne ya sanya bata sake mata maganar ba har sai da suka zo sallama,
nan d’in ma d’an shiru Mama kawai tayi, chan kuka tace mata “ta gaida Ummi da Aslam tayi mishi godiya”
sannan ta katse kiran.
A hankali Hudan ta gyara kwanciyar ta akan gadonta ta kwanta rigingine tana mai kallon sama ...........

AFTER TWO WEEKS.
A zaune Ummi ta shigo ta tarar da Hudan ta rafka uban tagumi.
Murmushi tayi ta k’araso inda take ta zauna kafin ta dafa ta.

A hankali Huda ta d’ago tana kallonta wanda hakan ya sanya Ummin ta fahimci kuka tayi.

Karkatar da kai Ummin tayi kafin tace
“Huda ko nice Aslam fa
ba kawo kud’i ba ko
bikin Sakina za ayi ba zan barki ki je ba, wallahi.
Ke kika jawowa kanki
dan haka kar ki zauna kina wani kuka, ai baki ma yi kuka ba ki jira sai Abban ku ya dawo gobe, na tabbatar in dai yaji labari wallahi da ni da ke kashinmu ya bushe!
Bar ganin yana lallab’a ki in dai yaji wannan zance to fa ba zaku kwasheta da kyau ke da shi ba. Kuma yana zuwa zan gaya masa tunda ni kin raina ni

Da sauri Huda tace “wallahi Ummi ba rainaki nayi ba.”

Cikin katseta Ummi tace
“Raini ne mana Huda!
K’iri k’iri fa kika hanani number Mama saboda kin san in na kirata na fad’a mata
zata yi miki fada kuma dole ki yi abunda bakya so d’in
so bama kya so taji
ballantana har a kai ga tayi miki magana amma
ni Ina kallon ki kina kallona a cikin gidannan yau sati biyu
kina wasar y’ar b’uya da Mijinki kuma ban isa in hana ki ki hanu ba tunda ban Isa da ke ba”

Cikin kuka Huda tace “Allah Ummi kin isa”

Mik’ewa tsaye Ummin tayi kafin tace
“Idan har na isa to
ki tattara kayan ki da kika kwaso da hannunki ki maida
ki gyara d’akin
ki wanke toilet kafin ya dawo.
Wallahi na manta yaushe zan ce na tab’a ganin Aslam yana gyaran d’aki
amman jiya dakanshi har mopping naga yanayi
kuma ba yadda ban yi da shi akan ya bari a gyara ba amma ya k’i yarda saboda ya san nan d’in turakarku ce bai kamata a shiga ba.
Dan maiyasa shi yana mutuntaki amma ke ba zaki kwatanta ba?.
Ki tashi kije ki koma
sannan idan ya dawo ki bashi hak’uri tare da alk’awarin ba zaki sake ba…
In dai har na isa da ke kenan, kamar yadda kika fad’a.”
Tana gama fad’in haka ta juya ta fice daga d’akin.

Sai da Hudan taci kukan ta
ta godewa Allah
tukunna ta tashi ta sauk’a k’asan…
Ta yarda zata zauna a d’akin
amman tabbas zata cire tsoro kunya da kawaici su yi agreement ita da Aslam!
Auren su ba na soyayya bane ba Infact k’ok’arin kawo karshenshi ma ya kamata suyi a yanzu so
ba zai yiu ya hautsina mata kwakwalwa da zuciya ba
bayan ba son juna suke yi ba
so gara su san inda suka dosa kowa ya tsaya a iya limit d’insa…….

Tana shiga d’akin k’amshin turarensa ya mata sallama,
a hankali ta shak’a ta lumshe idanunta! A take wata nutsuwa da kasala suka dirar mata
sannan taji zuciyarta tana yin sanyi b’acin ran da take ciki kuma yana d’an raguwa.

Bud’e idanuwanta tayi ta shiga k’arewa d’akin kallo
tana ganin fuskarsa a idonta, murmushi ne ya sub’uce mata da ta tuna irin uwar hararar da ya zabga mata sannan yace
“Ba zaki je ba!” ya juya ya fice.
A hankali tace
“Dama maza ma sun iya harara?”

Tana murmushin tana tunani ta shiga gyara d’akin cikin nutsawa kwarewa da iyawa.
Tana gamawa ta shige toilet ta wankeshi tsaf tsaf.

A wajen Ummi taje ta karb’o kasko da turaren wuta ta saka a d’akin sannan ta shiga kitchen ta had’a masa spring rolls da tea, duk dan a barta ta fita.
Tana gamawa ta fito ta kai dining ta jera a inda taga yana yawan zama.

Tana cikin jerawa Ummi ta sauk’o, dariya tayi kafin tace
“Fad’a na ne?
Ko kuma biyayyar aure?
Ko dai bribe d’in a barki ki fita gobe??”

Turo baki Hudan tayi sannan ta d’anyi murmushi.
A hankali Ummi ta k’araso inda take ta dafa kafad’arta sannan tace
“Na gode Huda.
Kin nunamin nima na isa da ke”
Ta yi maganar tana murmushi.

Murmushi mai had’e da dariya tayi sannan ta fad’a jikinta tayi hugging nata
tace
“Ummina kin isa mana”

A haka su Shuraim suka shigo suka samesu, hakan ba k’aramin burgesu yayi ba kuwa, dan haka Shuraim ya k’araso ya yi joining hug d’in Sudais kuma ya tsaya ya fara bubbuga k’afa shi ala dole sai dai a cika su a yi mishi nashi special…
Cika su Ummi tayi yana ganin haka ya k’araso yayi hugging d’inta.
Ahankali ta zaroshi daga jikinta ta kama hannun Shuraim ta rik’e da nashi a waje guda sannan ta kamo hannun Huda ta saka mata hannayensu a cikin nata
kafin ta fara magana
“Na san ba wani girman su Shuraim kika yi sosai ba
amman dan Allah Huda ko bayan raina
ki zame musu uwa ki yi musu dukkkannin abunda zan yi, ba su da kamarki a duk fad’in duniyar nan.”

Da sauri Huda ta toshe mata baki da hannunta
Idonta ya cicciko da kwalla
tace
“Ummi ki daina dan Allah kar ki d’agamin hankali da yammar nan!
Bana son irin wannan maganar in sha Allah babu inda zaki je ki barmu muna tare...”
Kukan da ya kufce mata ne ya hanata kasa k’arasa maganar tata.
A hankali Shuraim ya yi hugging d’inta sannan ya d’ago idanuwanshi da suka taru da kwalla ya kalli Ummi yace
“Ummi
Ki daina irin wannan maganar please, muna tare happy family together forever in sha Allah”
Ya fad’i hakan yana murmushi.

Murmushi Sudais yayi
sannan yace
“Group hug!”
Ya had’asu duka yayi hugging
yana dariyar
son ganin ya kawar da sad moment d’in.

Suma duk dariyar suka saka suna sharar kwalla.

Sun d’an jima a haka tukunna Shuraim ya jaa kujerar ya zauna yana cewa
“Let me eat small..
Yau haddar pages biyu nayi, tunda muka tashi a English section nake abu d’aya
amman dukda haka sai da Mu’allim ya rankwasheni,
duk cikina ya zuge….”

Tray d’in Aslam ya shiga k’ok’arin janyowa,
nan Ummi ta hanashi ta hanyar buge masa hannu.

Hudan na dariya ta shiga ta d’auko musu nasu wanda ta saka a cooler.
Nan kuwa suka hau ci suna santi dan ana bud’e cooler Sudais ma ya dawo yace “ya fasa tafiya saman”

Dariya kawai suka yi musu daga nan Ummi ta d’an jaa ta
gefe tace
“One last thing
Taje ta yi wanka ta shirya..
Yana zuwa idan ya ga ta yi miishi kwalliya nan da nan zai barta maybe ma ya barta ta kwana, haka ake yiwa maza….tayi sauri maza maza taje ta shirya yana..”

Tun kafin Ummi ta gama magana Huda ta wuce sama d’auko kayanta…kunya
da kuma son aikata abunda Ummin tace ne ya sanya ta kasa tsayawa taji k’arshen maganar.

Kamar yadda ta had’a akwatinta ta hau da shi saman hakanan ta had’oshi harda kayayyakinta waenda ta d’an d’auraye ta shanya, ta kwaso ta sauk’o da su.

Ba iya d’akin ba
Hatta parlourn zuwa yanzu ya d’auki k’amshin turaren wuta.

Tana shiga ta ajjiye akwatin ta fad’a tayi wanka tayi brush ta d’auro alwallar Magrib dan ta gabato, ta fito d’aure da d’an guntun towel
saboda bathrobe d’in da ya had’a ya wanke a washinne machine ya shanya tare da inner wears d’insa har
yanzu bata gama bushewa ba.

Wani had’add’en d’inkin doguwar riga A shape ta fitar,
kalar atamfar royal blue an yi mata d’inki irin mai stones d’innan…

A hankali ta ware bra da pant sannan ta kinkimi akwatin nata ta nufi wardrobe

Bud’ewa tayi ta sa akwatin nata a chan k’asa
sakamokon kayansa da ta gani a jere a side har biyu! A ranta tace
“Wato har wasu kayanma ya sake kwasowa
Ummi tana chan tanata cewa In dawo d’akin bayan shi gashi partyn shi ma yake yi ya samu freedom”
Kamar tana ganinshi haka ta ke kallon kayan tana zabga musu harara…
Idanunta ne suka sauk’a abkan wata takarda kamar poster haka a ta chan k’asan takardar taga an rubuta
‘2021 tournament mathematics competition
Winner
NTIC’

Da k’arfi taji gabanta ya buga!
Da sauri tasa hannu ta zaro sticker……..tun bata kai ga k’arasa zarowa ba ta fahimci ita d’in ce da gaske!

A hankali ta cirota daga k’asan kayan nasa tana kallo tana sake kallon hotonta da sunanta b’aro b’aro a sama ‘Maryam Huda Muhammad’
Ga award d’inta a hannunta da medal d’inta tana murmushi…
Kanta ne ya d’aure ta fara k’ok’arin juya takardar
dan kamar da tana zarowa taga rubutu a bayan da biro.

“Bincike fa babu kyau”
Taji muryarsa a bayanta daff da ita!.

Bata san lokacin da ya shigo ba amman ta d’anji k’amshin turaren da yake tashi ata jikin kayanshi ya k’aru a d’akin.

Kwakwalwar ta already a cunkushe take ga tarin mamaki gashi dama duhu ya d’an farayi bata kunna globe ba tana d’anjin tsoro
hakan ya sanya da taji mutum da murya a bayanta
ta kwala ihun da ita kanta sai da ta d’an tsorota….
Da sauri ya juyo da ita ya sa tafin hannunshi akan bakinta yace “Shiiii.”

Da sauri itama ta sanya dukkanin k’arfinta ta b’intike hannunshi daga bakinta
kafin tace
“Ya Aslam banaso Allah ka daina”
Ta fad’i hakan tana k’ok’arin kare jikinta a rikice
dan ba k’aramin kunyar towel d’in take yi ba.

Dariya ma shi ta basa
Yarinyar da ya gama k’arewa kallo ba tare da ta san ya shigo ba itace take wani kakkare jikinta…
Wani d’an guntun murmushin gefen baki yayi
sannan ya kama towel d’in ta sama yace
“Idan ban daina ba fa?
What will you do?
Yaji za ki sake yi min ki gudu sama , ko me?”
Ya fad’i hakan yana d’an jan towel d’in kad’an kamar zai fisge.

Cikin tsananin tashin hankali ta sake kurma wani ihun a karo na biyu….

Ido cikin cikin suke kallon juna,
so take ta d’auke idanunta a cikin nashi amman ta kasa
sakamokon sak’onnin da yake aika mata daga kwayar idanuwan nasa.

A hankali ya bud’e baki zai yi magana yaji an turo k’ofar d’akin da d’an k’arfi an shigo.....................

5 MINUTES BEFORE NOW.
Ummi, sauk’owarta kenan daga sama zata d’auki abu a kitchen, sam bata san Aslam ya dawo ba.
Tana shiga kitchen d’in taji kamar an shigo
dan haka ta d’au abunda take buk’ata ta fito tana kallon k’ofa…

Sakin lemon hannun nata tayi ya fad’i k’asa cike da mamaki da murna
tace
“Arshaad!!
Sai kuma ta k’arasa da sauri bakin k’ofar inda yake tsaye ta hau dudduba shi tana murmushi fuskarta cike da murna da farin ciki.

BULAMA ✍️

So da Buri
Free Book
63

Mikiya Writers Association.
Murmushi Arshaad ya yi
kafin a hankali yace
“Ummi, na same ku lafiya?”

Sai a lokacin Ummin ta yi laakari da yadda bashi da lakka a jikinsa da kuma tsananin ramar da yayi.

“Alhamdulillah” tace, sannan ta d’aura da cewa “where have you been?”.

Still yanzun ma murmushi ya sake yi, a hankali yace
“Bara in d’an huta”
Ya fad’i hakan yana mai wucewa ya shige cikin parlourn, wanda sai da ya zo wucewar ne tukunna Ummi ta lura da akwatin da yake tafe da shi!
Gabanta ne taji yad’an buga!
Gashi babu damar ta tsayar da shi ko ta hanashi wucewa, a k’asan ranta tace
“Anya kuwa zaman su Aslam da Arshaad zai yiu a waje d’aya?…”
Tana cikin wannan tunanin ta jiyo ihun Hudan!

Dakatawa Arshaad yayi ya juyo ya kalleta kafin yace
“Kamar muryar Huda..”

Shiruuu, Ummi ta d’anyi, chaan kuma ta sauk’e wata nannauyar ajiyar zuciya
tace
“Eh, suna nan, Granpa refuse to accept them”

Ya bud’e baki kenan
zai yi magana suka sake jiyo ihunta a karo na biyu..

Ita Ummi har ga Allah tayi tunanin wani abun ne ya sameta dan batayi zaton Aslam d’in ya dawo ba!
Shiyasa tayi saurin nufar d’akin, ba tare da b’ata lokaci ba shima Arshaad ya bi
bayanta da sauri….

NOW.
Wardrobe d’in a setin k’ofar yake a ta tsaye!
Shiyasa suna shiga suka gansu….

Da mugun sauri Arshaad ya juya Ummi kuwa da kyar kunya ta barta ta iya jan y’an k’afafunta ta bar wajen.
Ko kyallin Arshaad bata gani ba, ga de akwatinsa nan
a tsakar parlourn inda ya barshi…

Wucewa tayi sama da sauri dan ji tayi kamar za a bud’e k’ofar d’akin su Hudan a fito.

Achan d’akin kuwa
su Ummi suna fita Huda tasa kuka!
Ba abunda yafi d’aga mata hankali irin Ya Arshaad wanda suka had’a ido dashi! Shikenan ta san yanzu zai ce taci amanar sa ta gama!
Bayan ko sati uku ba ayi da yin bikin ba……

Shiruu, Aslam ya d’anyi
yana kallonta ta rufe idonta tana kuka ta duk’unk’une a tsaye waje d’aya, ajiyar zuciya ya sauk’e…..a hankali taji kamar ya bar wajen.
Addua take yi Allah yasa fita zai yi, ai kuwa a hankali
taji ya bud’e k’ofar ya fita.
Tana bud’e ido taga ita kad’ai,
ajiyar zuciya ta hau sauk’ewa a jejjere, da kyar ta samu ta d’an nutsu tukunna ta soma k’ok’arin barin wajen..
Poster da ta sub’uce a hannunta d’azu ta taka!
Kalla tayi ta sake kallo kamar tanason yin nazarin wani abun
chan kuma sai ta lumshe idonta ta bud’e kawai ta d’auka ta mayar inda ta ganta.

Jikinta duk a sanyaye hakan nan ta samu ta shirya da kyar
ta nemi waje ta zauna.

Aslam yana fita ya fara k’arewa falon kallo kamar akwai abunda yake nema. Yana cikin kallon parlourn Idanuwanshi suka sauk’a akan trolley madaidaici. Wani yawu ya had’iye mai d’an d’aci
tukunna ya furzar da iska ya nufi d’akin da yake da tabbacin Arshaad d’in yana a ciki.

Knocking ya tsaya ya d’anyi, jin shiru yasa ya tura k’ofar ya shiga…
Ganin ba kowa ya sanya yayi tunanin to ko dai ba nan d’in ya shigo ba, har zai juya sai ya jiyo motsin ruwa a toilet.
A hankali ya sauk’e wata siririyar ajiyar zuciya kafin ya koma ya nemi waje ya zauna a bakin gadon.

Morethan 10 minutes Arshaad ya d’auka a band’akin bayan shigowar Aslam.
Har Aslam d’in ya fara tunanin lek’awa a ransa yana tunanin ‘maybe ko baya ciki an yi mistake d’in barin fanfo a kunne ne’ sai kuma yaji an kashe tap d’in!
Still sai da ya k’ara 2 minute tukunna ya fito ya na tsane fuskarsa da towel….

A tunanin Aslam wanka Arshaad d’in yayi amman
fitowar da yayi sanye da kayan jikinshi ne ya sa ya fahimci ba wanka yayi ba sai dai
ko alwallah dan gashi ya nad’e dogon hannun white shirt d’in jikinsa gashin hannunsa a kwakkwance sajensa da sumarsa suka duk a jik’e.

Murmushin da Arshaad d’in yayi masa ne ya katseshi daga nazarin da ya fad’a.
A hankali ya mik’e tsaye yana kallonshi har ya k’araso inda yake tsaye.
Aslam yana shirin yi masa magana yaji yace
“Sorry..
Ban san kuna tare ba
Ummi and I
tot wani abun ne ya sameta
shiyasa mu....”

“Where have you been??”
Muryar Aslam d’in ta katseshi.

“Maldives”
Ya bashi amsa a tak’aice
sanann ya d’an wuce sa yayi hanyar fita yana ci gaba da cewa
“Already na riga na yi arranging komai for honeymoon”

Ajiyar zuciya Aslam ya sauk’e kafin yace
“Arshaad, i.......”

Da sauri Arshaad yace
“Let’s pray!
Naji har an kusan shiga masallaci.”
Yana gama fad’in haka ya bud’e k’ofar ya fice.

Aslam ya dad’e a tsaye kafin ya samu ya iya motsawa daga inda yake shima ya fice.

Bai sameshi a wajen ba sai a masallacin, a gefensa ya tsaya
suka yi sallar, sai da sukazo fita tukunna suka had’u da su Shuraim..

Suna ganin Arshaad d’in suka nufeshi suka yi hugging nashi
cikin tsananin farin ciki..Sudais yana dariya yace
“Ashe baka manta ba”

Murmushi yayi kafin yace mishi
“Ai na gaya maka last year daman ko Ina inane
zan dawo ayi celebrating this year da ni”

Murmushi dukkansu suka yi suka nufi gida.

Suna shiga su Shuraim suka yi sama shi kuma Arshaad ya jaa akwatin shi ya nufi d’akin da ya zab’awa kanshi.

Bai san Aslam yana tare da shi ba sai da ya shiga d’akin ya juyo zai rufe k’ofar! tukunna
suka yi ido biyu.
A bud’e kawai ya bar mishi k’ofar daga nan ya juya ya jaa trolley d’insa ya kai ya ajjiye.
Yana juyowa ya ga Aslam d’in still a tsaye, murmushi yayi kafin yace
“Ka k’araso ka zauna mana”

“Arshaad listen,
we have...”

Cikin katseshi Arshaad d’in yace “We have to talk ko?
About Huda!
Aure! And everything right?”
Numfashi ya fesar kafin ya cigaba
“Akan me to za muyi maganan abunda ya riga ya faru ya wuce?”

Ajiyar zuciya Aslam ya sauk’e kafin yace
“Ba abun magana kam gaskiya, i ust want to know how you feel about us, together, and everything
sannan kai!
Are you ok??”

Murmushi Arshaad yayi mai had’e da dariya kafin yace
“Aslam i feel fine!
Sannan I’m Ok.
Tunda har ka ga na dawo
Nigeria
Kano to
I’m Ok Aslam.
So kawai abunda zan gaya maka shine kar ka dubani kace zaka yi affecting relationship d’inku negatively, ni ban
ma san kuna gidan nan ba
da a hotel zan zauna zuwa
jibi inzo a yi birthday da ni
daga nan in nemi inda zan je saboda
I still can’t face Mammy!
Sannan ba zan iya zama a tsakiyarsu ita da Dad suna fad’a kamar Annabi da kafiri ba.
But still zuwa jibi
zan san yadda zan yi in sha Allah….”

Da sauri Aslam ya matso inda yake yace
“No, you don’t have to. Kar ka je ko ina…”

Cikin katseshi Arshaad yace
“I’m sorry to say this
amman
after yadda kake feeling guilty right now akan halalin ka saboda ka san na ganku
i definitely need to go!
Kuna buk’atar air, in fact
your relationship is somehow complicated dan haka kuna buk’atar time da space
In other for you two to build a healthy and happy marriage..
If I can’t help banga dalilin da zai sa in zauna a tsakiyarku ba ina sakaku kuna feeling somehow.
Zan iya rantse maka akan cewa
I have moved on! And na manta da komai na cire Hudan a raina completely but na san ba lalle ka yarda ba, itama
ba lalle ta yarda ba, za ku
dinga gani kamar ko in kun yi abu zai sa inji ba dad’i ko wani abu makamancin haka
wanda hakan zai sa ku kasa sabawa da kuma sakewa da juna, ni kuma har ga Allah ba zan so hakan ba, therefore i think i need to stay away for some months ko a year haka..
Maybe nima idan na tashi dawowa In dawo da tawa bride d’in”
Ya k’arashe maganar da d’an murmushi a kan fuskarsa.

A hankali Aslam ya sauk’e wata nannauyar ajiyar zuciya kafin yasa hannu ya janyoshi jikinshi yayi huggin nashi.....

K’arar wayarsa ce ta sanya shi cika Arshaad d’in yad’an matsa sannan ya zaro wayar ya d’auka yasa a kunnenshi yace “Auwal”
D’an jimm! Yayi, chan kuma yace “what for?”
A hankali kuma sai yayi murmushi yace
“Bara mu fito,
Arshaad is home
ma.”
Bai jira jin me Auwal d’in zai ce ba ya katse kiran ya d’ago yana kallon Arshaad kafin yace
“Mu je, Auwal ne”

Bai musa shi ba
ya bi bayanshi
suka fita……

A babban parlourn suka sameshi, zaune cikin d’aya daga cikin set d’in kujerun dake a parlourn.
Yana hango su ya taso,
duk da halinda yake ciki hakan bai hanashi k’arasawa yayi welcoming Arshaad warmly ba.

Aslam ne ya katse su ta hanyar cewa
“Mai ya faru ne?
You sound worried!
Yanzun ma kuma you look worried”

Ajiyar zuciya ya sauk’e kafin yace “Tana Ina please?
Bani da energy…..”

Gaba kawai Aslam d’in yayi
shi kuma ya bishi a baya.
Suna zuwa k’ofar d’akin nasu ya murza ya shiga Auwal d’in kuma ya tsaya a waje.

A zaune ya sameta, ta rafka uban tagumi…sanye cikin doguwar rigar da ta fitar d’azun zata saka.

A rayuwarshi blue is one of his favorite colours, gashi blue d’in mai d’an duhu wanda ya taimaka wajen fito da ainahin kyawun farar fatarta..Yanayin dim light d’in dake kunne a d’akin ne ya taimakawa stones d’in jikin rigar tata wajen yin kyalkyali na musamman mai d’aukar ido da hankali…
Normal d’aurin d’ankwali tayi irin na ture ka ga tsiya
wanda ya fitar da uban tulin gashinta da ta tufke ta nannad’eshi a k’eyarta.
Ba komai a fuskarta ko mai bata shafa ba amman kalar kyan da tayi masa yau dole ya bada tukuici!.

A hankali k’asa k’asa yadda ta tabbatar ba zai ji ba tace
“Ni fa bana son kallo”
Tana mai d’auke kanta daga gareshi had’i da d’an turo baki.

Murmushi kawai yayi sannan ya tako gabanta ya tsaya yace
“Saboda me yasa bakya son kallon?”

Runtse idanuwanta tayi, a ranta tace
“Wannan ko maciji albarka”

Batai auni ba taji yasa hannunshi a nata ya mik’ar da ita tsaye yana kallon rigar jikinta kafin ya maida idanunsa a kan d’ankwalin, murmushi yayi yace
“D’aurin masifaffu dama yafi yiwa masu tsiwa kyau.”

Haka kawai sai ta tsinci kanta da kasa d’agowa da kuma kasa cewa komai, still bata san daliliba amman maganar tasa ba k’aramin dad’i tayi mata ba!
A take taji haushin shi da fushin da take yi da shi suna d’an raguwa…

Ya jima yana kallonta kafin ya sauk’e ajiyar zuciya yace
“Ki je Auwal yana parlour yana jiranki, muryarsa har rawa take yi, da alama emergency ne.”

Ahankali ta sauk’e ajiyar zuciya dan ta san me ya kawo shi.

Sai da ya sake cewa
“Ki je”
Tukunna ta iya jan k’afafuwanta ta d’anyi baya kad’an ta yadda ta tabbatar ba zata gogeshi in ta zo wucewa ba sannan ta wuce.

Har ta kusan k’ofa taji yace “ungo”
Tana juyowa ta ganshi a kusa da ita yana bata hijab d’inta.

Tsayawa tayi bata matso ba balle yayi tunanin zata saka…

A hankali ya matsa inda take yana kallonta itan ma shi take kallokafin ta yi k’asa da kanta kamar d’azu.
Yanayin yadda ta yi d’aurin tabbas in ya saka mata a haka zai iya shak’eta shiyasa yasa hannu ya zare d’ankwalin ya rik’e a hannunsa

So yake ya saka mata hijabin amman kyau da shek’in da gashin yayi da kuma yanayin parking d’in da tayi ne ya yi mugun tafiya da imaninshi dan haka ya tsaya ya shagalta da kallo….

A hankali yaji tace
“Bara in je, ka ce ce emergency ne”
Ba tare da ta d’ago kanta ba.

Wata nannauyar ajiyar zuciya taji ya sauk’e kafin a hankali ya ware hijabin kamar baya so..sai da ya nemo fuskar hijab d’in tukunna ya ajjiye d’an kwalin nata a gefe ya sa hannuwanshi duka biyu ya bud’a ya kawo dede setin fuskarta yace
“Raise your face”
Tana d’agowa suka had’a ido yana kallonta itan ma shi take kallo ta cikin hijabin.
A hankali ya matsar da hijabin yasa mata a fuska sannan ya d’an jashi ya zauna dede kafin ya ida warewa ya sakar mata shi ya rufe ilahirin jikinta.
Tana shirin wucewa taji yayi cupping fuskarta yad’an matso kusa da ita.
A zabure ta d’ago tana kallonshi shima ita d’in yake kallo kafin ya lumshe idanunsa a hankali ya kai lips d’insa dede goshinta ya sakar mata light peck d’in da ya sanya ilahirin jikinta d’aukar rawa!
A hankali ya sauk’e wata nannauyar ajiyar zuciya sannan ya matsar da bakinsa a dede setin kunnenta yace
“You look beautiful tonight”
Yana gama fad’in haka ya cikata ya wuce toilet
dan yana buk’atar yad’an watsa ruwa kafin lokacin dinner, garin yau akwai zafi
sannan shi kanshi kwana biyun nan yana saurin jin zafin yanayin dauriyace kawai yake yi.

Da kyar ta samu k’irjinta ya d’an ragu da bugawa
sannan ta d’an dedeta kanta ta fita wajen Auwal.

Tare ta tadda su a parlourn shi da Arshaad.
Gaba d’aya sai ta tsinci kanta da diriricewa kamar mara gaskiya, ta tsaya.

Tun sanda ta fito
Arshaad ya ganta, ganin duk ta rikice ta kasa k’arasowa ne yasa yace
“ko In baku guri ne?”
Ya fad’i hakan da d’an k’arfi ta yadda ya san za ta jiyo sa.
Da sauri ta d’ago ta kalli inda suke, suna had’a ido ya sakar mata lallausan murmushi sannan ya sake maimaita tambayar tasa.

A hankali ta sauk’e ajiyar zuciya sannan ta fara takawa ta isa inda suke ba tare da ta sake yarda sun had’a ido da Arshaad d’in ba.

Murmushi kawai yayi ya zaro wayarsa a aljihu ya shiga daddanawa….,

Tana zama Auwal ya juyo gaba d’ayanshi gareta ko gaisawa bai iya tsayawa sun yi ba yace
“Dan Allah da gaske gobe za a kawo kud’in auren Sakina?”

Ba k’aramin tausayi ya bata ba dan har wata kwalla taga ta taru a idanuwanshi..

A hankali tace
“Ya Auwal duk abunda kaga Allah bai yi ba muddin ka yi addu’a to ba alkhairi bane, ka kwantar da hankalinka zaka samu wadda ta fita in sha Allah.”

Cikin katseta yace
“Da gaske ne kenan”
A hankali muryarshi na d’an rawa.

D’agowa tayi da niyyar sake bashi hak’urin ya rungumi k’addara
kawai
taga hawaye bibbiyu suna zubo masa!
Da sauri ta runtse idonta tace
“Ya Auwal dan Allah ka daina mana, ka rungumi k’addara kayi adduar Allah yasa hakan shine mafi alkhairi”

Bud’e baki yayi da niyyar yin magana sai kuma ya kasa,
da sauri ya tashi ya fita a side d’in gaba d’aya ba
tare da ya sake waiwayon su ba.

Ajiyar zuciya ta sauk’e a hankali tana jin tsananin tausayin Auwal a ranta.
Kamar ance ta d’ago, tana d’agowa suka had’a ido da Arshaad, murmushi
ya sake sakar mata
kafin yace
“Abun tausayi, ko?”

Sunkuyar da kanta tayi
a hankali ta d’aga kan alamar
“Eh”

Yana shirin yin magana Ummi ta sauk’o! Har ga Allah haka kurum sai ta tsinci kanta da rashin jin dad’in ganinsu a zaune su biyu.
Tana zuwa ta nemi guri ta zauna kusada Huda ta kamo hannunta k’asa k’asa tace
“Huda tunda ba ku kad’ai bane a gidan, ku dinga saka key a k’ofar ku mana.
Wallahi ban san ta ina zan fara kallon Aslam ba”

Da sauri Huda ta sunkuyar da kanta k’asa sosai
wanda hakan har sai da ya sanya Ummi ta d’anyi murmushi.

Sarai Arshaad ya ji abunda suka ce amman bai nuna musu ba! Hasalima chatting d’insa kawai yake yi yana murmushi.

Ganin hirar tata ba zata yiu da Hudan ba yasa ta juyo ga Arshaad tace
“Ka je wajen Mammy?”

Sai da yad’an k’ura mata ido, kamar ma bai ji abinda tace ba
tukunna yad’an gyara zaman shi ya maida wayar aljihu kafin yace
“A’a,
direct daga airport nan nayo”

A hankali tace
“Bata da lafiya”

Bata ida rufe bakinta ba yace
“I know!”

Ta lura da yadda yanayinsa ya chanja amman hakan ba zai hanata yi masa nuni da gaskiya ba dan
haka tace
“Arshaad no matter what, ko me tayi maka
Mahaifiyarta ce!
She’s sick!
Very sick!
She needs you!
Aiima bata nan ita kad’aice.

Ajiyar zuciya ya sauk’e yana kallon Ummin ido cikin ido yace
“Abba baya nan ne?”

“Eh, yayi tafiya
shi da Daddy
business trip
sannan za su bud’e
branch d’in construction company d’insu shi da Aslam a UK sun ma bud’e
It was successful sannan trip din nasu was also successful
shiyasa jibi za mu yi double celebration in sha Allah.”
Ummin ta zayyano mishi
dan so take su yi magana kar
ya samu question d’in da zai sake jifanta da shi as an excuse.

“Ma sha Allah
Allah ya k’ara d’aukaka”
Yace, daga nan ya mik’e.

Itan ma mik’ewa tayi
tace “We are not done”

Sai da ya lumshe idanuwansa ya bud’e kafin ya kalleta yace
“Ummi ko In koma inda na fito ne?
Although i came for Shuraim and Sudais but it’s like bakya murna da ganina!”

Da sauri tace
“Arshaad ba haka ba...”

Cikin katseta da d’an b’acin rai yace
“To na rok’eki da girman Allah ki daina yi min maganar Mammy
Ummi kina so inje In zauna Ina ganin suna fad’a kullum ita da Dad ko yaya?”

Tausayin sa ne ya fara rufeta dan haka ta k’arasa inda yake ta kamo hannunshi ta rik’e a nata tace
“Ba haka bane son, ka
fahimceni”

Kamar zai yi kuka yace
“Me kike so inyi yanzu?”

Har ta bud’e baki za tayi magana sai kuma tace
“Ba komai,
nothing”

A hankali ya zame hannunsa a cikin nata ya juya ya shige dakinsa.

Ta d’an jima a tsaye
kafin ta sauk’e ajiyar zuciya ta juya ta nufi kitchen ta fara setting dining table.

A hankali itama Huda ta mik’e ta k’arasa ta shiga tayata.

Sai da suka gama tukunna Huda ta wuce d’aki, ita kuma
Ummi ta zauna anan kan dining d’in ta rafka tagumi.

A gaban dressing mirrow ta sameshi yana taje gashinsa..
Sanye cikin pyjams dark ash da suka yi mishi kyau matuk’a!.

A hankali ta k’arasa bakin gado ta zauna ta d’auki wayarta da ta mak’ala a charge ta danna kiran Sakina
Bayan ta zare wayar a charging.

Tana d’auka tace
“Yanzu Ya Auwal ya tafi”

“Um”
Kawai Sakinar tace, a hankali.

Ajiyar zuciya Huda ta sauk’e kafin tace
“Yayi matuk’ar bani tausayi, har da kuka fa yayi.
Da kin sani baki gaya mishi yanzu ba”

Shiruu, ta ji Sakinar tayi
kafin chan tace
“Ya dameni da kira da massages!
At least yanzu zan huta
sannan i don’t want him to have any false hope.”
Cikin son kawo k’arshen maganar Auwal d’in tace
“Za ki zo goben?”

Sai da ta kalli Aslam wanda yanzun yake zaune akan sofa yana k’ok’arin kunna computer tukunna tace
“Ya hanani”
Da d’an k’arfi ta yadda ta san zai ji.

“Ki lallab’ashi”
Shine kawai abunda Sakinar tace.
Har zata kashe wayar sai kuma tace
“Jiya su Shuraim ma sun biyo nan daga school, sun
kawo mana invitation d’in birthday d’insu
Su Mama dai ba zasu zo ba
amman ni da Sumayya za mu zo goben
In sha Allah.”

Cike da murna Huda tace “Allah ya kaimu da rai da lafiya.
Ku zo da sassafe dan Allah ayi shirye shiryen komai da ku”

Murmushi kawai Sakina tayi tace
“Ai inaga 3 hours ma kawai za mu yi, za mu zo 2 mu tafi 5 haka, ba lalle ma mu samu event d’inba kawai dai za mu zo ne
dan
naga sai wajen 10 ma tukunna za a fara, so kawai za mu d’an lek’o.”

Da sauri Huda tace
“To ku kwana mana”

Dariya Sakina tayi tace
“Bara in yi sallah. Sai anjima”
Dan so take ta kashe wayar sakamokon kanta da yake mata tsananin ciwo da kuma rud’anin da zuciyarta take ciki!
Dauriya ce kawai take yi
da har aka samu take iya yin magana.

“Okay, ki gaida Ummu da Sumayya”
Hudan tace
daga nan suka katse kiran.

Ita bata ma san Aslam ya fita ba sai da ta d’ago tukun taga ba ya nan
“Hmm, mutum sai basirar iya san’da kamar munafuki”
Ta fad’a a ranta.

Tana mik’ewa tayi haramar kimtsawa domin ta gabatar da tata sallar dan taji an shiga masallaci.

Tana idarwa ta fita da sauri ta d’ebo abinci a plate ta d’auko ruwa ta shigo har da d’an gudu dan taji kamar mutum zai fito a kitchen.

Da wuri tayi ta cinye ta sha ruwa ta yi brush, ko plate d’in bata d’auke ba ta kwanta ta k’udundune a cikin bargo!
Ala dole Ita tayi barci kenan saboda gudun kar ma wani ya shigo yace ‘taje tayi dinner’
Saboda ita har ga Allah kunyar had’uwa da Arshaad take yi
after what he saw daga zuwanshi gidan
bata jin zata iya sakewar had’a ido dashi balle zama waje d’aya.

Kusan kamar 40 minutes wayarta ta fara k’ara!
Dan haka ta tashi ta d’auka, tana ganin sunan Abba ta d’auka da wuri cike da zumud’i
tace “Abba,
Ina wuni,
kun taho ko?”

Murmushi yayi yace
“A’a tukunna, yanzu dai muke shirin isa airport.
Gobe around 7:00am in sha Allah za mu k’araso saboda muna da transit”

“Okay, Allah ya kawoku lafiya”

Murmushi yayi yace “Ameen princess, Ina Aslam?”

Sai da ta d’anyi shiruu, tukunna tace
“Yana waje, suna dinner”

Da sauri yace “ke fa?”
A hankali tace “yanzu na gama a d’aki”

Zai yi magana ya ji tace
“Ya Arshaad ma ya dawo.”

Shiruuuu, taji Abban yayi
kafin yace
“Okay,
sai mun k’araso goben in sha Allah”

A hankali tace
“Safe fligh Abba”

Murmushi yayi yace
“Thank you princess”
Daga nan suka katse wayar,
tana shirin ajjiyewa
Aslam ya shigo!
Hannunsa rik’e da plate a
da ruwa. Ta ji shigowar tasa amman bata d’ago ba, har ya tako ya zo inda take ya zauna a gefen gadon kusa da ita.

Sai a sannan ta d’ago tana kallonsa da plate dinsa..
a ranta tace “shima a nan zai ci abincin yau ko me?”

A hankali taji yace
“Kin ci abinci kena?”

D’agowa tayi tana kallonshi
taga yana kallon plate d’in gefenta wanda ta ajjiye akan side drawer.
A hankali ta d’aga masa kai alamar ‘eh’.

Shiruuu, suka yi chan taji yace
“Ya za muyi da wannan??”

D’agowa tayi taga shima itan yake kallo!
Da sauri ta sunkuyar da kai dan yau wani kalar kallo taga yana yi mata wanda ya sanya kwata kwata bata son had’a ido da shi.

Shirun ne ya sake biyowa baya
kafin ta ji ya bud’e plate d’in da ya rufa a kan na abincin ya fara tab’a spoon d’in….
Bata gama tunanin me yake yi ba taji yace
“Haa”
Tana juyowa taga ya d’ebo fride rice d’in wadda taji hanta
ya kawo kusa da fuskarta.
Sai da ta sauk’e ajiyar zuciya sannan ta kawar da kai tace
“Na k’oshi”
Ji tayi kawai ya kamo hannunta ya d’an matse a cikin nasa a hankali ya sake cewa
“Haa”
Yana sake matso da cokalin.

“Ya subahanallah!
Wannan wanne irin mutum ne?”
Ta yiwa kanta tambayar a cikin ranta.
Ji tayi ya murza tafin hannunta da nashi hannun still a hankali taji ya sake cewa
“Haa”
Da sauri ta juyo ta bud’e bakin ta lumshe idanunta numfashinta na fita da sauri sauri.

Murmushi yayi ya saka mata cokalin a baki ita kuma ta karb’a ya juye mata
tukunna ya zare.

A hankali ta shiga taunawa,
har yanzu idanuwanta a lumshe suke.

Kamar wanda ya samu tv haka ya nutsa ya maida hankalinsa wajen k’arewa kyakkyawar fuskarta kallo.

Sai da ya ga ta had’iye tukunna ya mayar da cokalin ya fara k’ok’arin d’ebo wani,
da sauri ta d’aura hannunta a kan nasa ba tare
da tayi laakari ba, tace
“Nafa ci abinci
Mai yawa.
Please Ya Aslam kar in yi amai”
Sannan ta fara k’ok’arin bud’e kyawawan idanuwanta da suka taru da kwallah.

Tana gama bud’ewa taga ya ajjiye spoon d’in ya na k’ok’arin bud’e robar ruwa…
Ba yadda ta iya haka ta yarda ya bata a baki ta sha tukunna
ya mik’e ya d’auke plate d’in da ta ajjiye a kan side drawer ya had’a da wanda ya shigo da su ya fitar.

A yadda ya fita ya barta a haka ya dawo ya sameta, bai kalletaba bai ce mata komai ba ya nemi waje ya zauna ya ci gaba da aikin da yake yi d’azun kafin ya fita sallah.

Ya d’an jima yana aikin, kafin yaga ta taso ta k’araso ta zo inda yake. A hankali ta zauna a gefensa tace
“Ya Aslam”

“Um, Anty Huda”
Ya ce ba tare da ya kalleta ba, yana mai ci gaba da typing d’in da yake yi.

Ajiyar zuciya ta sauk’e kafin tace “zan je dan Allah,
goben.”

“No”
Yace, still bai kalleta.

Turo baki tayi kafin tace
“Na dawo fa d’akin”

This time around dariya yayi
kafin ya rufe computer gaba d’aya sannan ya juyo gareta yace
“Ki yi hak’uri, baza ki je ba.”

Kamar da wasa kawai sai yaga ta fashe ta kuka!

Ajiyar zuciya ya sauk’e kafin ya matso ya kama hannunta yace
“Mama ce tace kar a barki ki sake fita sai nan da wata d’aya. Idan kina son fita ki kira Hajiya Shuwa idan ta barki sai ki je.”

Da mamamki take kallonsa tana rage sauti da yawan kukan nata. Jinjina mata kai yayi alamar tabbatarwa.

A hankali ta shiga share hawayenta tana sauk’e ajiyar zuciya a hankali.

“Yanzu zaki kuma yin wani yajin kenan?
Tunda dai kinga ba damar fita gobe
Ba ni zan barki ba Hajiya da Mama ne”

A hankali ta girgiza kanta tace
“Ka yi hak’uri, a kan
abinda nayi”

Murmushi yayi yace
“Ai kuwa na hak’ura!
Tunda har kwalliya da turaren wuta aka saka duk dan saboda ni. Ko ba dan ni akayi ba??”

Murmushi kawai tayi ta sake sunkuyar da kanta k’asa.

A hankali yana kallonta kafin yace
“Je ki kwanta.
Gobe tashin asuba ne, ko?”

Ba tare da ta d’ago ba tace
“Kaje ka kwanta kai,
ni a nan zan kwana.
Da bananan ai a gadon kake kwana.”

Sai da yad’an k’ura mata ido tukunna yace
“A nan d’in nake kwana..
Har gyara miki gadon nake yi kullum thinking you will come back
A haka bacci yake d’ibana kullum.”

Shiruuu suka yi duk su biyun kafin yaji tace
“Ka fini tsayi,
ina gani kullum kujerar bata isar ka, ka je ka kwanta don’t be stubborn”

Dariya taji yayi
kafin yace
“In da acting stubborn nake miki yanzu ai da na san tuni kin fita a d’akin nan da gudu”

Bata fahimci kan zancen nashi
ba dan haka kawai ta basar da zance ta sake cewa
“Ya Aslam barci nake ji,
ka je ka kwanta.”

A hankali yan kallonta yace
“Are you sure?
In je in kwanta ba damuwa?”

Da sauri ta d’ago ta d’aga mishi kai sannan tace
“Sai ka fi sakewa achan da kyau”

Ajiyar zuciya ya sauk’e kafin yace
“Thank you Hudatie”

Haka kurum ta tsinci kanta da murmushi dan ba kad’an ba sunan ya yi mata dad’i matuk’a.

Murmushi shima yayi kafin ya mik’e ya fara d’ibar throw pillows d’in kan sofar..
Iya yadda hannunshi zai iya d’iba ya kwasa ya nufi gadon.
A ranta tace
“Ikon Allah!
Neman magana yake yi wannan ko mee?
Bayan pillows d’in da suke kan gadon wajen guda 4 masu laushi mai kuma zai yi da throw pillows??”
Tunaninta ne ya katse
ganin yana jera throw pillows d’in yana raba gadon gida biyu da su.
Tuni! Kwakwalwarta ta bata me yake shirin yi dan haka tana gani ya gama ya tunkaro ta ta mik’e ta fara magana ba tare da ta kallesa ba
“Ai ni nace maka anan zan kwanta Allah kar ma kayi tunanin haka!
Idan kuma neman maganata za ka yi to wallahi zance na fasa sai da ka dawo ka cigaba da kwana a sofa kuma ko zanga k’afafuwanka suna lankwashewa kana tafiya da kyar ba zan sake y......”
Dip! Maganarta ta d’auke sakamokon d’aukarta da yayi tashi d’aya in a bridal style……

Ba tare da ya kalletaba ya fara tafiya da ita towards the bed.

Tsoro da mamaki da kuma yanayin da ta tsinci kanta a ciki ne suka sanya ta kasa magana ko yunk’urin zamewa..
In banda kallon gefen fuskarsa ba abunda take yi har ya isa bakin gadon ya sunkuya ya kwantar da ita rigingine a kan gadon ya d’aura mata kanta a kan pillow ya zame hannuwansa. Ba tare da ya d’ago daga sunkuyon da yayi a kanta ba fuskarsa dan da tata ya d’ago da idanuwanshi ya sanya su cikin nata
a hankali yace
“Sleep here.
Dan Allah”
Sannan ya mik’e tsaye ya zagaya d’ayan side d’in ya kwanta.

Sai a lokacin ta samu ta sauk’e wata siririyar ajiyar zuciya mai vibration kamar mai jin sanyi.

A hankali taji yace
“Ki yi addua, good night”............

Ita dai Hudan a yadda ya barta nan rigingine tana kallon sama
a haka
ta farka ta ganta lullub’e da bargo, daga cikinta zuwa k’asa..ba ta san lokacin da barci ya kwasheta ba.
Ko ba a fad’a mata ba ta san Aslam d’in ne ya lullub’eta.
Kiran sallar da ta ji ne ya sanya ta fahimci tabbas yau ta d’an makara dan kamar ma har an shiga masallaci, ta ji.
Addua ta yi tukunnan ta d’an juya ta kalli side d’in da ya kwanta. Ga mamakinta sai ta gansa kwance a kan gefen damanshi yana facing d’inta..
Bacci yake yi peacefully kamar kuma da murmushi a kan fuskarsa. Kamar yadda ya rufe mata rabin jikinta haka nan shima ya rufu da bargon.

Jin an tada ik’ama yasa ta d’an matsa kusa da shi ta fara kiran sunanshi…

A hankali yake bud’e idanuwansa, kafin ya k’arasa bud’e su tarr a kan fuskarta!
Murmushi ya sakar mata
a hankali taji yace
“Lucky Morning”

Shiru tayi taana kallonshi
shima itan yake kallo
chan ta d’auke idonta da sauri tace
“Zaka makara fa,
har an shiga sallah.”
Da sauri ya mik’e ya d’an dafe kansa yana mutstsika idonshi kafin ya sauk’a akan gadon ya fad’a toilet.

Ko da yaje har an tafi ruku’u
dan haka raka‘a d’aya ya samu.
Haka nan suka dawo tare da su Shuraim da Arshaad
Sudais yana cewa Arshaad
“Ya kamata ya yiwa Ya Aslam bulalar makara
sallar asuba yau”

Murmushi kawai Arshaad d’in yayi ba tare da yace musu komai ba ya wuce d’akinsa.

A shirye ya tarar da Huda,
suna gaisawa ta
fice zuwa kitchen don had’awa Abba abunda ta san yafi so.
A kitchen d’in ta tarar da Ummi don haka suka taru suka had’a masa lafiyayeyyen breakfast..

6:30am,
Aslam ya fice tare da Sudais suka tafi d’auko su bayan shi da Hudan sun yi wishing d’insu ‘Happy birthday’ sun basu gifts d’insu shi da Shuraim.

Kafin 8:00am suka dawo,
Daddy direct side d’insa ya wuce Abba ma suka nufi side d’inshi shi da su Aslam.

Da gudu Hudan taje ta yi hugging d’inshi tana murna
haka ma Shuraim, daga nan
aka shiga gaggaisawa.

Ummi, ba kad’an ba tayi matuk’ar jin dad’in yadda Abba ya yi mata faram faram!
Dan haka ta samu kwarin guiwa ta hau gabatar masa da abinci kala kala ita da
Hudan.
Cike da farin ciki yake karb’a yana ci dan Huda da Shuraim da Sudais ke bashi a baki one by one duk da Sudais yana ta yi musu kwange…..
A haka suka ciyar da Mahaifin nasu cike da tsananin so da k’aunar juna.
Sai da ya k’oshi aka tattare wajen ya fara shirin mik’ewa
tukunna Arshaad ya fito.

Cike da kulawa Abba yayi welcoming d’insa daga nan
ya wuce sama bayan ya bawa Ummi briefcase d’insa yace ta kai masa dakinsa Shuraim kuma ya ja masa trolley d’inshi.

Bai tarar da Shuraim a d’akin ba, sai Ummi ita kad’ai ya tarar ta juya baya tana k’ara turaren wutan da ta saka tana d’an fifitawa…

D’akin ya sha gyara ba kad’an ba gwanin sha’awa.
A hankali ya k’arasa inda take tsaye yayi hugging d’inta ta baya.

A mugun zabure ta juyo dan sam! Ko da wasa bata yi expecting haka daga Abban ba.

D’an guntun murmushi ta gani kwance a kan fuskarsa, a hankali yace
“Ko ba a shirya yi min wannan tarbar ba?”

Ummi bata san lokacin da ta fashe da wani kuka ba, ta fad’a jikinsa cikin kukan tace
“Abba ka yafe min dan Allah
kayi hak’uri ka yafe min”

Hugging d’inta yayi a hankali dede setin kunnenta yace
“Shiii, komai ya wuce.
Ki manta da komai!
Just think about me”.
....……..
Ana cewa mutum yana kasa dai na murmushi bata tab’a yarda ba sai yau da ta faru a kanta.
Shi kanshi Abban ya lura da tsananin farin cikin da take ciki!
Yaso ya gaya mata cewa Maryam ce ta rok’esa akan ‘ya yafe mata ya zauna cikin kulawa da ita’ dan shi bai iya kwana kwana ko b’oye b’oye ba amman yadda ya ganta cikin tsananin farin ciki ne ya sa ya fasa gaya mata
ya kuma yi alk’awarin rufe maganar tsakaninshi daga shi sai Maryam d’in.
Tabbas shima yana cikin farin ciki ba kad’an ba
dan yanzu Maryam ta kan kulashi, jiya har Friday massage ta mayar masa
bayan tayi mishi replying nashi message d’in da ‘Ameen, jazakallahu khairan’……
A hankali ya lumshe idanuwansa yana adduar ‘Ubangiji ya sake mallaka masa ita a karo na biyu’.

Har Ummi ta gama drying gashinta ta fita dan ana buk’atar ta urgent a k’asa
bai saniba
Sai da ya tashi shiga toilet tukunna ya lura bata nan....

Shirye shiryen birthday ake yi na y’an gata!
Gaba d’aya compund na mansion d’in ake decorating, an kwashe motocin duk an fitar wasu kuma an kaisu baya.

Hudan bata tashi sanin abun na gaske bane sai da taga ana rubuta ‘Happy birthday Sudais&Shuraim’ da grass carpet tun daga farkon mansion d’in har wajen k’ofofin shiga mansion d’in
sannan ta sama ma fitilun da ake decorating da su sunan su ne aka rubuta
‘Happy birthday
Shuraim and Sudais’

Gurin zaman su ma ya sha decoration ba a magana
ga cake d’insu anata jerawa
guda biyu iri d’aya each one ya kai kusan hawa biyar.

Compound d’in kuma inda guests za su zauna
kujeru ne guda biyu da table a tsakiya shima ya sha decoration
Irin haka wajen guda 70 a daban daban.

Abinci kuwa sai shigowa ake yi da su kula kula
drinks da ruwa ma ba a magana cupcakes desert soaked cakes abun dai sai wanda ya gani.

Tun 3:00pm
Aka fara kawo Yara,
friends d’insu maza da mata
y’ay’an masu kud’i
masu fad’a a ji, daga
yanayin motocin da drebobin da suke kawo Yaran za ka gane abun na manya ne.

K’awar Ummi d’aya ce tak! Ta zo. Dan mutum d’aya kawai ta yi inviting saboda
yawancin k’awayenta ta lura a yanzu halayyarsu ba d’aya ba
so
ta san tasu ba zata ci gaba da zuwa d’aya ba.
Mammy kam kaff sister’s d’inta sai da suka zo tare da y’ay’ansu, Mom itama tayi gayyata sosai
amman kuma tunda suka zo ko Ummin ba su lek’awaba sun mak’ale a side d’in Mom wadda suka ja gefe Ita da Mammy sunata k’usk’us! Daga ganin fuskar Mammy ka san ba alkhairi
dan ko kallon mutum ma da kyar take iya yi
In banda cika da batsewa ba abunda take yi...........

Har aka kira isha su Sakina basu zo ba gashi sai kiran su take yi basa d’auka!
Haka nan ta mik’e tanata k’unci ta gabatar da sallar isha ta mik’e ta fad’a toilet.

Fitowarta a toilet kenan
sanye cikin bathrobe gashin kanta wanda ta wanke kuma ta nad’e da towel..
Kusan tare suka bud’e k’ofa suka shigo cikin d’akin ita da Aslam wanda ya shigo rik’e da wani k’aton box!
Had’a ido suka yi dan haka ta sunkuyar da kanta k’asa tana gyara zaman bathrobe d’in jikinta.
A hankali ya tako yazo inda take nan tsaye tak’i gaba tak’i baya, yace
“Mu je ki shirya”
Da sauri ta d’ago tana kallonshi kafin tayi k’asa da kanta tace
“To ka fita mana”

Dariya yayi ya juya ya ajjiye kwalin a kan dressing mirrow ya kwashi kayanshi da zai saka yace
“Ki jirani i have a gift for you, kar ki fita please”

Ajiyar zuciya ta sauk’e a hankali tana kallonshi ya zo ya wuce ya shige toilet d’in.

A hankali ta sunkuya ta bud’e wardrobe ta jawo akwatinta ta d’auki mai ta shafa ta mayar ta day inner wears d’inta ta saka
ta maida bathrobe d’in
sannan ta d’au turaren jiki da misk ta shafa.
Powder eye liner da mascara ta fitar ta ajjiye a gefe
sannan ta fidda wata doguwar riga b’aka da mayafinta.
Sai a lokacin ta lura bata da takalmin da zata saka sai dai tayi using wanda take yawo da shi a cikin gida saboda
duk takalmanta na lefe da wanda take da su gaba d’aya suna gidan Ya Arshaad.
Shiruu, ta yi ta shiga tunani…..

A hankali taji ya bud’e k’ofa ya fito dan haka ta d’aga kai tana kallonsa…
Ba yau ta fara ganinshi da suite ba amman ta yau special ce dukda bai d’aura suite d’inba amman kyawunshi ba k’aramin fitowa ya sake yi ba!
Wandon dogo ne Baki
kamar pencil wanda ya yiwa dogayen k’afafuwansa tsananin kyau!
Rigar kuwa longsleeve ce itama baka yayi tucking cikin wandon.

“Na yi kyau har haka ne?”
Taji muryarsa ba
tare da ya kalletaba.

Da sauri ta sauk’e idanunta k’asa, ta shiga kiciniyar mik’ewa sai dai kuma har ya k’araso yazo ya tsaya a wajen bata mik’e d’inba!

Murmushi kawai yayi ya bud’e wardrobe wajen kayansa ya d’auki agogo da belt sannan ya zaro suite d’in da zai d’aura akai da necktie ya wuce gaban mudubi.
Sai a lokacin ta samu damar d’aukar y’ar mitsitsiyar hair dryer d’in da take buk’ata ta mik’e ta nufi bakin gado da kayan da ta ware…

Tsaff ya shirya ya shafa mai kad’an ya fesa turarurruka ya gyara gashinsa, sannan
ya d’auki kwalin ya nufi inda take zaune har yanzu ko kwance kan bata yi ba ballantana ta busar
Ita ala dole jira take sai ya fita tukunna.

Yana zuwa ya d’aura mata akan cinyarta ya nemi waje ya zauna a gefenta.

D’agowa tayi ta kallesa, da gira yayi mata alamun ta bud’e!
A hankali ta shiga warware bow d’in da yake nan a saman kwalin wanda an yi amfani da igiyar ne wajen d’aure kwalin,
tana kwancewa ta d’an d’aga ta zareshi gaba d’aya a jikin kwalin ta ajjiye
kafin ta kama gefe da gefen ta d’aga shima ta ajjiye murfin a gefe.
Bata san lokacin da tace
“woow!” Ba.
Wata had’add’iyar riga ce a ciki, duk da a nunke take ta fahimci princess gown ce dan gata a jikin wata a gefe an manna da alamun anaso masu siya su san yanda take ba tare da sun bud’e ledar sun warwaretaba.
Gefe guda kuma y’an kunne ne masu kyau da bracelet da anklet, sai takalmi shima an yi mishi gurin ajiyar sa daban mai matuk’ar kyau kalar y’an kunnen da kayan
RED!.

Chan k’asa kuma wani d’an k’aramin lipstic ne an yi rapping d’inshi da leda garai garai da alamun gift ne shi aka bayar.

Banda murmushi tana kallo tana sake kallon katon kwalin,
ba abunda take yi.

A hankali ta ji yace
“Do you like it?”
Murmushi tayi mai d’an had’e da dariya kafin ta juyo ta d’aga masa kai tace
“Yes, na gode sosai”

Kallon idanunta yake yana hango farin cikin da take ciki
a hankali ya jinjina kai ya d’an motsa bakinsa yace
“Welcome”
Sannan ya mik’e ya karb’a dryer d’in hannunta ya bud’e ya mak’ala comb d’in ya jona a socket. Har zai kunna sai kuma ya koma gaban dressing mirrow ya d’auko hair cream ya dawo. Takalmansa sau ciki ya cire ya bar iya safar ya hau kan gadon ya tsugunna ata bayanta sannan yace “ta mik’o mishi dryer”
Juyowa tayi da d’an mamaki a fuskarta kafin tace
“Me zaka yi?”
Tana d’an zaro ido.

“Bani sai ki gani, ko?”
Ya fad’i hakan yana k’ok’arin b’alle murfin hair cream d’in da ke hannunsa.
“Ko kina buk’atar cuddling ne sannan ki mik’o?”
Ya fad’i haka yana zare towel d’in da ta nad’e gashin da shi.

Tun kafin ya ida rufe bakinsa tayi sauri ta mik’a masa dryer.

Karb’a yayi yana dariya k’asa k’asa sannan ya d’an d’ebo man ya mulke mata jik’ak’k’en gashin nata da shi ya fara busarwa yana tajewa.

Hudan, ba k’aramin mamaki ta sha ba game da yadda
akai ya iya gyaran gashi dan
har wani massage yake mata da taji tana shirin fara barci.

Gyaran gashin yake yi
amman cikin nutsuwa da aji.

Kasa hak’ura tayi tace
“A ina ka koyi gyaran gashi?”

Sai da yayi murmushi tukunna yace
“Internet.
I always dreamt of making my wife’s hair..gashi
is one of the things da nayi ta adduar Allah ya sa matata ta kasance tana da shi, I love it!
Sai gashi Allah ya amsa adduar tawa.”
Ya fad’i haka yana me kashe dryer dan har ya gama.

Dariya Huda ta fara ganin yadda ya dawo gaban gadon yana haki kamar wanda yayi race.

Hararar ta yayi ya b’ata rai
tukunnan yace “ba thank you sai dariya ko?”

A hankali tace “thank you”

Sai da ya gama hutawa tukunna ya tashi ya d’auko rigar ya cire a leda ya ware ta
ya kama hannunta ya mik’ar….
Da sauri tace
“Ya Aslam kai fa kai kad’ai ka shirya”

“Bari tou In cire nima sai ki tayani, ko?”
Yayi mata tambayar yana k’ok’arin kwance belt d’in wandon jikinsa.

Da sauri ta rik’e hannunsa tana turo baki sannan ta sunkuyar da kanta k’asa…..

Zip d’in rigar har kusan chan k’asa ne dan haka ya zuge shi duka tukunna ya kawo ta wajen kanta ya zura mata sannan ya saki rigar.

Ganin yana k’ok’arin sa hannu ya kwance mata bathrobe d’in ta ciki yasa tayi sauri ta matsa ta kwance ta zame hannuwan kafin tayi k’asa da ita duka sannan ta jaa hannun rigar ta saka threequater hannun
ta fara k’ok’arin zuge zip d’in….
Ganin bazata iya ba ya sa
duk turjewarta haka ta tsaya ya ja mata…..
Kwalliyarma da kyar ya barta ta shafa powder ta saka mascara da eye liner
amman y’ankunne bracelet anklet takalmi da
red lipstic duk shine ya saka mata!
Tayi kyau kuwa sosai…,

A hankali ya ajjiye lipstic d’in yana kallonta….
Ganin kallon yayi yawa ya sa ta wuce taje ta d’au ribbom d’inta ta yi parkin, ta d’auko
wani tauban cap na chantily mai stones red ta saka
ta d’auko vail black medium ta rufa a kafad’a…….

Aslam, gaba d’aya jikinsa yayi sanyi dan Huda ba k’aramin tafiya tayi da imaninsa ba..duk
inda tayi kawai binta yake yi da idanu.

A hankali ya d’au wayarsa ya k’arasa inda take ya jaa hannunta suka nufi gaban dressing mirrow suka tsaya…
Ta tsaya a gabanshi shi kuma a baya ya rik’e waist d’inta yayi musu hoto.
Sun yi kyau kuwa ba kad’an ba
kuma sun fito sosai.

A hankali ya sauk’e ajiyar zuciya ya gyara mata mayafin nata ta hanyar maidashi saman kanta kafin yace
“Can we talk?”
ya fad’a hakan yana me juyo da ita suka yi facing juna
kafin ya d’aura hannayensa a kan kafad’unta ya fara magana
“Next week, in shaa Allah inaso mu wuce UK!
Mun riga mun gama magana da su Abba tun last 2 weeks jiya kuma har su Ummi na gayawa a wajen dinner, yanzu
ke kad’ai ya rage baki sani ba.
Za ki bini?”
Ya k’arashe maganar a hankali.

“Um um”
Tace tana mai
ja da baya ta d’an sunkuyar da kanta kafin tace
“Mai yasa za mu tafi?
Me su Ummin suka ce?”

Sai da ya lumshe idanuwanshi ya bud’e kafin yace
“Arshaad is morethan comfortable!
Infact da farko shi ne ma daa zai tafi saboda yace zaman mu under same roof ba zai yiu ba, sai da na yi masa bayani d’azu
akan
already daman akwai plan d’in tafiyar ta mu tukunna shi ya yarda zai zauna a nan.”

Sai da ta gama jin bayanin nasa tukunna tace
“Nifa ba saboda Ya Arshaad bane nace A’a ba.”

A hankali yace “mai yasa to ba zaki bini ba?”

Cikin tarar numfashinsa tace
“Ya Aslam kamata fa yayi mu yi focusing akan yadda zamu warware wannan auren!
Kar mu bawa su Abba false hope d’in wata rana za mu so juna..”
Ta k’arashe maganar tana jin wani nauyi yana sauk’a daga zuciyarta.

Janyo ta kawai taji yayi yai huggging d’inta…
Sun d’an jima a haka
kafin a hankali yace
“Za mu tafi UK next week
It’s an order”

Shiruu, tayi tana mamakin yadda k’irjinsa yake bugawa da kuma yadda gaba d’aya jikinsa yake karkarwa,
gashin sai sake rik’eta yake yi da kyau kamar wanda akace za’a kwace ta.

So take ta motsa ta gaya mishi itafa ba inda zata je amman kuma kamar wadda aka rufe waa baki, kwata kwata
sai ta kasa.

Sun jima a haka suka ji ana knocking......

Mommy, tunda tazo take baza ido, so take kawai taga ta Ina za su fito..
Duk da Aslam yana zuwa kullum wajen ta idan ya tashi a office wani lokacin ma kafin ya fita sai ya je
amman so take yi kawai ta gansu especially Hudan…
Hak’urinta ne ya k’are dan haka ta cewa Ummi “ta je ta kira mata su, da wurwuri
take son tafiya su fito su gaisa kafin ta tafi.”
Dariya Daddy yayi yace
“A’a Mommy ki dai fad’i gaskiya…y’ay’anki kawai kike son gani.
Tun d’azu fa nake ganin ki kinata zullo kina lek’en ta Ina za su fito”
Ai kuwa gaba d’aya aka saka dariya
banda Mammy da Mom
Arshaad kam murmushi kawai yayi.

Mik’ewa Ummi tayi zata wuce
dai dai nan su Shuraim suka sauk’o…
Suite d’insu milk masu asalin tsada sai belt da takalmi brown. Ba k’aramin kyau suka yi ba.
Wajenta suka fara zuwa suka yi hugging d’inta!
Bata san daliliba kawai sai taji hawaye ya zubo mata. A hankali ta
dafa kawunan su ta ce “Allah ya yi muku albarka”
Daga nan tayi saurin wucewa dan bataso tayi kuka.

Nan suka k’arasa inda Dad Mommy Abba Arshaad Mammy Mom da Daddy suke..
Aka fara hotuna bayan an yi wishing d’insu Happy Birthday kowa ya basu gifts d’in da ya shirya musu.

Knocking kawai Ummi tayi ta juya dan ta raba kanta da shiga d’akinsu Aslam ita kam......

Bata yi minti d’aya da zama ba suka fito..
Kowa a parlourn zuba musu ido kawai yayi, ba
k’aramin kyau da dacewa da juna suka yi ba.
Kallo d’aya Arshaad yayi musu ya d’auke kai da sauri
Mammy kam tana ganin fitowarsu ta juya kan ma gaba d’aya ta sake tamke fuska.

Ba yadda Hudan bata yi da shi akan ya saki mata hannu ba
amman fur!! Ya k’i.
Haka nan duk sai taji kunya ta lullub’eta especially da suka had’a ido da Mommy wadda take ta zuba murmushi kamar an mata albishir da gidan aljannah…
Suna k’arasowa ta mik’e ta kamo hannun Hudan
ta fara k’ok’arin janta dan ta zaunar da ita a gefenta.

D’agowa tayi suka had’a ido da Aslam! Sai da ta d’anyi dariya tukunna tace
“Cikata mana, ko?”

Shima kuma sai yaji kunyar Abba da su Dad ta rufeshi dan haka a hankali ya cikata ta zaunar da ita itama ta zauna Aslam ya zauna a gefnta
Tun kafin ta fad’a Shuraim ya shiga yi musu hotuna…
Abba da Dadddy da Dad ma suka shiga, haka ma Ummi.
Ranar dai anshan hotuna kala kala bibbiyu uku uku,
daga nan su Shuraim suka fita saboda friends d’insu duk suna waje.

Sai wajen 9 su Sakina suka zo, murna a wajen Hudan ba a magana.
Suna gama gaisawa da su Abba suka fita compound suka nemi waje suka zauna.
Basu dad’e da zama ba
aka fara gudanar da program of event.

Suna cikin hira su biyu
dan Sumayya har ta yi k’awa wata Khairat sun ja gefe anata iyayi da manyance, suka ji
an jawo kujera an jona da table d’insu an zauna a gefen su.
Tana d’agowa suka had’a ido
a take gabanta yayi wani irin mahaukacin fad’uwa!
So take ta cire idanunta a nashi amman ta kasa…..

“You came.”
Yace
yana mai kallon cikin idonta.

A hankali tace
“Yes”
Sai kuma ta mik’e da sauri tace
“Hudan muje ki rakani bathroom”
Tana mik’ewa ta yi gaba…..

Da sauri ya kalli Hudan yace mata
“A minute please”
Sannan ya mik’e ya bi bayan Sakina wadda tayi hanyar falon su Hudan da sauri.

Kwarewa Mammy ta yi, da sauri ta kamo hannun
Mom! Tana juyowa ta nuna mata su, tace
“Kinga
Auwal da Cousin d’in Huda wadda suka zo d’azu
Hudan take ta murna d’innan.”

Babu abunda yafi d’aga musu hankali irin yadda Auwal yake kiranta yana d’an gudu
amman ko alamun zata juyo ma bata yi ba...

Tana shiga shima yana shiga!
Sai a lokacin ta lura da Huda bata biyo su ba. Da sauri ta had’e hannuwanta biyu waje guda alamun rok’o, tace
“Dan girman Allah Ya Auwal ka rabu da ni! Ka fita a harka ta.
Me kake so in yi maka?
An saka ranar aurena!
Nan da 5 month in sha Allah Ina gidan wani me kuma zaka ce min yanzun
me kake buk’ata a....”
Maganarta ce ta katse sakamokon hawayen da ta ga sun tsinke masa lokaci guda kamar fanfo sai kace wani k’aramin Yaro.

A hankali ya durk’usa a gabanta ya had’e hannuwanshi duka biyu shima, yace
“Sakina dan girman Allah
ki san yadda za kiyi da ni!
Wallahi ban san halinda nake ciki ba, ba laifina bane ba,
na san na takura ki da yawa
amman ba laifina bane ya kamata ki gane.
Ya kike so in yi?
Wallahi na yi na yi In cire ki a raina amman kullum sonki da k’aunarki k’aruwa kawai suke yi!
Ki taimaka kar ki auri wani
wallahi zan iya mutuwa.

Na ji zan baki time zan baki space amman kar ki auri wani na dan girman Allah.
Sannan ki san yadda za kiyi da ni, ki yi min abunda zan ji kin fita a raina. In kikayi min haka kin gama min komai.

Na san ba a neman aure cikin aure amman na kasa hak’ura da ke! Ba zan iya ba ki san yadda za ki yi dani dan Allah.

I know I’m not making any sense here
I can’t loose you
kuma tunda kince bakya so na
i can’t force you to love me
so I can’t love you
saboda ni
happiness d’inki shine abunda nake so
amman fa kar ki ce za ki auri wani.
Wallahi rabona da bacci tun shekaran jiya!
Inaga haukacewa zan yi, bana gane komai bana gane kowa sai ke!
Ki fita a raina sai in barki
Ki fita a zuciyata sai in...........”
Kukan da ya taho mishi fiye da na farkon da yake yi ne ya sanya ya kasa ci gaba da magana.

Ita kanta Sakina
kukan da take ta k’ok’arin rik’ewa ne ya samu nasarar kufce mata.

“Innalillahi wa innailaihirrajiun!!”
Suka ji muryar Mom da Mammy a bayansu har da wata k’awar su,
suna salati suna tafi.

Da sauri Sakina ta share hawayenta ta d’an matsa
saboda Auwal d’in ya tashi ya basu damar shigowa
amman ko gezau bai yi ba.

Wani kallon tsana Mom take watsa mata, kafin cikin tsananin b’acin rai tace
“Yanzu ku jinin Madu ashe ba zaku tab’a jin tsoron Allah ba?
A haka za ku k’are?
Wato Maryam ta yi
shine kema zaki biyo ki haukatamin d’a??
To billahilazim na fi k’arfinki!
Duk surk’ullen da kika je kika yi ki koma ki je ki wargaza tun kafin In tashi biyowa ta kanki!.

Saboda Allah Mammy ku kalli yadda Yarinyar nan ta maida Auwal! Auwal fa!!!
Wai yau shine a gaban mace yake kuka haka wiwi da hawaye kamar wani sakare?

Wallahi Allah sai yayi mana hisabi da mu da family d’in Madu ranar gobe k’iyama.
Wanne irin jarababben abu ne yake yawo a jininku sai kace mayu?”
Tayi maganar tana kallon Sakina cikeda tsana
wadda itanma ta zuba mata nata dara daran idanuwan da suka rine sukai jaa.

Za tayi magana kenan Auwal ya mik’e da kyar ya juya gareta yace
“Haba Mom,
abubuwan da suke kai na already sun yi yawa
Dan Allah kar ki zo kiyi haka
kar ki saka ta k’ini completely!
Ki koma waje dan girman Allah
Magana muke yi, maganar da ta shafemu iya mu biyu tak!
Ba wanda ya gayyotoki ke da k’awayen ki nan”
Ya k’arashe maganar tari yana kufce masa…”

A rikice tace
“Auwal na rantse da Allah zan yi maka abunda baka tab’a zato ba!
Karankatakaf fad’in duniya ace ka rasa macen da za ka so sai jinin Maryam Jikar Madu da Shuwa?
Kasan su waye su kuwa?”

Kuka kawai Sakina ta saka
ta fara ja da baya…
Da sauri Auwal ya juya ya fara binta yana magana yana tari
“Ki tsaya..
Don’t mind her..
let’s talk..
Dan Allah..

Sai a sannan Mom ta samu damar shigowa ita da su Mammy.
Kamar ma tangad’i Auwal d’in yake yi dan haka suka samu suka wuceshi suka yi kan Sakina!

Mom tana zuwa, ta shak’ota tace
“You must mind me!
In dai kina da hankali kuma kin san darajar uwa a wajen d’anta
to ki sani ba zan tab’a barin Auwal ya aurenki ba wallahi!
Dan haka ki hak’ura.

Ina fatan Huda ta zame miki lesson a rayuwa…..amma idan
mahaukaciya ce ke to ki so Auwal ki aureshi dan Allah, wallahi nayi miki alk’awarin sai na lahira ya fiki kwanciyar hankali”
Tana gama fad’in haka tayi cilli da ita wanda har ya kaita ga kaiwa k’asa.

Kasa motsi Auwal yayi dan zuwa yanzu ya fara ganin dishi dishi, tabbas ya san halaiyyarsa da kuma Granpa su suka hana Sakina yarda ta auresa amma ya san tana sonshi wanda hakan ne ma yasa ta sanya aka kawo kud’in aurenta da wuri!
Duk ya fahimci hakan.
Yanzu kuma ga Mom!
Ya tabbatar ta gama wargaza masa d’an
guntun chance d’in da yake hangowa….
Duk da baya ganinta amman yana iya jiyo setin inda take kuka, dan haka ya fara yunk’urin d’aga k’afarsa domin ya k’arasa wajenta.
Yana motsawa kuwa kamar jira ake jiri yace bismillah!
Gaba d’aya ganinshi ya d’auke in banda duhu babu abunda yake gani, ga wani mahaukacin juyawa da kanshi yake yi……
Da sauri yasa hannu ya dafe kan nashi yace “wash!!”
Da d’an k’arfi.
Sai a lokacin hankalin Mom
da Mammy da k’awar tasu waenda suka k’arasa suka cigaba da tsigale Sakina suna kiranta da ‘talaka, kwadayayyiya’ Ya koma kan Auwal.

Da sauri Mom ta nufesa ganin yana shirin zubewa k’asa
amman kafin ta k’arasa har ya fad’i k’asa sumamme..

Dede nan su Daddy Abba da Ummi suka shigo
dan dama Ummi kamar ta d’an jiyo hayaniya sama sama…

Ba karamin tsorata Mom tayi ba ganin Auwal a k’asa kamar matacce.

A haukace ta juya ta koma kan Sakina da take nan durk’ushe tana kuka, ta sake shak’ota ta mik’ar tsaye ta hau magana kamar tab’b’abb’iya
“Waenna irin mutane ne ku?
Baku da tausayi ne?
Dolene sai an so ku?
Wallahi na rantse da Allah ko a Birnin sin kika yi mishi asiri yau sai mun je yanzu ba sai gobe ba kin warware shi.”
Ta fad’i haka tana k’ok’arin fara janta.

Sakina kam banda tari ba abunda take yi gaba d’aya ta fice a haiyyacinta dan ba k’aramar shak’a Mom tayi mata ba.

“Adama!!!!”
Suka ji muryar Dad cikin tsawa a bayansu.

Juyawa Mammy da k’awar tasu suka yi ita kuma Mom ta cika wuyan Sakina ta durk’ushe a wajen ta fashe da kuka.

Dede nan Aslam da Huda suka shigo!
Da gudu Hudan ta k’arasa inda Sakina take…

Cikin tsananin b’acin rai Daddy ya k’arasa inda suke ya d’agota ya fara magana
“Baki da hankali ne?
Me yake damunki?
Wachche irin kwakwalwa ce da ku ne wai?
She’s our guest for crying out loud!!
Ga babanta chan a waje ya dawo d’aukar su
a haka kikeso a fitar mishi da ita ko yaya?”

Cikin kuka Mom tace
Kallafa Auwal”
Ta nuna masa Auwal
wanda Abba da Aslam suka ciccib’a za su fitar,
cikin kukan taci gaba da magana
“Asiri tayi mishi
Irin wanda Maryam ta yiwa Abba bani da tantama!
Daddy a k’asa fa nazo na tarar da Auwal durk’ushe gaban wannan k’ask’antacciyar yana rok’onta ta soshi ta aureshi yana kuka kamar k’aramin Yaro
In ba aikin asiri ba tayaya zaka yi tunanin Auwal zai so wannan k’ask’antacciyar?”
Tayi maganar tana nuna Sakina a wulak’ance.

“Tayaya aka yi na so ki har
na aureki?”
Muryar Daddy ta katse mata maganar da ta yunk’uro za ta ci gaba.
Da sauri ta juyo tana kallonshi cike da shock!

Cikin tsanannin b’acin rai yace
“Adama na gaji na gaji da rashin tunanin ki da shirmen ki da son zuciyarki!
Na gaji wallahi..
Tsabar idonki ya rufe daga ganin gaskiya
you don’t even realize the fact that Auwal ya nutsu tunda ya had’u da Yarinyar nan.
Kar ki bari In chanza miki wallahi ba zaki ji dad’ina ba dan kin kaini bango!.”
Ya k’arashe maganar cikin tsananin fushi.

Dede nan Aslam wanda ya dawo daga kai Auwal ya dafa Daddy yace
“Daddy dan Allah ka yi hak’uri.”

A hankali Arshaad wanda ya shigo yanzun
shima ya k’araso inda suke yace
“Akwai mutane a gidan Daddy,
Abba kai yake jira ku kai Auwal asibiti suna mota.”

Kallon Mom yayi wadda ta k’ame tun lokacin da ya fara magana..
Kamar zai ce mata wani abun sai kuma kawai yayi tsaki ya juya ya fita ranshi a mugun b’ace.

Yana fita Mammy ta k’araso ta dafa ta tace
“Zo mu je”
Daga nan ta ja hannunta suka nufi wani d’akin a nan k’asan ita da k’awarta..
Suna shiga kamar jira Mom take ta fashe da kuka tace
“Akan Yarinyar chan Daddy ya gaya min wannan maganar??
Waenna irin mutanene su Maryam wai ni Adama…”

Cikin katseta Mammy tace
“Saboda haka baki ga ta zama ba!
Ko kuma ince ba muga ta zama ba har sai mun cire ta a zuciyar auwal!.
Sannan akwai wani abunda ya faru na tashin hankali d’azun nan nima na gani
amman kar ki damu dama na gama tsara mana mafita tun kafin in zo
Sannan itama wannan sai mun yi da gaske tukunna zamu cireta a rayuwar Auwal.

Da sauri Mom tace
“Kina ganin ciretan zai yiu?
Kina gani fa Arshaad bake kad’ai ba har ni d’innan gaba yake yi da ni.
In ba asirin aka karya ba ba zamu samu sukuni ba.”

Ajiyar zuciya Mammy ta sauk’e kafin tace
“Adama Allah ya jefomu cikin wasu kalar family masu zuciya mai naci dan haka sai mun yi
da gaske saboda su na fahimci
weakness d’insu mace ce!
Ki duba kiga har shi kanshi Granpa d’in
duk abun shi kina ga yana yiwa matarsa?”

Cikin kuka Mom tace
“Kullum addua ta d’aya kar Auwal ya fad’a kaidin mace kamar iyayensa
sai gashi rana d’aya ya fad’a, ni Adama ya zan yi?
Shi kad’ai gareni!
Ita kad’ai fa yake gani
ko maida hankali kwana biyun nan na lura ba yayi akan aiki
ashe ita ce sila!
Kiji Daddy tsabar rashin sanin ciwon kai wai har da ik’irarin Auwal ya nutsu! Shi a ganinshi nutsuwa ce wannan
an haukatamin kwakwalwar d’a amma shi yana ik’irarin ya nutsu…”
Ta k’arashe maganar tana durk’ushewa a wajen.

A hankali Mammy ta k’arasa ta hau lalalshinta, sai da
taga tayi shiru tukunna ta matsar da bakinta dede kunnenta ta shiga rad’a mata waensu maganganu.

Aslam da Hudan ne suka raka su Sakina har bakin mota
bayan sun lallasheta ta yi shiru da kyar!
Har da Arshaad.
Sanann suka tsaya suka kira Sumayya a wajen k’awarta suka wuce tare.

Hudan maganganu ne fal a ranta take so tayi da Sakina
amman ganin halin da take ciki kawai yasa suka yi musu godiya ta bari akan In komai ya lafa za suyi chatting.

A parlourn suka tarar da Mom Mommy da Mammy da Ummi
Dad ya had’asu gaba d’aya da alamun fad’a yake yi musu.

Suna shiga
Aslam ya cewa Hudan “taje ta had’o masa Coffee mai zafi please”
Daga nan ya wuce ciki bayan ta amsa masa da “to” ita kuma
ta nufi kitchen d’in direct.

Arshaad ma ya wuce d’akinsa.

Arshaad yana shiga d’akinsa Mammy ta mik’e ta nufi d’akin
dan they have to talk, ta lura in ta biye shi gaba zai yi da ita.
D’azu sau biyu tana zuwa d’akin nasa bata sameshi ba.

Tana shiga su Dad suka gama zaman nasu suma aka mik’e kowa ya kama gabansa.

Ta gama had’awa kenan ta d’auko flask za ta juye wayarta ta fara k’ara!
Tana dubawa taga sunan Sakina dan haka tayi saurin amsawa ta kara a kunnenta.
Ko sallamarta Sakinar bata amsa ba tace
“Hudan d’anyi sauri ki fito kinga akwai sak’on da zan baki ashe na manta.”

“Ok”
Hudan tace sannan ta kashe wayar ta ajjiye flask d’in ta rufe had’in nata ta fita.

Tana fita wani mutum ko wata mata ta/ya shigo ta k’ofar baya sanye cikin bak’ak’en kaya kamar irin na leda d’innan na tare ruwa an rufa har hular saman fuska.
Ta chan ciki a fuskar da mask bak’ik’irin, baka ganin komai hatta idanuwan a rufe suke da bak’in glass.
Tafin hannu da k’afa kuma duk da bak’ak’en socks…..

Wani ruwa aka zaro a cikin syring aka bud’e had’in coffe d’in da Hudan ta gama had’awa aka b’alle kan syringing kamar za a matsa sai kuma aka tsaya aka yi shiruuu!
Da alama mutumin ko matar is having second thoughts.

Ahankali aka ja wani d’an siririn tsaki aka mayar da murfin aka rufe aka ajjiye syringing a gefe kamar ana tunani…

Motsin mutum ya ji ko ta ji
dan haka aka yi saurin d’agowa ana kallon k’ofar bayan ta inda aka shigo
ai kuwa aka ci sa’ar ganin giftawar inuwar mutum!

Lalle kuwa ko waye ya gifta to ta/ya san ya ganshi ko ya ganta! Dan haka da sauri aka
bud’e k’ofar bayan aka bi Inuwar da aka gani amman ko da wasa babu alamar mutum a wajen…
Har bayan compound sai da ya/ta zazzagaya amman ba kowa.
Ya/ta dad’e a tsaye tana/yana tunani kafin chan ya/ta nufi hanyar kitchen d’in da niyyyar d’auke syringing da ta/ya manta akan kanter kitchen d’in kusa da tray da coffe d’in da ya/ta had’a.

Tana/yana zuwa tayi/yayi saurin ja da baya
sakamokon hango Huda da Ummi a cikin kitchen d’in!
Hudan tana juye coffe d’in a cikin flask Ummi kuma ga wani abu a hannunta tana sha suna d’an hira..........

BULAMA ✍️

So da Buri
Free Book
64

Mikiya Writers Association.
Da d’an saurinta ta fita ta nufi gate saboda ta ji Sakina tace mata ‘ta yi sauri’ Kuma ta ji muryarta dishi dishi
sannan kamar maa fa ba muryar Sakinar ta ji ba!

Gidan ba kowa shiruu, bak’in duk an watse kasancewar kowa da motarsa yazo wasu kuma drivers ne suka kawosu suka tsaya suka jira su
shiyasa ana gamawa kowa ya kama gabanshi.

Sai da ta kusan kaiwa gate tukunna ta danna kiran Sakina.
Bugu uku ana hud’un ta d’auka, tana d’auka Hudan tace
“In fito ko za ki shigo?”

Da mamaki Sakina ta zare wayar daga kunnenta ta kalli sunan sanann ta mayar tace
“Ki fito Ina?
Ina zan shigo?”

Turuss!
Haka Hudan taja ta tsaya
itama ta zaro wayar ta kalli sunan kafin ta mayar tace
“Sak’on fa da kika ce za ki bani?”

Cikin rashin fahimta Sakina tace
“Wanne sak’o?”

Ahankali Hudan ta sauk’e ajiyara zuciya tace
“Dan Allah Sakina bar wasa, yanzun nan ki ka kirani kika ce in fito kin manta sak’o in zo in karb’a da sauri…”

Cikin katseta a d’an firgice Sakina tace
“Hudan yi sauri ki koma gida
maza maza yanzun nan!
Inaga kidnappers ne suka yi hacking wayata
sun ga yau kuna taro.
Yi maza ki koma ciki da sauri
kar ki sake fitowa.”

Da sauri kuwa Hudan ta juya k’irjinta yana dukan uku uku!
Har da d’an gudu ta shiga had’awa da shi.

Parlourn ba kowa shiruu, nan ma duk an watse….
Haka nan ta wuce kitchen d’in jikinta yana karkarwa tana salati.

Tana shiga taga kamar an fita ta k’ofar baya!
Dan haka tsoronta ya sake nunkuwa.

A hankali ta shiga takawa tana kallon k’ofar da aka bi aka fitan dan gani take yi kamar har yanzu ana tsaye jikin k’ofar ba a matsa ba!

“Huda”
Ummi wadda ta shigo yanzu taga tana sand’a ta kira sunanta.
A mugun tsorace tace “wayyo Allah!!” Sai kuma ta juyo jikinta yana karkarwa.

Dariya Ummi tayi kafin tace
“Matsoraciya!!!
Ai kuwa gara tun wuri ki yakice wannan tsoron saboda gidan da za ku zauna a UK inaga ya kusa rabin wannan…
D’azun Dad yake gaya mana
Granpa although yana fushi da Aslam akan ki
amman ya kasa jurar fushin da yaji labarin zaku koma UK
ya bashi kyautar gida da mota a chan.

A hankali ta kalleta kamar za tayi magani sai kuma ta sunkuyar da kai kawai
kafin ta juya ta nufi inda ta ajjiye had’in coffee d’in Aslam.

Murmushi Ummi tayi,
ganin kamar Hudan bata son maganar yasa itama ta kawar da zancen ta hanyar cewa
“Yauwa coffe d’innan na biyo!
Gaba d’aya drinks d’in nasu na yau zak’iii sosai kaina har sarawa yake yi idan nayi sipping.
Allah yasa baki saka sugar da yawa a wannan ba, bana
son sake saka wani abu mai sugar sosai a baki na.”

A hankali Hudan wadda duk jikinta yayi sanyi daga fitarta zuwa yanzu tace
“Eh.
Naga kamar shima baya so sosai shiyasa dama zan
ajjiye mishi a gefen tray d’in in yana so sai ya k’ara.

Murmushi Ummi tayi sannan tace
“To za a zuba min inshaa ne
ko sai na jira an fara kai mishi ya d’iba?”
Ta k’arashe tambayar cikin sigar tsokana.

Murmushi mai had’e da y’ar dariya Hudan tayi
kafin tace
“Haba Ummi”
Tana mai juyawa ta d’auko cup mai d’an girma, ta dawo ta hau tsiyaya mata.
Sai da ta kusan cika kofin tukunna Ummin tace
“Okay tam ya isa haka na gode dota, Amaryar Aslam.”

Sunkuyar da kai Hudan tayi…Ta lura Ummi so take sai taga ta saka ta tayi walwala
shiyasa kawai ta d’an sake
suka hau hirar yadda birthday d’in ya kasance, suna hirar tana juye coffe d’in a cikin flask……..

Ummin kuwa daman hakan take so dan ita kunyar Hudan ma take ji akan abunda aka yiwa Sakina yau gashi saboda su Shuraim takanas ta zo
shiyasa ta dinga janta da wasa har sai da taga ta d’an sake
tukunna ta shirya bata hak’uri akan abunda ya farun!
A lokacin Huda har ta juye
ta had’a tray ta d’aura cup da spoon da sugar tana shirin d’auka Ummi tace
“Amm Huda
iwant to apol....”
Kamar an mak’ale ta haka maganar tata ta tsaya cak!

Da sauri Hudan ta ajjiye tray d’in ta nufeta saboda yadda tana juyawa taga Ummin ta damk’i wuyanta kamar zata shak’e kanta sannan ta runtse idanuwanta.

Da kyar Ummi ta iya cewa “ya subahanallah!”
Sai kuma ta zube a wajen ta fara tari…..

“Innalillahi wa innailaihirrajiun”
Hudan ta ambata a firgice da k’arfi!
Sakamokon ganin jini yana fitowa daga bakin Ummi wadda take nan k’asan tiles d’in kitchen d’in kwance tanata tari.

Da sauri ta durk’usa ta hau jijjigata tana “Ummi! Ummi!! Ummiii!!!
Abbaaa! ya Aslam!
Ya Arshaad!
Ummi ki tashi..”

Kuka take tana ihu tun k’arfin ta dan tun lokacin da ta durk’usa akan Ummin ta ga ta daina motsi sannan jikinta ya sake.

Da gudu ta mik’e ta nufi k’ofa da niyyar fita ta kira jama’a azo a kai Ummi asibiti…
Tana gudu tana juyowa tana kallon Ummi
bata yi auni ba taji ta fad’a jikin mutum!
Da sauri ta d’ago tana kallon Arshaad wanda shima ita d’in yake kallo bakinsa yana d’an rawa da alamun magana yake son yi amman ya kasa.

Cikin kuka ta hau juyawa tana nuna mishi Ummi wadda ke nan kwance a k’asa kan tiles!
Sannan ta juya da gudu ta nufi Ummin tana cewa
“Harda jini! Tama daina motsi”
tana mugun kuka.

Da kyar Arshaad wanda gaba d’aya ilahirin jikinsa ya d’au karkarwa tun lokacin da ya ga Ummin nan kwance, ya taka ya k’arasa inda Hudan da Ummin suke.

Da sauri ya durk’usa a wajen a mugun rikice yace
“Innalillahi wa innailaihirrajiun”
Kawai kuma sai hawaye ya biyo ta idanunsa.

Da sauri Hudan tace
“Ya Arshaad dan Allah kar ka ce ta mutu!
Wallahi bata mutu ba!
Bata mutu ba!!
Ka kaita asibiti zata farfad’o.
Dan Allah ka kaita asibiti..
Ummi ki tashi!
Abbbbbaaaa!!!”
Ta sake kwala kiran Abba dan taga Arshaad d’in yak’i motsi kwata kwata so ba lalle ya iya tab’uka komai ba,
da alamun ya yi mugun firgita da ganin Ummin.

A rikice Aslam ya afko cikin kitchen d’in sanye da bathrobe a jikinsa da alamun ma bai gama wankan ba dan har da y’ar kumfa a gefen kumatunsa.

Ganin Ummi yasa shima ya k’araso ciki da mugun gudu ya durk’usa a inda suke
dai dai nan su Shuraim suma suka k’araso cikin kitchen d’in.

Sai ga Mom itama ta shigo tana cewa
“Ife ifen me nake ta ji ne wai hak……?”
Muryarta ce ta katse sakamokon kitchen d’in da taga cike da jama a a nata ihu ana kuka!
Dan su Shuraim suma suna shiga suka yi kanta sukai joining Hudan a kukan.
Da sauri ta k’arasa tana cewa “waye ba lafiya ne mai ya far..”
Maganarta ce ta katse sakamokon had’a ido da tayi da Aslam! Sanye cikin bathrobe…
Da mamaki take kallonsa har da y’ar kunfar sa a gefen fuska, har zata yi masa maganar fitowar dayayi half naked dan bathrobe d’in bata da wani tsayi sosai sai kuma kawai ta shareshi dan jin dalilin kukan da take ji ne priority yanzun.
D’auke kanta tayi ta maida inda su Hudan suke durk’ushe….

Dishi dishi ta fara gani
sakamokon Ummi da ta gani kwance bakinta duk jini!
A hankali jikinta na mugun karkarwa tace
“Innalillahi wa innailaihirrajiun”
Sai kuma ta tafi luuuuuuu ta sume a wajen…

Sudais da Shuraim ne suka fara k’ok’arin ciccib’ar Ummi
dan haka Hudan ma ta sa hannu suka d’auketa.
Aslam yana ganin haka ya bisu a baya duk ya rikice…
Da gudu ya wuce su ya shiga d’aki ya d’auko mukullin
motarsa ya mik’awa Huda yace “su jira sa”
Sannan ya koma ya zura jallabiya mai kauri daman already ya saka boxes a k’asan bathrobe d’in! Ya
fito ya bi bayansu.

Yana zuwa ya kunna motar already sun gama shiga
suka yi gaba kowa hankalinsa a tashe sai kuka su Hudan suke yi.

Da kyar Arshaad ya iya mik’ewa ya d’auko ruwa a fridge ya shiga yayyafawa Mom……
Har ya d’an fara tsorata dan da farko k’in farkawa ta yi, kafin
daga baya kuma ta farka a firgice tana salati sai kuma ta tashi ta zauna ta fashe da kuka!
Kallon inda taga Ummi d’azun tayi ganin ba kowa sai d’an ragowar jini jinin da aya zuba a k’asa ne yasa a rikice ta juyo tana kallon Arshaad
kafin tace
“Tana Ina?”

Bai ce mata k’ala ba!
Dan kanshi a mugun d’aure yake ‘jini, Ummi, how?’
Sune abubuwan da suka taru suka hautsina mishi kwakwalwa.

Mik’ewa kawai yayi ya wuce d’akinsa ya d’auko key ya cire rigar suite d’in jikinsa ya rage daga long sleeve sai dogon wando da belt, ya fito ko cover shoe d’in k’afarsa bai tsaya chanjawa ba.

A parlourn ya tarar da Mom tanata faman safa da marwa
Yanzun ma bai kulata ba ya wuce ita kuma ta bi bayanshi da sauri suka fice.

Sai da suka shiga motar ya kunna tukunna ya kira Aslam.
Shuraim ne ya d’auka, nan yake tambayarsu “suna Ina?”
Cikin kuka yace
“Basu riga sun k’arasa asibiti ba amman duk wanda suka samu mai kyau nearby nan za su je”

Ajiyar zuciya Arshaad ya sauk’e daga nan ya katse kiran ya tada motar ya fice daga gidan.

Driving kawai ya hau yi towards asibitin da ya san yana a kusa dasu mai kyau….
Kamar had’in baki kuwa
yana shiga ya hango motar Aslam nurses suna d’aura Ummi a akan gado.
Yana k’arasawa yayi parking suma suka fito suka
d’unguma gaba d’ayansu suka rufa musu baya.

Da kyar aka iya tsayar da su Shuraim da Hudan daga shiga investigation room d’in…haka nan suka dawo in banda
kuka ba abunda suke yi.

Da sauri Mom ta k’arasa ta jawo Sudais da Shuraim ta rungumesu itama tana kuka.

A hankali Aslam ya k’arasa inda Hudan take tsaye tana kuka, ya juyo da ita ya rungumeta a hankali ya shiga bubbuga bayanta.

Da sauri Arshaad ya tashi ya fita a wajen waya kare a kunnensa. Dad, yana amsa wayar ya fad’a masa halin da ake ciki daga nan
ya nemi waje ya zauna a harabar asibitin..

BAYAN MINTUNA TALATIN.
Cirko cirko haka kowa yake tsaye sun cika wajen
Dad Daddy Aslam Abba Mom Mammy Gramma Mommy Arshaad Sudais Shuraim da Hudan!
Kowa ka ganshi ka san hankalinsa a tashe yake dan
ko zama ba wanda ya iya yi.

K’arar bud’e k’ofar inda aka shiga da ita suka ji, dan
haka duk suka juya suka zubawa Likitan da ya fito ido.

Yana kallonsu ya yi saurin sunkuyar da kanshi
kafin ya zare glasses d’insa yad’an murza idanunsa sannan ya mayar ya d’ago ya kalli Aslam yace masa “follow me”

A hankali ya zame hannunsa a cikin na Hudan ya bi bayan Likitan..

BAYAN MINTUNA BIYAR.
A hankali Aslam ya bud’e k’ofar office d’in ya fito, kamar
wanda aka zarewa laakka a jiki haka yake taku, sai da ya kusan k’arasawa corner da in ya shiga zai gansu tukunna ya zaro wayarsa ya danna kiran Granpa!

Yana karyo kwana suka yo kanshi gaba d’ayansu suka hau tambayarsa….

Kallonsu kawai yake yi da waya kare a kunnensa, sai ya
bud’e baki kamar zai yi magana sai kuma ya kasa.
Jijiyoyin kansa sun yi rud’u rud’u! Gashi idanuwansa sun kad’a sun yi jaaa!
Wanda hakan ba k’aramin sake gigita ahalin yayi ba.

Sai da wayar ta kusan katsewa tukunna Granpa ya d’auka!
Jin shiru yasa yace
“Talk to me Aslam”

A hankali bakinsa na rawa yace “Granpa, its Ummi!
Incase you have something to say to her…
Likita yace she has less than 1 hour.”

“Innalillahi wa innailaihirrajiun”
Shine abunda kowa ya hau maimaiitawa a zuciyarsa dan
k’amewa k’am! Gaba d’ayansu suka yi kamar an d’auke musu numfashi haka wajen yayi tsit!.

A hankali kukan Gramma ya fara tashi followed by na Mom da Mommy sai su Sudais da Huda…
Tashi d’aya kuma sai wajen ya hautsine! Masu hawaye nayi masu kururuwar kuka ma suna yi.

Da kyar Abba ya iya k’arasawa ya dafa Aslam yace
“What happened to her?”
Jikinsa yana mugun karkarwa.

A hankali da kyar ya iya cewa “poision ta sha!
Ya tsinkamata gaba d’aya hanjinta
The Soctors where even shocked! Ta yadda take numfashi har yanzu.”

A rikice Abba yace
“Poison kuma?
How? A ina?
Wa ya bata poision?”

D’agowa yayi ya na kallon Hudan yana son tambayar ta ‘ya aka yi?’
Ganin yadda gaba d’aya hankalin jama’ar wajen ya koma kanta ne
ya sa kawai ya d’auke kai.
A hankali yace
“Ihun Hudan kawai na ji, ina
zuwa na ganta tana tarin jini.
Ba mu san a ina ta sha ba.”

Da sauri Mammy ta matso tana matsar hawaye tace
“Ta ya zaka ce baka san a ina ta sha ba!?
Ga wadda za ku tambaya nan?”
Tayi maganar tana nuna Hudan.

Cikin karkarwar jiki Hudan tace
“Ban san a ina ta sha ba”

Dasauri cikin katseta tace
“Ai tare kuke! Dan haka dole
kinga ta sha wani abun.”

Cikin rashin fahimta Hudan tace
“Ina cikin had’awa Ya Aslam coffe ta zo tace zata sha, sai
na zuba mata a cup
That was the only thing da naga ta sha daganan ta fara tar..........”
Shiruuu, tayi ta kasa k’arasawa sai kuma a rikice ta d’ago tana kallon Mammy wadda ita ma itan take kallo kafin ta matso kusa da ita tace
“Hudan we all know
ba kya k’aunar Aslam!!!
Da kika zo kashe shi kika san kin yi poisioning coffe d’insa! Me ye laifin Ummi da zaki had’a har da ita ki bari ta sha?”

Cikin tsananin tashin hankali Hudan take kallonta zata yi magana Mammyn ta katse ta ta hanyar sake cewa
“Ko jifan tsuntsu biyu kike son yi da dutse d’aya?
Because it’s obvious yanzu babu abunda zai sake shiga tsakanin Maryam da Abba!”

Wani kalar kuka da Hudan take yi sai da ta kusan shid’ewa!

Zata yi magana Mammy ta sake cewa
“Wachche irin zuciya ce da ke Hudan? Na tabbatar idan kika rok’i Aslam kika ce ya sakeki tsaf z........”

Da mugun k’arfi Aslam wanda ya zo iya wuya yace
“Mammy!!!”
Wanda gaba d’ayansu sai da suka razana! Kowa ya d’auke wuta……..

A hankali Abba wanda tun lokacin da Mammy ta fara magana ya runtse idanuwan ya bud’e ya kamo hannun Aslam yace
“Za a iya ganinta ko?”

Sai da ya d’an dedeta kansa tukunna yace
“Eh” ba tare da ya kalleshi ba
dan wani kalar kallon kallo suke yiwa juna shi da Mammy wanda da ace Mammyn ta san kallon da Aslam d’in yake yi mata to daa ba zata yarda ta bar kwayar idanunta a cikin nasa ba.

D’akin da aka shiga da ita sanda aka kawota nan Abba ya shiga dan basu ga lokacin da aka fito da ita ba.

Sai a sannan Mommy ta matso ta jaa hannun Aslam suka fice daga wajen gaba d’aya.

Suna fita Mammy ta sake juyowa kan Hudan a karo na biyu tace
“Yau wallahi mai kwatar ki a hannuna sai Allah,
kin san ya Ummi take a wajena kuwa......”

Banda kallon Mammy ba abunda Mom take yi tana wani irin kuka, so take tayi magana amman ta ma kasa.

Cikin fushi Mammy ta yi kan Huda kamar zata shak’ota.

Damk’ar hannunta d’in da Dad yayi ne ya sa ta juyo tana kallonsa!
Ba tare da ya kalleta ba
ya jaa hannunta da mugun k’arfi ya fita da ita……
Sai da ya sakata a mota ya cewa driver ya maida ta gida tukunna ya juya ya koma ciki ba tare da ya bi takan bak’ak’en maganganun da take jefa mishi ba.

Mammy kamar zata mutu haka ta ji, wato bashi da time d’in da zai yi mata magana sai in zai wulak’antata sannan a gaban mutane ko kuma in ba su kad’ai bane to ya kan kulata.
Gashi yanzu Arshaad shima ya fara, tsabar wulak’anci ga ta ga shi amman iya gaisuwace kawai take shiga tsakaninsu, d’azu taje d’akinsa har sau biyu baya nan
a na ukun kuwa da tayi sa a yana nan tana shiga ya mik’e ya fita ya barta kamar ba uwar da ta tsugunna ta haifesa ba,
bama fa ta san ya dawo ba sai a gidan kawai ta ganshi!
Takaici da b’acin rai kamar ta d’aura hannu aka tayi ta kurma ihu........

A kwance ya ganta da oxygen da wasu na’urori tana janyo numfashi da kyar!
A hankali ya k’arasa wajen ya tsaya a dede kanta yace
“Ummi”
Sai kuma wasu zafafan hawaye suka shiga sintiri a kan kyakkyawar fuskarshi.

A hankali ta shiga bud’e idanunta…
Tun tana ganinsa dishi dishi har ta d’an fara ganinsa sosai
dan haka ta fara k’ok’arin mik’ewa.
Da sauri yace
“Nooo..
Stay still”
Sai kuma ya juya ya janyo wani stool ya zauna a kai ya kama hannunta ya rik’e.

A hankali ta d’an jaa oxygen d’in k’asa, tace
“Naji Likitan yana cewa poision na sha ko?
Wai hanjina sun tsitstsinke.”

A hankali Abba ya kawar da kansa yayi amfani da free hand d’insa ya share hawayen fuskarsa kafin ya juyo yace
“You are going to be okay”

Murmushi ta yi a hankali tace
“K’arya fa ba halin ka bane
Abba”

This time around kuka ne ya kufce masa…
A hankali ya kamo hannunta ya d’ago ya kai setin bakinsa yayi kissing hannun
cikin kuka yace
“Ki yi hak’uri Ummi.
Dan Allah ki yi hak’uri.
Na nuna miki k’iyayya,
ni kaina naji ina jin haushin kaina ballantana ke.”

Murmushi tayi
a hankali tace
“Ko sau d’aya ban tab’a jin haushin abunda kake min ba Abba
remember
tun muna Yara
na sha gaya maka
‘ko menene idan kayi burgeni yake yi’
dan haka kar kayi tunanin na rik’e ka a zuciyata!
Zuciyata iya kar k’aunarka da tsananin son ka ta sani
bata san wani abu akasa sin haka ba”
Ta k’arashe maganar tana d’an murmushi.

Kuka ne sosai ya kufcewa Abba.

A hankali take d’an matsar hannunsa wanda yake rik’e da nata tace
“Good bye Abba,
ka kulamin da su Shuraim dan Allah, har da Hudata itama
ka cigaba da kula min da y’ay’ana.”

Cikin tsananin kuka yace
“Ummi ki yi shiru..
Fad’ar Likita ba fad’ar Ubangiji bace ba. Ki yi shiru da waennan maganganun dan Allah.”

A hankali tace
“Lokacina yayi!
Tun ba yau ba na fara jin hakan a jikina.”
Shiruu ta d’anyi kafin ta lumshe idanunta ta bud’e a hankali tana ganin dishi dishi tace
“Ina takaicin
Ba zaka dinga tunani a matsayin masoyiyarka ba
bayan raina! Sai dai
a matsayin wadda ta sanya rayuwarka a k’unci
ta saka ka tunani da bak’in ciki. Da ace za a bani chance d’in da zan iya komawa farko
to da na fita a rayuwarka kayi farin ciki daga farkonta har k’arshe.”

Cikin katseta yace
“Ummi mun wuce wannan wajen, na fad’a miki
na riga na yafe miki na manta da komai.
Ba zan tab’a tunoki a matsayin wadda ta sanya rayuwata k’unci ba sai a matsayin ki na matata!
Amaryata!
Uwar y’ay’ana!
K’anwata
sannan
masoyiyata
wadda take tsananin so na.”
A hankali ya matso da bakinsa ya d’aura a kan goshinta
yayi kissing yana kuka
ya d’an d’ago yana kallon idonta yace
“I love you, Zainab”

Wasu zafafan hawayene suka shiga zubo mata,
a hankali tace
“Now I’ll have a nice nap!
In sha Allah.
Thank you.”

Kasa ci gaba da zaman yayi dan haka ya mik’e da sauri ya fita a d’akin yana kuka sosai.

Yana fita Hudan Shuraim da Sudais suka shigo.
Tana jin kukan su ta fahimci sune suka shigo
dan zuwa yanzu ba
sosai take gani ba.
A hankali ta bud’e musu hannuwanta alamun su je gareta. Da sauri kuwa suka nufeta suna zuwa tayi hugging d’insu gaba d’aya….

A hankali suka cikata suka matsa gefe suna kuka.
Cikin kuka Huda tace “Ummi wallahi ban san poison bane ba”
A hankali Ummin ta katseta ta hanyar cewa
“Shhh”.

Sai da ta ga ta d’anyi shiru
sannan tace
“Magana d’aya zuwa biyu nake so in gaya muku…
Ku had’a kanku ku so junanku ku rik’e zumunci a duk inda kuke ku rik’e amana
dan Allah
sannan kar ku cuci wani..”

A hankali Granpa ya turo k’ofar ya shigo
Idanuwanshi sun yi jajawur!
Tun lokacin da Gramma ta fad’a mishi ta fito sam sai ya gagara sukuni
shiyasa shima kawai ya yanke shawarar zuwa asibitin. Yana hanya ma lokacin da Aslam ya kira shi ya fad’a mishi abunda Likita yace.

Da kyar ya taka da y’ar sandarshi ya k’arasa bakin gadon.
Inda Abba ya tashi nan ya zauna tukun
a hankali yace
“Ummi”

Juyowa ta yi sanann ta d’an d’ago hannunta tana k’ok’arin kama nasa.
A hankali ya kamo hannun nata da nashi hannayen duka biyu ya rik’e.

Inda su Shuraim suke a tsaye yanzu tun shigowar Granpa ta d’an kalla kafin tace “ku bamu guri”.

Har sun juya za su fita suka ji tace “Allah yayi muku albarka”
Sai da suka juyo gaba d’ayansu tukunna suka ce “Ameen Ummi”
Sannan suka juya suka fita suna wani irin kuka.

A hankali ta maida idonta inda take Jin Granpa tace
“Daddie, dama inada niyyar bada sak’o a baka koda ace baka zo ba.
Na gode kuma naji dad’in zuwanka.

Maganata ta farko
Itace
Godiya!
Kasancewar ka Uncle kuma Uba a gareni
Is one of the luckiest thing da kuma nake alfahari da a rayuwata.
Tun tasowata har kawo yanzu bana jin akwai abunda na tab’a nema na rasa shi, baka
rage ni da komai ba
akoda yaushe k’ok’ari kawai kake yi kaga nayi dariya na samu abunda nake so!
Na gode kwarai Daddie
bana jin aduniyar nan a kwai d’iyar da tayi sa’ar samun uba mai tsananin kaunarta kamar ni.”

Runtse hannunta da yake a cikin nashi hannayen yayi
hawaye ya fara sintiri akan tsohuwar fuskarshi.

A hankali dan muryarta tayi low zuwa yanzu
ta ci gaba da magana
“Sai magana ta biyu
Shawara ce zan baka!
Iyaye da manya suna ganin kamr duk abunda babba yayi shine dai dai
alhalin wasu lokutan wani babban yana yin abunda ko d’an shekara tara ba zai aikata ba saboda ya san ba dede bane ba
amman tsoro da fargabar gayawa wannan babban gaskiya sai a sanya ido ayi shiru a nad’e hannu a koma gefe a taru ayita tafka b’arna!”
Shiruu, ta d’anyi tana k’ok’arin jawo numfashi kafin tace
“Same thing da yake going a estate d’inmu kenan…
Ka yi hak’uri da abunda zan fad’a yanzu
Kai da kanka da hannunka ka hargitsa estate d’innan wanda yanzu abunda ya faru yau yasa na tabbatar da hakan kuma inajin takaicin rashin sanin k’arshen wannan bala’i da musiba da ta shigo mana ko kuma ince muke ciki tsundum ba tare da mun sani ba.
Granpa dan Allah dan Annabi
the first thing da zan rok’eka shine
ka daina nuna bambanci!
Yanzu ni
ba a maganata
amman in baka tashi ka tsaya ka gyara tsagwaran bambancin da kake nunawa a tsakanin Aslam Auwal da Arshaad ba to
akwai matsala babba!.
Bani da tantama bani da shakku akan Aslam akaso ayi poisioning yau ni kuma na sha ba tare da na sani ba!
Ban ce Arshaad ko Auwal bane ba amman dai na san dole a cikin estate d’in mu ne
wanda na tabbatar ata dalilin kyautar gidan da kayi mishi ne
da kuma ragowar abubuwan da kake tayi tun haihuwarshi har kawo yanzu,
sannan ina so ka san
wallahi tallahi ba Huda bace ba”.
Numfashinta da ya fara sark’e wa ne yasa ta yi shiru ta hau kokawar janyowa….

Da sauri Granpa ya mik’e ya fara kiran
“Doctor!!”

Ruk’o hannunshi tayi tace
“One last thing
abunda nake so
abunda idan kayi min zan ji dad’i shine
Granpa dan girman Allah
da manzonsa
ka yi hak’uri ka daure
ka yarda sannan ka taimaka wa Abba ya maida Maryam!
Ka yi accepting d’inta ita da Huda
Dan Allah Granpa
sannan ka tayani neman yafiyar mutum uku
Maryam Aisha da Huda!
Although na san su Maryam sun yafe min
amman Ina buk’atar ka sake nema min yafiyarsu”
Tana gama fad’in haka numfashinta ya fara sama
maganar ma da take son sake yi ta sark’e harshenta ya fara fidda maganar da ba ita ba!
Da sauri Granpa ya sake cewa
“Doctor!!”
Da k’arfi yana zubarda hawaye da k’ok’arin barin wajen amman sai yaji still ta sake rik’e hannunshi tak’i saki.
Juyowa yayi suka had’a ido yaga yadda idanuwanta suke shirin k’afewa tana ta
faman kokawa da numfashinta!
Da sauri ya k’arasa yayi cupping fuskarta
yana kallon idonta yace
“Ashhadu allailaha illallah”

A hankali tace
“Ashhadu allailaha illallah”

Wani kuka ne ya taho mishi yanayi yace
“Wa ashhadu anna muhammadrasulullah”

Cikin jan numfashi da kyar tace
“Wa ashhadu anna muhammadrasulullah”

Dai dai nan Doctor nurse da ragowar ahalin MT gaba d’aya suka shigo d’akin ata dalilin kiran Doctor d’in da Granpa yayi….

Cikin tsananin kuka dan har idanuwanta sun k’afe
yace
“Salllallahu alaihi wa sallam”

A hankali yaji ta maimaita
daga nan dip! Komai nata ya tsaya ta chak! Ta daina k’ok’arin janyo numfashin da take ta faman yi yana wahalar da ita
K’arar naurar da aka jojjona mata shima ya chanja…….

Kifawa Granpa yayi abkanta yana tsananin kukan da rabonshi da yi tun ranar da Yaya da Doctor suka rasu..........

A hankali Likitan ya k’araso ya hau dudduba ta, chaan! Ya
d’ago agogon hannunsa ya duba kafin ya juya ya kalla nurse d’in da suka shigo tare yace mata
“Time of death!
1:30am”.

Kuka gaba d’ayansu suka saka lokaci guda, babu mai lallashin wani.

A hankali nurse d’in tace “su d’an bata guri zata gyarata ta saka mata auduga kar iska ya shiga kafin zuwa gobe tunda ta san dole zatayi kwanan keso”
……………..
A waje suka samu Arshaad da Aslam suna zaune kowa yayi jugum.
Daman tunda suka ji Granpa ya kwala kiran Doctor sun san menene
shiyasa ma suka k’i shiga
yanzu kuma fitowar su kowa yana kuka ya sake tabbatar musu.

Da sauri Aslam ya mik’e ya fice a wajen haka shima Arshaad d’in dan basu san wa za su fara lallashi ba! Kowa ka ganshi kuka yake yi masu hawaye nayi
hatta Granpa ya kasa tsaida hawayensa.

Cikin mintuna 15 nurse d’in ta fito ta mik’a musu kayanta da ta saka a box tace
“An gama.
Saura rufe bill, daga nan
su wuce da ita”
A take Dad ya bita ya gama komai har file
sanann ya dawo suka turata kanainaye cikin farin bedsheet har mota shi da Daddy, su Mommy da Mom suka shigar da ita suna kuka.

Mom ce ta zauna a baya ta d’aura kan ta a kan cinyarta tana wani irin kuka kamar ranta zai fita.

Mommy kuma a gaba Dad yana tuk’i, a haa suka kama hanyar MT..

Aslam shi ya ja su Huda da Shuraim da Abba
Arshaad kuma suka tafi tare da Daddy
Granpa kuma driver d’in da ya kawoshi ya maida shi tare da Gramma.

A hanya Granpa bai bari sun k’arasa ba ya kira Abba yace mishi “dan Allah a wuce da ita estate idan ba damuwa”

BULAMA ✍️

So da Buri
Free Book
65

Mikiya Writers Association.
Direct side d’in Granpa aka nufa da gawar Ummi.

Kafin zuwa asuba Mommy da Gramma suka yi mata wanka suka shiryata.
Haka nan suka sakata a gaba suka dinga yi mata karatu da tofi tun jiyan dama suke yi
su biyar har Huda Shuraim da Sudais, suna yi suna kuka.

Ana idar da sallah
aka sanar jana’iza k’arfe 9:00am a masallacin estate, daga nan gaba d’ayan su kowa ya nufi side d’in Granpa.

Shiruu! Haka b’angaren ya kasance amman kowa da Al’quraninsa, masu hawaye suna yi suna karatun…..
Har zuwa lokacin da gari ya waye jama’a suka fara taruwa,
mak’ofta da suka ji ana ta lek’awa estate d’in ana gaisuwa, sai k’awayensu da family friends da suka ji ta wayoyi…..

K’arfe tara tana yi mazan suka shigo domin fita da gawar
sai a sannan abun ya dawo sabo! Abun tausayi
especially yadda Huda Shuraim da Sudais suka k’amk’ame gawar suna kuka kamar ransu zai fita!
Da kyar Arshaad ya janye Sudais
Auwal kuma wanda Daddy yaje ya d’auko ba da jimawa ba ya janye Shuraim
Aslam kuma yaja Huda!
Tukunna su Daddy suka saka gawar a makara aka fita da ita waje domin a sallaceta……

K’arfe tara aka gabatar da jana’iza aka mik’a Ummi gidanta na gaskiya.

Ta samu halarta d’umbin jama’a maza da mata
dan kamar yadda mak’abarta ta cika haka ma cikin estate d’in.

Suna dawowa Granpa ya cewa Abba “Su zauna anan (estate d’in) ayi zaman makoki
ba sai sun koma chan gidansu ba......

Washegari,
Sumayya Ummu da Baban su Sakina suka zo suka yi ma Huda da Abba gaisuwa.

Ranar sadakar uku,
Huda tana d’akin Gramma dan a nan take ita da su Shuraim
ta ji wayarta tana k’ara!
Tana d’auka Auwal yace
“Ta yi bak’o yana waje a bakin estate, wai ya zo mata gaisuwa, yace ‘sunan shi
Junaidu’ Ta sanshi
a barshi ya shigo?”.

Bata san lokacin da ta diro daga kan gadon ba
tace
“Eh Ya Auwal na sanshi sosai yayana ne!
A barshi ya shigo.”
Daga nan ta zari hijabinta
ta yi waje tana adduar Allah yasa Ya Junaidun ne da gaske.

Bata samesu a compound d’in Granpa ba daman bata yi expecting hakan ba!
Dan haka ta fice daga gidan
ta nufi tsakiyar main compound na estate d’in.

A inda ake parking motoci ta hango Auwal sanye cikin bak’ar jallabiya fuskarsa tayi fayau! Idanuwansa da suka ci kuka sun yi jaa sun k’ank’ance
yayi tsananin rama sannan kana ganinshi ka san bashi da lafiya….
A tsaye tare da wani ya juya baya sanye cikin shadda fara d’inkin boda da bak’ar hula
ya jingina a jikin booth d’in wata bak’ar mota Jeep!
Yanayin takalmi da shadda da kuma hular kansa kad’ai sun isa su sa ka san cewa kud’i sun zauna…

Da Auwal suka fara had’a ido
yana shirin yin magana
a hankali yaji tace
“Ya Junaidu”

Shiruu yayi da maganar da yake yi kafin ya gyara tsayuwarshi daga nan kuma ya juyo gaba d’ayanshi yana murmushi…..

Kusan daskarewa Huda tayi,
a hankali hawaye na gangarowa akan kumatunta ta ce
“Ya junaidu”

Murmushi yayi yace
“Na’am Huda”

Cikin share hawayenta tace
“Where have you been? Yaushe ka dawo?
Me ya faru?
How have you been..”

Murmushi ya saki mai d’an had’a da dariya kafin ya shafa k’asumbar da ya tara tayi mishi tsananin kyau yace
“Ya muka ji da hak’uri?”

A hankali ta sunkuyar da kanta tace “Alhamdulillah”
Cikin sanyin murya.

Ajiyar zuciya ya sauk’e kafin yace
“Allah ya ji k’anta yasa chan tafi nan”

A hankali ita da Auwal suka ce “Ameen”

Kafin Auwal d’in ya juya ya yi mishi sallama ya wuce.

Gyara tsayuwarshi yayi yana kallonta kafin yace
“How are you?.”
Congratulations
you have finally found your Dad”

Jijjiga kai tayi sanann tace “Thank you”
Tana mai d’ago da kanta sannan ta sake jeho mishi tambayar
“Where have you been?”

Dede nan Arshaad wanda dawowar sa kenan daga airport d’auko Aaima suka k’araso wajen shi da Aaima.

Murmushi Junaidu yayi kafin yace “Arshaad!”

Da sauri Huda ta juya dan ita bama taga tahowarsu ba.

A hankali ta k’arasa inda Aaima take ta rik’e mata hannu tana kallonta kafin ta yi hugging d’inta.
Bata iya ce mata komaiba
Har ta cika ta ta d’ago.

Ahankali Aaima da muryarta ta d’an dishe tsabar kuka tace
“Ya hak’urin mu?”

“Alhamdulillah” Huda tace
Daga nan Aaima ta d’an d’ago ta kalli Junaidu wanda
ya kafe Arshaad da ido
tace
“Ina wuni”

Ajiyar zuciya ya sauk’e kafin ya juyo ya kalleta a hankali yace “Alhamdulillah.
Ya hak’uri?”

“Alhamdulillah” tace, daga nan tace “Ya arshaad bara in wuce ciki, thank you.”
Tana gama fad’in haka
ta juya ta wuce ciki.

A hankali Huda ta d’an juya ta maida hankalinta akan Arshaad kafin tace
“Ina wuni”

Ba tare da ya kalletaba ya ce “lafiya”

Junaidu Hudan ta kalla
wanda tun wucewar Aaima ya maida idanuwanshi a kan Arshaad tace
“Ya Junaidu baka bani amsa ba”

Ajiyar zuciya ya sauk’e kafin yace
“Actually..
Ni kaina ba zan iya ce miki ga a inda nake ba.
Forget all that bana so ma In dinga tunowa…”
Sai kuma yayi murmushi yace
“Congratulations
Na ji kin yi aure!”
Ya fad’i hakan yana kallon Arshaad kafin ya ce
“And kamar ba Arshaad kika aura ba ko?
Mai yasa?”

Da sauri Huda ta d’ago ta kalleshi, ganin ba ita yake kallo ba gaba d’aya hankalinshi yana akan Arshaad d’inne yasa tace
“Ya Junaidu”

Juyowa yayi ya kalleta,
a hankali ta jujjuya mishi kai
alamun ya bar maganar.

Murmushi kawai yayi yana maida idanunsa akan Arshaad still kafin yace
“No i was just curious ne
He has done so much
and a lot
for and because of you!
I wonder why bai samu aurenki at the end of the day ba…”

A hankali Arshaad ya d’ago jajayen idanuwanshi wanda har sai da suka so firgita Huda ya watsa su akan Junaidu
kafin yace
“Did you come here to mock me?”

Da sauri Huda ganin Junaidun yana sake shiri yin magana tace
“Ya junaidu ka daina mana.
Gaisuwa ka zo ko?
To kayi iya gaisuwar please.”

Shiruu yayi
ya d’an sunkuyawar da kanshi yana kallon k’asa
kafin ya d’ago yace
“Forgive my manners”
Yana kallon Arshaad
sannan ya juya ya kalli Huda yace “Allah ya ji k’an Ummi.
Bara in wuce, su
Umma ma basu ganni ba
dan ban je ko gida ba
I came here straight.”

Hudan gaba d’aya lamarin Junaidu ya d’aure mata kai!
Bai je gida ba?
Tou a Ina ya san Ummi ta rasu?
Sannan waya gaya mishi ta yi aure?….

“Sai anjima”
Ya ce yana d’an murmushi yana kallonta.

A hankali tace
“Na gode ka gaida su Umma”
daga nan ta juya ta wuce.

Wani abun mamamkin..
har ta kai gate
Arshaad da Junaidu suna tsaye suna magana
kuma da ga yanayin yadda suke demonstrating har da hannayensu zai sa ka fahimci serious magana suke yi.

Har ta hau sama d’akin Gramma ta lek’o ta window sai da ta gansu kafin chaan Junaidu ya bud’e motarsa ya shige ransa a mugun b’ace ya ja yayi gaba ya bar Arshaad nan tsaye a wajen….
Tana shirin juyawa sakamokon
k’amshin da k’ofofin hancinta suka jiyo mata, ta ji anyi huggin d’inta ta baya.
Runtse idanunta tayi da k’arfi!
A hankali dede setin kunnenta ta ji ya ce
“Haramun kike kalla fa”
Muryarshi na d’an rawa.

Da sauri ta d’an ture shi
kafin ta juyo tana kallonsa
sai kuma tayi saurin yin k’asa da kanta dan gaba d’aya
sa taji ba dad’i
especially ma yadda taga kamar ranshi bai so ba!
Sannan ba lalle ya fahimci kallon me take yi wa Arshaad d’in ba.

Tana shirin yin magana ya katseta ta hanyar cewa
“Who is the other guy?”

A hankali ta d’an sunkuyar da kanta kafin tace
“Ya Junaidu. Tare muka taso.”

Ajiyar zuciya ya sauk’e
kafin ya matso kusa da ita sosai kamar zai shige jikinta
yayi cupping fuskarta
a hankali ya d’ago da fuskarta yadda za su kalli juna sosai yana kallon cikin idonta yace
“Kar ki sake abunda kika yi yanzu, please.”

Yadda yayi mata magana
da yadda taga idanuwanshi sun yi da yanayin voice d’inshi
ya sanya ta kasa cewa komai
ta lumshe idonta kawai
tana jin yadda
jikinshi yake karkarwa a hankali…

Ya dad’e yana kallon fuskarta kafin ya cikata a hankali ya juya ya fita.

Tana jin fitarshi ta bud’e idanuwanta tana sauk’e ajiyar zuciya a jejjere….
Bayan rasuwar Ummi
Idan akwai abunda yafi damunta ya fi rikitata
tou Ya Aslam ne!
Kwata kwata ta kasa gane gabanshi ta kasa gane bayanshi ta rasa me yake nufi da ita, sannan ita kanta yanzu ba zata ce ga tak’ameme abunda take ji a kansa ba!
Adduar ta d’aya ‘Allah yasa ba ta yi masa ko da d’an mitsitsin so ne’ Dan in dai haka ta kasance to tabbas ta zama butulu!
She is trying very hard ta ga ta yi nesa da shi amman idan yaso ganinta duk inda take sai ya shigo ya ganta ya fita.

A ranar sadakar bakwai
suka tashi jikin Auwal ba dad’i sosai.
Daman tun lokacin da aka yi rasuwar dauriya ce kawai yake yi amman sam ba lafiya gareshi ba…
Tun yana yi a b’oye dan baya so a fahimta har Mom ta gano
dan haka suka dangatashi da asibiti…

Ba k’aramin tashi hankalin ahalin gidan yayi ba
da ga jin Auwal ya kamu da ciwon zuciya!

Da farko Daddy Huda ya fara kira yayi mata maganar Sakina
dan tashi d’aya ana tambayarshi mene damuwarshi ya ce “Sakina”

Tun kafin aje ko’ina jikin Daddy ya sake yin sanyi
jin ‘an bada ita bikinta bai ma kai wata biyar ya rage ba’.
Jiki a mace haka Daddy ya sallameta ya shiga nemawa tilo d’an nasa wata mafitar..

Kafin 5 days hankalin kowa ya sake tashi
saboda idan ka ga Auwal dole sai ka tausayi masa..
A take mazan suka yanke shawarar tura shi wani waje treatment sannan ya d’an huta.

A cikin kwana biyu aka gama shirye shiryen komai…

A ranar da za su tafi har an sakashi a ambulance dan zuwa yanzu ko zaman kirki baya iyayi! Auwal d’in ya nemi alfarmar ganawa da Granpa da Arshaad.....
Granpa ne ya fara shigowa tukunna Arshaad..
Duk wani abu da Auwal ya san ya tab’a yi mara kyau sai da ya zaiyyanewa Granpa
sannan ya fad’i yadda yayi framing Arshaad har Granpa yaso yin shariah da shi!
Duk wasu kud’ad’e da ya tab’a d’iba sai da ya maida mishi, a take ya yayi signing ma company account.
Daga nan ya ruk’o hannuwansu yana hawaye ya nemi yafiyar Granpa da Arshaad.

A hankali Arshaad ya matsa yayi hugging d’inshi, yace
“ba komai komai ya wuce
ka kwantar da hankalinka”.

Cikin sauk’e ajiyar zuciya Granpa shima yace
“Komai ya wuce Auwal, kar ka
damu na yafe maka.
Allah ya baka lafiya
Allah yayi maka albarka.
Ka kula da health d’inka please
ka kwantar da hankalinka
Allah ya baka lafiya”.

A hankali yace
“Na gode Granpa
but please inaso in bawa Arshaad shares d’ina, to
makeup for all the things da nayi ta masa”

Murmushi Granpa kawai yayi ya shafa fuskarshi
kafin yace
“Allah ya baka lafiya”
Daga nan ya mik’e ya fita daga cikin ambulance d’in.

Bayan fitar Granpa da kyar Arshaad ya lallab’a Auwal ya hak’ura amman still yace “idan Allah yasa yayi rai ya warke
to ya na dawowa ya shirya karb’ar shares d’inshi
Idan kuma ya mutu bai dawoba tou ya bashi halak malak!”

Auwal was very emotional gashi sai hawaye yake yi
hakan yasa Arshaad kasa ci gaba da zama da shi
dan haka ya mik’e ya fice
bayan Auwal d’in ya ce masa “ya turo mishi Aaima please”
Da “to” kawai ya amsa shi ya fita.

Har airport Aaima ta rakasu shi da Mom.
Mom driver ya jata shi da Aiima kuma a ambulance.

Itama Aaiiman hak’uri da neman yafiyarta yake ta faman yi……
A hankali tana hawaye tace “ta yafe mishi”

Ya ji dad’i sosai dan haka ya d’an gyara kwanciyarshi ya fuskanceta sosai sannan yace
“I saw your message tun kafin rasuwar Ummi.
Aaima inaso ki fahimci wani abu guda d’aya..
Right now you are confused!
Ta yiu burgeki nake yi
ko kuma tausayina like ji
amman one thing is for sure
ba sona kike yi ba!

Nasan tun kina k’arama da tunanin hakan kika taso amman tabbas ba kya so na

Za kuma ki ce na gaya miki..zaki fahimci hakan a ranar da kika had’u da matching pair d’inki…

Ki nutsu, you deserve better
dan
ko da ace na aureki wahala kawai zaki sha
saboda zuciyata already ta Sakina ce ba zaki tab’a samu ba!
Rasa zuciyar Miji a rayuwar aure kuwa is the worst thing da mata zata fuskanta a zaman aure.
I don’t want that for you,
Ina miki kwad’ayin ki auri wanda kike so yake sonki.

Tabbas na san zan yi aure wata rana idan na samu na tashi daga wannan ciwon wanda In ba da kyar ba shine ajalina..
A ko da yashe In na tuno zan yi aure wallah in banda tausayin matar ba abunda nake ji
saboda na san gangar jikina kawai zata aura!

Bana so ki kasance wannan matar besides ba zama ki iya jira na ba
dan tunda na rasa Sakina
I don’t think zan yi tunanin yin aure in the next 10 years ma.”
………………..
Sun tattauna sosai
Ya ji dad’in yadda Aaima ta fahimci shi.

Har akazo za sakashi a jirgi tana yi masa alk’awarin she’ll speak with Sakina
for him.

Murmushi kawai yayi
dan shi kam zuwa yanzu ya hak’ura dan ya san su Daddy ba za su tab’a nema masa aure cikin aure ba!
Sannan after abunda ya faru a birthday d’in su Shuraim tsakanin Sakina da su Mom
Ya san ba zata tab’a yarda da shi ba!.
A yanda yake jin zuciyarsa kuwa ya riga ya sadak’ar…idan bai mutu ba tou tabbas tashinsa ba kwana kusa ba.

Gaba d’ayan su sun kasa kunne sun zuba ido suna jira suji daga bakin Granpa!
Dan ya cewa Gramma ta gaya musu su zauna a nan ayi zaman makoki for sometime amman har aka shafe kwana ashirin shiru, bai sallamesu ba kuma bai ce su zauna ba.

Sai dai In za su yi wanka suka je su yi achan mansion d’in, su kwaso kaya set biyu ko set d’aya su dawo wanda a haka haka har sun kusan had’a wardrobe amman Granpa bai ce komai ba.
Daman ita
Hudan bata ma tab’a zuwa ba
dan tun washegarin rasuwar Aslam ya kawo mata akwatin ta, kamar ya sani.

A kwana na ashirin da biyar ne
Mommy ta nemi Huda ta dawo wajensu side d’in Aslam inda aka kaita tun farko.

Gramma ba k’aramin dad’i ta ji ba amman k’iri k’iri
Hudan ta rufe ido a gaban Aslam d’in da Mommyn tace
“Ita a wajen Gramma zata zauna”
Mommy tana shirin fara lallashinta ta fashe musu da kuka!

A hankali jiki ba kwari Aslam d’in ya tashi ya fita
haka itama mommy..
Bayan fitar su Gramma lallashi da tambayar duniyar nan amman Huda ta kafe
tace “dan Allah ta bar ta
ta zauna a wajenta”

Haka nan ta hak’ura ta kyaleta
bayan Mommy ta kira Gramma d’in tace mata
“Kawai ta bar Hudan a wajenta
tunda bata so. Aslam d’in ma tafiya zai yi akwai wani abu da ya taso a company d’insa na sarrafa takalma da yake a chan UK so yana so zai je”.
Sam Gramma bata ji dad’in abunda Huda tayi ba
amman
rashin lafiya da rashin kuzarin da yake damunta kwana biyun nan yasa kawai tayi mata shiru ta rabu da ita.. Tun ranar da Ummi ta rasu take rashin lafiya a tsai tsaye ba tare da ta bari an fahimta ba, ba abunda yafi d’aga mata hankali irin yadda family d’inta ya koma
‘Poison!!’
A cikin ahalinta aka samu wani yayi poisoning
wani!….
Wannan tunanin shi ya haifar mata da high Bp ba tare da ita kanta ta san ya hau d’inba.

A ranar da zai tafi tana d’akin Gramma, ta Idar da sallah kenan ta jiyoshi a parlour suna gaisawa da Gramma!
Da gudu ta mik’e ta fad’a band’aki ta rufo k’ofar,
dai dai yana shigowa ita kuma tana rufewa, dan
haka ya k’arasa k’ofar band’akin ya tsaya.
Ya dad’e a tsaye
kafin ya lumshe ido ya fara magana
Na san saboda ni kika b’uya, kuma na san kina jina…
I just come to say good bye!
Tun da yanzu naga kamar na zame miki dodo.
Naso ache tare muka tafi
but iya yadda kika nuna ranar da Mommy tace ki dawo wajena ya isa ya fahimtar dani idan ma nace ki bini kunya kawai zaki sake bani.

Idan wani abun na yi miki wanda ban san da shi ba
ki yi hak’uri ki yafe min..

If by any chance kinji ra’ayinki ya d’an sauyu akan fushi da wasar b’uyan da kika d’auka da ni to ki yi min magana in sha Allah zan sa a shirya miki komai sai ki zo ki sameni achan d’in.
Ga numberki na karb’a a wajen Gramma, zan yi miki message da tawa ta chan once i settled.

Kar ki damu ba zan dameki da messages ko calls ba!
Na fahimci you need some space so think and decide wisely.
Hudan i can’t stay under one roof with you kina guduna kina b’oye min ba
ba zan iya ba..Ni kad’ai na san what I’m going through.

Ina fata kafin in dawo
kin yi figuring out whats going on with you.”
A hankali yace “I’m going to miss you”
Yana gama fad’in haka ya juya kamar mara lakka a jiki ya fice.

Ta dad’e a cikin toilet d’in kafin da kyar ta bud’e k’ofar ta fito....

Kamar yadda ya fad’a
yana isa ya turo mata
“Arrived safe, Aslam.”
Da numbersa ta chan.

Tun daga ranar bai sake nemanta ba, itama
kuma bata nemeshiba.

Bayan kwana goma sha uku,
yau Ummi ta cika kwana arba’in da rasuwa.
Ahalin gidan kowa ya ji rasuwar Ummi sosai
sun girgiza matuk’a!
Hakan kuma ya zamo izina ga wasu, wasu kuwa da zuciyoyinmu suka ruga suka daskare ba abunda ya chanja a lamari da tsaurin su.

Sai a ranar sadakar arba’in d’in tukunna Aslam ya dawo
da safe, dan haka bai samu damar shiga cikin gidan ba ya tsaya a wajen da ake addua.
Bayan an ida an kammala sauk’a aka raba sadaka aka fara watsewa…
Sai a sannan Granpa ya yafito shi da hannu.
Cikin nutsuwarshi da class ya mik’e ya k’arasa inda yake ya durk’usa ya gaidashi ya sake yi mishi gaisuwa.

A hankali yasa hannu ya shafa kanshi, kafin ya amsa.

A hankali Aslam d’in yace
“Allah ya jaddada rahama a gareta”

“Ameen” Granpa yace
yana mai sauk’e ajiyar zuciya sannan ya zare hannunshi daga kanshi yace
“Taso muje akwai inda nake so ka rakani.”

Driver d’inshi yana ganin sun nufi wajen parking motoci ya mik’e da d’an sassarfa ya k’arasa inda suke.

Hannu kawai Granpa ya mik’a masa!
Ya gane me yake nufi dan haka ya zaro key d’in Gwagon d’in da suke tsaye a gabanta ya bashi.
Ya na karb’a ya mik’awa Aslam ya ce “mu je!”

Daga nan suka k’arasa duk su biyun suka shiga Aslam ya kunna ya ja suka fice daga estate d’in…..

“Gidan Madu Mahaifin Maryam za mu je!”
Granpa ya fad’a yana mai gyara zamanshi ba tare da ya kalli Aslam d’in ba.

Wata nannauyar ajiyar zuciya Aslam ya sauk’e wanda har sai da Granpa ya jiyo shi
kafin ya lumshe idanuwanshi ya bud’e ya gyara zama suka d’auki hanyar gandun albasa.

A dede k’ofar gidan ya yi parking ya kashe motar ya juyo yana kallon Granpa wanda yake kallon gidan yana sake kalla, a hankali Aslam d’in yace
“Mun iso Granpa”

Lumshe idanuwanshi Granpa ya yi, kafin ya bud’e ya sauk’e ajiyar zuciya
yace “mu je”
Yana mai sa hannu ya bud’e k’ofar motar.

A hankali Aslam wanda tsananin farinciki da fargaba suka lullub’e a lokaci guda yasa hannu ya bud’e k’ofar side d’inshi ya fito
zuciyarshi cike da fargabar abunda ya kawo Granpa nan
sannan kuma yana addua da tsananin farin ciki In Allah yasa alkhairin da yake tunani ne ya kawo su..

Kame kame Aslam ya fara yi da dibi dibi dan shi dai ya san bai kamata su shiga kai tsaye ba! Rashin sanin kan al’ada da lamarin garin Hausawa kuma yasa ya rasa abun yi.

Suna tsaye Junaidu ya bud’e k’ofa ya fito..
Kallon kallo aka tsaya kafin Junaidun ya k’arasa ya mik’awa Aslam hannu.

Bayan sun yi musabaha yace mishi “Dan Allah suna son ganin Abba Madu idan yana nan.”

Da mamaki Junaidun ya kalleshi kafin yace
“Wa za a ce mishi?”
Sai da yad’an kalli Granpa wanda still har yanzu gidan yake ta kalla tukunna ya d’an sunkuyar da kanshi kafin ya d’ago yace
“Kace mishi Mijin Maryam ne, Huda.”

Murmushi Junaidun yayi ya sake bashi hannu suka gaisa sannan yace
“Ashe k’anin namu ne”
Ya fad’a cikin raha da barkwanci
sannan cikin ladabi ya juya ya gaida Granpa! Ba yabo ba fallasa ya amsa shi
daga nan Junaidun
ya juya da d’an sassarfa yace
“Minti biyu dan Allah”
ya shiga cikin gidan.

Bai rufe second talatin ba suka ga ya bud’e wata k’ofa ta waje ta cikin gidan sannan ya fito ta k’ofar yace musu
“Ku shigo, bismillah”

Sai da suka zauna ya d’auko ruwa da lemo a cikin babban fridge d’in da yake a parlourn bak’in ya jere musu
tukunna ya juya ya fita ya ce “bara yaje ya kira musu Abba Madun, yana gidan Kaka.”

Ba ayi minti biyar ba Madu da Kaka suka shigo
da sallama.

Cike da kamala suka k’arasa cikin parlourn suka nemi waje suka zauna a kan 3 seater d’in su biyun wadda take facing 1 1 seaters d’in da Aslam yake zaune a k’asan d’aya Granpa kuma ke a kan d’aya.

A hankali cikin girmamawa Aslam yad’an sunkuyar da kanshi ya shiga gaidasu….

Da kulawa suka amsa shi
kafin su maida hankalinsu a Granpa suka soma gaidashi cikin girmamawa
zuciyoyinsu fal mamaki da tunanin abunda ya kawo shi garesu.

Ba yabo ba fallasa ya amsa su
kafin yayi gyaran murya ya gyara zama sannan ya kalli Madu yace
“Ina son ganin ku ne amman first Ina buk’atar Maryama a nan”

Ajiyar zuciya Madu ya sauk’e kafin yace
“Ok ba damuwa” daga nan ya mik’e ya fita.

A parlourn k’asa ya sameta ita da Shuwa suna tattaunawa a kan al’amarin Junaidu!
Bai bi ta kansu ba yace mata “ta taso ta d’auki hijabinta ta zo”

Ganin yanayin shi ta san koma menene it’s serious dan haka ta mik’e ta nufi sama,
bata wani dad’e ba ta sauk’o daga nan suka fice a tare.
Suna fita ya kalleta ya ce
“Kun yi magana da Abba ne?
Akan aure ko wani abun?
Kuna magana da shi sosai yanzu?”

Da mamaki ta d’an kalleshi kafin ta sunkuyar da kanta tace “A’a!
Na dai kirashi washegarin ranar da Ummi ta rasu nayi mishi gaisuwa”

A hankali ya sauk’e ajiyar zuciya kafin yace
“Tou Allah yasa lafiya”

Dede nan suka k’arasa bakin parlourn dan haka bata samu damar tambayar shi komai ba
suka kutsa kai suka shiga yana gaba tana biye da shi…

Da Granpa suka fara had’a idanu tana shiga
dan an ci sa a k’ofar yake kallo.
A take gabanta ya yanke ya fad’i! sannan ta fara tariyo had’uwarsu da irin kalar warning d’in da yayi mata!
Sai yanzu ta gane dalilin tambayoyin Abba Madun
da kuma dalilin damuwar da ta hango shimfid’e akan fuskarsa.

“Shigo mana Mama”
Muryar Kaka ta katse mata tunani…
A hankali ta taka ta k’arasa cikin parlourn k’irjinta na dukan uku uku!!!

A k’asa kan kafet ta zauna gefen kafar Madu,
muryarta na d’an rawa tace
“Ina wuni Daddie”

Wata nannauyar ajiyar zuciya ya sauk’e, kafin ya ja wani yawu ya had’iye
sanann ya d’ago ya zuba mata idanuwanshi yace
“Alhamdulillah, Maryama”

A hankali ta sake cewa
“Ya hak’uri”
Bata jira jin amsarshi ba
dan bataso maganar tasu tayi tsayi kar ya ga zak’ewarta kuma bataso ya kasance batayi mishi gaisuwa ba dan ta san yanda yake da Ummi d’in,
dan haka tace
“Allah ya gafarta mata yasa Aljannah ce makoma”

“Ameen” ya ce.

A hankali Aslam ya gaidata cikin girmamawa, da
kulawa ta amsa
kafin Granpa yace
“Marigayiya ta bani sak’o wajenki”

Da sauri Mama ta d’ago kai tana kallon shi..
Shima itan yake kallo kafin yace “A ranar da zata rasu tace ‘In sake nema mata yafiyarki’.”

Da sauri Mama tace
“Na riga na yafe mata
tun ba yau ba mun gama wannan maganar da ita.
Mun yafe mata daga ni har Huda fatan mu Allah ya ji k’anta da rahama”

A hankali Granpa yace
“Ameen”
Sannan yad’an sake muskutawa ya gyara zamanshi
kafin yace
“A ganina ya dace ace nima na zo na nema yafiyarki tun kafin azo a nema min”

Ba Mama ba hatta su Kaka da Aslam
Granpa suka kalla fuskokinsu d’auke da tsananin mamaki!

Bai damu da yadda suke kallonshi ba yace
“Shekaru 29 ko ace 30 baya!
Na san na baku wahala ke da Abba…
Ban san halinda za ku shiga ba
na biyewa b’acin rai da zuciya na turaku chan wata k’asa sannna bayan shekaru goma duk irin shak’uwar da kuka yi ban duba ta ba na sa Abba ya sake ki!
Ki yi hak’uri….”
A hankali ya kalli su Madu yace
“Kuma ku yi hak’yri ku yafe min abubuwan da na aikata muku”

Da kyar Madu wanda ya shiga shock yace
“Ba komai ya wuce Allah ya yafe mana gaba d’aya.”

“Na gode” Granpa yace,
sannan ya maida idanuwansa kan Mama wadda ta kasa cewa komai.
Ganin ta yi shiru yasa ya sake cewa
“Ki yi hak’uri Maryama ki yafe min dan Allah....”

Da sauri Mama
wadda sai yanzu ta dawo haiyyacinta tace
“Daddie dan Allah ka daina bani hak’uri..
Gaba d’aya am not comfortable with you apologizing.
Ka yi hak’uri dan Allah ka daina bani hak’uri.
Na hak’ura na yafe na manta komai, mu yafewa juna
muma mun yi laifi ni da Abba dan kamata yayi ace dole muma mun tsaya mun bi zab’in iyayenmu…
Ku yi hak’uri ku yafe mana”
Ta yi maganar tana kallonshi sanann ta juya ta kalli su Madu.

Ajiyar zuciya Granpa ya sauk’e kafin yace
Na gode Maryam
amman in dai da gaske kin yafe min ke da iyayenki
To
a yanzu Ina so mu d’aura aurenki da Abba!”

This time around k’amewa Mama tayi k’am!
Hatta numfashinta sai da ya kusan d’aukewa….

Ganin ya sake yunk’urowa zai yi magana yasa kawai ta fashe da kuka sai kuma ta tashi da sauri ta fita a parlourn
tana kuka sosai.

Da sauri modu ya mik’e zai bita
Granpa ya hanashi ta hanyar cewa
“Barta, kyaleta.
Dawo ka zauna mu k’arasa magana.”

Ahankali ya koma ya zauna
jikinsa duk ba laka.

Ajiyar zuciya Granpa ya sauk’e kafin yace
“Ka lallab’ata.
Na san dama dole ba lalle ta amince lokaci guda ba.
Amman yau! Ni, a matsayina na Mahaifin Yakubu
na zo nema mishi auren Maryam.
Ina fata za a bamu.”

Tun kafin ya rufe bakinsa Kaka yace “na baku, za ku jimu nan ba da jimawa ba in sha Allah.”

A firgice Abba Madu ya juya yana kallonshi yana shirin yin magana Kaka ya mik’e tsaye
yace
“Mun gode kwarai Granpa.
Ba ka san yadda maganganun ka na yau suka sanyani cikin tsananin farin ciki ba!
Allah yasa ka gama da duniya lafiya
In sha Allah ni da kaina zan samu Maryam mu yi magana da ita, daga nan zan tsayar da rana kawai a d’aura aure”
A hankali ya kalli Aslam yace
“Ina so ka yiwa Abba albishir d’in
Baba Bashir ya sake bashi Maryam a karo na biyu!
Sannan ba zai yi k’asa a guiwa ba wajen ganin ya mallaka mishi ita cikin sauk’i.”
Daga haka ya kallesu yace
“Bara in je gida na barku lafiya”
Yana gama fad’in haka ya juya ya fita yana share wasu hawaye da shi kanshi bai san dalilinsu ba.

Kana ganin Madu ka san yana cikin tsananin rud’ani!
A hankali ya koma ya gyara zamanshi da kyau ya hau kame kame
kafin ya daure yace
“Mun gode Granpa..
Kwarai za ku jimu in sha Allah”
Ya fad’i haka wani gumi yana keto masa.

Tashi d’aya Granpa ya fahimci akwai wani abun a k’asa
haka ma Aslam,
amman ganin da suka yi
tunda har suka b’oye kuma ga abunda suka gaya musu sai kawai suka bari akan
bara kawai suma su bisu a hakan. Dan haka Granpa ya dogara sandarshi ya mik’e tsaye sannan yace
“Na barku lafiya”
Daga nan ya juya ya kama hanyar fita.

A hankali Aslam ma ya mik’e ya yi wa Madu sallama ya fice.
Har ya isa mota ya bud’ewa Granpa ya shiga ya rufe mishi sannan shima ya zagayo ya shiga ya tada motar kansa a d’aure yake!
Ga dai abun farin ciki,
abunda yana d’aya daga cikin abubuwan da yake mafarkin son ganin sun tabbata
amman kuma Allah yasa babu wata matsalar da zata kunno kai ta b’angaren su Madu
dan nan kam a b’angaren su Granpa ya gama gyara komai.............

Mama tana shiga ta tarar da Shuwa a yadda ta barta, suna
had’a ido ta sake fashewa da kuka ta k’arasa inda take ta tsugunna a gaban kujerar da take ta d’aura kanta akan cinyarta.

Shafa kanta Shuwa tayi kafin tace
“Lafiya Maryam, mai ya faru?
Nifa daman yadda naga Abban ku ya shigo na san akwai matsala.
Mai ya faru?”
Tayi mata tambayar cike da fargaba.

A hankali Mama ta share hawayenta ta d’ago tace
“Hajiya matsalar ba daga kowa bane ba, daga mu ne!
Matsalar daga ni da Abba ne!
Faith d’inmu a baibai yake
duk lokacin da muke so ko ya dace mu kasancewa da juna sai a samu matsala ta yadda indai muka zamo tare wani sai ya k’untata…
Mai yasa farin cikin mu yake tahowa a tare da bak’in cikin wasu?”

BULAMA ✍️

So da Buri
Free Book
66

Mikiya Writers Association.

39 DAYS AGO!
Gandun Albasa.
Gidan shiruuu, gaba d’ayansu
suna zaune kowa yayi jugum!
Kamar anan ake zaman makokin.

A hankali Shuwa ta juya ta kalli Ummu kafin tace
“Gaskiya fa Mama ta fad’a Ummu, ku je kawai ke da Sakina..
Ai ta ce ta kirashi ko?”.
A hankali Mama ta d’aga kai alamun ‘eh’.
Ajiyar zuciya Ummu ta sauk’e kafin tace
“To shikenan Hajiya.
Sakina taso mu je,
Babanku yana waje.”
A hankali Sakina ta d’an kalleta sai kuma ta d’auke kai tace
“Ummu, dan Allah ki je kawai ko da Sumayya ne
bana son zuwa gidan wallahi”.
D’an k’ura mata ido Ummu tayi
kafin tace
“Taso mu je!
Ba na son shirme..
Ba zaki yiwa su Abba da Aslam gaisuwa ba ko me??”.
A hankali Mama tace
“Ummu barta kawai
ku je ke da Sumayya.”
Shiruu Ummun tayi kamar za tayi magana sai kuma tace
“Sumayya mu je”
Ta fad’i hakan tana mik’ewa ta d’au mayafinta ta nufi k’ofa
da alamun ranta ya b’aci.

Suna fita ita da Sumayya Hajiya Shuwa ta mik’e ta fita tsakar gidan don yin zagaye
saboda kumburin da k’afafuwanta suke yi idan ta zauna shiru.

A hankali Mama ta mik’e ta koma kan kujerar da Sakina take zaune 2 seater..

Tana ganin ta dawo kusa da ita ta tashi ta zauna da kyau sannan ta d’an sunkuyar da kanta a hankali tace
“Bara inje d’aki in kwanta”
Tana shirin mik’ewa Mama ta kamo hannunta ta rik’e.

Ajiyar zuciya ta sauk’e kafin ta sunkuyar da kanta k’asa.

Sai da Mama ta gama k’are mata kallo ta gama nazartar ta tukunna tace
“Nima b’oye min za ki yi?”

Da sauri Sakina ta d’ago tana kallonta kafin ta juyar da kanta tace
“Me ne zan b’oye miki Mama?”
Tana k’ok’arin danne kukan da taji ya taho mata.

A hankali Maman ta sa hannunta ta juyo da fuskarta
sannan ta ce
“Tun ranar da kikace kin bawa Ashraff go ahead ya turo Sakina har yau ban ga walwala a kan fuskarki ba!
In akwai wani abun ki yi magana a samu a gyara
Idan mai gyaruwa ne..
B’oye b’oye ba abunda yake janyowa sai dana sani a rayuwa.
D’azu Ina jinki a band’aki ke kad’ai kinata kuka!
Meye ne yake damunki?
Ko na tashi daga Mama na koma wata daban wadda ba zaki iya gayawa damuwarki ba?”

Duk k’ok’arin Sakina na ganin ta tsayar da kukanta kasawa tayi, tashi d’aya ta hau ambaliyar hawaye ta shiga kuka tsakaninta da Allah..

Janyota Mama tayi zuwa jikinta ta rungumeta.
Sai da tayi me isarta
tukunna ta yi shiru da taimakon lallashin Mama
kafin a hankali ta fara magana
“Daman akan Ya Auwal ne cousin d’in su Hudan............”
Tun ranar da suka fara ganin juna har kawo yanzu
ba abunda Sakina ta b’oyewa Mama…

Kallon ta Maman take yi tana sake wa kafin
a hankali ta ce
“Sakina wa ya gaya miki ana aure saboda a yakice soyayyar wani daga cikin zuciya?”
Bata jira jin me zata ce ba
tace
“to bari kiji in gaya miki..
Shekarata goma sha takwas tare da Ya Usman matsayin mata da miji amman har yau ba abunda ya shiga zuciyata game da shi ta fannin soyayya
sannan ba abunda ya ragu a cikin soyayyar Abba a zuciyata.”

Da sauri Sakina ta d’ago tana kallon ta sai kuma ta fashe da kuka ta ce
“Mama dan Allah kar ki yi min fatan in yi dakon soyayyar Ya Auwal haka har k’arshen rayuwata!
Wallahi tallahi In dai yadda nake ji akanshi haka zan ci gaba da ji har abada bayan bana tare da shi tabbas mutuwa zan yi”
Ta k’arashe maganar tana kifewa akan cinyar Mama tana sakin wani sabon kukan.

A hankali Mama take shafa kanta….
Sai da taji ta d’anyi shiru tukun tace
“Sakina ba zan b’oye miki ba,
kin yi mistake!”

A hankali ta d’ago tana kallon Mama da dara daran idanuwanta da suka rine sukayi jazir.

Jinjina kai Maman tayi alamun tabbatarwa.

Cikin share hawaye Sakina ta ce “Mama kin ji fa abunda Mom da Mammy suka yi min
still in aureshi?
Daman ni saboda family d’insa shiyasa na k’i tun farko
bana san issues
sannan…”
Sai da ta d’anyi k’asa da kanta kafin tace
“Sannan womanizer ne
shi ne ya yiwa Jalila ciki fa”

Ajiyar zuciya Maman ta sauk’e kafin tace
“Sakina Ubangiji ya halicci bayinshi kowa da irin yananyin tashi k’addarar!
Idan Allah yayi wannan ce k’addararki kina ganin kina da wayon da za ki kufce?.

In dai Auwal yana sonki tsakani da Allah to zai daina abubuwan da yake yi, za ki iya gyarashi
besides
ai Auwal d’in ya shiryu
ke kanki kin ce Arshaad tun ba yau ba ya cewa Hudan ya ga changes a tare da shi
sannan kin ce Mahaifinsa shima yace ya shiryu!
Ni a ganina
zaki iya sake gyarashi tunda yana son ki wanda Allah kad’ai ya san d’umbin ladan da za ki samu.
Tabbas ban so ki aura irin Miji mai halinshi ba ko da ace ya shiryu amman in dai haka Allah ya tsara
yana sonki
kema kuma kina son abunki
to ya za ai?.
Kuma Mahaifinsa ma baya k’in ki yana son ki wanda shi ne
yake da say a gidan!
Tabbas Mom matsala ce
amman ni a ganina zugar Mammy ce…yadda
kika ce tanata kuka ta rikice a lokacin da ya suma
na tabbatar inda ba a kawo kud’in auren ki ba to da tuni yanzu tazo nan gidan saboda farin cikin d’anta dan tana tsananin sonshi
wanda hakan shi zai sakata ta sauk’o ta so ki
In sha Allah.

Yanzu kam ba abun yi sai dai hak’uri…
But by any chance kar ki sake yunk’urin toshe hanyar da za ku bi ku mallaki juna ke da Auwal! Ko da wasa, tunda
kuna son juna.”

Kukan da Sakina take ne yasa Mama ta janyo ta jikinta,
a hankali ta shiga lallashinta kafin tace
“Ki yi hak’uri
Allah ya zab’a miki mafi alkhairi.
Ku yi ta addua
Allah ya zab’a mafi alkhairi.”

Da kyar Mama ta samu ta lallab’ata ta yi shiru
dann ita kam ta san inba wani tsananin rabo ba to
Auwal yayi mata nisa!
Ta riga ta datse duk wata igiyar da zata k’ullasu su kasance tare k’ark’ashin inuwa d’aya da hannunta….

A Cikin kwanakin da ba su kai wata d’aya ba da Anty Zainab ta yi da Sadiya tabbas ta fahimci ba zaman amana take yi da ita ba!

Mamaki k’arara take yi game da yadda Abotar tasu take k’ok’arin juyewa ta koma wani abun na daban.

Haka nan ita za ta yi musu girki da kud’inta saboda duk wani ragowar gari ko abun dafawa da suke da shi Umma ta tattare tace “babu ya k’are!”
Sai ta fita aiki ita da Jalila su dafa su ci. Tun bata gane ba har tazo ta fara fahimta..
Ga shegiyar k’azanta daga Umma har Jalilan
sannan wani lokacin Jalila har yada mata da magana take yi wai ‘anzo an zaune musu a gida!’ Sannan Ya Ja’afar kwata kwata basa kula da shi
dan wani lokacin wandonshi har tsutsa ne suke binshi
gashi kullum cikin datti
kacha kacha
especially gashin kansa sak mahaukacinsa!

Haka nan zata tartare kitchen da band’aki dan idan zai yi tsutsu ba za su gyara ba!
Sannan ta gyara Ya Ja’afar ta fita aiki ta je ta dawo ta dafa kuma su ci tare.

Ana cikin haka Junaidu ya dawo… Ranar suna zaune a d’aki suna d’an tab’a hira kawai suka ganshi ya shigo!
Da farko Umma tsorata ta yi dan ihu ma ta yi,
fahimtar da tayi ba ita kad’ai ce take ganinshi ba yasa ta tashi ta k’arasa ita da Jalila inda yake.
Sai da suka d’an tab’a fuskarshi da jikinshi suka tabbatar da shi d’inne tukunna suka rungume shi a tare suka fashe da kuka…
Tabbas shima yayi matuk’ar kewar gida shiyasa bai san lokacin da hawaye suka wanke mishi fuska ba.
Da taimakon Aanty Zainab aka samu suka yi shiru
ita ma ta rungume shi tana d’an nata hawayen sannan suka nema waje suka zazzauna.........

Tun daga lokacin duniya ta dawowa Umma da Jalila sabuwa!…. Hankalin Junaidu ba k’aramin tashi yayi ba ganin halin da Ya Ja’afar ya ke ciki.
Bai yi k’asa a guiwa ba haka suka kinkimeshi shi da Jalila suka sa a mota suka nufi asibiti…
Bayan y’an dube dube Likita ya basu sunan asibitin da ya kamata a kaishi.

Ba abunda ya fi bawa Jalila mamaki irin kyan asibitin
da mak’udan kud’ad’en da Ya Junaidun ya bayar
daga nan suka amshi Ya Ja’afar d’in.
Kusan kamar gidan mahaukata haka wajen yake
amman ana basu kulawa da treatment mai ma’ana.

Suna dawowa washegari
ya fara da case d’in Baba shima wanda tun ranar da ya dawo yaje ya ganshi a gidan Kaka don tun dawowarshi a wajen Baba talatu yake.

To anan ma an kashe kud’i wajen bincike da ragowar abubuwa, duk kuma tare
ake zuwa da Jalila wadda babu abunda tafi sakawa ido irin aljihun Junaidun
dan haka tana dawowa gida take sayarwa da Umma Jarida! Nan kuwa suka maidashi atm….
Tun abun yana burge Anty Zainab har yazo ya fara bata tsoro saboda yadda Junaidu yake wasa da kud’i
ya kamata a bincikesa.

Ita kuwa Umma ba abunda ya dameta, da Anty Zainab tayi mata maganar ma cewa tayi
“Kar su yi mishi magana
yayi tunanin zarginshi suke yi ya rage basu kud’in”
Tun daga nan Anty Zainab taja bakinta tayi shiru bata k’ara magana ba.

Su Umma duniya ta dawo sabuwa! Hatta shinkafa basmati ake ci a gidan
Kaji kuwa ba a magana..
Wani zubin ma da daddare sai dai a siyo tsire ko pizza da fresh milk aci a kwanta.

Har gidan su Kaka da Abba Madu junaidu bai bari ba
alkhairi na yau daban na gobe daban…

Tabbas zama da Sadiya sai mutum mai d’ankaren hak’uri!
Dan wannan duniya da jin dad’in da ta samu
sai ta mayar da Anty Zainab kamar wata bola!
Idan an kawo kaji sam ba zata bari ta tab’a ba ma, ita da kanta za ta gyara ta soya su d’ibar mata dan wulak’anci a nata kason kai da k’afa suke fitowa, sam basa la’akari da ‘shi Junaidun nephew d’inta ne itama’
Idan ya zo fita suka ce suna buk’atar kud’i har da na Anty Zainab yake ajjiyewa amman sai su hanata!
Abubuwa kala kala haka ta dinga fuskanta wanda daman ance ba a gane asalin halin mutum sai an zauna tare ko an yi yunwa…
Gashi wani abun mamaki
sam Umma tak’i yarda su koma wajen malaminsu tare!
Kullum sai sun bari ta fita aiki sai su je ita da Jalila, idan ta dawo sai ta tarar sun je sun karb’o mata sak’o. Gashi kullum ita ke bada kud’i su basa bada ko sisi
wannan watan tun kafin wata ya zo k’arshe an bita bashi
ba dan Khadija da Yayarta sun aiko mata kud’i ba to da bata san ta ya zata dinga zuwa aikin ba ma.

Haka kurum yau taji bata yarda da bayanin su Umma ba dan agaskiya so take a san yanda za ai ta koma gidanta!
Shiyasa tana tashi a aiki ta wuce wajen mutumin da kanta.

Hankalinta ba k’aramin tashi yayi ba da taji bayanin mutumin….tabbas ashe shiyasa ko waya idan tace su kira a gabanta sai suce an sace wayar mutumin bashi da waya yanzu.
Jiki ba kwari haka ta yi mishi sallama dan ita kasa ma yi mishi bayanin komai tayi
ta mik’e kawai ta tafi......

A tsakar gida ta samesu
Suna gashin zabi akan abun gashi, gaba d’aya gidan ya d’au k’amshi.

A hankali ta k’arasa ta zauna a kan tabarmar da suka shimfid’e a tsakar gidan ta kalli Jalila ta ce
“Auta dan Allah d’an kawo min ruwan sanyi a fridge d’in Junaidu in akwai”

Ba tare da ta kalletaba tana chattn a wayarta tana nan kwance akan tabarmar bata motsa ba tace
“Babu!”

Ajiyar zuciya Anty Zainab ta sauk’e kafin tace
“Je ki duba”
Ta yi maganar cikin d’an tsare gida.

Banza Jalilan tayi da ita.

“Hmmm”
Umma wadda take zaune akan kujerar tsugunno a gabn abun gashin tace sannan ta juya ta kalli Jalilan tace
“Auta dan Allah je ki duba mata mana.”

Tsaki tayi ta ajjiye wayar sannan ta mik’e ta wuce d’akin.

Tana wucewa Umman ta juya ta ci gaba da abunda take yi, ba tare da ta kalli Anty Zainab d’inba tace
“Zainab y’ay’an yanzu fa sai hak’uri, in ba da Allah ka had’a su ba ba zuwar maka aike suke yi ba.”

Murmushin takaici Anty Zainab tayi kafin tace “Y’ay’an da aka b’ata dai!
Y’ay’an da son zuciyar iyayensu take kaisu ga halaka”

A zabure da mamaki Umma ta juyo tana kallonta sai kuma ta kwashe da dariya ta rangad’a gud’a! Kafin ta ajjiye brush da man hannunta ta juyo gaba d’ayanta ta gyara zamanta
ido cikin ido ta kalli Anty Zainab d’in kafin tace
“Kin san Allah! Bar ganin wai kin san cikina na san naki
Bar ganin mun yi Abotar sama da shekaru talatin da ke!
Billahil Azim kin ji rantsuwar y’ar musulmi ko?
Yanzun nan zan murzawa idanuna toka in gurza miki rashin mutunci,
har makofta sai an jiyomu.”
Ta k’arashe maganar tana d’aga murya.

Cikin tsananin b’acin rai Anty Zainab tace
“Murzawa ido toka kuma na nawa Sadiya?
Banda tsantsar son zuciya da son kai da rashin sanin ya kamata mai kuka sani?”

This time around mik’ewa tsaye Umma tayi cikin kad’a hannuwa tana gyara d’aurin zaninta tace
“Oya oya Zainba shiga d’aki yanzun nan ki d’auko kayanki ki yi waje! Tun kafin mu kasa sheda juna ni da ke.”

Dai dai nan Jalila ta k’araso wajen da gorar ruwan sanyi a hannunta, ba tare da ta san
dalilin hayaniyar da ta tarar ta d’an fara tasowa ba tace
“Ko baki ji abunda aka ce miki ba ne?
‘Out’ ta ce!!!!”

Anty Zainab d’in
bata kulata ba dan ba saar yin ta bace ba, ta kalli Umman tace
“Ko baki koreni ba Sadiya na gama zama da ke, dan ba zan
tab’a zama kina yi min zagon k’asa ba, amman kafin In tafi ina so ki san na san abunda kukayi ke da y’arki..
Yau naje wajen Malan yanzu haka ma daga chan na ke”
Bata damu da yadda maganar tata ta girgiza su ba taci gaba da magana
“Sadiya da kika san ba zaki bari ayi min abunda nace ba ai
da kin fito kin fad’amin na chanza shek’a, tunda
na san dalilinki na hana ayi aiki na
saboda kina gani ata dalilin aikin Jalila ne na samu matsala so kar azo a gyara nawa azo ita kuma Jalila ta rasa Arshaad ko? Haka ne ko ba haka ba?
Haba Sadiya!! Wacce irin zuciya ce da ce?
Wacece Ummul aba’isin fad’awata wannan matsalar tsofai tsofai da ni?
Ko kina tunanin ban san abunda nake yi ba?
Sarai fa na fahimci komai
kuma duk dan kar ku ji ba dad’i shiyasa na ja bakina na yi shiru.
Abun naki ma ni sai na ga kamar har da mugunta
saboda a ganina
Idan kin ce nace na hak’ura da Baban su Khadija bana son komawa gidansa a bar aikin
mene kuma
zaki d’aura da cewa
ayi abunda ba zan koma ba?
Haka muka yi da ke?
Haka alk’awari ya ce Sadiya saboda Allah?”
Anty Zainab ta k’arashe maganar tata tana fashewa da kuka
saboda wani takaici da dana sanin biyewa Sadiya da ta dinga yi tun Yarinta
da ya lullub’eta lokaci d’aya…..

Da kyar ta samu ta lallashi kanta ta share hawayenta sannan ta d’ago ta kallesu!
Su na nan a tsaye sun yi cirko cirko tace
“Bari ku ji in gaya muku..
Wutsiyar rak’umi ta yi nesa da k’asa! Ba na duba bana buga k’asa dan bin malaman ma ke kika saka ni
amman wallahi tallahi ku rubuta ku ajjiye in dai Arshaad kuke jira ya dawo ya auri Jalila to kuwa zata k’are ne a haka har abada babu Miji!
Ku d’auki maganata as curse a matsayina na k’anwar Mahaifinta, bi’ma’ana baki ne na yi mata….”

Wani wawan tsalle Umma tayi ta dira kan Anty Zainab ta shak’o wuyanta wanda sai da ta kaita k’asa
Ba su yi wata wata ba suka rufeta da duka ita da Jalila….

Tun Anty Zainab tun tana daurewa har ta ware murya ta hau zunduma ihun neman agaji….

Da kyar mak’ofta suka kwaceta a hannunsu bayan sun shishshigo..
Still inbanda zage zage da tujara ba abunda Umma da Jalila suke zubawa.
Wata mata ce tace mata
“Ta zo su wuce ta kaita wajen Talatu ta d’an kimtsa daga nan sai ta wuce gidanta
saboda gaba d’aya jikinta sun yi mata jjina jina.”

Ba wanda ya iya tanka musu dan an san halinsu,
haka nan matar ta kama Anty Zainab wadda take tafiya da kyar ta jata sukai waje
Mutane ma aka fara watsewa.

Wani tsohone ya kasa hak’ura ya juyo ya kalli Umma
yace
“K’anwar Mijinki ce fa!
Kuma k’awarki tun kuna Yara saboda Allah idan ke kin daketa ai bai kamata ki bar y’arki ta d’aura ko da yatsa a jikinta ba.
Wannan rashin sanin ya kamata har Ina?
Ki bi duniya a sannu fa, Sadiya.”

Yunk’urowa ta yi zata yiwa tsohon rashin mutunci
wasu samari biyu da suma basu kai ga fitaba suka yo kansu d’ayan ya ce
“Kun san Allah In rashin d’a’a ne mu har certificate muke bayarwa!
In kuma kanku na hayak’i to ku tanka mu gani”

Shiruuu, suka yi
ba wadda tace uffan.

Girgiza kai kawai tsohon yayi ya juya ya fita.

“K’ananan marasa kunya kawai”
Samarin suka ce kafin su juya su fita, daga nan aka watse aka barsu su biyu suna huci.

Su Baaba Talatu suna tsakar gidansu na ciki wajen d’akinta a kan darduma gaba d’ayansu
hankalinsu a mugun tashe dan yanzun nan aka shigo da results d’in tests d’in da aka yi wa Baba!
Suna a haka
aka shigo da Anty Zainab.
Da sauri Ya Jamilu ya mik’e ya k’arasa kusa da matar yana tanbayarta “lafiya?”
Dan su da farko ma basu gane Anty Zainba d’in ba
saboda gaba d’aya fuskarta jini ne.

Tiryan tiryan matar ta koro musu bayani tun daga kan ihunta da ta jiyo da yanda idanuwanta suka gane mata Sadiya da Jalila a kanta suna jibgar ta.

A hankali Shuwa ta mik’e ta k’arasa ta kamo hannun Anty Zainab ta cewa matar “an gode”

Matar tana fita Baaba Talatu ta rarumi mayafinta!

Da sauri Kaka ya mik’e yace
“ina za ki je”

Fashewa ta yi da kuka cikin kukan tace
“Kar ka hanani.
Na rok’eka da girman Allah kar ka hanani ci ma Sadiya yau!
Duk abubuwan da take yi bana magana yau kam ta kaini bango wallahi.”

Kallonta kawai Kaka yake yi kafin cikin b’acin rai yace
“Laifin waye Zainab taje gidanta ta zauna?”
Ta bud’e baki kenan zata yi magana ya d’aga mata hannu yace
“Dan Allah ki barmu mu ji da Usman yanzu!
Shuwa ku wuce ciki ki taimaka mata ta gyara jikinta
ku kyale Sadiya kawai!
Kuna ganin halin da Mijinta yake ciki ai amman wani lokacin sai ta yi kwana biyu ma bata lek’o shi ba!
Ku zuba mata ido ita da y’arta zan samu lokacinsu kwanan nan.”

A hankali Shuwa ta jaa Anty Zainab suka shiga ciki
Baaba Talatu ma tabi bayansu tana sharar kwalla.
Kaka kuma da Ya Jamilu suka koma inda Baba yake zaune yanata faman zubar da hawaye.

Sai da aka had’a da allurai da magungunan bacci tukunna Anty Zainab ta samu ta iya runtsawa a ranar.
Washegari kuwa sai da Shuwa ta yiwa su Khadija da gaske tukunna suka hak’ura amman da cewa suka yi sai sun je sun samu Sadiya da Jalila sai dai a tashi gidan wallahi!
Daman chan ita Khadija basa shiri da Jalila kwata kwata.

Da yamma bayan su Khadija sun wuce, Mama da Shuwa suna zaune suna kallo Baaba Talatu ta shigo. Yanayin ta kad’ai yasa Shuwa ta fahimci abunda ya kawota a hankali ta lumshe idanuwanta ta bud’e sai kuma kawai ta mik’e ta bar wajen.

A hankali Baaba Talatu ta k’arasa inda Mama take ta zauna sannan ta amsa gaisuwar da Maman take yi mata da fara’a, sai da
suka gama gaisawa tukunna ta mik’a mata takardun hannunta da ta shigo da su.

Kallonta Maman tayi kafin ta kalli takardun sai kuma tasa hannu ta karb’a ta fara karantawa.....

Tabbas ta sha wahala a hannun Baba
amman ba k’aramin tausayinsa ta ji ba. A hankali tace
“Allah sarki Ya Usman” wasu hawaye suna zubo mata.

Hannayen ta duka biyu Baaba Talatu ta kamo
kafin tace
“Dan Allah dan Annabi Maryam Ina neman alfarma a wajenki…
Usman bashi da lafiya
dududu sauran mishi bai kai shekara ba!
Ya nemi a maida aurenku
dan yanaso ya mace a matsayin Mijinki..
Na san Usman bai kyauta miki ba!
Na’am ya yi laifi
amman a halin yanzu bashi da maraba da babu.
D’an lokacine wanda ba zai ma kai shekara ba
kawai za ku yi tare.
Dan Allah Maryam.”

Kasa magana Mama tayi
Sai da Baaba Talatu ta sake cewa
“Maryam”
Tukunna ta juyo a hankali tace
“Baaba dan Allah dan Annabi kar ki rok’eki abunda ba zan iya ba!
Ki yi hak’uri amman a gaskiya wannan alfarmar taki ta yi tsauri da yawa.”

Bayan kwana biyu,
Baaba Talatu ta sake dawowa.
Sun dad’e suna magana da Mama…

Haka kurum kamar almara Mama ta samu su Madu tace “ta amince da auren Baba!
Tunda ya rok’i yana neman alfarmar ya mace a matsayin Mijinta to zata yi mishi hakan
a matsayinshi na wanda take kallo kamar d’an uwa”

Ba yadda ba su yi da ita ba amman fur!! Tace
“Ya Usman kamar d’an uwa yake a wajenta
dan haka zaata zauna da shi na shekara d’ayan ba komai.”

Ba dan sunso ba suka amince saboda sun riga sun yi alk’awarin ba za su sake tilastamata ko su sakata tayi abunda bata so ba.

Sai dare Shuwa taje ta sameta,
cikin son fahimtar da ita ta shiga yi mata nuni da yadda Abba yake ta faman zirya….

A hankali Mama ta yi murmushi kafin tace
“Hajiya ni fa dama na gama yanke shawarar ba zan koma gidan Abba ba”

Da mamamki Shuwa take kallonta.

A hankali ta sauk’e ajiyar zuciya kafin tace
“Jin ku kawai nake yi Hajiya,
amman yanzu tashi d’aya in na koma cewa za ai kamar Ina jira matarshi ta mutu ne.
Sanann ko bayaga hakama
na riga na gama deciding in dai ba Mahaifinsa bane ya amince da ni to ba zan tab’a komawa ba, ina so Mahaifinsa ya nema mishi aurena kamar yadda ko wanne uba yake yi wa d’ansa
sannan ya yi welcoming d’ina cikin zuri’arshi, ya karb’eni
a matsayin surukarshi kamar yadda ko wanne uban Miji yake yi wa matar d’ansa...
....na san hakan ba zata tab’a kasancewaba
ni kuma In ba hakan yayi ba to ba zan koma ba!
Kinga kuwa babu batun maida auren mu ni da Abba dan na san Mahaifinsa ba zai tab’a amincewa ba
sannan ba zai yi waennan abubuwan da nake kwad’ayin inga yayi min ba.

Shuwa za tayi magana Mama tayi saurin d’aura hannunta a kan bakinta
ta ce ‘dan Allah ta yi shiru, a bar maganar’
Saboda
ita kanta daurewa kawai take yi.